Post: #1
Title: خبر عاجل جدا
Author: اساسي
Date: 04-18-2012, 12:14 PM
ابرز عنوان في صحف الخرطوم اليومية لهذا اليوم الاربعاء 12-4-2012
حملات تفتيش لضبط الكورسات الصيفية غير القانونية
الخرطوم: عواطف عبد القادر
شرعت وزارة التربية والتعليم بولاية الخرطوم في إجراء حملات تفتيشية لضبط الجهات التي تقوم بتنظيم كورسات صيفية دون علم الوزارة وإيقافها، وكشف مدير إدارة النشاط الطلابي وعضو اللجنة العليا لبرنامج العمل الصيفي بوزارة التربية والتعليم بولاية الخرطوم محمد المصطفى دياب في تصريحات صحفية أمس، عن إلزام إدارات المدارس التي تنظم كورسات صيفية بمرحلتي الأساس والثانوي بعدم تجاوز رسوم الكورس لمرحلة الأساس «150» جنيهاً، على ألا يتجاوز كورس الثانوي «250» جنيهاً. وشدد دياب على عدم تدريس المقررات الجديدة خلال الكورسات الصيفية.
لم اجد ابلغ من مقولة احدهم عندما قرأت الخبر " احييي يا الري "
يعني لو الحكومة دي مستشارتها للشئون السياسية والعسكرية ماري انطوانيت هيم سيلف ما بنتوقع منها ما يحدث الان
|
Post: #2
Title: Re: خبر عاجل جدا
Author: البشير دفع الله
Date: 04-18-2012, 12:32 PM
Parent: #1
Quote: ابرز عنوان في صحف الخرطوم اليومية لهذا اليوم الاربعاء 12-4-2012
|
تحياتي يا السماني
وينك يا زول مختفي
وبعدين انت مستغرب مالك ؟
في شنو يعني ؟
ما يوم احتلال هجليج التلفزيون القومي كان ناقل مباراة في القدم وكان بقدم برامجو بصورة عادية جدا , حتى البرامج المعادة تم اعادتها وورد خبر العدوان زيو وزي أي خبر بخص سوريا ولا فلسطين في نشرة الأخبار , أهه المافي شنو زي ما بقول قيقراوي .
ما تعقدها وتحكها شديد ياخ
بمناسبة التعقيد وكدا التاريخ الفوق دا عاوز تعديل
|
Post: #3
Title: Re: خبر عاجل جدا
Author: اساسي
Date: 04-18-2012, 12:47 PM
Parent: #2
شكلي اتهورت بهذا العنوان الصارخ الواحد ما انتبه انه الجميع في حالة ترقب هذه الايام وتلهف للاخبار ,يعني في اللحظة دي مصداقيتي قاربت مصداقية هشام هباني هههه
اعتذار للجميع عن العنوان لكن من الغيظ مما يحدث فاعذرونا يا شباب
ـــــــــ
البشير كيف حالك
ياخ قول الخبر يومها كان جديد وطازة لكن الان الحكومة تقوم بتعبئة الشارع والعالم كله والكل في انتظار ما سيحدث , لكن ما هو حاصل امر غريب جدا
فعلا اخطأت في التاريخ لكن ما بعدلوا لانه المنبر بطئي وممل جدا وانا ما عندي صبر للتعديل
|
Post: #4
Title: Re: خبر عاجل جدا
Author: ناذر محمد الخليفة
Date: 04-18-2012, 01:00 PM
Parent: #2
اساسي ...
| Quote: ماري انطوانيت هيم سيلف |
هار سيلف يا أساسي هار سيلف .. ماري أنطوانيت دي ما في منها رجالي ..!
الموقع دخل مكتبة الكونجرس الأمريكي ما تفضحنا مع اليانكي ..!!
|
Post: #5
Title: Re: خبر عاجل جدا
Author: اساسي
Date: 04-18-2012, 02:03 PM
Parent: #4
ماشاء الله تبارك الله ماشاء الله عليك يا ناذر ماشاء الله اخوك قراية خلاوي سيدي البرعي رحمه الله عليه ماشاء الله لو بعرف جنس انجليزيك دا كان قطعت كباية ليمون باردة ماشاء الله وقعدت لبورد بكري بالانجليزي ماشاء الله
بعدين قيقا بيقولها كدا انا شن فرزني ليها
|
Post: #6
Title: Re: خبر عاجل جدا
Author: خالد عبد الله محمود
Date: 04-18-2012, 04:26 PM
Parent: #5
|
Post: #7
Title: Re: خبر عاجل جدا
Author: Abd Alla Elhabib
Date: 04-18-2012, 05:27 PM
Parent: #6
( هار سيلف يا أساسي هار سيلف .. ماري أنطوانيت دي ما في منها رجالي ..! )
---------------
آآآي فالح في جنس ده ..
قبل أربعة أيام لمّ فيك واحد شِفِت
خلاك ترجففف .. تعرق وتجـف
وتكرطع في الليمون البارد ..
ده كلّو بي التلفون بسسس..!
ذاكرتنا ٣٢ قيقا و 4x4 كمان
-------
لكن كمان يا أساسي بالغتا
ست الحناكيش لي حدهـن
تطلّعا جنس موسي أب شنب ?
|
Post: #8
Title: Re: خبر عاجل جدا
Author: ناذر محمد الخليفة
Date: 04-18-2012, 06:54 PM
Parent: #7
اساسي ..
Quote: ماشاء الله تبارك الله ماشاء الله عليك يا ناذر ماشاء الله اخوك قراية خلاوي سيدي البرعي رحمه الله عليه ماشاء الله لو بعرف جنس انجليزيك دا كان قطعت كباية ليمون باردة ماشاء الله وقعدت لبورد بكري بالانجليزي ماشاء الله
|
بالله الهوساوي داك طلع قريبك ههههه
عبد الله الحبيب يا حبيب ..
Quote: ---------------
آآآي فالح في جنس ده ..
قبل أربعة أيام لمّ فيك واحد شِفِت
خلاك ترجففف .. تعرق وتجـف
وتكرطع في الليمون البارد ..
ده كلّو بي التلفون بسسس..!
ذاكرتنا ٣٢ قيقا و 4x4 كمان
|
تعرف من المكالمة ديك يا دول إنتبهت إنو في ناس بتتجسس على ذنوبي ههههههههه
|
|