جيش الموتمر الوطني و الجيش الشعبي، الإتنين سكتوا عليها، ليه؟

باقي جيش المؤتمر الوطني و الدفاع الشعبي الفضل ، كانوا في متحرك (اخر جيبهم النفضوه نفض و عدموه ابو النوم)
ماشي يستعيد هجليج، لمو فيهو البقارة و كسروا الكنفوي(الطوف) بتاعو وشتتوه ليك شتات الدقيق في الشوك شالوا العربات والآسلحة
و مافي زول عارف السبب شنو ، لكن الارجح انهم عايزين يتسلحوا ليحموا انفسهم لأنهم فقدوا الثقة في المؤتمر الوطني
و جيش المؤتمر الوطني ... غايتو تلمها النفرة و تطاها البقارة.. عايرة و ادوها سوط

ازيك يا مواطن ...البركة فى الشوفة

وشكرا

اهلين يا معاوية، والف شكر

Quote: باقي جيش المؤتمر الوطني و الدفاع الشعبي الفضل ، كانوا في متحرك (اخر جيبهم النفضوه نفض و عدموه ابو النوم) ماشي يستعيد هجليج، لمو فيهو البقارة و كسروا الكنفوي(الطوف) بتاعو وشتتوه ليك شتات الدقيق في الشوك شالوا العربات والآسلحة

بالرغم من انو الموقف ما موقف ضحك.الا انه اضحكنى
ان جاز ان الخبر صحيح فهذه تعتبر من طرائف الحروب النادرة الحدوث ولا عزاء لعساكر السودان

بفة كيف,
مش كدى و بس, صديق لى من مجلد بيقول انهم قتلوا قائد الكتيبة التى هربت من هجليج و حتى اسمو بعرفو.

بقة

تحياتي

يا زول كلامك دا مليان، الخبر جابتو البي بي سي، فقط، ذكروا ان معركة دارت وانتهت وان الجيش
السوداني فقد ارضا اضافية، لكن من غير اي تفاصيل،

في اخبار الساعة 2:00 بتوقيت السعودية حاولوا الاتصال بكمال حامد، ولكن لم يكن هناك رد من طرف كمال حامد
وعزو الامر الى خلل فني، والموضوع بيني ما بينك ما ريحني ليك مع انو امر الخلل الفني دي عادي

في كسره حصلت، وين، وكيف، ما عندي فكرة، وناس البي بي سي عارفين، لكن دايرنها تجي من طرف سوداني