عيب يا تلفزيون ولاية الخرطوم

عرض زيارة زوجة وزير الدفاع لهم بوضعها ظرف مالي لهم دون السلام علي الكثيرين منهم 
عيب والله عرض هذه الصور في حق جرحي العمليات من ضباط وجنود القوات المسلحة 

هؤلاء الجرحي كانوا يؤدون واجبهم وواجب الوطن وليس رغبة في دنيا او مال ولكن حبا وكرامة للوطن
ومساعدتهم ليست عيبا ولا منقصة لهم بل واجب الجميع الوقوف والانحناءة احتراما لهم
ولكن عرض الصور ووضع المظروف بهذه الطريقة دون السؤال عن صحتهم فهو غير مقبول لا عرفا ولا اخلاقا

استغلال هكذا احداث لكسب سياسي او تلميع للسيدة زوجة وزير الدفاع غير مقبول علي الاطلاق
وتلفزيون ولاية الخرطوم عليه البحث عن المهنية دون تقليل من شأن الجرحي والمقاتلين

سلام يا العوض ..

Quote: زوجة وزير الدفاع

بغض النظر عما قدمته قناة النيل الازرق.. دي صفة غريبة جداً تقوم بيها للزيارة هل بإعتبارها زوجة وزير الدفاع.. فعلاً الحكومة اصبحت حكومة العدايل والنسايب او كما قرأت لاحدهم قبل قليل
اولاً تدخل زوجات الوزراء والمسئولين في السياسة مرفوض جملةً وتفصيلا لانه لا مكانة ولا وظيفة دستورية لهم ودي شغلة شلاقة ولقافة منها ساكت .. واثبتت انها حتى غير مؤهلة لذلك بما اتيت به انت بانه زيارتها اقتصرت على تسليمهم مظروفات مالية حتى دون السلام ..
وثانياً جرحي القوات المسلحة ومعاودتهم يُفترض ان يقوم بها وزير الدفاع ( الفاشل دا ) بنفسه خاصة وانه عاطل عن اي شغل ولا يستطيع القيام بمهماته واحتل منصبه بالعلاقات الاجتماعية مع الرئيس فليمارس اجتماعياته المنصبية ويترك ام الآولاد في بيتها ..



وشوف معاك هنا .. دا وزير دفاع وامير وولى عهد كان الله يرحمه وبكل تواضع بيقبل راس الجنود الدافعوا عن وطنه وشعبه .. ليت مسئولينا يتعلموا مرة واحدة في حياتهم ..

ود المسلمى

انا ما فاهمة الفلم شنو اشرح اكتر وجيب الموضوع من البداية

يا وضاحة صباحك خير
الموضوع انه من شلاقتي فتحت تلفزيون الخرطوم ساااااهي حب استطلاع لاغير
لقيت زولة تتبسم وتكبر ومعاها جيش من النساء ولم يكلف التلفزيون نفسه توضيح من هذه المرأة
وتمر علي الجرمي وهم يكبرون ويرفعون علامة النصر لتضع هذه السيدة ظرفا تخرجه من شنطتها عند كل سرير جريح
وتقف الي جنبها امرأة ترتدي زي عميد طبيب قوات مسلحة تتابع تحركها .
اها نشر الصور دي عيب ولا ما عيب يا وضاحة؟

عينو في البخت الظروف و يطعن في تلفزيون الولاية .. فتأمل!

لو ما التلفزيون منو الكان جاب خبر البتوزع في القروش ؟

Quote: يا وضاحة صباحك خير الموضوع انه من شلاقتي فتحت تلفزيون الخرطوم ساااااهي حب استطلاع لاغير لقيت زولة تتبسم وتكبر ومعاها جيش من النساء ولم يكلف التلفزيون نفسه توضيح من هذه المرأة وتمر علي الجرمي وهم يكبرون ويرفعون علامة النصر لتضع هذه السيدة ظرفا تخرجه من شنطتها عند كل سرير جريح وتقف الي جنبها امرأة ترتدي زي عميد طبيب قوات مسلحة تتابع تحركها . اها نشر الصور دي عيب ولا ما عيب يا وضاحة؟

امانة ما اتلومت عيب السجم يا اخوى

انت يا ود المسلمي

الرجال الحصل عليهم شنو فى السودان ؟؟؟؟

هسي دا شغل نسوان ولا رجال

وراجلها مالوا محنن ما كان يقوم بالفلم دا مدام عاوزين الظهور

العاوز يعمل خير بيعلنوا ..؟؟

وبعدين الفلوس دى جبتها من وين شغالة ولا من مال الشعب؟؟؟


أأأأأأأأأأأأأأأأأأأأأأأأأأه يا بلد ياخى

وزير دفاعك دلاها

يا وضاحة الرجال يسدوا عين الشمس بس الموضة الايام زوجة فلان ومرة هناي واليدة رقم كم كده كمان بقت بالارقام :)
اها انتي يا حاقدة وحاسدة عايزة زوجة وزير الدفاع شخصيا ما تظهر ؟:)

يا حيدر يا صاحب حبابك
قلنا نزيد الوطنية شوية ففتحت تلفزيون ولاية الخرطوم لاصطدم بهذه الصور والتي استمرت لاكثر من 10 دقائق
كانت كفيلة باستفزازي ورفع ضغط صباحي . وكل الموضوع ما راكب عدله

شيخ العوض سلام


شىء مقزز فعلا

وفى الوقت الذى تحتاج فيه الانقاذ للشعب

فمثل هذه التصرفات تنفر الناس

كان الاولى بهذه السيده اهداءهم باقة ورد
واذا كان هنالك شىء اخر فبعيدا عن الكاميرا

السيدة حرم وزير الدفاع دي عندها منظمة خيرية ادتا القروش ولا ختة من نسوان الجيران
ولا يمكن فتحت الخزنة بتاعة وزير الدفاع وشالت البتقدر عليهو وجات توزع
الواحدة قاعدة ليها في فيلا مبنية كرشوة مقدمة من مقاول عمارات وزارة الداخلية المنهارة
وجاية كمان بلا خجلة وجايبة معاها كاميرات التلفزيون

السلام عليكم أخى العوض.

أنا ما شفت اللقطة فى التلفزيون..لكن ممكن ما تسلم عليهم بس عدم المصافحة وهذا تبرير ومن حقها أما إذا كانت عاملاها ترفع ففعلاً دى مشكلة.

نقل صورة وهى بتسلم ظرف فى السودان مافيها مشكلة وياريت الناس المشو ديل كلهم عملوا كده..الناس دى بتكون محتاجة للظرف ده أهم من جية الناس دى..خلونا من مجاملات الفقر دى..زول يقول ليك باقة ورد وهدية رمزية..دى لناس مرتاحة لها معناها ولكن لناس ماقادرة تاكل ماليها معنى.

تحياتى يا أخى العوض...وخلى التلفزيون يجيب كم لقطة كده عشان الناس تعمل زى الزولة دى ويستفيدوا أهلنا المسكين ديل.

شيخ اسماعيل حبابك
عدم المصافحة ما عندنا فيه مشكلة ولكن هي لم تقترب حتي منهم ، واذا قلنا المصافحة ممنوعة فكيف بزيارتهم والتبسم قدام الاجانب ؟
الموضوع لا اظن له علاقة بالدين والمصافحة ،،
وما قلنا شئ يزوروهم ويدوهم وهذا واجب علي الدولة والناس جميعا ولكن ما بالطريقة دي يا شيخنا ،

يا هندسة ايا كان مصدر القروش دي فاحترام ادمية الجرحي تتطلب ستر حالهم لا كشفها

نعم يا بشير لو كانت هناك مساعدة فلتكن للاسر وخلف الكميرات وليس كما حدث اما اعيننا

Quote: الموضوع انه من شلاقتي فتحت تلفزيون الخرطوم ساااااهي حب استطلاع لاغير

هههههههههههههه براك جبتو لنفسك
ياخ القناة دي وزراء حكومة ولاية الخرطوم كلهم ما بيشوفوها
تدخل مكتب الوالي او اي وزارة تلقاهم فاتحين القنوات الاخبارية العالمية
مافي زول عارف قناة الخرطوم دي بتهبب في شنو
قال فضائية قال

الشلاقة يا عبود :)

هل المساهمة للجرحى مساهمة شخصية من حر مالها و مال زوجها، ام من المال العام؟

عيب شديد طبعاً ان يتم الأمر بهذه الكيفية.

وأعزو الأمر غالباً إلى قلّة خبرة السيدة المصون بالبروتوكول وعدم قدرتها على التصرف.


لماذا لم يقم السيد وزير الدفاع بنفسه بزيارة جرحاه ؟ هل هو مشغول إلى هذه الدرجة ؟ لو كان فعلاً مشغولاً هكذا لما سقط شبر واحد من أراضي السودان في كل الجبهات.



استهتار هذه الحكومة بمواطنيها فاق كل حد . ولا اعتقد أنها ستبقى كثيراً

نعم يا هاني فكل ما ذكرت هو ما كان يجب ان يكون ولكن ماذا نقول في بلد تاتي كل يوم بما هو عجيب وغريب

غايتو يا ود المسلمي القصة دي جاطت جوطة عجيبة خلاص

والله ما تقدر تفرز موية الليلة من موية أمس

متين نشوف صافيها يا أخي ؟؟

بحيراوي

غايتو جنس غايتو!!

يا ودالصايم غايتو الساهلة دي ؟
يا شاب الموقف كان مستفز ويشهد الله طلعت من بيتي زعلان

Quote: السلام عليكم أخى العوض. أنا ما شفت اللقطة فى التلفزيون..لكن ممكن ما تسلم عليهم بس عدم المصافحة وهذا تبرير ومن حقها أما إذا كانت عاملاها ترفع ففعلاً دى مشكلة. نقل صورة وهى بتسلم ظرف فى السودان مافيها مشكلة وياريت الناس المشو ديل كلهم عملوا كده..الناس دى بتكون محتاجة للظرف ده أهم من جية الناس دى..خلونا من مجاملات الفقر دى..زول يقول ليك باقة ورد وهدية رمزية..دى لناس مرتاحة لها معناها ولكن لناس ماقادرة تاكل ماليها معنى. تحياتى يا أخى العوض...وخلى التلفزيون يجيب كم لقطة كده عشان الناس تعمل زى الزولة دى ويستفيدوا أهلنا المسكين ديل.

رجل تصدق فأخفى حتى لا تعلم شماله ما فعلت يمينه ـ
هذا هو المبدأ أخي الحبيب سمعة ـ
لكن معقول صدقة يتبعها جيش من المصورين

الحبيب ود المسلمي ـ سلامات

Quote: السيدة حرم وزير الدفاع دي عندها منظمة خيرية ادتا القروش ولا ختة من نسوان الجيرانولا يمكن فتحت الخزنة بتاعة وزير الدفاع وشالت البتقدر عليهو وجات توزع الواحدة قاعدة ليها في فيلا مبنية كرشوة مقدمة من مقاول عمارات وزارة الداخلية المنهارة وجاية كمان بلا خجلة وجايبة معاها كاميرات التلفزيون

تحياتي أخوي العوض زول النصيحة
حقيقة الموضوع لابس تلفزيون ولاية الخرطوم ( مهنيا ) , وان كان زي ما تفضل أحد الأخوة أعلاه , غياب الخبرة ( عن حرم الوزير ) ومعرفة بروتوكولات مثل هذه الزيارات ووجوب تحية المصابين والجرحى والحديث معهمومجاملتهم وتشجيعهم والخ ... وكمان توجيه حديث آخر ومباشر ( عبر الكاميرا ) للناس عموم للتعريف بالوفد ( صفة الزوار والغرض من الزيارة والخ ... ) .

لأنو بالصورة التم بيها الحدث بفتح باب كبير للتأويل المشروع , ديل منو ؟ وصفتهم شنو ؟ والهداياأو القروش القدموها جابوها من وين ؟ والخ ...
والشعب السوداني حساس بالذات فيا يتعلق بالقروش والذي منو .

سلام يا مسلمي


الصورة التي شاهدت تخصك في تقييمها. فنحن بكل هذه الاحزان
والالام, والبهتان الذي عهدنا من هؤلاء. نعتبر ماشاهدته. حجة وعدة
للتخلص وركل هذا النظام.حتي لايصبح النازح كالمفيم, والمقيم كالمسافر.

مرحب الفاضل يس
يا عزيزي كل مشهد هذه الايام يهزك لضعف اخراجه وفي راي ان كل الامور يمكن معالجتها الا امر الجريح من اجل هذا الوطن فهو الاوجب بالرعاية والاحترام والاعزاز
وما رائته استفزني ولهذا كتبت لتشاركوني الراي ومشكورين لحضوركم اخي الفاضل يس ونقاشك

حباب البشير دفع الله
وتاكيدا لحديثك فتحت هذا البوست لان ما شاهدته ابعد من مجرد مساعدة لجرحي عمليات

محمد علي البصير حبابك واهلا بيك

اخي بحيراوي اتلخبطت الكيمان وجاطت الامور ولو تابعنا ما يحدث في الواقع وايقنا ان هذا ما صرنا اليه لموتنا احباطا ولكن نسال الله ان تكون عثرة لتصلح لنا باقي ايامنا

لا احد يجيب علي سؤالك يا عبدالله بدقة

صدقوني انتو ما عندكم راس
الوداكم تلفزيون السودان شنو

ديني وايماني انا شلت التردد البجيب قناة السودان والدفعة المعاها من يوم شفت الطسيب مصطفى في لقاء
وشوية شوية قفلت قناة امدرمان من يوم شفت حسين خوجلي وهو يعلن ابو الرطانة في الودان
وقفلت قناة الشروق بعد موت الغنان العملاق وردي واللقاء مع حسناء الشاشة سلمى والاستاذ الجميل الحلنقي
واسع واقف فقط في قناة النيل الازرق وفي الحتة بتاعت العرسان والحفلات وبعد داك بقبل على القنوات الاخرى الغير سودانية

صدقت يا زمراوي والاعجب انها قناة محلية تختص بولاية الخرطوم قلنا نشوف شوية
وخلاص التووووووووبة :)

Quote: رجل تصدق فأخفى حتى لا تعلم شماله ما فعلت يمينه ـ هذا هو المبدأ أخي الحبيب سمعة ـ لكن معقول صدقة يتبعها جيش من المصورين الحبيب ود المسلمي ـ سلامات

ألأخ/محمد على البصير...السلام عليكم.

هذا مبدأ من يا أخى؟؟

ألأسلام شرع الصدقة فى السر والعلانية وفى مثل هذه الحالة أفضل العلانية ليشجع ألأخرين على الصدقة ليستفيد المتصدق عليه .يا أخى الدين ده رحمة وأبوبه كثيرة ... وإنما ألأعمال بالنيات...ألأمر متروك للمتصدق إذا كان ليس هناك من ولا أذى فأن الله يعلم مافى القلوب.

دعوا الخلق للخالق فأنه أعلم بهم.
تقديرى وإحترامى للجميع.

Quote: ألأخ/محمد على البصير...السلام عليكم. هذا مبدأ من يا أخى؟؟ ألأسلام شرع الصدقة فى السر والعلانية وفى مثل هذه الحالة أفضل العلانية ليشجع ألأخرين على الصدقة ليستفيد المتصدق عليه .يا أخى الدين ده رحمة وأبوبه كثيرة ... وإنما ألأعمال بالنيات...ألأمر متروك للمتصدق إذا كان ليس هناك من ولا أذى فأن الله يعلم مافى القلوب. دعوا الخلق للخالق فأنه أعلم بهم. تقديرى وإحترامى للجميع.

الأخ إسماعيل ـ لك تحية الود والتقدير

هذا مبدأ السنة النبوية الشريفة ,الدليل قوله تعالى (يَا أَيُّهَا الَّذِينَ آمَنُوا لَا تُبْطِلُوا صَدَقَاتِكُمْ بِالْمَنِّ وَالْأَذَى كَالَّذِي يُنْفِقُ مَالَهُ رِئَاءَ النَّاسِ وَلَا يُؤْمِنُ بِاللَّهِ وَالْيَوْمِ الْآخِرِ) والإشهار من المن والأذى ـ
ومن السنة كما سلفت (رجل تصدق .....)

أخي أسماعيل أجمع جمهور العلماء على أن أخفاء الصدقة أفضل من الجهر بها ـ

ولو لديك دليل خلاف ذلك ـ ليتك تمدنا به سواء من الكتاب أو السنة

Quote: عيب يا تلفزيون ولاية الخرطوم

وعيب عليك يا مسلمى ؟؟
القناة نقلت الحدث ،، المخطىء هنا زوجة زوير البلاوى
لعدم معرفتها وادراكها بالشكل البرتكولى الذى يجب ان تكون عليه
تعاملت مع المسالة (بدرزية ، قوازية ) شغل بتاع اهالى ساكت يعنى
واصلو الموضوع من الاساس اهالى فى اهالى يعنى اقصد كامل ادارة الدولة
فى مداخلة سابقه قلت يا مسلمى مصدر المال ليس بالاهمية ؟؟؟؟
يا زول منو القال ليك ؟؟؟ حتى ولو كان من تجارة الغات اليمنى برضو ؟؟؟
على المخرج اعادة مونتاج الحلقة من جديد حتى تظهر زوجة الخفير بشكل لائق .
وشكرا ،،،،

قاسم المهداوى

أخى البصير السلام عليكم.

أقرأ كلامى مرة أخرى وتفهمه جيدأ ..وألدليل فى فحوى كتابتك.

Quote: أخي أسماعيل أجمع جمهور العلماء على أن أخفاء الصدقة أفضل من الجهر بها ـ ولو لديك دليل خلاف ذلك ـ ليتك تمدنا به سواء من الكتاب أو السنة

معنى أن هناك صدقة فى الجهر...ولم أقل إنها أفضل من الخفية..ولكن هناك جهر بالصدقة لدفع همم الناس للتصدق وللصدقة أبواب كثيرة.

تحياتى

السيدة الاولي ولا التانية لوزير الدفاع


تحياتي

حيدر الزين


تلجتك سمحة

انشالله تضوي ليك

العيب وين
في احتلال هجليج ام
ظرف زوجة الوزير ام
في تلفزيون الولاية
-------
أو كما قيل
جاء رجل إلى عبد الله بن عمر - رضي الله عنهما -
، يقول: قتلت بعوضة في الحج، فماذا على من الدم،
قال ابن عمر له، من أين أنت، قال: من كربلاء، من أهل العراق،
قال: قتلتم الحسين بن علي، وجئت تسألني عن دم البعوضة،
ما أجرئكم على الكبيرة، وتسألون عن الصغيرة.

يشهد الله ما فهمت تقصد شنو يا السندة ؟
وضح عشان اقدر اتجاوب معاك
مع كامل الود

اهلا تسنيم
حرم وزير الدفاع لسه جديدة علي الظهور ولكن اظنها الاولي اذا كانت هناك تانية :)

قاسم مهداوي انا لم اتحدث عن مصدر المال حلال او حرام وانما اتحدث عن طريقة توزيع هذا المال لجرحي عمليات حربية
وعن مصدر المال يمكنك الاستفسار اما انا فلا اعلم ،،

سلامات يا عمدة

بدون غـــــايتو .. نحن تعودنا

حافظ على الضـــــغط ..