Post: #1 Title: تسريبات تتحدث عن إقالة عبد الرحيم Author: Ashraf el-Halabi Date: 04-17-2012, 02:06 PM Parent: #0
Post: #2 Title: Re: تسريبات تتحدث عن إقالة عبد الرحيم Author: Ashraf el-Halabi Date: 04-17-2012, 03:08 PM Parent: #1
Post: #3 Title: Re: تسريبات تتحدث عن إقالة عبد الرحيم Author: محمد البشرى الخضر Date: 04-17-2012, 03:47 PM Parent: #2
و الله يا حلبي يا خوي دي اصلو ما مفروض تكون تريبات دي مفروض تكون حقيقة لا جدال او اختلاف عليها بعد مرور اول تمانية و اربعين ساعة و لا زالت هجليج محتلة
Post: #4 Title: Re: تسريبات تتحدث عن إقالة عبد الرحيم Author: Balla Musa Date: 04-17-2012, 03:56 PM Parent: #3
يا أشرف وود البشرى سلام
لسان حال عبدالرحيم محمد حسين يقول لنا: (انا لوكنت مسؤول لكنت لوحت اﻹستقالة على وجوهكم)
Post: #7 Title: Re: تسريبات تتحدث عن إقالة عبد الرحيم Author: محمد إبراهيم علي Date: 04-17-2012, 04:32 PM Parent: #4
الصورة المسروقة من الفيس دي معبرة جدا عن اللمبي بتاعنا
Post: #5 Title: Re: تسريبات تتحدث عن إقالة عبد الرحيم Author: Ashraf el-Halabi Date: 04-17-2012, 04:09 PM Parent: #3
المشكلة يا بشرى قالوا عمك الملك لا يثق في أي شخص غير الزول دا وبالضبط يعادل عنده الوزير في الشطرنج، القطعة الاستراتيجية عشان كدا حتى لو شالو (بعد استراحة المحارب) حيجيبو ليكم في حتة كبيرة تانية (ترفيع وكدا)
Post: #6 Title: Re: تسريبات تتحدث عن إقالة عبد الرحيم Author: Ashraf el-Halabi Date: 04-17-2012, 04:15 PM Parent: #5
Quote: يقول لنا
من أنتم؟ :) مسئولية عمك دا يا دكتور تشهي المسئوليات، مسئولية خالية مساءلة
Post: #8 Title: Re: تسريبات تتحدث عن إقالة عبد الرحيم Author: Ahmed musa Date: 04-17-2012, 04:35 PM Parent: #6
المُحيرني الزول ده بلقى وكت للوزارة متين ؟؟؟ الصباح متابع المباني والمساء راكب مع الرئيس في كل زياراته الاجتماعية بكا عرس زيارة مريض الخ
اشرف مشتاقين والله
Post: #9 Title: Re: تسريبات تتحدث عن إقالة عبد الرحيم Author: محمد البشرى الخضر Date: 04-17-2012, 05:06 PM
صدقت يا بلة فعلا الزول دا ما اظنو شايف نفسو في موقع المسؤولية عن الهزائم الحاصلة دي
هي نان يا حلبي مالو؟ اليجيبو في حتة كبيرة بس اليختي لينا الجيش دا و كونو يكون مسؤول عن حماية حدودنا وامننا اليجيبو مستشار أو كبير مستشارية او ان شا الله يمسكو وزارة الرياضة اصلو كورة مافي في البلد وما حيسبب دمج اكتر من الحاصل بس اليختى الدفاع والخارجية والداخلية و التعليم و الصحة
Post: #10 Title: Re: تسريبات تتحدث عن إقالة عبد الرحيم Author: Ahmed musa Date: 04-17-2012, 05:54 PM Parent: #9
Quote: او ان شا الله يمسكو وزارة الرياضة ا
,والله دي اعظم فكرة !!!! اقله (يبني) المدينة الرياضية وكم مدينة رياضية دة في الولايات يسرح ويمرح
Post: #11 Title: Re: تسريبات تتحدث عن إقالة عبد الرحيم Author: Ashraf el-Halabi Date: 04-17-2012, 08:38 PM Parent: #10
"اللمبي السوداني" لمبي ههههه يا ود أبراهيم العمل الصورة دي مبدع
Post: #12 Title: Re: تسريبات تتحدث عن إقالة عبد الرحيم Author: Ashraf el-Halabi Date: 04-17-2012, 08:59 PM Parent: #11
Quote: المُحيرني الزول ده بلقى وكت للوزارة متين ؟؟؟ الصباح متابع المباني والمساء راكب مع الرئيس في كل زياراته الاجتماعية بكا عرس زيارة مريض الخ
بالعكس يا مولانا، الزول دا قايم بدوره كوزير مية المية الوزير لازم يباري العريس في أي حتة يمشيها.. لوووول
الشوق بحر يا ود موسى
Post: #13 Title: Re: تسريبات تتحدث عن إقالة عبد الرحيم Author: Ashraf el-Halabi Date: 04-17-2012, 09:17 PM Parent: #12
Quote: هي نان يا حلبي مالو؟ اليجيبو في حتة كبيرة بس اليختي لينا الجيش
طيب التسريبات الجديدة قالت الزول دا جايبنو رئيس لنادي الهلال أها، خم وصر
يا شباب أعفوا لي طبعاً لا في تسريبات لا شتين أنا بس حبيت أجرب حكاية الواحد يصحى ويجي البورد ينجر ليو نجرة ويقول يالا كذبوها لي وأحب أطمنكم إنو عب ريحيم دا آخر من ينحى مش جيش الجنوب لو احتل هجليج، لو وصل حلايب ذاتو ياخ دا الوزير شخصياً
Post: #14 Title: Re: تسريبات تتحدث عن إقالة عبد الرحيم Author: الزبير صالح الزبير Date: 04-17-2012, 09:58 PM Parent: #13
والله يا جماعة أنتو شايلين حال الراجل دة ساكت يعني شنو هجليج تسقط قدام شويه رجال عصابات ولا عمارة تسقط ما دة كله حايكون في ميزان حسناتكم ألستم بمؤمنين واليس المومن بمصاب ما عندكم شغله غير عبد الرحيم عمارته وقعت او عبد الرحيم كان نائم وباب الزريبة نساه فاتح قاموا شوية عصابات وحراميه دخلوا الحوش كسروا ليهم حبه منشآت بترولية هو منو العمل المنشآت دي مش الإنقاذ طيب للمشكله وين ما حايعملوا غيرها بس أنتو بلوا الصبر. الزول دة إقالته ليست بكفاية وحتي محاكمته عسكريا وإدانته والحكم علية بالإعدام لا يكفي ولا يشفي الغليل
Post: #15 Title: Re: تسريبات تتحدث عن إقالة عبد الرحيم Author: Ashraf el-Halabi Date: 04-18-2012, 04:58 AM Parent: #14
Quote: دة كله حايكون في ميزان حسناتكم
لكن ميزان حسناتنا دا فتر يا الزبير يشيل شنو ويخلي شنو
Post: #16 Title: Re: تسريبات تتحدث عن إقالة عبد الرحيم Author: محمد أبوالعزائم أبوالريش Date: 04-18-2012, 06:00 AM Parent: #15
Quote: بس اليختى الدفاع والخارجية والداخلية و التعليم و الصحة
ياخ يختانا بي وشو ..... مكتوب علينا هو؟
_____ بعدين إنتو فلاحتكم في الضُل .. ما شايفين الفيل؟
Post: #17 Title: Re: تسريبات تتحدث عن إقالة عبد الرحيم Author: Ashraf el-Halabi Date: 04-18-2012, 10:36 AM Parent: #16
Quote: بعدين إنتو فلاحتكم في الضُل .. ما شايفين الفيل؟
ما دا واحد من الفيلين! الغريبة اللتنين وضعهم (رخ ملك) أبو الريش يا عمك يقال إنو بورد الجماعة ديل محركنو الفيلين ديل، عمك دا والتاني بتاع الزراعة المسكوه مفتاح المشروع الكبير أها اللتنين ديل لغاية ما القيم ينتهي حيكونوا لافين في البورد
Post: #18 Title: Re: تسريبات تتحدث عن إقالة عبد الرحيم Author: البشير دفع الله Date: 04-18-2012, 10:55 AM Parent: #17
Quote: هي نان يا حلبي مالو؟ اليجيبو في حتة كبيرة بس اليختي لينا الجيش دا و كونو يكون مسؤول عن حماية حدودنا وامننا اليجيبو مستشار أو كبير مستشارية او ان شا الله يمسكو وزارة الرياضة اصلو كورة مافي في البلد وما حيسبب دمج اكتر من الحاصل بس اليختى الدفاع والخارجية والداخلية و التعليم و الصحة
تحياتي ياود البشرى ياخ ضحكت لمن قلت بس , في زمن الضحك زاتو بقينا نفتش ليهو فتيش . الزول دا شكلها قصتنا معاهو سيك سيك معلق فيك , والمشكلة ماسك ما يتعلق بأمن وسلامة المواطن مرة الداخلية ومرة الدفاع , والفشل التام في كل من . والمشكلةانو معاهو تقالة دم غير عادية , يعني كل الحصل من حركة خليل في مايو 2008 ولحدي احتلال هجليج وهو ولا عليهو , يعرض ويرقص ويكبر ولا في نائب ولا برلمان ولا رئيس قال ليهو تلت التلاته كم واللهم لا اعتراض . سعادة وزير الدفاع اذا لم تغال عليك أن تستقيل
اقوليك
الزول دا الا يشيلو قدر الله
واللهم لا اعتراض
Post: #19 Title: Re: تسريبات تتحدث عن إقالة عبد الرحيم Author: الزبير صالح الزبير Date: 04-18-2012, 11:02 AM Parent: #18
Quote:
لكن ميزان حسناتنا دا فتر يا الزبير يشيل شنو ويخلي شنو
ما كلوا ما زادت الشيله تضمنوا الجنه عديل في أحسن من كدة
Post: #20 Title: Re: تسريبات تتحدث عن إقالة عبد الرحيم Author: Ashraf el-Halabi Date: 04-19-2012, 10:47 AM Parent: #19
Quote: ما كلوا ما زادت الشيله تضمنوا الجنه عديل في أحسن من كدة
نضمنها تاني!! يا الزبير موضوع الجنة دا السودانيين انتهوا منه من زمن "احتسبوا" ديك
Post: #21 Title: Re: تسريبات تتحدث عن إقالة عبد الرحيم Author: Ashraf el-Halabi Date: 05-23-2012, 08:27 PM Parent: #20
