Post: #1 Title: دي آخرتها يا حوت!!!! Author: سيف النصر محي الدين Date: 04-17-2012, 03:51 AM
Post: #2 Title: Re: دي آخرتها يا حوت!!!! Author: سيف النصر محي الدين Date: 04-17-2012, 03:53 AM Parent: #1
يختوك مكان قيقيم و شنان و زعيط و معيط من المتهجمين على فن الغناء!
Post: #3 Title: Re: دي آخرتها يا حوت!!!! Author: سيف النصر محي الدين Date: 04-17-2012, 03:54 AM Parent: #2
و بعدين اتذكروك هسه ليه.. يعني بستغلوك عشان يرفعوا شعبيتهم الوصلت الحضيض؟
Post: #4 Title: Re: دي آخرتها يا حوت!!!! Author: سيف النصر محي الدين Date: 04-17-2012, 03:56 AM Parent: #3
بعدين نار شنو و ولعت بتاعت الساعة كم؟ خلاص الغنا كمل يعني و ما لقيت غير الاغنية المسهوكة دي؟
Post: #5 Title: Re: دي آخرتها يا حوت!!!! Author: سيف النصر محي الدين Date: 04-17-2012, 04:00 AM Parent: #4
غايتو و الحق يقال ، اديت الاغنية بعض البريق و لكن.. ياخي دي ارتبطت للناس باسوأ مراحل عمرهم و اكثر الذكريات فظاعة و سوداوية مالك علينا يا حوتة بالله!
Post: #6 Title: Re: دي آخرتها يا حوت!!!! Author: خالد العبيد Date: 04-17-2012, 05:19 AM Parent: #5
سلام يا سيف ومشتاقين الفيديو ملعوب فيه لعب تقيل لاحظ الدقيقة 1:03 مع الدقيقة: 1:18 وايضا القيقة : 2:50 مقارنو بالدقيقة: 3:39 المشاهد والمناظر مكررة! لتوحي للمشاهد ان حجم التعبئة كبير
Post: #7 Title: Re: دي آخرتها يا حوت!!!! Author: ناذر محمد الخليفة Date: 04-17-2012, 09:06 AM Parent: #6
دكتور سيف سلام ..
الأغنية دي قديمة جدا .. تم إصدارها في ألبوم بصوت محمود عبد العزيز في سنة 1998 تقريبا .. الألبوم اسمو (في بالي) وفيهو عدد من الأغنيات منها اغنية قالوا لي سرو ..
وتغنت قبل كدة في البوم من انتاج شركة شدياق للأنتاج الفني بصوت الأمين البنا تقريبا ودا كان سنة 1995
..
Post: #8 Title: Re: دي آخرتها يا حوت!!!! Author: ناذر محمد الخليفة Date: 04-17-2012, 09:08 AM Parent: #6
دكتور سيف سلام ..
الأغنية دي قديمة جدا .. تم إصدارها في ألبوم بصوت محمود عبد العزيز في سنة 1998 تقريبا .. الألبوم اسمو (في بالي) وفيهو عدد من الأغنيات منها اغنية قالوا لي سرو ..
وتغنت قبل كدة في البوم من انتاج شركة شدياق للأنتاج الفني بصوت الأمين البنا تقريبا ودا كان سنة 1995
..
Post: #9 Title: Re: دي آخرتها يا حوت!!!! Author: سيف النصر محي الدين Date: 04-17-2012, 01:58 PM Parent: #8
سلامات يا خالد
Quote: الفيديو ملعوب فيه لعب تقيل
هذا مما لا شك فيه و في الحقيقة ليس الفيديو وحده هو "الملعوب فيه" بل كل شي يا ود العبيد لم يسلم من اللعب فيه.
Post: #10 Title: Re: دي آخرتها يا حوت!!!! Author: سيف النصر محي الدين Date: 04-17-2012, 02:08 PM Parent: #9
Quote: الأغنية دي قديمة جدا .. تم إصدارها في ألبوم بصوت محمود عبد العزيز في سنة 1998 تقريبا .. الألبوم اسمو (في بالي) وفيهو عدد من الأغنيات منها اغنية قالوا لي سرو .
سلامات يا ناذر و شكرا على المعلومات لو لاحظت اليومين ديل يا ناذر التلفزيون بيذيع الأغنية دي بصوت محمود كذا مرة في اليوم. السؤال هو ليه بصوت محمود فقط؟ وين التسجيلات التانية بتاعت ناس قيقيم و شنان و زعيط و معيط؟ هل الجماعة ديل يعني ذوقهم الفني ارتقى و للا دي حركة مقصودة عشان يبدو بمظهر من يفتح صفحة جديدة و يتبرأ من تاريخو الأسود؟ و هل محمود حينفعهم أصلا؟
Post: #12 Title: Re: دي آخرتها يا حوت!!!! Author: أمجد الزين Date: 04-17-2012, 02:33 PM Parent: #10
سيف سلامات هسع الاغنية دى لو جا غناها لى قيقم فى غرفتى ما بقوم من سريرى عشان ابشر ليهو لكن بصوت الحوت ممكن يقنع ليهو كم نفر ودى اللعبة هنا
Post: #14 Title: Re: دي آخرتها يا حوت!!!! Author: Ahmed al Qurashi Date: 04-17-2012, 02:44 PM Parent: #10
تحياتي دكتور سيف الأغنية ليس لها علاقة بالانقاذ
المدفع الرزام كلمات الشاعر / عمر البنا غناء / الفنان احمد يوسف والفنان بادي محمد الطيب
المدفع الرزام طلقاتو من صدرك يا جبل الضرا المافى سيل حدرك النار ولعا واتوطا فوق جمرك ********** ألف بجيب شكرك يا حاتم زمانك يا السديد فكرك يا التلب اللزوم الشلت فوق دبرك يا أب دربا زلق كضب البشق وكرك ******* لزام التقيله والعاطله دراجه وروني العدو واقعدوا فراجه كان ما اشت شملهم واديهم الحاجه ما برجع تانى للزندو عاجه ******** الأسد المربعن حارس جبال برى نتراتو الفى بارا مسموعه في برى ما بعرف كلام الهشكى والهبرى وقت الصح يبين يا أم خد بجيك خبري ******** من عصرا كبير حس النحاس قحّ الفارس برز والخايف اتنح وقت الشوف بشوف اخوكى يا السمحه فرتاك الصفوف أقلّ من لمحه ******* يا فارس اللقا وعصار ضهور الخيل يا الحقيت كلام أم سر وست الجيل في يوم القتال سموك فشق الفيل لميت في الفرسان بهدلتهم بهديل ******** غربلت الفراسه وأخدت صافيها وان جاتنى الألوف غير شك بكفيها تعرفني أم خدود وأنا بعرف الفيها النار ولعت بى كفى بطفيها
Post: #11 Title: Re: دي آخرتها يا حوت!!!! Author: Ashraf el-Halabi Date: 04-17-2012, 02:17 PM Parent: #9
يا دكتور الشايل كيس مع الجربندية دا ما عتبة بن نافع رضي الخال عنه؟ :)
Post: #13 Title: Re: دي آخرتها يا حوت!!!! Author: سيف النصر محي الدين Date: 04-17-2012, 02:33 PM Parent: #11
Quote: الشايل كيس مع الجربندية دا ما عتبة بن نافع رضي الخال عنه؟
يا ابا الشوش لا اعرفه و لعل القول ما قلت. دعني اسأل القوم عندما القاهم بدار الندوة فلديهم الخبر اليقين . اختلط علينا أمر الصابئة يا رجل.
Post: #15 Title: Re: دي آخرتها يا حوت!!!! Author: النذير حجازي Date: 04-19-2012, 03:28 AM Parent: #13
سلام يا د. سيف
زي ما قال ناذر، الأغنية دي قديمة وما مقصود بيها التعبئة العامة للكيزان، وحتى صوره الآخيرة مع عمر البشير في الغالب الأعم تحت التهديد
يا سيف لمن ساحات الفداء كانوا بغنوا: ما يلا نفارق الحلة --- نجاهد في سبيل الله
كان رد محمود عليهم:
الحنين البي ليه ما قدروه --- العمر من وين يشتروه
(للأمانة الفكرية المعلومة دي استقيتها من حاتم الياس)
تحياتي
Post: #16 Title: Re: دي آخرتها يا حوت!!!! Author: ismeil abbas Date: 04-19-2012, 08:27 AM Parent: #15
د/سيف السلام عليكم.
Quote: هل الجماعة ديل يعني ذوقهم الفني ارتقى و للا دي حركة مقصودة عشان يبدو بمظهر من يفتح صفحة جديدة و يتبرأ من تاريخو الأسود؟ و هل محمود حينفعهم أصلا؟
نعم محمود بينفعهم..محمود يستطيع ان يجذب شريحة كبيرة معه من معجبيه ليلتفوا حولمهم..فى ناس بحبوا محمود لدرجة العمى وبقودهم لما هو يحب.
سياسة على ثقيل.
فائدة من البوست دخول السيد أحمد القرشى وضع ألأغنية كاملة ومعلومات عنها.تشكر يا سعادة..تحياتى للجميع.
Post: #17 Title: Re: دي آخرتها يا حوت!!!! Author: جمال السنوسي Date: 04-19-2012, 10:16 AM Parent: #16
يا د. سيف
هاك دي
لقيتني كيف ؟
Post: #18 Title: Re: دي آخرتها يا حوت!!!! Author: جمال السنوسي Date: 04-19-2012, 11:40 AM Parent: #17
