خرج من منبر بكري و لم يعد أوصافه كالآتي: دايما بكاكي و لابس الكاكي !!

خرج من منبر بكري (و معظم المنابر الأسفيرية) و لم يعد حتي الآن ... من يعثر عليه الرجاء ربطه الي أقرب شجرة هجليج و الإتصال بكاودا ..... أوصافه كالآتي:

- يلبس كاكي نضيف مزين بعلامات عسكرية ذهبية و نياشين و بطاقة كبيرة علي صدره تقول: كتيبة الجهاد الإلكتروني. .. في جيوبه الخلفية و الامامية تذاكر سفر علي خطوط شركة " المخارجة" و جوازات سفر ماليزية و تركية و إماراتية.
- أحيانا يهضرب مغالطا نفسه و يمكن سمع بعض كلماته: و الصوارمي لسه متقدم .. و متقدم ... و شاقّي الدفاعات و متقدم .. هي يا جماعة كلّموا الصوارمي ده إنو متجه علي مرمانا !!
- يحمل خليطا من الأسماء و الألقاب مثل: علاء الدين يوسف علي محمد , الشفيع عبدالرحمن ورّاق , ود الباوقة , محمد فرح , فدوي الشريف , بدرالدين إسحق , وليد قسم السيد (وليد 500) , دكتورة نجاة , دكتور بشير أحمد , عصام دهب , أسماء أخري .
- عند تجريده من الكيبورد .. وديع كالحمل ...
- هذه الأيام يجأر بالشكوي من تخاذل النظام الذي سكب فيه كل خصال الدهنسة و التملق و ناقم بصورة أخص علي أبوريالة .. أنه لا يفقه حتي في فن الفرار ساعة اللقاء ... و بات لا يطيق الصوارمي الذي يتهمه شخصيا أنه من هبّل به و أضاع مستقبله المهني عندما صدّق وعوده بالتقدم نحو هجليج ... و بعد ثلاثة أيام ... فوجئ بصور تلفزيون دولة جنوب السودان تعرض أسري لجيش أبوريالة ..... الآن ينظر في الإحتجاجات التي أرسلها الأسد (الحقيقي في الغابات) طالبا منه عدم توجيه أي إساءة و إهانة لإسمه مسبوقا أو متبوعا بأي ألقاب (مثل الأسد النتر .. وو ) .

الزعيم محمد سليمان
اضحكتنا اضحك الله سنك(هههههههههههههههههه)!

Quote: خرج من منبر بكري و لم يعد أوصافه كالآتي: دايما بكاكي و لابس الكاكي !!

قلنا....لك من زمان....نشتهتي ان تنتهي هذه الحروب لنقرا لك بحسك الفكهاي العالي هذا!

الأخت الفاضلة تراجي
لك التحية و الإحترام

Quote: قلنا....لك من زمان....نشتهتي ان تنتهي هذه الحروب لنقرا لك بحسك الفكهاي العالي هذا!

بالله شوفي البورد ده رايق كيف؟؟!!!
ياخ الجماعة ديل صدّعوا راسنا يوم الجمعة الفاتت ... فقط لأن الصوارمي (معصور) طلّع تصاريح (الجيش يتقدم نحو هجليج) .....
بالله المنبر كلّو إتملأ زعيق من كتيبة الجهاد الإلكتروني: الدم للركب .. و عوووك ... عييييك ... و أردموهم .... و حنعمل فيهم ... و إنها مسألة سويعات .... و الضبح من الأضان للأضان ...
و فجأة ... بف .... كالجرذان هربوا الي جحورهم (هربوا قبّال ديلك القدموهم) ... كالفئران المذعورة ..... يتهامسون و يتلاومون: هجليج خلاس راحت؟؟!! ... يعني ما حنقبض الصرفية الجاية ؟؟!! ... صرفية شنو يا اهبل إتّا .. هم دايرين يقبضوك إتّا ده أبو أضان حمرا ... طيب وين قوات الردع ؟؟!! ... يا زول دي بقت قوات عرّد !! .... طيب وين أبوريالة القال لينا : إطمئنوا .. أطمئنوا .. أطمئنوا ؟؟!! ... يا زول هه ... إتّا ريالتك السايلة إن صدقت كلام أبوريالة !!! .. طيب هسي نخش يا تو جحر ؟؟!! ... يا زول ها .. أبعد من جحري ده ... ده جحر ديلوكس فيه كل أسباب الراحة العجاب و فيهو حمامين (نحن بنسميهم غرف العمليات لانها أكثر غرف ستكون مشغولة) .... و حبوبة صلاح غريبة تزغرد و تنشد عندما رأت جحافل كتيبة الجهاد الإلكتروني يتزاحمون علي الجحور: عجبوني الليلة جو دخلوا الجحور إتردموا .....
غايتو راسم قاطع جنس قطعة ... ما عارفين ماذا يخبئ لهم القدر يوم غد .....
(علي الأقل المنبر يكون رايق ... القعونج مالو متضايق)؟؟
شايفة كيف نحن في غيابهم إستبحنا حتي امثالهم ... نشقلبها زيما نحن دايرين ...
المنبر منبرنا .. نقعد و نقوم علي كيفنا ...




ء

استحي ياعميل الامريكان ...

بعدين الجيش فعلا متقدم بس كل مايتقدم هجليج تبعد منه ومرات تختفي وتظهر في حتة تانية الله يهديها..

من يضحك أخيراً...

كم يضحك كثيراً!

--

مثل سوداني

واللي ما سوداني

يشوف ليه هوية سوداني

ويقول يا ما الهجيليجة مهيّجاني

الجوز محمد سليمان وتراجي
شوييية و ح نسمع نفس النغمة
{واي واااي،الحقونا، قذفونا بالطيارات، اغتصبونا، حرقونا، وين حقوق الانسان ، يا مجلس الامن}

جوبا سيتم (تركيعها)،،،،قريبا جدا، ودي ثمرة ضربة هجليج
وعندئذٍ، ح تقبلوا وين، تشاد، افريقيا الوسطى، ليبيا، مصر، الكونقو،اثيوبيا، ارتريا،،،كووولها ضدكم


ما زلنا في انتظار اعتذارك عن الصور المفبركة
في رايك، لماذا تردد حركة العدل ان ليس لها علاقة بضربة هجليج؟؟؟

Quote: استحي ياعميل الامريكان ... بعدين الجيش فعلا متقدم بس كل مايتقدم هجليج تبعد منه ومرات تختفي وتظهر في حتة تانية الله يهديها..

يا فايز ود القاضي .. مالك عايز تحرض عليّ كتيبة الجهاد الإلكتروني؟!!
إنت ما عارف مرتبة (عميل الامريكان) هي أعلي مرتبة يبتغيها الغنقاذي في حياته؟؟!!
يعني إنت ما سمعت الطفل المعجزة يتفاخر بالعمالة الامريكية و يقول نحن لامريكا عيونها و آذانها في المنطقة (لاحظ لم يقل عقلها في المنطقة)....
البشير جهر بالعمالة في قناة الجزيرة و سمّاها (تعاون) ...
ده سيبك من اللي بيرسلوا ليهو طيارة سي آي أيه خاصة تقله و معه كراتين فايلات ل (إخوانهم في الله) من المجاهدين ...

بمناسبة الجيش متقدم ... أنا قبيل مجرد ما طلعت من المكتب ضربت تلفون لناس البيت و قلت ليهم ( أنا متقدم صوب البيت) ... و ركبت العربية و بعد دقيقة و أنا اغادر البوابة ضربت تلفون تاني و قلت ليهم (أنا علي مشارف البيت) .. و كان قدامي لسة 55 دقيقة بسرعة 70 ميل في الساعة.
و لذلك ... أمبدة هي تعد مشارف الهجليج ..

الزغاوي
محمد سليمان

دي حرب ياخوي وفيها موت ضان ؛اوعي تجي تكورك الحقوا نظام الابادة والبطيخ


معط جد يامحمد سليمان
وفرم بالفرامة والله

انتظر الاخبار بس.

Quote: دي حرب ياخوي وفيها موت ضان ؛اوعي تجي تكورك الحقوا نظام الابادة والبطيخ معط جد يامحمد سليمان وفرم بالفرامة والله انتظر الاخبار بس.

هييع .... الفريق أول أركان حرب قائد لواء كتيبة الجهاد الإكتروني الدكتور بشير أحمد !!!

يا سيادتو ... دي تقارير من مراسلين غربيين يقدلوا في داخل الهجليج و الشوارع المؤدية لهجليج من كل الجهات .... شافوا للأسف أكوام جثث الشباب السوداني الذين خذلتموهم .. شافوا الطير بياكل جثثهم ... دخلوا ثكنات الجيش البتسموه جيش سوداني .. فضائح .. لسة في أكل نصّو إتاكل و فرد بوت و ملابس و يبدو أن الفرار كان علي عجل ...
يا زول قالوا عندكم ألوية كاملة ما رجعت .... الصحفيين و المدنيين يتجولون بحرية ... يلجأون للإحتماء فقط عند أزيز طيارة فوقهم ... و دي الجماعة شغالين يجيبوا صواريخ إستنغر .... ما سمعت بالطيارة الميج 29 الرموها الليلة؟
شوف فضايحكم هنا ... خلاس ... هجليج طارت منكم و ستكون محفوظة لحكومة أخري كجزء من التسوية الشاملة:
تقرير مراسل من داخل مدينة هجليج و بانتيو يوم الأحد (صور)

محمد كيفك
الذكرتهم ديل يا محمد كوم و اخونا هجو الاقرع كوم براه

ممكن اطلب !
بالله اشرح لينا حالة اخونا هجو في لحظة تجليه و انكشاف حقيقته و اختفاءه من بعد !

حمادة تش
واللهِ حالتك بِقت تحنِّن
كمان جابت ليها هبل بعدما ملّيت تهديد و وعيد؟
المسكين دة من جانا المنبر من سنة كم ما بعرف
شغّال يحلم و يكوبِس ويشيلو حُمار النّوم مرّات يركب فوقو و مرات حُمارو يركبو
و غايتو
ساقيتو ستظل مدوِّرة

أها خلاص قِنعتا من دارفور قُلتا تشوف جنوب كُردفان؟

غايو إنتا زول كُج و زي ما كجّيت ديك حاكُج دي
و دي حاجة كويسة معانا
فواصِل و عين الله ترعاك يا حمادة تش
و طووووط طططوط يا زلّوط
طراجي تقنطِر و إنتا تشوووت











حتّى جاءه الخبر اليقين من أحد أعضاء المِنبر المُحترمين (محمود الدُّقُم)







هذه المُداخلة ستُلاحقك في كُل بوستاتك المهبِّبة

Quote: طيب وين أبوريالة القال لينا : إطمئنوا .. أطمئنوا .. أطمئنوا

ابوحميد
سلامات
ابوريالة ايام ضربة مصنع الشفاء , سالوه الناس , اها الحكاية دى تمت كيف وبشنو؟

قال ليهم والله ما عارف لكن ناس شندى قالوا شافوا نور الصواريخ ومرة يقول شافوا نور الطيارات , و طبعا لحد الليلة سيادته ما عارف مصنع الشفاء ضربوه بشنو وفى نهاية حديثه قال ( يعنى نعمل ليهم شنو ديل ؟ ) وهو يقصد من ضربوا المصنع !

فابوريالة وزير حرب المؤتمر اللاوطنى رجل تحفة بامتياز !