من هنا...و.. هناك....و ...هنوك...و...بي غادي...خواطر ليست للنسيان...

.
.
.
وطن بعد ما الجماعة قسّموه النص "بالساطور"..طق..طق...و أي واحد "كوّم" ليهو كم "مية ألف" كيلو متر مربع و ختّاها تحتو و إتحكر فوقا
....نسوا الكيمان الكبيرة دي كلها....و قعدوا يقسموا في الباقي "بالملقاط"....
.
.
ربنا يطرى ذلك "اليساري" الملتزم بالخير....لمن أصر بعد ما قسموا صفيحة "الطحنية" في المعتقل بالنص....أصر إنو لازم "يلحس" أصبعين و نص من يد الزول الكان بيقسم الطحنية.....!!!!
.
.
يتبع...
.
.
.
ود حطب الله

.
.
زيارة وزير الخارجية المصري للخرطوم -و من بعدها جوبا- و تأكيده "الشديد" على وضع كل الإمكانات المصرية خلف السودان -دا الكلام القالو في الخرطوم- ما عارف قال في جوبا شنو...؟
.
.
الراجل قال كلامو و شتت...."طب رايح قوبا تعمل إيه يا روح أمك؟؟؟" و إنت أديت إمكانياتك كلها للخرطوم...
.
.
عليك الله كمل جميلك و زور حلايب بالمرة....يمكن تلقى فيها دبابة دبابتين دايرات تغيير زيت....تقوم-ينيلك ثواب- تجيبهن لينا و تقسمهن النص...دبابة "كل الإمكانيات" تديها الخرطوم و التانية تديها جوبا.
.
.
يا أخوانا فهموني الحاصل دا.....أكون يا ربي أهبل و "بي ريالة" و أنا ما عارف....؟؟؟
.
.
.
يتبع...
.
.
.
ود حطب الله

.
.
.
الوطنية بقت زي حقل الألغام.....تكون ماشي عااادي يقوم ينفجر فيك "لغم نضالي" يفرتقك موقف...موقف....أو تقوم "تعصر" شوية على الجنبة التانية تلقى "لغم حكومي" يقوم بيك و يفرتقك
"محادثة...محادثة"....و لو قعدت في مكانك الإتنين حينفجروا فيك... تطير عيشتنا نحن من "حقل ألغام" الوطنية دا...!!!!
.
.
يا أخوانا حفاظآ على أنفسنا....مافي فاعل خير يتطوع و يحدد لينا وين "المناطق النضالية"....و "المناطق الغير"....عشان نتجنب الإقتراب و التصوير و كدا....
.
.
.
.
.
.
.
يتبع...
.
.
.
ود حطب الله

.
.
قضية "إنتحال" الدكتور عائض القرني لأفكار و كتاب شخص آخر و إصراره على عدم تحمل تبعات ذلك رغم ثبوت التهمة و الحكم القضائي عليه..
.
.
أنف " البكليمي" النائب البرلماني الذي جعله يكذب فأصبح بعد التجميل "الشينة منكورة"...
.
.
فضائح الفيديوهات الملفقة لبعض "الملتحين" في سوريا...
.
.
هل صحيح أن هنالك صفقة "مالية" تتم الآن بين بلحاج و المخابرات البريطانية؟
.
.
هل كان الشيخ/حازم أبوإسماعيل يعلم أن والدته تحمل الجنسية الأمريكية أم لا؟ لا أريد أن أخوض في ذمة الرجل و لكن إستبعاده بهذه الطريقة القانونية جدآ فتح بابآ ذي "عدة مصاريع" للأسئلة في رأسي..
.
.
.
و..
.
.
.
و..
..
.
.
و..
..
.
لولا معرفتي بالكثير من الخيرين.....لتحسست لحيتي..
.
.
.

.
.
يتبع...
.
.
.
ود حطب الله