بورداب الخارج يرجي الإفادة عن توفر هذا الدواء طرفكم ...

الدواء غير متوفر بالسودان ...

قطرة للعيون : Alphagan p

يرجي الإفادة عن توفره وسعره ...

خصوصاً بورداب الدول القريبة (مصر ، السعودية ، الامارات ، قطر ، السلطنة ........ الخ)

سلام يا عمر
لو من الصيدلية مباشرة يصلك قريب
المشكلة انو يكون وصفة
لانهم صعبين جدا

Quote: سلام يا عمر لو من الصيدلية مباشرة يصلك قريب المشكلة انو يكون وصفة لانهم صعبين جدا

الف شكر ياخالد .......

جنابو
السؤال الاول: الدواء دا ذاتو ولا يمكن بديل عنه؟
السؤال التاني : داير منه كم حبة؟
السؤال الثالث: لو جاءك يوم الخميس الجاي دا كويس معاك ولا مستجعل؟
السؤال الرابع : الزول البجيبو دا لو جاء محمل عندك طريقة تخارجو من الجمارك؟
السؤال الخامس: قروش الدواء دي بترسلها لي كيف؟ ومن هسي بالريال اوعى من جنيه سوداني

كسرة :
ياخي لما تجي تنزل بوست زي دا ما تنزله هسي، البورداب ديل خصوصاً في الخليج دا وكت نومتهم ولمن يصحو بوستيك دا بتلقى في الصفحة الرابعة الا تقعد لو زي الزول العنده زراعة بيسقي فيها
جاوب لي على الثلاثة اسئلة الاولي وانسى الباقي
نحن لاقين نخدم لينا صفوة واتحادي زيك؟
ملحوظة
اي تأخير من سودانطير ما مسئوليتي عشان ما تقول لي اترزعت في المطار مستني زولك

هلا يامحمد ..........

Quote: السؤال الاول: الدواء دا ذاتو ولا يمكن بديل عنه؟

لازم هو زاتو بديل ما بنفع .........

Quote: السؤال التاني : داير منه كم حبة؟

العبوة الواحدة بتكفيهو شهر تقريباً يعني 3 عبوات اقل شيء لتأمين احتياجه لثلاثة اشهر ....

Quote: السؤال الثالث: لو جاءك يوم الخميس الجاي دا كويس معاك ولا مستجعل؟

الخميس مية مية ...........

Quote: السؤال الرابع : الزول البجيبو دا لو جاء محمل عندك طريقة تخارجو من الجمارك؟

لوجاب معاهو (برادو) ودالصايم بخارجو

Quote: السؤال الخامس: قروش الدواء دي بترسلها لي كيف؟ ومن هسي بالريال اوعى من جنيه سوداني

عندي زي خمسين الف ريال مصبنة عند ودالصايم خليهو يحسابك مافي اى مشكلة

Quote: نحن لاقين نخدم لينا صفوة واتحادي زيك؟

الف شكر ياملك ياراقي .......

سعادتو

ادى نظرة للماسنجر

ودي يتجدد

ما متاكد من وجوده يا عمر ..
لحدى ما نسأل منو فى عيادات العيون نورد هذه المعلومات ..
المهم فى المعلومات دى انو قيمتو الاساسية عند المرضى الذين لا يمكن لهم استعمال ال timilol eye drop
وبالتأكيد استشارى العيون المتابعين معاهو قرر انو لا يمكن استخدام ال التيمولول لهذا لمريض تحديدا قبل وصف القطرة الغير موجوده فى السودان ..


Brimonidine became the alpha 2-agonist of choice in glaucoma chronic treatment, acting by decreasing aqueous humor secretion and increasing uveoscleral outflow. It has a lower incidence of the ocular adverse effects because of greater alpha 2 selectivity. Brimonidine has neuroprotective effect, which is an important feature in the new contexts of glaucoma pathogenesis. Brimonidine has hypotensor effect similar with timolol but with a greater incidence of adverse local reactions. It has been no effects on cardiopulmonary function.. Brimonidine would be of value as first-line therapy in patients who have contraindications to beta-blockers

.

باذن الله بكرة تسمع خبر كويس
دا مابيمنع انه البيلقى الدوا ء يدينا خبرعشان نقدر نرسلو يوم الخميس

اها يا جنابو في اي خبر؟

I will Check وارجع ليك بي (مداخله) :)



يا معين ..

يا جنابو انت استغنيت؟