فتح استيراد العربات المستعملة

حسب التوجيه الرئياسي

يا ود المسلمي صباح الخير

يعني العربات حا ترخص عاوزه اشتري وما قادره

أمممممممكـ .. يعني ما نبيع هنا؟

بشرى للمغتربين : توجيه رئاسي بضوابط جديدة لاستيراد السيارات المستعملة
بشرى للمغتربين : توجيه رئاسي بضوابط جديدة لاستيراد السيارات المستعملة

----------------------------------------------------------------------------
اخى المسلمي تحية طيبة

يعنى كلامي الفوق ده اوديهو وين !!!!!!!!!!!!!

تخبط غير طبيعي في القرارات
ليس على مستوى بيوتنا الصغيرة
بل على مستوى الدولة للأسف
مرات يفتحوا
ومرات يقفلوا
مرات يجمركوا
ومرات يوقفوا الجمارك
مرات يقولوا ليك الا جديد مستعمل غير مرغوب فيه
والطريف أن أحدهم أتى بعفش جديد لبيته 00 استعمال شخصي
فقالوا له العفش دا غير مستعمل !!!!
والمشكلة الجمارك نفسها مرة 100% من قيمة السيارة
ومرات 140%
ومرات أكثر وأكثر وأكثر
اما شركة المهاجر
وجهاز المغتربين في هذه الناحية إغنهم لايؤذنون في مالطا القريبة دي
بل يؤذنون في المحيط المتجمد الشمالي !!
الرؤية ضبابية للأسف في مثل هذه الأمور الحساسة
ولارابط نهائياً ما بين المسئولين في بلادي
مرات رئاسة الجمهورية تسمح للعائيدين نهائيا باحضار سيارة معفاة من الضرائب
فجأة يتم حجزها في سواكن أو بورتسودان
بحجة أن المنشور الرئاسي لم يصلهم
ومرات لو حاولت تتفاصح يقوم الضابط يقول ليك وبكل بساطة خلي الرئيس يجي يطلع ليك سيارتك
ومرات لاهذا ولا ذاك
فجأة تصحى من النوم وتلقاها في كرين بحري
أتيت العام الماضي بسيارة آكسنت 2008
كنا نحمل بها المرضى
والنساء الحوامل
وعابري الطريق
والله كل ذلك لوجه الله عسى أن نجد لنا سيارة في الجنة معفاة !!!
وقدر ماحاولنا معهم أن يستلموا جماركها رفضوا
بحجة أنها مستعملة
برضو كويس حمدنا الله أنهم لم يمنعوا النساء والرجال سكند هاند من الزواج مرة أخرى !!!
ياجماعة هذه القرارات تتعلق بمستقبل شعب
ومستقبل بلد
ومستقبل أمة
ولابد لنا من دراستها جيدا بعيدا عن التخبط
والأهم أن يكون القصر الجمهوري
والجمارك
والمالية
وجهاز المغتربين
والسفارات في الخارج يد واحدة وهدف واحد
حتى نخرج جميعاً بقرارات قريبة من قلب المواطن
وليس قريبة من جيبه !!!

قال هونداي آكسنت قال !!!

المسلمى تحياتى

والله الناس ديل حيروا الحيرة زاتا !!!!!!
بس شغاليين فتحوا ، منعوا ، فتحوا ، منعوا


وبين كل قرار و قرار الاف الضحايا

وسمح القرار لأربعة جهات فقط للاستيراد
وهم المبعوثين والمعارين والدبلوماسيين
والمغتربين العودة نهائية وان تكون العربة
عمرها خمسة اعوام

يا ود الصايم تعال بيع لي انا

Quote: يا ود الصايم تعال بيع لي انا

هييييع .. جونا ناس الاستثمار
ربح البيع .. ربح البيع!!

غايتو عرض جاااادي .. نعملو ليكم كرين أون لاين!


برادو 2009 ـ عبد اللطيف جميل
ماشية حتى الآن 74 ألف كيلو
صيانة وكالة حتى الآن
تسليم الخرطوم (بدون جمارك)!





سلّمني نضيف .. أسلمكـ نضيييييف!!

كدي خلي بيع الخرطوم، بيع جدة ينفع معاك؟ مواصفاتها شنو واديني السعر من الاخر وختيني اللولوة
جادي يا صائم
السعر ان داير تشطح فيهو عليك الله رسلو في الخاص عشان ما تضحك خلق الله عليك

Quote: كدي خلي بيع الخرطوم، بيع جدة ينفع معاك؟ مواصفاتها شنو واديني السعر من الاخر وختيني اللولوة

ود الفكي .. حبابكـ ياخ!
2009 ـ 4 سلندر ـ فل كامل!!
مع كامل الإضافات (السودانية) المحببة!
صدامات أمامية وخلفية وإضاءة زينون وإكسسوارات نيكل!!
استخدام شخصي من الزيرو وحتى الآن!
وممكن تستعين بأحمد التيجاني في قصة مواصفات الـ GX3


بالنسبة للسعر ..
استعد لضرب النار!!

Quote: يا ود الصايم تعال بيع لي انا

شوف ضامن لها غيري ياود الصايم ..




ــــــــــــــــــــ
حبيبنا المسلمي ..سلامات

يا محمد عمر شنو داخل كدا طوالي البيعه دي حقتي انا يا ود الصايم احسن ليك ناس البنوك قروشهم مضمونه كاش والباقي شيكات

يا ود القاضي ما المحريه فيك حالتي قلت الزول دا قريب بي هناك يدفع لي ونجي بعدين نتحاسب لكن ما المحريه فيك

Quote: تخبط غير طبيعي في القرارات ليس على مستوى بيوتنا الصغيرة بل على مستوى الدولة للأسف مرات يفتحوا ومرات يقفلوا مرات يجمركوا ومرات يوقفوا الجمارك مرات يقولوا ليك الا جديد مستعمل غير مرغوب فيه

إنتو الحسنة أصلو ما بتنفع فيكم ....

(المفروض) .... مع كل قرار تهللوا
وقفوا الإستيراد .... ((تصفيق .... تهليل))
فتحوا الإستيراد .... ((تصفيق ... تهليل))
مافي إسبيرات مستعملة .. ((تصفيق ... تهليل))
سمحوا بالإسبيرات المستعملة ..... ((تصفيق ... تهليل))

إنتو حتعرفوا أكتر من الحكومة؟؟

Quote: ناس البنوك قروشهم مضمونه كاش والباقي شيكات

هويدا استثمار


أوشيكـ No
أوكااااش بس

يا ود الصايم خلاص وانا جاده شيل تلفوني من ود القاضي لانو المفاوض الرئيسي والضامن ونتفق

Quote: ناس البنوك قروشهم مضمونه كاش والباقي شيكات

يا هويدا
ود الصائم يادوب قريشاته ما راحن
الخيار الوحيد انه فايز ود القاضي يدفع القروش والجمارك ولمن يجي السودان تحاسبيهو
فايز اخو اخوان ومو مختوت لها

كدي يا ود الصائم رسل لي السعر في المسنجر ؟
مقايضة بتنفع معاك؟
عندي كريسيدا موديل 82 قاطعة ، لحدي الليلة ما اتغير لها اي اسبير غير اللساتك والزيت، المكيف تلج؟ بتخارج؟
بالعدم
انت وهويدا وفائز حقي ما عافي ليكم ان تميتو البيعة
ان ما تمت نحن جاهزين
عليك الله يا ود الصائم ما ولعت ليك السوق؟
ماتنسى رسل لي السعر في المسنجر عشان حتى لو اخدتها هويدا وهي احق مني حسب تكلمها اولاً اقله نعرف عيمولتنا كم من القيمة الكلية

كريسيدا موديل 82 ياخي يا محمد انت مالك كدا قال ليك برادددددددددو تقول كريسيدا ، يا زول خلاص انا بقيف بتفرج يا ود الصايم السعر البديك ليهو انا فوقو خمسه الف زياده اها قلت شنو؟

ود الصايم .... وهويدا ..... ومن جاراهم ...

ما تحرفوا البوستات عن مسارها ياخ!

أبو الريش .. ما سمعت بحجّة مبرورة وتجارة مبروكة!ِ!!
إنتو حجّوا وخلوا لينا التجارة!!







_
ود الفكي .. إقنوووورد

Quote: ود الفكي .. إقنوووورد

ود الصائم
انت زعلت يادكتور؟
انا بقيف اتفرج والكريسيدا واقفة، اسمع كلام اخوك ما تجهلو وخليك من ناس الاستشمار ديل بودروك
قصة حقيقية
عندنا واحد جاء من الكويت بحافلة كوستر جديدة لنج ولمو فيهو جماعة من سوق اسمه سوق الشجرة في بحري "ادنى مرحلة من الكرين " ويطلق عليه لقب "سدرة المنتهى" والاسم دلالة عى المحتوى ، المهم صاحبنا مشى السوق يبيع الحافلة وزولنا رافع السعر للسماء، شهرين يمشي ويجي زول جاهو مافي المهم شكلو فلس طوالى الجماعة شبكو ليك ياخي بدل تبيعها قايض، تكون عندك حبة كاش وعربية ، وفعلاً بدا ينزل شوية شوية لحدى ما وصل مرحلة تكسي داتسون ، يوم وقع شحيطة في نص السدرة الجماعة ودوهو المستشفى ، الدكتور سالو قال له عندك شنو؟
قال له (عندي تكسي داتسون وحبة كاش)

يا عربي إنت ما بتطور أصلكـ ؟
أها قول نضيفة زي عربيتي دي !ها حا تجيب كم يعني ؟؟
يقول لي:ت برادو تقول ليهو كراع سيدا
أحرجتنا عديل كدي :)

يا عمرانو
كان كدي انا غلطان
العربية العندي ما طويلة كدي، شفت الصورة سالت لي واحد بيعرف في العربات قال يازول ايش بك؟ هاذي كريسيدا موديل 82؟ هاذي كورونا 78
بس نضيفة يا عمران وبتستحمل واسبيراتها رخيصة في البقالة بتتلقى ولا فيها كمبيوتر ونظم معقدة ولا حاجة
اتوكل على الله يا ود الصائم ولا تلتفت الى الاصوات النشاز والمخذلين