Post: #1
Title: الهجليج وحرب التهرير.........................
Author: munswor almophtah
Date: 04-16-2012, 02:29 AM
الهجليج وحرب التهرير
كأس الليل المعتق
واللالوب بدور ناسو
اللالوبه وقيام الليل وركوه وسيف وسكين - ياسمح يا زين يا بلدى يا حبوب
دراويشك دراش عيشك وبدوالروح جموع ديشك
يا بلدى يا حبوب
أرح صحينا بى شويشك
ندقو عدوك دق عيشك
ونسرف طب جميع خيشك
من أولنا لى طيشك
عرفنا تمام صقع نيشك
وعرفو تمام دراويشك
وقت داروهو تفتيشك
لقوهو نضيف رصيد فيشك
قالو قصدنا تكييشك
ويضوقو طعم كباب شيشك
ويمعطو بالغصب ريشك
وكت شافوهو تحويشك
وشافو الناس جميع ديشك
وشافو سلاحنا تكويشك
وقالو سجمنا ما فيش شك
وجات مربوطه ما فيش دك
وجاطو وسوو كمين عك
وداقو السوط وحر السك
وعرفو السيك هديك تسحك
وعرفو عديل لقوهو محك
ودايما يا العليك الرك
تزيدنا فرح كتير نضحك
كتير نضحك........
منو الربيتو بتمحرك
منو الجبل الغليد حرك
منو الحاحاك وليك شرك
وفى ضيب الكبور شكك
وفى مجخ الضحل لكك
وشيمك لسع رامى شبك
هكذا قال إبن العامين عندما سمع أبوه يقول التحرير واجب وطنى فقال
التهرير واجب وطنى يعنى شنو فتمادى الوالد فى تقريب الصوره
يعنى الحرامى لمن يتلب فى الحوش تحرير البيت منو واجب والسودان دا حوش كبير
والبتلب فيهو بنهررو يا ولدى.
منصور
|
Post: #2
Title: Re: الهجليج وحرب التهرير.........................
Author: Mohamad Shamseldin
Date: 04-16-2012, 02:59 AM
Parent: #1
Quote: لمن يتلب فى الحوش تحرير البيت منو واجب والسودان دا حوش كبير
والبتلب فيهو بنهررو يا ولدى. |
المنصور سلام يغشاك
و لمن الحراميه يكترو.. كنا بنطلع من البيت و بنعمل دوريه في الحله...نهرر الحرامي في الشارع
في دول كثيره عملت دوريات بره بيوتها زي إسرائيل و شريطها العازل في جنوب لبنان.. و تركيا.. و أسرائيل مره تانيه.. عشان كده حمايه هجليج تستوجب شريط عازل
|
Post: #3
Title: Re: الهجليج وحرب التهرير.........................
Author: munswor almophtah
Date: 04-16-2012, 11:56 AM
Parent: #2
Mohamad Shamseldin
السلام والرحمه والحمد لله على الإبتلاء الذى أيقظ ثبات
الحس الوطنى وأرعب من كان يحسبه لعبا ومشاوير عصريات
حتى ذاق العصر.
(والعصر إن الإنسان فى خسر إلا الذين آمنو وتواصوا بالحق وتواصوا بالصبر)
منصور
|
Post: #4
Title: Re: الهجليج وحرب التهرير.........................
Author: munswor almophtah
Date: 04-16-2012, 12:42 PM
Parent: #3
نحن سياده مانا بياده
والقبل التمانيه نحن أسياده
الجرح المغور نحن ليهو عياده
عن ساعة الكتال شرطا تجينا زياده
|
Post: #5
Title: Re: الهجليج وحرب التهرير.........................
Author: munswor almophtah
Date: 04-16-2012, 11:00 PM
Parent: #4
أسياد نحلا قديم بالرأى نحل ننحل
وهن زاد الحديث نبقالوا شركة شل
وقت القلب إفارق والكراع تنقل
بنعرج عليها إن شاء الله ترقد خل
|
Post: #6
Title: Re: الهجليج وحرب التهرير.........................
Author: munswor almophtah
Date: 04-17-2012, 09:11 AM
Parent: #5
أم قيزان إتملت وفوقها الدود القنت
وقول لى أولاد الفلت جيتو تكوسو الغلت
وبنت النور دى ماتت!!!!!!!!!!!
|
Post: #7
Title: Re: الهجليج وحرب التهرير.........................
Author: munswor almophtah
Date: 04-17-2012, 09:33 PM
Parent: #6
الإنذار ضرب والناس تصيح فى الميناء
ويات من يقول الصاقعه وقعت فينا
يا جنيات سرور ختولنا كلمه ثمينه
فى حنك هناك الناس تخبرو الفينا
|
Post: #8
Title: Re: الهجليج وحرب التهرير.........................
Author: munswor almophtah
Date: 04-17-2012, 09:41 PM
Parent: #7
الاخ الاريب الحبيب منصور المفتاح
شكرا علي الهجليج وحرب التهرير وتعظيم سلام لهذا الولد الولد الجدع وسؤاله المشروع وكلنا ذلك (الصبي)
( دراويشك دراش عيشك وبدو الروح جموع ديشك) واظنهم يا منصور هؤلاء البدو وهم اخوان فاطنة وكلتيمة وحوّه سوف يسولو ( طحين عميه وعواسة ليل) وزي ما قال الجميل ود بادي العكودابي في عودة الدراويش :- الليلة يا ريح الصلاح الهابا في ساحة وجع
والليلة كل شدرن كبار وحشاهو ناقرو السوس بقع
والليلة حق الناس ببين والليلة منشوف البدع
شكرا علي (من اولنا لي طيشك
......ويمعطو بالغضب ريشك
اخو الكربيلها نازل فوق كتفوفها مدفّق
هيلك من قديم العــّزه ما بتتلفـّق
بخت المالى بيك إيدو ومعاك بترفــّق
تناي السيوف راجع حديدها مطفّق
دي قالها حنفي في قصة مشابهه ومسدار اسمو (العَرْكِي) ونحن في انتظار وترقب ولهفة للبيان الاول وحتي ذلك الوقت الرياح الجنوبية الغربية وسماءنا ملبده بالغيوم وارضنا متعبة بشهقة الشبق لك ودي
اخوك عبيد
|
Post: #9
Title: Re: الهجليج وحرب التهرير.........................
Author: munswor almophtah
Date: 04-17-2012, 10:27 PM
Parent: #8
يالدوشكا الحزين الليـلة يوم الســرحة
ترقية الرجـال تقدل حداي منشـــرحة
البكا في الشهيد أختاهو سيب السرحة
للنار انكرب قبال نشوفلك طـــرحة
|
Post: #10
Title: Re: الهجليج وحرب التهرير.........................
Author: munswor almophtah
Date: 04-18-2012, 00:05 AM
Parent: #9
بعد ما كت زمان أنعلت وأكسى
ظهرن لى جنونك زى فواتى التاكسى
ناقصين العقول إن زغرتولك أرقصى
معليش يا أم أبوك الدنيا جات بالعكسى
|
Post: #11
Title: Re: الهجليج وحرب التهرير.........................
Author: munswor almophtah
Date: 04-18-2012, 01:13 AM
Parent: #10
النابغه إبن النوابغ العبيد المقدم إبن بوادى الكبابيش القح
التحايا لك والتجلات وأنت تنفعل كسودانى أصيل بشرف وكرامة وطنك
وعزته النبيله وتستجيب بقدحك المهول الواسع وكيف لا وأنت من
نفر علموا الكون معنى البسالة والشهامة والإقدام وهذا زمان
كل ذلك وما أقيم العطاء عندما تكون الحاجة إليه أشد!!!.
عزيزى أما عن ذلك الحنفى المجنون فماذا أقول أنظر إليه
وهو يقول
اخو الكربيلها نازل فوق كتفوفها مدفّق
هيلك من قديم العــّزه ما بتتلفـّق
بخت المالى بيك إيدو ومعاك بترفــّق
تناي السيوف راجع حديدها مطفّق
ومن يملأ يداه بك وبه فقد فاز فيا له من وصاف فصيح بليغ وشاعر
التحيه لك وله ولجميع أهلكم وأنتم تمنحون صدوركم لعلو السودان
وعزته,
منصور
|
Post: #12
Title: Re: الهجليج وحرب التهرير.........................
Author: عمر صديق
Date: 04-18-2012, 02:31 AM
Parent: #11
Quote: أسياد نحلا قديم بالرأى نحل ننحل
وهن زاد الحديث نبقالوا شركة شل
وقت القلب إفارق والكراع تنقل
بنعرج عليها إن شاء الله ترقد خل |
منصور تحياتي
لك ولعيال سرور وكل اهل السودان
وتذكرت الرميات التي سمعناها في السروراب في الرحلة
واليوم تحررت هجليج
وانشاء الله ترقد خل
|
Post: #13
Title: Re: الهجليج وحرب التهرير.........................
Author: munswor almophtah
Date: 04-18-2012, 10:21 AM
Parent: #12
الأخ عمر السلام والرحمه نعم تلك الأبيات من شعر يوسف البدرى
ملك الفخر والسمت وهو صهر دكتور الحبر يوسف نورالدائم
ويتغنى بها إبن المنطقه يوسف أحمد وفرقته فلك الشكر والسلام
منصور
|
Post: #14
Title: Re: الهجليج وحرب التهرير.........................
Author: Barakat Alsharif
Date: 04-18-2012, 11:51 AM
Parent: #13
عساكرنا الأشاوش ما قروا الوطنية من كراسة
فجوا الدروب وكشفوا مستور نوايا الساسة
خامس الطوابير سكت ونفسيتوعاوزة دراسة
وعدوك يا وطن في الصاج نعوسوا عواسة
|
Post: #15
Title: Re: الهجليج وحرب التهرير.........................
Author: munswor almophtah
Date: 04-18-2012, 11:46 PM
Parent: #14
قال العاقب ود موسى العشيابي في الفخر:
نحن نسوي لكن ما بنقول سوينا
نحن نفرتق الكرنة ام صفوف بايدينا
الزول البضيف عدم الشراعة علينا
يفهم مني ويسأل من توارخ النينة
... نحن الود لبونا بشيل حمول النائب
تصرم عندنا القحية البصيبها الصائب
نحن اولاد شكير جور نالنا كلو نقائب
ديمة نلولي في المحن الكبار وغرايب
|
Post: #16
Title: Re: الهجليج وحرب التهرير.........................
Author: munswor almophtah
Date: 04-19-2012, 09:41 AM
Parent: #15
الناس العجم خبروها شافو دواسه
عرفو بناها ثابت وجوه غايس أساسه
الفات الحدود واطياهو ضاقو مداسه
وديمه عزيزه فوق رافعاهو دايما راسه
منصور
|
Post: #17
Title: Re: الهجليج وحرب التهرير.........................
Author: munswor almophtah
Date: 04-19-2012, 06:50 PM
Parent: #16
منو الحاحاك وليك شرك
وفى ضيب الكبور شكك
وفى مجخ الضحل لكك
وشيمك لسع رامى شبك
|
Post: #18
Title: Re: الهجليج وحرب التهرير.........................
Author: munswor almophtah
Date: 04-20-2012, 06:47 PM
Parent: #17
تحسبو لعب شليل ترتار وقيره
يا خفيفى السيقان و يا عدائى الحروب أبدا
جئتم بزهو جاهل وأخرجتم وقلوبكم بلغت
الحناجر رعبا وارتباكا على ذلك المأزق
الذى حشرتكم فيه الرعونه وقصر النظر
ووهم القدره يا كسيحى الإراده بزلة
وانكسار وفداحة خسران ستدركونه
الآن فكلما مال بكم الشجو حسبتم
أنكم ملاك الأرض والسماء إلى أن
توضعوا فى علبكم عنوة.
منصور
|
Post: #19
Title: Re: الهجليج وحرب التهرير.........................
Author: munswor almophtah
Date: 04-21-2012, 01:30 AM
Parent: #18
الذى يفتح على نفسه أبواب جهنم فاليحترق بلظاها
منصور
|
Post: #20
Title: Re: الهجليج وحرب التهرير.........................
Author: singawi
Date: 04-21-2012, 07:38 AM
Parent: #19
LIKE
|
Post: #21
Title: Re: الهجليج وحرب التهرير.........................
Author: munswor almophtah
Date: 04-21-2012, 10:38 PM
Parent: #20
خذ روحى ولكن سوف لا ولن تأخذ أين أضع قدماى-إنك حتما ستدفع الثمن
منصور
|
|