Post: #1
Title: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: أحمد ابن عوف
Date: 04-15-2012, 04:18 PM
Parent: #0
نعم، خمسون عاما ونحن نحتل الجنوب بعسكرنا، لكننا او معظمنا لم يحتمل وجود بوت عسكري
جنوبي لمدة 5 ايام وقامت الدنيا ولم تقعد
النفرة الشعبية الشاملة
التعبئة العامة
اوقفوا التفاوض
سلمونا نضيف
اعتقلوا اي جنوبي في الخرطوم
لا، بل لنذهب الى جوبا لتأديبهم
متى فكر الجنوبيين ولمدة 50 سنة ان يهاجموا الخرطوم؟؟
|
Post: #2
Title: Re: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: محمد البشرى الخضر
Date: 04-15-2012, 04:25 PM
دا كلام شنو يا أحمد ؟؟
مافي مقارنة
|
Post: #3
Title: Re: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: أحمد ابن عوف
Date: 04-15-2012, 08:33 PM
Parent: #2
سلام يا محمد البشرى
تحياتي
Quote: دا كلام شنو يا أحمد ؟؟
مافي مقارنة |
وكلامك دا سبب بوستي زاتو، لمن نظل نعاين للجنوب بعيون الشمالي فقط
هل فكر اي شمالي يوما بعقليه الجنوبي؟؟ هل فكر اي شمالي يوما ان
الجنوبي كان يعتبرنا محتلين؟؟ هل فكر اي شمالي يوما لماذا ولمدة
خمسين عاما لمن نرسل غير الجيوش الى الجنوب؟؟
هل عرف الشمالي اليوم فقط، معنى ان تطأ ارضك قدما عسكرية اجنبية
ح تقول لي الجيش السوداني كان في ارض سودانية؟؟ بعيونك انت وعيوني انا بس يا ود البشرى
لكنها بالنسبة للجنوبي كانت قوات القهر، قوات استعمار وبقوة النار
|
Post: #4
Title: Re: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: Kamal Karrar
Date: 04-15-2012, 08:50 PM
Parent: #3
؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!
|
Post: #8
Title: Re: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: Nasr
Date: 04-15-2012, 09:13 PM
Parent: #4
Quote: هل عرف الشمالي اليوم فقط، معنى ان تطأ ارضك قدما عسكرية اجنبية
|
عرفوا كتير
المصريين إحتلوهم مرارا
(لي كلامي وكلامك دا حلايب محتلة)
وأحسب عندك
التركية السابقة 1820 وحتي فتح الخرطوم بواسطة الأنصار في 1885
والحكم الثنائي المصري الإنجليزي منذ إعادة إستعمار السودان في سنة 1898 وحتي 1956
(وقال صدقي: جئتكم والسودان في جيبي)
وأحسب عندك إنقلاب عبود 1958
وإنقلاب النميري 1969
(دا كان أكثر شوية من مجرد إحتلال)
وإنقلاب البشير 1989
ومع ذلك
حتي الآن لم تفارق صورة السوداني (الشمالي) في مخيلة المصريين عثمان البواب قيد أنملة
ومع ذلك
(المصريين أهلنا وحبابيبنا)
(مصر والسودان حتة واحدة)
(رعي الله مستودع الثقافة مصرا)*
إتفاق حريات أربعة
تكامل
بل وحدة عديل (منها أخذ حزب الوطني الإتحادي إسمه)
وقوات سودانية تحارب دفاعا عن مصر
إهداء عربات للفريق القومي المصري
(ونشحد قدرها من الصين)
ولحوم أضاحي مجانا لفقراء المصريين
وتعال شوف
من الناحية التانية
(ديل عبيد مطرطشين ساكت، يا ريت لو خلوا حسن بشير حرقهم كلهم)
المهم
نوع كلامك بفتح جروح كثيرة
(ويكره الزنوج كارهو أنفسهم كثيرا)
بس دا كويس
لانوا بفتح البصائر ويدعو إلي التفكير الصاح في هذا الوقت الخطر
* كاتب هذه القصيدة هام بحب مصر حتي الجنون مع إنه المصريين سرقوا شعره ونشروه بإسماءهم
تأمل بتجي في الحتة دي؟؟
|
Post: #9
Title: Re: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: احمد التجانى احمد
Date: 04-15-2012, 09:20 PM
Parent: #4
احمد تحياتي
الجنوب كان فيه جيش الدولة التي هي جزء منه والجيش كان يحوي افراد وضباط من كل البلد بمن فيهم من الجنوبيين نفسهم وهم كما اعترفت لم يكونوا راضيين عن وجود الجيش فقط بل كانوا ساخطين كونهم جزء من هذه الدولة لذلك كان الجنوب في حالة تمرد متواصل منذ قبل الاستقلال اي من 1955 وكان علي الدولة ان تتعامل مع هذا التمرد عسكريا وبهذه الإفادة بتنفي عن حكومات السودان المتعاقبة اي مسئولية في تشظي الوطن ، كمان ما تنسي الوجود المدني لكافة ابناء السودان من غير الجنوبيين من معلمين واطباء وقضاء وإداريين خدموا اهل الجنوب كجزء عزيز من الوطن ولو معني كلامك بتبيح للجنوب استعمارنا انتقاما لما سلف فهذا منطق معوج وغريب وربما بنفس هذا المنطق ان يطالب السود في امريكا وجنوب افريقيا استخدام العنصرية المضادة ان قدر لهم الإمساك بزمام الامور هناك هذا اذا افترضنا ان الشمال كان للجنوب مستعمرا
|
Post: #5
Title: Re: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: صلاح غريبة
Date: 04-15-2012, 09:05 PM
Parent: #3
مناضل الكي
مناضل الكي
وسط المناضلين باين
يتاوق في الوجوه
ينتظر ويعاين
زباين الهنا
جلعاد كوهين وإشتاين
عندهم دولار
والله أحلي زباين
لا تهمه العماله
كلمة عميل أو خاين
إقامة فنادق
شرب النبيت والواين
يولع في الفتن
يحرق قلوب وكماين
يكتب في الظلم
ويبقي النضال أونلاين!!!
|
Post: #6
Title: Re: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: صلاح غريبة
Date: 04-15-2012, 09:05 PM
Parent: #3
مناضل الكي
مناضل الكي
وسط المناضلين باين
يتاوق في الوجوه
ينتظر ويعاين
زباين الهنا
جلعاد كوهين وإشتاين
عندهم دولار
والله أحلي زباين
لا تهمه العماله
كلمة عميل أو خاين
إقامة فنادق
شرب النبيت والواين
يولع في الفتن
يحرق قلوب وكماين
يكتب في الظلم
ويبقي النضال أونلاين!!!
|
Post: #7
Title: Re: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: ناصر البطل
Date: 04-15-2012, 09:07 PM
وهم كانوا لاقين طريقه يجوا الخرطوم و أبوا؟
ما تجاوب ساكت مالك؟
ديل لقوا طريق فى هجليج دمروا منشآته كلها
لقوا يوم واحد فى الخرطوم طلعوا ميتينا
قوم لف ياخ و بلاش وهمه معاك
ركب بس تاني
|
Post: #10
Title: Re: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: أحمد ابن عوف
Date: 04-15-2012, 09:28 PM
Parent: #7
دا زمن الاسئلة الصعبة يا استاذ كمال
Quote: ؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!! |
عشان الناس تفكر بعقلانية ولا تنخدع مرة تانية بحماقات الكيزان وانفعلاتهم الهوجاء
ونضيع ما تبقى من السودان، ماذا استفندنا من الميل اربعين وتحرير توريت وملايين الدماء
التي اريقت في كل جهات السودان
|
Post: #11
Title: Re: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: أحمد ابن عوف
Date: 04-15-2012, 09:36 PM
Parent: #10
شكرا يا نصر
فقد عبرت عني تماما
Quote: المهم
نوع كلامك بفتح جروح كثيرة
(ويكره الزنوج كارهو أنفسهم كثيرا)
بس دا كويس
لانوا بفتح البصائر ويدعو إلي التفكير الصاح في هذا الوقت الخطر |
لا لمزيد من المحارق يقودنا اليها هؤلاء المجرمين، الحل السياسي هو المخرج الانسب
واضعين في الاعتبار ان الجنوبي يقاتل وفي وعيه 50 سنة قهر، والشمالي 5 يوم بس
|
Post: #12
Title: Re: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: أحمد ابن عوف
Date: 04-15-2012, 09:54 PM
Parent: #11
سلام باشمهندس احمد التجاني
تحياتي
| Quote: وكان علي الدولة ان تتعامل مع هذا التمرد عسكريا |
من الذي فرض عليناهذه النظرية الخاطئة؟؟ بعد خمسين يا احمد التجاني ولا زلنا
لا نريد ان نعترف اننا اخطأنا بفرض اسلوب واحد للتعامل مع الجنوب بانه "يجب"
يكون عسكريا "فقط"
| Quote: وبهذه الإفادة بتنفي عن حكومات السودان المتعاقبة اي مسئولية في تشظي الوطن |
ليس هذه فحسب، بل احملهم تدهور التعليم، الصحة، الزراعة، الصناعة، الامن، واطفال المايقوما
ووجود 10 مليون هارب من البلاد، و 5 مليون موجودين في معسكرات النازحين، اي مصيبة بحملهم ليهم
موش هم كانوا حكومة وللا حاجة تاني
| Quote: ولو معني كلامك بتبيح للجنوب استعمارنا انتقاما لما سلف |
انقامهم منا تم يوم التصويت بالانفصال، الغصة في حلقونا وليست حلوقهم
الجنوب ليس له مصلحة في استعمار الشمال او الهجوم على الشمال
بعدين الجنوبيين لقوها فاضية، اسأل الذي انسحب منها لماذا انسحب
هو الذي يجب ان يدان على تفريطة عن جزء من الوطن
|
Post: #13
Title: Re: خمسون عاما ونحن نحتل كل الجنوب ولا نستطيع احتمال 5 ايام لهجليج؟؟
Author: أحمد ابن عوف
Date: 04-15-2012, 10:11 PM
Parent: #12
العزيز ناصر البطل
Quote: وهم كانوا لاقين طريقه يجوا الخرطوم و أبوا؟
ما تجاوب ساكت مالك؟ |
الجواب فوق يا ناصر، انسان الجنوب العادي او السياسي خلقة كده
ما عنده مصلحة يكابس الاعراب ديل في واطاتهم، منذ اتفاقية البقط
وهم يزحفون جنوبا، وما نقنقو، تاريخيا مراعي الشلك الطبيعية
كانت تمتد من اعالي النيل حتى الخرطوم
الجنوبي همو بس جنى عرب دا يتخارج ليهو من الجنوب
| Quote: ديل لقوا طريق فى هجليج دمروا منشآته كلها |
ديل لقة هجليج فاضية، اسالو الاتخارج منها دا، وطنيتو كانت وين
| Quote: لقوا يوم واحد فى الخرطوم طلعوا ميتينا |
واحنا كشماليين لقينا خمسين سنة وقتلنا 2 مليون
| Quote: قوم لف ياخ و بلاش وهمه معاك |
انا كان بتاع وهمة، الصوارمي دا يبقى بتاع شنو؟؟
دا بالضبط الانا بقول فيهو لي يومين، ما تصجونا ساكت س نحررها، س ندمرهم، س نسحقهم
ركب، بس هناك في هجليج، مافي شاشات التلفزيون
|
|