Post: #1 Title: رجل اعمال سوداني سيدفع 750 الف دولار كمهر لصورة بالفيس بوك(توجد صورة) Author: بلدى يا حبوب Date: 04-15-2012, 02:18 PM Parent: #0
Quote: رجل اعمال سوداني سيدفع 750 الف دولار كمهر لصاحبة هذه الصورة. منوعات - تقارير خاصة فى قصة لا تخلو من الغرابة وردتنا عبر البريد الالكتروني رسالة من رجل اعمال سوداني سمى
نفسه طارق حميد - متواجد خارج السودان ، افاد فى رسالته انه مستعد لدفع مهر بمبلغ 750 الف دولار لصاحبة الصورة التى ارسلها مع رسالته ، وقال انه وجد الصورة فى موقع الفيس بوك وحاول الاتصال بصاحبتها لكنه وجد ان صفحة البنت التى وضعت الصورة غير حقيقية. وقال انه تأكد انها سودانية لان كل من وضعت الصورة كانت جنسيتها سودانية وتمنى ان تكون كذلك، اما اذا كانت متزوجة فليس عليه الى البحث عن فتاة احلامه فى مكان آخر فى ختام رسالته وفى خضم جو الرومانسية الذى يعيشه والأمل بلقاء صاحبة الصورة لم ينس وطنه وتمنى للقوات المسلحة السودانية النصر فى حربها على الاعداء وتمنى ان يكون زفافه متزامنا مع انتصار القوات المسلحة.
تفاصيل الاتصال برجل الاعمال متوفر لدى ادارة الموقع فإذا كنتى انتى صاحبة الصورة ولم تتزوجي بعد ولديك الرغبة فى الحصول على هذا المبلغ الضخم فما عليك الا مراسلة الموقع على البريد :
Post: #2 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: ناذر محمد الخليفة Date: 04-15-2012, 02:24 PM Parent: #1
Post: #3 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: أحمد ابن عوف Date: 04-15-2012, 02:30 PM Parent: #2
اها
في زول بزاود؟؟
وقفنا على 750 الف دولار
"بنسلم نضيف" شعار المرحلة بتاع احمد هارون (يعني طالما الموضوع جاب قوات مسلحة وكده)
__________________ دي مصيبة شنو البقينا فيها دي
Post: #4 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Faisal Al Zubeir Date: 04-15-2012, 02:48 PM Parent: #3
شخصية حقيقية، شابة غير متزوجة، استقرت في الخرطوم بعد اغتراب.
Post: #5 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: وضاحة Date: 04-15-2012, 03:00 PM Parent: #4
عقول خاوية ورغبات فارغة
قول ليه الصورة ما بتكون زى الاصل والسودان مليان بنات اسمح من كده
قول ليه فلوسك دى وكت ربنا رزقك امشى اكفل بيها ايتام ولا اصرفها فى تعليم اسر ماقادرة تعلم اولادها ولا عالج بيها ناس ما عندها حق الدواء
بندهش لى مثل هذه الافكار العقيمة والشهوات الدنيوية الزائلة
ليه الناس ما بتفكر فى النعمة الاعطاها الله لهم دى بكونوا مسؤليين منها قدام رب العالمين يوم الحشر العظيم
Post: #6 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Hussein Mallasi Date: 04-15-2012, 03:14 PM Parent: #5
Quote: عقول خاوية ورغبات فارغة
Quote: قول ليه الصورة ما بتكون زى الاصل والسودان مليان بنات اسمح من كده
غير متسقة مع بقية المداخلة!
Post: #8 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: أمجد الزين Date: 04-15-2012, 03:51 PM Parent: #6
والله البت شديدة لكن كمان ما لدرجة 750 الف دولار الزول دة ما نصيح ولا شنو؟؟
Post: #7 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Amin Salim Date: 04-15-2012, 03:45 PM Parent: #5
نصيحه من زول عزابى.........قبل ما تخطب البت شيل معاك جردل مويه واكشحو فى وش البنيه
جمع اداة تكحيل العين هو زينة المرأه العربيه
الباقى كلو كلام فاضى بلا makeup بلا بطيخ
Post: #9 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: منال Date: 04-15-2012, 03:53 PM Parent: #7
شيل صورة اضانى دى رسله ليهو
وانا ما طماعه بكتفى بالخمسين الفوق بس
Post: #10 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: ABUHUSSEIN Date: 04-15-2012, 03:56 PM Parent: #9
Quote: وانا ما طماعه بكتفى بالخمسين الفوق بس
دي للأضان بـس .....؟؟؟؟
Post: #11 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: منال Date: 04-15-2012, 04:01 PM Parent: #10
Quote: دي للأضان بـس .....؟؟؟؟
أأأى بس
لانو لو شاف الباقى حيدفع ثروتو كلها
وانا كما اعلنت انسانه غير استقلالية (وش مغرور )
Post: #13 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Ashraf el-Halabi Date: 04-15-2012, 04:08 PM Parent: #10
Quote: تفاصيل الاتصال برجل الاعمال متوفر لدى ادارة الموقع فإذا كنتى انتى صاحبة الصورة ولم تتزوجي بعد ولديك الرغبة فى الحصول على هذا المبلغ الضخم فما عليك الا مراسلة الموقع على البريد
Post: #14 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: وضاحة Date: 04-15-2012, 04:16 PM Parent: #10
Quote: دي للأضان بـس .....؟؟؟؟
غايتوا جنس محن
Post: #12 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: وضاحة Date: 04-15-2012, 04:05 PM Parent: #7
Quote: نصيحه من زول عزابى.........قبل ما تخطب البت شيل معاك جردل مويه واكشحو فى وش البنيه
جمع اداة تكحيل العين هو زينة المرأه العربيه
الباقى كلو كلام فاضى بلا makeup بلا بطيخ
اتفق معاك تماما جردل موية ومعاها بشكير ههههههههههههههههههههها
امين عرفت تقرانى
انا جنى وجن المكياج ما بحبوا ابدا
الواحدة من تخت مكياج معنها بتحاول تغطي عيوب فيها
وبالغيظنى كمان البتلونوا تلقى الوجة لون والايد لون
شوف دا قال شنواههههههههههههههههههههههههههها
Post: #15 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Amin Salim Date: 04-15-2012, 04:35 PM Parent: #12
الاخت الكريمه وضاحه
سلامات
متفق معاك ميه فى الميه و باذات فى حكاية الوش ميرندا و اليدين كوكاكولا
بس نسيتى حاجه............. البنات البرسمو حواجبينهم ويشيلو معظمها....لو شيل خفيف ماف مشكله وممكن يعتبر نضافه لانو تغيير الحواجبين بالشيل الكلى دا زاتو حرام
اما فى حكاية الفيديو الجبتيهو دا بصراحه ما عارف الزول دا بقول فى شنو كأنو رطانه ب النسبه لى.....زى ما بقول لى صحبى انو انا ود ميكى
Post: #16 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: منال Date: 04-15-2012, 04:38 PM Parent: #15
Quote: متفق معاك ميه فى الميه و باذات فى حكاية الوش ميرندا و اليدين كوكاكولا
بس نسيتى حاجه............. البنات البرسمو حواجبينهم ويشيلو معظمها... .لو شيل خفيف ماف مشكله وممكن يعتبر نضافه لانو تغيير الحواجبين بالشيل الكلى دا زاتو حرام
اما فى حكاية الفيديو الجبتيهو دا بصراحه ما عارف الزول دا بقول فى شنو كأنو رطانه ب النسبه لى... ..زى ما بقول لى صحبى انو انا ود ميك
الفهم حاجه منو ؟؟؟
Post: #21 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Amin Salim Date: 04-15-2012, 04:56 PM Parent: #16
الاخت منال
تحياتى
ما قدرت افهم مداخلتك
لكن لو قاصده اللغه ف عادى انا معترف ب انو عربى الاخ Jok Biong احسن منى
Post: #17 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: هاشم نوريت Date: 04-15-2012, 04:40 PM Parent: #15
دا راجل عبيط بالله لو طلعت صاحبة الصورة امراة متزوجة يكون وضعه شنو مع الزوج واهله وبعدين عرضه مبلغ بهذا الهجم هل هو يريد ان يشترى منزل او عربية فى مزاد هذا الفعل قمة العبط والغباء والعنجهية
Post: #18 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: ABUHUSSEIN Date: 04-15-2012, 04:48 PM Parent: #17
Quote: غايتوا جنس محن
البوست دا غير المحن فيه شنو ....؟؟؟؟؟
Post: #20 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: ناذر محمد الخليفة Date: 04-15-2012, 04:51 PM Parent: #17
يا جماعة دا شتنو الباعملوا فيهو دا ؟؟!!
الجماعة المقصودين كل المتداخلين + صاحب البوست + صاحب ال750 الف دولار .!!
Post: #19 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: بلدى يا حبوب Date: 04-15-2012, 04:50 PM Parent: #15
ناذركيفك فعلا حاجة تمخول العقل وعلى قولك لو الكلام من فضة السكوت بيكون من ذهب تحياتى
Post: #22 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: بلدى يا حبوب Date: 04-15-2012, 05:03 PM Parent: #15
ناذركيفك فعلا حاجة تمخول العقل وعلى قولك لو الكلام من فضة السكوت بيكون من ذهب تحياتى
Post: #23 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: بلدى يا حبوب Date: 04-15-2012, 05:19 PM Parent: #22
الاخ/ احمد ابن عوف
Quote: في زول بزاود؟؟ وقفنا على 750 الف دولار
وما تنسى الدولار بقى 6جنيه واكثر تحياتى
Post: #24 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: د. ياسر عبد القادر Date: 04-15-2012, 05:21 PM Parent: #22
الزول دا يمكن يكون قريب (دبي).....نفس الافكار
Post: #25 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: ناذر محمد الخليفة Date: 04-15-2012, 05:31 PM Parent: #24
!!!!!
Quote: بس نسيتى حاجه............. البنات البرسمو حواجبينهم ويشيلو معظمها....لو شيل خفيف ماف مشكله وممكن يعتبر نضافه لانو تغيير الحواجبين بالشيل الكلى دا زاتو حرام
كلامك صاح .. الكلام دا مرة قالتو لي عوضية الحنانة يا أمين ..!
Post: #26 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Amin Salim Date: 04-15-2012, 05:44 PM Parent: #25
Quote: كلامك صاح .. الكلام دا مرة قالتو لي عوضية الحنانة يا أمين ..!
مشكور على الطعميه يا ناذر
Post: #36 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: الامين موسى البشاري Date: 04-15-2012, 09:43 PM Parent: #25
Quote: كلامك صاح .. الكلام دا مرة قالتو لي عوضية الحنانة يا أمين ..!
ليه كنت عايز تشيل حواجبكـ ولا شنو؟
Post: #49 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: قاسم المهداوى Date: 04-16-2012, 04:09 PM Parent: #36
Quote: رجل اعمال سوداني سيدفع 750 الف دولار كمهر لصورة بالفيس بوك
راس المال المتخلف وعملية الصرف كتاب راس المال كارل ماركس
قاسم المهداوى
Post: #27 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: وضاحة Date: 04-15-2012, 05:46 PM Parent: #15
*
Post: #28 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: وضاحة Date: 04-15-2012, 05:47 PM Parent: #15
Quote: اما فى حكاية الفيديو الجبتيهو دا بصراحه ما عارف الزول دا بقول فى شنو كأنو رطانه ب النسبه لى.....زى ما بقول لى صحبى انو انا ود ميكى]
وووا حلاتى ياخونى ماك بتعرف عربي
نان سودانى على ايش
أقول
بس اوع تكون من النوع القادى اضانوا ولبس سلاسل ورابط البنطلون الناصل داك
غايتوا لو النوع دا ابعد من سكتى
ابو حسين فيك الخير اشرح لى الزول دا يمكن يفهم منك
Post: #29 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Amin Salim Date: 04-15-2012, 06:04 PM Parent: #28
Quote: وووا حلاتى ياخونى ماك بتعرف عربي
نان سودانى على ايش
أقول
بس اوع تكون من النوع القادى اضانوا ولبس سلاسل ورابط البنطلون الناصل داك
غايتوا لو النوع دا ابعد من سكتى
ابو حسين فيك الخير اشرح لى الزول دا يمكن يفهم منك
ههههههههههه
لا م للدرجه دى .......برضو بكره ال hip hop culture وماتبعها من ملابس وحلق و اوشام .....الخ
على العموم عربى شوارع الخرطوم بعرفو لكن غير ذلك نهى(ب الهندى)
Post: #30 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: وضاحة Date: 04-15-2012, 06:20 PM Parent: #29
Quote: على العموم عربى شوارع الخرطوم بعرفو لكن غير ذلك نهى(ب الهندى)
يا اخوى انا كلام الشوارع بتاع الخرطوم ما بخبروا
بعرف كلام اهلى الجعليين والبطاحيين
ولو على كلام الخواجات دا نحن اتربينا من عمرنا سنوات فى لندن ودرسنا الجامعات فى كندا
بس اصلنا عمروا ما نسينا ولا بننسي وبنفتش ليه فتيش يعنى ما عانينا منCulture shock
وبعتز بى اصلنا وبى ثقافتنا ومتمسكة بعاداتنا وتقاليدنا وبحب لغتنا وشعر الحماسة والبطان وجلد اسوط وكل شى جميل فى السودان
Post: #31 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Amin Salim Date: 04-15-2012, 08:04 PM Parent: #30
Quote: وجلد اسوط وكل شى جميل فى السودان
sadistic tendency with a bit of narcissism
Post: #61 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: وضاحة Date: 04-17-2012, 12:18 PM Parent: #31
Quote: sadistic tendency with a bit of narcissism
سادية فى عينك ديل رجال ركزة وثبات
هااااك من دار جعل
فرسان دار جعل أهل الشرف والعزه أهل الجود وأسياد النحاس الرزَّ جبالا في المحاص ما فينا زولا فزَّ نتبسم أمام دم الرقاب النـزّ
Post: #32 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Fawzi Babiker Date: 04-15-2012, 08:09 PM Parent: #30
تحياتى للجميع
Quote: وبعتز بى اصلنا وبى ثقافتنا ومتمسكة بعاداتنا وتقاليدنا وبحب لغتنا وشعر الحماسة والبطان وجلد اسوط وكل شى جميل فى السودان
هييييع تسلمى بنت العم.
Post: #33 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: محمد على طه الملك Date: 04-15-2012, 09:15 PM Parent: #32
Quote: هييييع تسلمى بنت العم.
اركز.. يا جنى ناولني السوط داك.. اصلي من زمان كايس لي دي. . . ليك وحشة.
Post: #34 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: طارق جبريل Date: 04-15-2012, 09:32 PM Parent: #33
اها كان ما بتعرف تدخن ما شرب الزيت الزول دة حلاوة لكوم بتبقى كمونية
Post: #35 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Zomrawi Alweli Date: 04-15-2012, 09:35 PM Parent: #12
يا وضاحة يا ست السماحة
Quote: وبالغيظنى كمان البتلونوا تلقى الوجة لون والايد لون
الوش من جدة والكراع من امبدة
Post: #37 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: الامين موسى البشاري Date: 04-15-2012, 09:54 PM Parent: #7
Quote: .. البنات البرسمو حواجبينهم ويشيلو معظمها....لو شيل خفيف ماف مشكله وممكن يعتبر نضافه لانو تغيير الحواجبين بالشيل الكلى دا زاتو حرام
اسمه تشقير حواجب يا جماعة أسألوا أهل الذكر إن كنتم لا تعلمون والله صحي ()
Post: #38 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: أحمد ابن عوف Date: 04-15-2012, 10:21 PM Parent: #37
بلدي يا حبوب
ههههه
Quote: الاخ/ احمد ابن عوف
Quote: في زول بزاود؟؟ وقفنا على 750 الف دولار
وما تنسى الدولار بقى 6جنيه واكثر تحياتى
علي باليمين الزول دا يلم فيهو محافظ بنك السودان مع زنقتو دي، الا يعيد ليهو طهارتو على الاقل يعطلو كم اسبوع كده من التفكير في دخان ولكوم طارق جبيريل دا
Post: #39 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Ahmed musa Date: 04-15-2012, 10:50 PM Parent: #38
Quote: فى ختام رسالته وفى خضم جو الرومانسية الذى يعيشه والأمل بلقاء صاحبة الصورة لم ينس وطنه وتمنى للقوات المسلحة السودانية النصر فى حربها على الاعداء وتمنى ان يكون زفافه متزامنا مع انتصار القوات المسلحة.
يعني قناعته بجمال الشابة دي خلّى يدفع 750.000 دولار وقناعاته الوطنية خلّتو (بس) يقرر يعمل عرسه يوم فوز الجيش؟؟؟ مافي دولارات للجيش ؟؟؟؟؟ بجد زول ما عنده ذرة وطنية
ـــــــــــــــــــــــــــ منال الاضان دي بتجيب ليك عملة محلية بس جيبي العين حظه افضل
Post: #40 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: المسافر Date: 04-16-2012, 05:09 AM Parent: #39
وأجور الباحثين كم
أنا لدي معلومات
ومبدئياً أقول لك المبلغ أقل بكثير من المبلغ الذي يمكن أن يجعل صاحبة الصورة أن تغير إلتفاتتها في صورتها هذه للجانب الآخر،،،
الآن يجب عليك إضافة إعلان آخر توضح أجور الباحثين وأصحاب المعلومات الأكيدة...
وهنا في شخص ذكر لك معلومة صحيحة أنها كانت بدأت مشوار اغتراب ورجعت لكي تستقر في السودان...
وكذلك لديها عروض زواج محلية ( وشيكات دولارية على بياض ) مع تطمينات أن أرصدة الحساب من ستة أصفار
يلا
انتهت المعلومات المجانية...
سوف يتم بتزويدكم بالمرحلة الثانية من المعلومات في حالة تبرعكم لموقع سودانيزاونلاين
تبرعوا لموقعنا وسوف نبحث معكم
باحثون بلا حدود
Post: #41 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: هويدا شرف الدين Date: 04-16-2012, 06:11 AM Parent: #40
أها بالله لموني في الدولارات سريييييع اقصد العريس دي صورتي انا وحتي اسالو ود جبريل
Post: #42 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: walid taha Date: 04-16-2012, 07:15 AM Parent: #1
على رجل الأعمال المكرم التأكيد على أن المبلغ هو دولار (أمريكي) ، فهنالك على سبيل المثال(لا الحصر) :
دولار بربادوسي دولار بهامي دولار برمودي دولار بوروني دولار جزر سليمان دولار كاريبي دولار الفيجي دولار كوياني دولار هونكوك دولار جمايكي دولار ليبيري دولار ناميبي دولار نيوزلندي دولار سنغافوري دولار جزر سليمان دولار سورينام دولار تايوان الجديدة دولار ترندادي دولار توباكو دولار زمبابوي
Post: #43 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: walid taha Date: 04-16-2012, 07:26 AM Parent: #42
علما بأن 750,000 دولار جوياني تعادل فقط 3,675 دولار أمريكي!! ولـ(زهادة) المبلغ وجب التنبيه
:)
Post: #44 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: محمد عمر الفكي Date: 04-16-2012, 08:03 AM Parent: #43
Quote: بعرف كلام اهلى الجعليين والبطاحيين
الاخت من بطاحين وين؟ ومن هسي شيخ العرب المحرب لو ما زكاك فانت ما مننا ناذر ياخي بالغت في موضوع عوضية الحنانة دا قطعت مصاريني بالضحك، الخواجة الجنبي جاء سالني حكيت ليهو الموضوع ما كله تعليقك بس سالني
?...Is he قلت له لا لكن بريد الونسة شكلو تفكيرك مشى بعيد خلاص، قال لي الزول دا Beauty Expert !!!!! شفت نيتك كعبة كيفك؟ ما تسالني ترجمت له عوضية الحنانة دي كيف؟ بالانجليزي زي ما قال سعيد صالح
Post: #45 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Hisham Ibrahim Date: 04-16-2012, 08:21 AM Parent: #43
Quote: لانو لو شاف الباقى حيدفع ثروتو كلها
جمله حلوه شديد وملانه ..!
Post: #46 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: othman mohmmadien Date: 04-16-2012, 09:42 AM Parent: #45
البطان قالوا بينقل الايدز
Post: #47 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: ابوحراز Date: 04-16-2012, 09:55 AM Parent: #45
والله نحن حقو الواحد يبطحوه ويجلدوه عشرة سيطان زي السم عارفين ليه لأننا ظلمنا نسواننا الجميلات يعني مادفعنا فيها ولا خمسة آلاف دولار وبعد دا كلو وفرن لينا كل أنواع السعادة ماتقولوا حاقد زولة عادية يعني في حدود 15 الف دولار عشان ما نظلمها والباقي 735 الف دولار تذهب للمشردين وأطفال المايقوما وجزء منها للجيش يوم الاحتفال صراحة مرات كده القروش بتضل طريقها وتذهب لناس غير العوارة ماعندهم اي شيء
توفت زوجة عمي في قرية لاتبعد مننا كثيرا والراجل بخلاف أنه عمي عاملين فيها نحن أصحاب وحتى يودع حياة العزوبية فقد أتى الى قريتنا الجميلة حتى يختار منها مالذ وطاب وبالتأكيد قلنا نحاول الأرامل والمطلقات لأن مدة صلاحيته على وشك أن تنتهي وبعضهن ما شاء الله عليهن محتفظات ببقايا جمالهن وبعضهن طلعن من حبس البكاء سمينات وبيض الوجه ذهبنا الى ثمانية بيوت وفي كل مرة حينما نخرج يلولح راسو زي الهنود وفي النهاية أحبطنا وشال حقيبتو ورجع الى قواعده سالما وقال لنا وهو يلوح من على ظهر البوكسي لو عاوز زي المطفقات ديل كتار في حلتنا !!!!!
اها رايكم شنو نطلب صاحبة الاعلان ان كانت غير متزوجة لعمنا مع الاستئذان من ابو ريالة صاحب السبعمائة وخمسون دولارا
Post: #48 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: منال Date: 04-16-2012, 10:22 AM
Quote: منال الاضان دي بتجيب ليك عملة محلية بس جيبي العين حظه افضل
كيف يعنى اجيب العين ؟ انت عايز الراجل تجيهو صدمه لانلم فيهو لا فى دولاراتو
Post: #50 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: عصام دقداق Date: 04-16-2012, 05:02 PM Parent: #48
لوماخاب ظني دا ادريس ديبي
Post: #51 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: قاسم المهداوى Date: 04-17-2012, 04:02 AM Parent: #50
Quote: رجل اعمال سوداني سيدفع 750 الف دولار كمهر لصورة بالفيس بوك
راس المال المتخلف & وأوجه الصرف ؟؟؟؟ كتاب راس المال كارل ماركس
قاسم المهداوى
Post: #52 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Al-Shaygi Date: 04-17-2012, 05:15 AM Parent: #51
Quote: رجل اعمال سوداني سيدفع 750 الف دولار كمهر لصورة بالفيس بوك
Post: #53 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: إدريس محمد إبراهيم Date: 04-17-2012, 06:16 AM Parent: #52
الأخ العزيز / بلدي يا حبوب وكافة الأخوة الأعزاء ...
تحية واحتراما ...
أرى أنه تفكير غاية في السذاجة والسطحية ، فكيف نحكم على إنسان فقط من خلال صورته مهما بلغت هذه الصورة من الجمال ...بل ونتمادى أكثر ونحاول الدخول في تجربة زواج ... ارتباط العمر والحياة والأطفال ... ؟!!!
Quote: يا اخوى انا كلام الشوارع بتاع الخرطوم ما بخبروا
بعرف كلام اهلى الجعليين والبطاحيين
ولو على كلام الخواجات دا نحن اتربينا من عمرنا سنوات فى لندن ودرسنا الجامعات فى كندا
بس اصلنا عمروا ما نسينا ولا بننسي وبنفتش ليه فتيش يعنى ما عانينا منCulture shock
وبعتز بى اصلنا وبى ثقافتنا ومتمسكة بعاداتنا وتقاليدنا وبحب لغتنا وشعر الحماسة والبطان وجلد اسوط وكل شى جميل فى السودان
الأخت العزيزة / وضاحه ..
خالص التحايا العطره ...
هذا التعليق التريان بالأصالة والاعتداد بالتراث السوداني الجميل ... صدقيني أعجبني أيما أعجاب .. وصدق من قال عليك أن تتمسك بالثرى حتى تبلغ الثريا ....
إن شاء الله تسلمى أختنا وضاحه ، ويسلم يراعك الأصيل ... ولا تعليق سوى التصفيق ...
مع خالص الود والتجلة ؛؛؛
* ملاحظه : للمرة الثالثة أكتب هذه المداخلة وما بعرفها بتطش وين ... الله يستر المره دي كمان ....
Post: #54 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: عبدالله كع Date: 04-17-2012, 07:03 AM Parent: #53
يا اخووووووووووووانا .. مالكم ومال الراجل ؟؟؟؟؟ شاف ليهو بت عجبتو وماعندو ما نع يدفع 750 الف دولار (( امريكي يا وليد طه )) وتشاركهو حيايتو ويتم بيها دينو !! وانتو حارقين رزكم وعشان شنو ؟؟
والغريبه الناس البتقول يتبرع للناس المحتاجه واطفال المايقوما !! عجبي انتو الدراكم شنو انو الزول ما كريم ولا اصاحب ايادي بيضاء ! وامكن كمان يكون اكرم وابسط منكم !! عالم عجيبه وسبحان الله - قسمة ربنا دي ما معروفه تكون وين ؟ وكيف ؟ وباي طريقة الواحد يلاقي شريك / ة حياتو واحتمال البت الشافه دي تكون شريكة حياتو جدجد وتكون اطيب واجمل من منال ام اضان ووضاحه الجعليه !!
: : : سبحان الله ـــــــــــــــــــــــــــــــــ طوالي كدا نحنا مستعجلين ! ونسب ونلعن في الفاضي والمليان !1
Post: #55 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: ناذر محمد الخليفة Date: 04-17-2012, 09:13 AM Parent: #54
هههههههه يا عمر ..
Quote: ?...Is he قلت له لا لكن بريد الونسة شكلو تفكيرك مشى بعيد خلاص، قال لي الزول دا Beauty Expert !!!!! شفت نيتك كعبة كيفك؟ ما تسالني ترجمت له عوضية الحنانة دي كيف؟ بالانجليزي زي ما قال سعيد صالح
غايتو بي ضحككم أنت وتيسير النوراني يوم بتكتلوا ليكم حنانة ههههههههه
هسي عليكم الله التفكيرو مشى بعيد منو ؟ أنا ولا الخواجة ؟!
قال إذ هي ...... قال هههههههههههه
Post: #56 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: تبارك شيخ الدين جبريل Date: 04-17-2012, 09:40 AM Parent: #55
في اجازة الصيف في مصر ... البت دي زاتها ومعاها اختها في سنة تامنة اساس ... الاتنين يقعوا معاهو بى 600 بس ...
الزول دا قولوا ليهو ما يستعجل ساي يرمي قروشو في الواطا ...
الـ 150 البيوفرها ممكن يعرضها على ام البنات زاتها ...
هسي عليكم الله التفكيرو مشى بعيد منو ؟ أنا ولا الخواجة ؟!
قال إذ هي ...... قال هههههههههههه
يا ناذر ممكن ياخي تسال لي عاصم دا عوضية الحنانة دي عندها موقع على النت او الفيسبوك؟
شايف البوست جاب له كلام نحن لا قدره ولا طاقة لنا به ووجبت المخارجة باسرع وقت وباقل الخسائر
Post: #58 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: منال Date: 04-17-2012, 10:09 AM Parent: #57
Quote: وتكون اطيب واجمل من منال ام اضان
مااااااااااا اعتقد
Post: #60 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: عمر التاج Date: 04-17-2012, 11:03 AM Parent: #58
Quote: رجل اعمال سوداني سيدفع 750 الف دولار كمهر لصورة
والله يا جماعة- ومن غير مانزعل الزميلات- البت شديدة وتستاهل ... أنا بدفع 751 للاصل وليس الصورة.... حد يزوِّد
Post: #59 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: ahmed haneen Date: 04-17-2012, 10:51 AM Parent: #55
يا جماعة بالجنيه السوداني ما ينفع
ان شاء الله مع الأضان تكون في اضافات وكدا
نحن ندعم جنيهنا الوطني
Post: #63 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: وضاحة Date: 04-17-2012, 12:49 PM Parent: #54
Quote: Author: عبدالله كع
واجمل من منال ام اضان ووضاحه الجعليه !!
عبد الله هاك دى شهادة من شاهد فى وضاحة
ممشوقة القوام من قايما رُشُرش عينا كل الشافو للمستشقي تب ودّينا الديس النزل في اردافا سايل زينة يا ابو مروة من الحبو ولّع فينا
Post: #65 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: منال Date: 04-17-2012, 01:00 PM Parent: #63
Quote: ممشوقة القوام من قايما رُشُرش عينا كل الشافو للمستشقي تب ودّينا الديس النزل في اردافا سايل زينة يا ابو مروة من الحبو ولّع فين
أجى يايمه حال الهنا
Post: #62 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: وضاحة Date: 04-17-2012, 12:29 PM Parent: #53
Quote: الأخت العزيزة / وضاحه ..
خالص التحايا العطره ...
هذا التعليق التريان بالأصالة والاعتداد بالتراث السوداني الجميل ... صدقيني أعجبني أيما أعجاب .. وصدق من قال عليك أن تتمسك بالثرى حتى تبلغ الثريا ....
إن شاء الله تسلمى أختنا وضاحه ، ويسلم يراعك الأصيل ... ولا تعليق سوى التصفيق ...
مع خالص الود والتجلة ؛؛؛
تشكر يا ملك يا زوق
والشكر موصول للوالد الغالى وامى الحبيبة هم من زرعوا هذه النبتة
فانا مدينة لهم بذلك لانوا بالجد مافى زى ثقفتنا ولا اجمل من عاداتنا وتقاليدنا السودانية
كل الود اخى إدريس
Post: #64 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: حافظ انقابو Date: 04-17-2012, 01:00 PM Parent: #62
غايتو جنس محن
وضاحة أركزي يا زولة أنا جايب السوط شفتي كيف
......... ناذر علاقتك شنو بالحنانة؟؟ شكلك بتلاقيها كتير ما تقول لي في الكوفير الجمبكم وبتلاقيها ي الشارع براك جبتو لروحك ........... منال أضانك دي لونا كيف؟؟
.......... بلدي يا حبوب يوم بتكسر ليك رقبة زول في في البورض دي
تحياتي للجميع
Post: #66 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: تبارك شيخ الدين جبريل Date: 04-17-2012, 01:05 PM Parent: #62
Quote: .. البنات البرسمو حواجبينهم ويشيلو معظمها....لو شيل خفيف ماف مشكله وممكن يعتبر نضافه لانو تغيير الحواجبين بالشيل الكلى دا زاتو حرام
بالله "تشقير" الحواجب حرام؟ ... البوتكس كيف؟ (والبوتكس لمن لا يعرف: جراحة تجميل بحقن مادة جيلاتينية تحت الحواجب لفرد الجفون والجبين)
وبالمرّة ابن حلال يفتي لينا في حكم تشتيت الطحنية في شكل مداخلة .... عشان نعرف ادريس دا حايدفع كم في "كتاحة" ...
... المهم ....
Post: #67 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: منال Date: 04-17-2012, 01:10 PM Parent: #66
Quote: وبالمرّة ابن حلال يفتي لينا في حكم تشتيت الطحنية في شكل مداخلة .... عشان نعرف ادريس دا حايدفع كم في "كتاحة" ...
لوووووووووووووووووووووووول
انت ماشايفنى بشتت فى الطحنيه وبحرر فى السوق
Post: #68 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: تبارك شيخ الدين جبريل Date: 04-17-2012, 02:28 PM Parent: #67
Quote: انت ماشايفنى بشتت فى الطحنيه وبحرر فى السوق
كتير شديد لأنها شغالة بالنهار حنانة وبالليل بتعمل كوارع في طرف الحلة وانا بموت في الكوارع ..!
لكن أسمها برضو عوضية الحنانة ..!!
Post: #71 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: إدريس محمد إبراهيم Date: 04-18-2012, 06:25 AM Parent: #70
أخي العزيز / تبارك ...
خالص التحايا القلبيه ...
تبارك هي مجرد الحقيقة أكتبها واتكل على الله ... يعني الموضوع ما فيه (طحنيه) ولا سكر مرشوش .... وصدقني يا تبارك لو لم أكن مرتبطاً فكنت ستجدني على استعداد لدفع عمري وكل ما أملك للارتباط بإنسانة مثل (السمحه يا ستهم) ...
مع خالص ودي وتقديري ؛؛
وهاك العديه دي يا تبارك أخوي ...
Post: #72 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: الزبير صالح الزبير Date: 04-18-2012, 07:07 AM Parent: #71
ناذر الخليفة انت لمن في كوارع طرف الشارع شابكني فتة فول كل يوم مالك نصيحة لصاحب ال750 الف دولار دي حدها ألفين بس
Post: #73 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: ناذر محمد الخليفة Date: 04-18-2012, 09:05 AM Parent: #72
الزبير ..
Quote: ناذر الخليفة انت لمن في كوارع طرف الشارع شابكني فتة فول كل يوم مالك
الكوارع أنا بستخدما أستخدام طبي كمسكن للصداع وكـ مثبت للعقل بعد الساعة إتناشر ، ودي كوارعاً أنت ما عندك ليها راس
Post: #74 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: Amin Salim Date: 04-18-2012, 12:23 PM Parent: #73
Quote: الكوارع أنا بستخدما أستخدام طبي كمسكن للصداع وكـ مثبت للعقل بعد الساعة إتناشر ، ودي كوارعاً أنت ما عندك ليها راس
انت زول وطنى وبتشجع الصناعات المحليه الحصل فيها ازمة بعد الانفصال.....ولّاعميل خائن بتعتمد على المستورد
Post: #75 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: ناذر محمد الخليفة Date: 04-18-2012, 12:57 PM Parent: #74
سلام امين ..
Quote: انت زول وطنى وبتشجع الصناعات المحليه الحصل فيها ازمة بعد الانفصال.....ولّاعميل خائن بتعتمد على المستورد
انا من المقتنعين بالمثل البيقول (تمرنا ولا عنب الناس) ..
صدقني مقتنع بشدة ..!!
Post: #77 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: عزالدين عباس الفحل Date: 04-19-2012, 10:35 AM Parent: #74
الامـيرة وضــــاحـــة
حياك الله
الحــور العـين ، و ملكة جـمـال ، دار جـعـل ، ،،، دى شهادة من شاهد فى وضاحة
ممشوقة القوام من قايما رُشُرش عينا كل الشافو للمستشقي تب ودّينا الديس النزل في اردافا سايل زينة يا ابو مروة من الحبو ولّع فينا
،،، مع خالص الود ،
عزالدين عباس الفحل ابوظبي ..
Post: #76 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: وضاحة Date: 04-19-2012, 09:32 AM Parent: #71
Quote: إدريس محمد إبراهيم
أخي العزيز / تبارك ...
خالص التحايا القلبيه ...
تبارك هي مجرد الحقيقة أكتبها واتكل على الله ... يعني الموضوع ما فيه (طحنيه) ولا سكر مرشوش .... وصدقني يا تبارك لو لم أكن مرتبطاً فكنت ستجدني على استعداد لدفع عمري وكل ما أملك للارتباط بإنسانة مثل (السمحه يا ستهم) ...
مع خالص ودي وتقديري ؛؛
وهاك العديه دي يا تبارك أخوي ...
اشكرك ادريس
والتحية ليك وتجدنى عاجزة فى الرد يا زوق
تبارك دا ما تشتغل بيه كتير
اصلوا فاطى صفحة وخارج الشبكة الله يكرمك
Post: #78 Title: Re: رجل اعمال سوداني سيدفع 750 الف دولار كمهر لصورة بالفيس بوك(توجد صو Author: بلدى يا حبوب Date: 04-22-2012, 10:59 AM Parent: #76
للجميع شكرا على ادارة البوست بأحترافية منبرية ومداخلات معسولة باللطافة بس البنت ده ما وريتونا حكايتها ذى حكاية البت الحديقة بتاعت الراحل المقيم مصطفى سيد احمد والله هى قاعدة بشحمها ولحمها طبعا اهل الفيسبوك ادرى تحياتى ومحبتى وسلامى لكل المتداخلين والقراء
