لمتين ندافع عنكم وعن مصالحكم ؟؟؟ ان الوطنية ليست صكوك توهب ،،

...................... ......................

بالجد ياخوانا في ناس يحيروك عديل كده بنقاشم السطحي المبتور من سياقات الموضوع كلها ..
يعني اسي ما ممكن الناس كلها شغاله (الوطنيه الوطنيه وهجليج وجزء من الوطن و و و ) ويتباكو علي عدم وطنيتنا
ومايفهمو او يعملو فيها ما فاهمين لما نقول ليهم اكبر هجليج وله حلايب ؟؟ اكبر هجليج وله الفشقه ؟؟ اكبر هجليج وله مثلث اليمي ؟؟ الم يفرط فيهم هذا النظام وانتو وبرغم وطنيتكم الزايده هذه لم تحركو ساكنا ؟؟ ياخي هو النظام ده فرط في تلت البلد عديييييييييييل كده . عملتو شنو ؟؟ في زول فيكم نزل دمعه ساي يوم ضياع الجنوب ؟؟ وله الجنوب ده ما جزء من الوطن ؟؟ وله ما من الوطنيه الدفاع عنو ؟؟ وله هجليج اكبر من الجنوب كمان ؟؟؟؟؟؟
ياناس افهمو واوعو هذه الحرب ليست من اجل الوطن هي دفاع عن مصالح هذا النظام .. وكل هذه الجوطه والخطاب العاطفي عن الوطن والوطنيه ما هو الا دموع تماسيح ونفاق من الكيزان وجهاز امنهم لكي يستدرو عاطفتنا لندافع عنهم ومصالحهم ..
.. ولكن لا يلدغ المرء من جحر مرتين ..
كفانا 2 مليون سوداني فقدناهم قبل كده ... كفايه غش وخداع .. تاني ما بنتغشا ..
خـــــــــــــــــــــــــــــــــــــــــــــــــــــــــــــــــلاص قرفــــــــــــــــــــــــــــــــــــــــــــــــــــــــنا ،،

بوشي

ضد هذة الحرب بالكامل ,
ضد قتل الانفس وهدر الموارد و
ضد العودة للدائرة الجهنمية لسخف حروب خلف حروب ..
على طرفي الصراع الوقف الفوري .. كلاكما سيء ويسير للاسوء ..

مع اي يد تمتد نحو وقف الحرب ..


______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

Quote: على طرفي الصراع الوقف الفوري .. كلاكما سيء ويسير للاسوء .. مع اي يد تمتد نحو وقف الحرب ..

يا بوشي ياخوي كدي براحة
هجليج وحلايب و الفشقة - اليمي خليها اسي - ديل ما حقات المؤتمر الوطني
وكلهن اراضي سودانية محتلنها اجانب و واجبنا الوطني ان نرفض احتلالها, طال الزمن ام قصر حيغور المؤتمر في ستين داهبية وتبقى حقيقة ان ارض السودان - وليس دار حزب المؤتمر الوطني - محتلة
كونو حلايب اكبر من هجليج وكون الحكومة طنّشت الموضوع لا يعني قبول احتلال هجليج الآن او معايرة الحكومة ان امشي حرري حلايب اول او طنّشي على هجليج برضك
ثم الجنوب استقل بخيار شعبه لا بسبب انو الحكومة ضيّعته و دا خيار لا نملك الا احترامه و احترام التمانية وتسعين في المية الإختاروه

Quote: يا بوشي ياخوي كدي براحة هجليج وحلايب و الفشقة - اليمي خليها اسي - ديل ما حقات المؤتمر الوطني وكلهن اراضي سودانية محتلنها اجانب و واجبنا الوطني ان نرفض احتلالها, طال الزمن ام قصر حيغور المؤتمر في ستين داهبية وتبقى حقيقة ان ارض السودان - وليس دار حزب المؤتمر الوطني - محتلة كونو حلايب اكبر من هجليج وكون الحكومة طنّشت الموضوع لا يعني قبول احتلال هجليج الآن او معايرة الحكومة ان امشي حرري حلايب اول او طنّشي على هجليج برضك ثم الجنوب استقل بخيار شعبه لا بسبب انو الحكومة ضيّعته و دا خيار لا نملك الا احترامه و احترام التمانية وتسعين في المية الإختاروه

تسلم يا حبيب ....
البوشي لسبب ما بقيت تذكرني التاج العزيبة !!!

Quote: بالجد ياخوانا في ناس يحيروك عديل كده بنقاشم السطحي المبتور من سياقات الموضوع كلها ..

بوشي سلام
ان سياقات الموضوع كله
لا مبرر اذا حلايب محتلة والفشقة = نقوم نبارك احتلال هجليج لحبايبنا ناس الحركة الشعبية
لانو ناس الحركة نحنا متحالفين معهم ل اسقاط النظام
للعلم هجلبج ليست منطقة متنازع عليها
ايضا ان كون حزب البعث العربي الاشتراكي يؤيد احتلال هجليج
علي اساس
هل علي اساس ان تسقط حكومة الانقاذ ثم نقوم نطالب حكومة الحركة الشعبية باعادة هجليج
حزب البعث في يوم الايام ادان خروج الحركة الشعبية لخروجها من التجمع

Quote: يعني اسي ما ممكن الناس كلها شغاله (الوطنيه الوطنيه وهجليج وجزء من الوطن و و و ) ويتباكو علي عدم وطنيتنا ومايفهمو او يعملو فيها ما فاهمين لما نقول ليهم اكبر هجليج وله حلايب ؟؟ اكبر هجليج وله الفشقه ؟؟ اكبر هجليج وله مثلث اليمي ؟؟ الم يفرط فيهم هذا النظام وانتو وبرغم وطنيتكم الزايده هذه لم تحركو ساكنا ؟؟ ياخي هو النظام ده فرط في تلت البلد عديييييييييييل كده . عملتو شنو ؟؟ في زول فيكم نزل دمعه ساي يوم ضياع الجنوب

؟؟
المقارنة في السياق زي مابتقول غير واردة تماما
والمبرر ضعيف

Quote: وله الجنوب ده ما جزء من الوطن ؟؟ وله ما من الوطنيه الدفاع عنو ؟؟ وله هجليج اكبر من الجنوب كمان ؟؟؟؟؟؟

الجنوب اختار الانفصال ونحن نحترم هذا الانفصال
الجنوب اصبحت دولة ذات سيادة ولها مقعد في الامم المتحدة زي الكويت
وحتى ياسر عرمان ومنصور خالد اصبحوا غرباء

Quote: ياناس افهمو واوعو هذه الحرب ليست من اجل الوطن هي دفاع عن مصالح هذا النظام .. وكل هذه الجوطه والخطاب العاطفي عن الوطن والوطنيه ما هو الا دموع تماسيح ونفاق من الكيزان وجهاز امنهم لكي يستدرو عاطفتنا لندافع عنهم ومصالحهم ..

انت نظامك شنو.....ما برضو شمولي ... الحلم بمقاعد السلطة حلم يراود الجميع

Quote: .. ولكن لا يلدغ المرء من جحر مرتين .. كفانا 2 مليون سوداني فقدناهم قبل كده ... كفايه غش وخداع .. تاني ما بنتغشا .. كفانا كنت تقولها لناس الحركة او تدين الاعتداء والاحتلال

Quote: خـــــــــــــــــــــــــــــــــــــــــــــــــــــــــــــــــلاص قرفــــــــــــــــــــــــــــــــــــــــــــــــــــــــنا ،،

بوشي
يازول ما تقرف الجاي اصعب
؟؟؟؟؟؟؟
بس ناس الحركة الشعبية عمرهم ما كانوا صادقين مع الشمال
ولهم من النوايا يعلم بها الله
الحركة الشعبية اصبحت جسم غريب في السودان
.......
لن ادافع عن الكيزان ولن ارمتمي في احضان الحركة الشعبية
اي رأي مستقل
ما تفعله الحركة الشعبية شئ مستفذللشعب السوداني
وهم اكثر قطاعات الشعب السوداني استفادوا من الانقاذ
لكنهم لن ندعهم يستفيدوا من هذا الشعب المغلوب علي امره
ان هجليج ملك الشعب السوداني