Post: #4 Title: Re: بـاظ* الجـريف!! Author: محمد عبد الماجد الصايم Date: 04-15-2012, 08:08 AM Parent: #2
Quote: بس ما يقطع سير المكنة
أتوقع المشكلة الحقيقية ـ لحدي الآن ـ في المجسّات!! عمّكـ لو ما (دخّلنا) الورشة) البساتم ح (توسّع)!!
وبالتالي لا بد من (العَمرة)!!
Post: #3 Title: Re: بـاظ* الجـريف!! Author: محمد عبد الماجد الصايم Date: 04-15-2012, 08:04 AM Parent: #1
وبمناسبة الـ (باظ*) خلينا نلخّ العندنا كلو هنا .. والبداية ح تكون شكر عميق للأنيق عماد عبد الله على عبارتو المريحة ـ كالعادة ـ (إنعل ميتين المزرعة السعيدة)!!
Post: #5 Title: Re: بـاظ* الجـريف!! Author: محمد عبد الماجد الصايم Date: 04-15-2012, 08:12 AM
وبما إنو القصة (مفيّسة) فخلونا نقدم الشكر الجزيل لـ كاميليا عجاج ـ بالتساوي مع أيوب خليل مرغني!!
كل يوم تصحى الصباح تلاقي في الإيميل: كاميليا عجاج (أدد يو) تو قروب (مطيّن)! وأيوب خليل (أدد يو) تو قروب (يعمل أشقدي)!!
من أنتم ياخ! تراكم ذبحتونا!!
Post: #6 Title: Re: بـاظ* الجـريف!! Author: محمد عبد الماجد الصايم Date: 04-15-2012, 08:14 AM Parent: #5
بالمناسبة .. كلمة (أشقدي) دي عربي ولّ رطانة ولّ إنجليزي؟ كلمة علمية ولّ أدبية ولّ نجر أخدر ساي؟
Post: #7 Title: Re: بـاظ* الجـريف!! Author: خالد المحرب Date: 04-15-2012, 08:20 AM Parent: #6
Quote: يسخّن يدخّن .. يقوم يقطّع الهدوم!!
_ يا ريس .. صلّح البلوفة ياخ!
والله نفس الاحساس الليله مبطل شغلى عشان اقوم بى الواجب تجاه النا س السمحين ديل لكن فى عطل فى المواصلات ياريس اضم صوتى على عمك ود الصايم
Post: #8 Title: Re: بـاظ* الجـريف!! Author: محمد عبد الماجد الصايم Date: 04-15-2012, 08:38 AM Parent: #7
يا أرباب .. غايتو دايرين لينا (تاتشر) يجرّ البورض دا! إن شاء الله يجرو خمسين زاتو!!
Post: #9 Title: Re: بـاظ* الجـريف!! Author: محمد عبد الماجد الصايم Date: 04-15-2012, 08:51 AM Parent: #8
وقبل ما البوست يبرد زاتو جانا أيوب خليل (متأبطا) قروب جديد!!
بطل الدغمسه , الريس يبقي ليك حاوى؟ الجماعه بدل يقصفوا هجليج شغالين قصف في الموقع ... و بكثافه , سمعت بي حاجه اسمها DDOS Attacks ؟ أمشي اتثقف بدل ضحكوجينتك و "فراغك" ديل
ثم بطل الكضب ... باظات جريف شنو الركبتها انت؟
Post: #21 Title: Re: بـاظ* الجـريف!! Author: محمد عبد الماجد الصايم Date: 04-15-2012, 09:54 AM Parent: #17
Quote: سمعت بي حاجه اسمها DDOS Attacks
النجيضة .. وعشان (كعوجتكـ) دي الاتاكـ دا أول مرة أسمع بيهو!!
أما فيما يخص باظات الجريف فركبناها لحدي ما قطّعت هدومنا!! وكمان باصات (أم دوم)! عشان تآآآمن زاتو!!
Post: #19 Title: Re: بـاظ* الجـريف!! Author: محمد عبد الماجد الصايم Date: 04-15-2012, 09:41 AM Parent: #13
Quote: بالله انت صديق لكاميليا ؟!!!!! خسئت يا اخا العرب
يا دوكـ .. كاميليا صديق لود الصايم!!
Post: #20 Title: Re: بـاظ* الجـريف!! Author: أمير فتحي Date: 04-15-2012, 09:46 AM Parent: #19
ياعمك إنتا الظاهر لسا شغال بالياباني ؟؟؟
Post: #22 Title: Re: بـاظ* الجـريف!! Author: محمد عبد الماجد الصايم Date: 04-15-2012, 09:55 AM Parent: #20
Quote: ياعمك إنتا الظاهر لسا شغال بالياباني ؟؟؟
أمير .. قلبتو (إيران غاز) ولّ شنو؟ ولّ عملت للكيبورد (سيراميك) قام زبط!!
Post: #23 Title: Re: بـاظ* الجـريف!! Author: أمير فتحي Date: 04-15-2012, 09:59 AM Parent: #22
Quote: مير .. قلبتو (إيران غاز) ولّ شنو؟ ولّ عملت للكيبورد (سيراميك) قام زبط!!
لا هاذي ولا تيلكا
كانسليشن للأكسبريشن ...ثم فرفكسيشن والحمدو لله من قبلو ومن بعدو
Post: #30 Title: Re: بـاظ* الجـريف!! Author: محمد عبد الماجد الصايم Date: 04-15-2012, 10:32 AM Parent: #24
يا أمير .. دي خيانة عديل منكم
Post: #31 Title: Re: بـاظ* الجـريف!! Author: محمد عبد الماجد الصايم Date: 04-15-2012, 10:32 AM Parent: #24
الشبلي يا فنان .. عمكـ المعلم بتاع الورشة قافل المفاتيح عندو! قال اليومين ديل القصة جابت انفصال واحتمال تحصل ثورة!!
Post: #25 Title: Re: بـاظ* الجـريف!! Author: محمد على طه الملك Date: 04-15-2012, 10:14 AM Parent: #23
Quote: اتثقف بدل ضحكوجينتك و "فراغك" ديل
تصدق فعلا الزول ده ما مثقف .. ياخي دا لغتو الرضع بيها طلع مفوت منها .. غاظني ياخي .. قال اشقدي قال .. اول حاجة هي بالكاف مش بالقاف يا وهم .. إنت قايل لغتنا ما عنها مصححين؟
يا ناس الرياض بوستاتكم الايام دي شكلها كدة كدة ما عارف! الريس ابو جهينة قبل كم يوم كان مع الباوقة وشات عكس القون :) زكرتونا الشامبيون ولا جامبي ما عارف لووووووووول
Post: #49 Title: Re: بـاظ* الجـريف!! Author: محمد عبد الماجد الصايم Date: 04-15-2012, 11:48 AM Parent: #47
هههههههههههههههههههههههههههههههههه يا ريس .. اليومين ديل عندنا موسم التزاوج!!
Post: #48 Title: Re: بـاظ* الجـريف!! Author: محمد أبوالعزائم أبوالريش Date: 04-15-2012, 11:48 AM Parent: #41
Quote: بـاظ* الجـريف!!
واحد يسخّن ...... إتنين يدخّن قدّام يفضّي ...... ورا يعضّي
______
Quote: الله يقدرنا على خشمنا الكبير دا!!
كااااااااااكـ ..... ما بتقدر
Post: #51 Title: Re: بـاظ* الجـريف!! Author: محمد عبد الماجد الصايم Date: 04-15-2012, 12:04 PM Parent: #48
ناس السعودية مكتمين فمرفوع منهم القلم :) ونحن زاتنا عايزين معاهم تؤامة يا وضاحة زهجنا من كترة النوم . اسمه بطان يعني جلد حااااااااار اما البطانة فهي جلساء السلطان :) وضاحة مشتاقين
Quote: ولآمين ناس وضآحة واخواتا، وشيخ العوض يدبل في المداخلآت كمان !!!؟؟؟ غايتو البلد محمولة بالحيل. والله صحي...
هووي مديرنا يا مدير خلي الجماعة في حالهم يا قول وضاحة ! احذرثم احذر الابتزاز باسم الوطن !
عليكالله يا معاوية مهما الحاصل بدبرس بالزول لكن ما اظن المنبر هو المكان الوحيد لممارسة الدبرسة الوطنية ! حسع مش معظمنا بعد الزول يعمل ساين اوت بمشي بمارس حياتو عادي وبتونس مع اصدقاؤ والاهل وكمان بشرب شاي المغرب ! وطيب
اقول ليك حاجة : قبل نص ساعة كدة جيت اخستك مع ناس ودالصائم و صادف تقرير من الجزيرة عن هجليج في نفس اللحظة وقمت دبرست و ما قدرت اعمل مشاركة- المهم بعد فترة لقيت روحي بتكلم عادي وبتونس مع الحبايب في البيت !
انت البوستات التانية فيها شنو غير التخوينات !! اوعي لو مفتكر ديك وطنية !! بالغت ياخ ! يمكن دا البوست الوحيد الما فيهو تخوين ! وانت الوحيد الخون الناس ! والله صحي !! ونسة الظالم عبادة ياخ !
حكمة العدد : احذر ان تتعامل مع المنبر وكأنه الوطن ! حكمة العدد الفات : لو قافلة معاك شديد ما تحسد التانين !
Post: #90 Title: Re: بـاظ* الجـريف!! Author: محمد عبد الماجد الصايم Date: 04-16-2012, 07:34 AM Parent: #75
Quote: ناس السعودية مكتمين فمرفوع منهم القلم :) ونحن زاتنا عايزين معاهم تؤامة يا وضاحة زهجنا من كترة النوم .
_ يا حااااااااااااااااااااااااااااااااااااااااااااااااج!!
Post: #91 Title: Re: بـاظ* الجـريف!! Author: محمد عبد الماجد الصايم Date: 04-16-2012, 07:35 AM Parent: #75
مامون ابوشيبة ومزمل من امس مدورّين مكنة استهداف الحكام للمريخ قالوا سطاشر سنة عمر الممتاز ما حصل اتحسب اي بلنتي للمريخ في لقاءات القمة هي نان يجيبوا ليهن بلنتات من وين و انتو مكملّنها هنا يمين لو في حكم هنا كان جاو وجع حلق من الصفافير ههههههههههههههههه
منال يا ست الاضان الرهيب ذات الحلق المرصع بالدهب الاصلو ما بتغير
Quote: جيت اسلم وامشى اغير السفايف واجى صاده
السفايف دي شنو جمع سفة ولا شيييينو ود الصايم الضاحك ديمة تحياتي ليك يا ود ام الحمام اخبارك (الاشقدي) محرفة من الغة النوبية بتاعتنا (اشكوندي) دائما الشوايقة يشيلو مننا ويودو
Post: #106 Title: Re: بـاظ* الجـريف!! Author: محمد عبد الماجد الصايم Date: 04-17-2012, 12:18 PM Parent: #82
حباب عمنا زمراوي .. وين أراضيكـ ياخ! أصلوا ما نقابلكـ في الرياض دي؟ إن شاء الله في عزا في الجمعية ياخ!!!!
Quote: (الاشقدي) محرفة من الغة النوبية بتاعتنا (اشكوندي) دائما الشوايقة يشيلو مننا ويودو
أيوااا .. أنا استغرابي من الكلمة زاتا! معناها شنو بالضبط كـدا؟
Post: #79 Title: Re: بـاظ* الجـريف!! Author: سارة عيسى أحمد Date: 04-15-2012, 09:19 PM
Quote: على عبارتو المريحة ـ كالعادة ـ (إنعل ميتين المزرعة السعيدة)
سلام يا محمد ..
أخوي برضو ريحني بالدعاء ده :
اللهم أقتل حيوانات المزرعة التعيسة بالأمراض وأحرق محاصيلها شوال شوال ووزعها يالله خطة إسكانية عشان نرتاح وأجعل صاحبها يقلب كفيه على ما أنفق فيها وأخرجه منها وهو ظالم لنفسه
Post: #110 Title: Re: بـاظ* الجـريف!! Author: محمد عبد الماجد الصايم Date: 04-18-2012, 11:03 AM Parent: #81
Quote: اللهم أقتل حيوانات المزرعة التعيسة بالأمراض وأحرق محاصيلها شوال شوال ووزعها يالله خطة إسكانية عشان نرتاح وأجعل صاحبها يقلب كفيه على ما أنفق فيها وأخرجه منها وهو ظالم لنفسه
المشكلة يا سارة بعد ما يعملوها خطة إسكانية الكيران كلهو ح يتجهوا للفيسبوكـ!!
_ غايتو شايف في اقتراحات لتحويل القصة من لعنات الميتين إلى حوار الأديان!!
Post: #111 Title: Re: بـاظ* الجـريف!! Author: محمد عبد الماجد الصايم Date: 04-18-2012, 11:05 AM Parent: #81
Quote: اوعي من الشماعة يا عمك
ذكرتني القصة بتاعت البت النشلوها في الباظ* قالوا ليها القروش كنتي خاتاها وين؟ قالت ليهم في الـ ****! أها .. وما حسيتي يعني؟ قالت: كنت قايلة غرضو شريف
في السيالة - عطبرة جنب البحر عمنا احمد عبدالله عنده لوري هو و بص الجريف ولاد بطن واحده يوم عمنا احمد عبدالله سايق اللوري يتهادي بيه و طالع من الحلة يلاقي عمنا مجذوب سايق عجلتو:
عمنا احمد : يلا يا مجذوب اركب النوصلك
عمنا مجذوب: شكرا" ليك يا احمد، لكن معليش، أنا مستعجل والله !!
Quote: هووي مديرنا يا مدير خلي الجماعة في حالهم يا قول وضاحة ! احذرثم احذر الابتزاز باسم الوطن !
عليكالله يا معاوية مهما الحاصل بدبرس بالزول لكن ما اظن المنبر هو المكان الوحيد لممارسة الدبرسة الوطنية ! حسع مش معظمنا بعد الزول يعمل ساين اوت بمشي بمارس حياتو عادي وبتونس مع اصدقاؤ والاهل وكمان بشرب شاي المغرب ! وطيب
اقول ليك حاجة : قبل نص ساعة كدة جيت اخستك مع ناس ودالصائم و صادف تقرير من الجزيرة عن هجليج في نفس اللحظة وقمت دبرست و ما قدرت اعمل مشاركة- المهم بعد فترة لقيت روحي بتكلم عادي وبتونس مع الحبايب في البيت !
انت البوستات التانية فيها شنو غير التخوينات !! اوعي لو مفتكر ديك وطنية !! بالغت ياخ ! يمكن دا البوست الوحيد الما فيهو تخوين ! وانت الوحيد الخون الناس ! والله صحي !! ونسة الظالم عبادة ياخ !
هيثم طه، سلآمات.
يا زول كمان المدير بيحذروه. جانا دا !!!؟؟؟
وحاتك يا هيثم أنا جيّت داخل باظ الرماد دا، عارف بلقى فوقو ناس يفرقوا لي هموم البلد المنطبقة فوقا هموم غربة السجم دي كمان. إنت لي زمانك التخوين دا مرآت بيكون مفيد. والله صحي. هسّع عليك الله بتاعين سبق الحمير الزمااااان ديّك مُش طلعوا هم الكسبانين ؟ دحين تخويني ليكم دا لا تابوهو، وشوفو لينا سبق ركشات عشان الجماعة يجو يخونونا بالجُملة. يا هيثم أنا اليومين ديل مافي حاجة ممخوِلآني غير مُصطلح الوطنية. والله صحي، وهسّع بقينا داخلين في حِتة ضيّقة شديد. يعني بالوآضح كدي عشان تبقى وطني لآزم تبقى مؤتمر وطني. أها عليك الله نفر الشقاوة دي قابلتك ؟؟؟ يا زول كفاية كدا هسّع باظكم دا يكون فيهو وآحد من الجماعة يجي يغتّس لي حجري.
كدي خلني البس عباية المسقفاتية قبل أكتب السطرين ديل. بالنسبة لمدآخلتي الواردة في طيات هذا البوست، فأنا كتبتها في إطار المزح البريئ، وأنت فهمتها في إطار الأمر الجاد، والأغرب من هذا وذآك أنّ إبن الصائم فهمها في إطار الممازحة الترفيهيّة علماً بأنّ هذا الود الصائم دائماً يفهمني في إطار الجِديّة القوية، ويزعل مني. تصدق !!! أها لقيتني كيف، عليك الله ؟؟؟
علي اليمين يا هيثم نحن كان ما قاعدين نجي نتونس معاكم في الباظ الكركعوبة دا الوآحد فينا مُخو كان زماااااان بز بز. يا أخي رغم الدخاخين والكركبة الحاصلة فيهو دي، فهمو ملجأنا وملآذنا عندما تحاصرنا جيوش الغربة من كلّ الإتجاهات. والله صحي.
الكلآم أعلآه في برواز الفرفشة، وضرب الهم بالونسة. يا أخي مودتي دي كللللللها هآك ليها يا هيثم.
يا ود الصايم أمسك مني هيثم دا. وحات السكنو ود فلآتي أنا بقيت العنقريب دا ياااااا الله إنجمع منو في الوآطة.
أها إتونسنا. إن شاء الله ربنا يجعلا في ميزان حسناتنا.
Post: #99 Title: Re: بـاظ* الجـريف!! Author: محمد عبد الماجد الصايم Date: 04-16-2012, 11:50 PM Parent: #98