اخبار البورد.....,,انا كنت مسافر

اها يااخوانى القدامى والجدد

عشان اقدر اواكب معاكم

دحين احكوا لى الفاتنى كلو

ولا اقول ليكم ادونى من الآخر


تحياتى للجميع

كنت مسافر في بلد ما فيها نت؟؟؟
دي وين دي
في المريخ ولا عطارد؟؟؟؟
مرحب
في كمية من العنصرية في البورد
تمحن ناس جنوب أفريقيا بذات نفسهم

اهلا بيك يا عشا الضيفان
ساءلين عنك ويوماتى رحيل
لموانى المدن النفطية
وعساك طيب
والعيال وامهن؟
البلا ماجاك
والخير بى حداك
والبركة الجيت

حبابو العزيز تيرابو


بتمشي وين انت

حمد لله علي السلامة يا ابقوتة

عشان الزول يجيك من الاخر وكدا اديك اهم احداث الساعة في المنبر واهم التداعيات والاشتباكات الحاصلة

بعد سقوط هجليج في يد جيش الجنوب حدث كالعادة كما هو متوقع انقسام حاد بين العضوية , المؤيدين للمؤتمر الوطني والسودانين الساكت الغير منتمين , وبعض الاصوات التي لديها ما يسمي بالوطنية في الاحزاب المعارضة وقفوا بجانب الجيش السوداني و دعمه لاستعادة هجليج , المعارضة كالعادة تشتت ما بين ان هذه حرب عادلة للجنوب ما دام الحكومة تقوم بالقصف الجوي وما بين ان هذا سيكون سبيلا لانهاء نظام الانقاذ , اللافت حقا هو موقف عضوية الشيوعي التي تفاوتت ما بين اقصي اليمين الي اقصي اليسار اضطراب واضح في الصوت الشيوعي حينما قال تنازعهم الامر ما بين ضرورة الاستفادة من الوضع لاسقاط النظام الي دعم خجول لجيش السودان لاستعادة الارض السودانية وحتي الان خدر لم يستطيع تحديد موقف واضح . محمد المشرف ما عارف روحه حيغيب من البورد ولا حيواصل فهو يتنازع بين هذا وذاك , اما عاطف مكاوي فهو يحصد في واد غير زي زرع
شكلة بين خالد عويس وضياء الدين بلال بدأت في الفيس بوك بشأن تقرير كتبه لقناة العربية عن الحرب الدائرة تم نقل الشكلة للمنبر بضبانتها , الجدير بالذكر ان المعلومة الوحيدة التي اضيفت للشكلة انه خالد عويس بشرب شيشة في نادي الطايف بتاع الارستقراطية
تراجي وبشاشا لم يتبقي لهم الا ان يبتزا الناس اذا استخدموا الطوب الاحمر في بناء بيوتهم بانه نوع من انواع العنصرية المقيتة
اتضح ان بكري ابوبكر من مدمن مشاهدة التلفيزون القومي وقد فتح بوستا يسال عن زول شبهو في واحدة من المؤتمرات الصحفية
محمد سليمان بتاع الحركات المسلحة يعيش اسعد ايامه المنبرية
حفلات تابين وردي ما تديك الدرب واكتشفوا تسجيل عجيب لاغنية الطير المهاجر بعد وفاة وردي
ود الباوقة جاب كلاشه وشرع في البورد تاح تاح تراااح حتي ظننا انه دكتور صلاح بتاع اغنية البنسلين يا تمرجي
صلاح غريبة قبضو بشاشا بمارس اشستعلاء عرقي وبدأ يزرزره , مع العلم بان بشاشا حيعيش علي البوست دا ستة ارباع جاية
خالد كودي بقي زي دكتور مصطفي محمود بتاع التجاهل شايل ليهو بوست كتبه لافي بيهو من بيت لي بيت لو قحيت ساكت ولا سالت من زول غايب يلصق ليك البوست في حنانك
هجو الاقرع انفعل بداية الحرب ونزل بوست بلعه بي شراباته في بوست اعتذار كله اضنين حمر
علاء الدين يوسف هذه المرة طال صمته عن الكتابة في موضوع الهجمة التانية علي هجليج رغم مشاركة له بالامس خجولة بتصريح الصواري بتاع قاصين درب الجماعة
عمر الفاروغ وود الصايم ومن لف لفهم من الضحكونجية حددوا اقاماتهم في الفيس بوك لحين انتهاء الازمة ورجوع البورد سيرته الاولي
عصام جبر الله مشي السودان وجا راجع جاب معاهو اشاعة عايش عليها في البورد , مع ملاحظة انه اتصور مع ملاسي صورة لما فيهو ايدينه الجدير بالذكر ان هدومهم في الصورة كما ذكر في البوست تنم عن ذوق مبشتن فالهدوم موضتها انتهت من منتصف التمنينات
في شاب جديد ابنصاتو في السماء بقي زي كيس النايلون في اي بوست اسمه حافظ انقابو ما عرفنا مويته شنو الا بعد ان افصح انه كاتبه المفضل تمبس فعرفنا مدي تواضعه
حسين ملاسي جاب مقص وقال لو حلقتو شعر الوطنية بتبقي خيانة الجماعة شبكو الحلاقة بي قطعية ما زي حلاقة الصلعة وضاعت الوطنية والخيانة ما بين الشعر
بشة طلع من ناس تحالف كاودا ما احترم الظرف البتمر بيهو هجليج ولا انه جمال الوالي مؤتمر وطني وقعد يكورك ويييياي كاودا وكل القوة هجليج جوة
نجلاء سيد احمد بعد ان اعتدت عليها الشرطة في تشيع الطالب فقدت المنطق وبقت هلالبية !!
نزار وهشام هباني ما عرفتهم بتغالطوا ولا اصحاب المهم شايف كل واحد داقي يافطة وراجي التاني
دي لفة سريعة عن الحاصل لو لقيت مستجدات او اتذكرت حاجة بجيك راجع

Quote: حمد لله علي السلامة يا ابقوتة عشان الزول يجيك من الاخر وكدا اديك اهم احداث الساعة في المنبر واهم التداعيات والاشتباكات الحاصلة بعد سقوط هجليج في يد جيش الجنوب حدث كالعادة كما هو متوقع انقسام حاد بين العضوية , المؤيدين للمؤتمر الوطني والسودانين الساكت الغير منتمين , وبعض الاصوات التي لديها ما يسمي بالوطنية في الاحزاب المعارضة وقفوا بجانب الجيش السوداني و دعمه لاستعادة هجليج , المعارضة كالعادة تشتت ما بين ان هذه حرب عادلة للجنوب ما دام الحكومة تقوم بالقصف الجوي وما بين ان هذا سيكون سبيلا لانهاء نظام الانقاذ , اللافت حقا هو موقف عضوية الشيوعي التي تفاوتت ما بين اقصي اليمين الي اقصي اليسار اضطراب واضح في الصوت الشيوعي حينما قال تنازعهم الامر ما بين ضرورة الاستفادة من الوضع لاسقاط النظام الي دعم خجول لجيش السودان لاستعادة الارض السودانية وحتي الان خدر لم يستطيع تحديد موقف واضح . محمد المشرف ما عارف روحه حيغيب من البورد ولا حيواصل فهو يتنازع بين هذا وذاك , اما عاطف مكاوي فهو يحصد في واد غير زي زرع شكلة بين خالد عويس وضياء الدين بلال بدأت في الفيس بوك بشأن تقرير كتبه لقناة العربية عن الحرب الدائرة تم نقل الشكلة للمنبر بضبانتها , الجدير بالذكر ان المعلومة الوحيدة التي اضيفت للشكلة انه خالد عويس بشرب شيشة في نادي الطايف بتاع الارستقراطية تراجي وبشاشا لم يتبقي لهم الا ان يبتزا الناس اذا استخدموا الطوب الاحمر في بناء بيوتهم بانه نوع من انواع العنصرية المقيتة اتضح ان بكري ابوبكر من مدمن مشاهدة التلفيزون القومي وقد فتح بوستا يسال عن زول شبهو في واحدة من المؤتمرات الصحفية محمد سليمان بتاع الحركات المسلحة يعيش اسعد ايامه المنبرية حفلات تابين وردي ما تديك الدرب واكتشفوا تسجيل عجيب لاغنية الطير المهاجر بعد وفاة وردي ود الباوقة جاب كلاشه وشرع في البورد تاح تاح تراااح حتي ظننا انه دكتور صلاح بتاع اغنية البنسلين يا تمرجي صلاح غريبة قبضو بشاشا بمارس اشستعلاء عرقي وبدأ يزرزره , مع العلم بان بشاشا حيعيش علي البوست دا ستة ارباع جاية خالد كودي بقي زي دكتور مصطفي محمود بتاع التجاهل شايل ليهو بوست كتبه لافي بيهو من بيت لي بيت لو قحيت ساكت ولا سالت من زول غايب يلصق ليك البوست في حنانك هجو الاقرع انفعل بداية الحرب ونزل بوست بلعه بي شراباته في بوست اعتذار كله اضنين حمر علاء الدين يوسف هذه المرة طال صمته عن الكتابة في موضوع الهجمة التانية علي هجليج رغم مشاركة له بالامس خجولة بتصريح الصواري بتاع قاصين درب الجماعة عمر الفاروغ وود الصايم ومن لف لفهم من الضحكونجية حددوا اقاماتهم في الفيس بوك لحين انتهاء الازمة ورجوع البورد سيرته الاولي عصام جبر الله مشي السودان وجا راجع جاب معاهو اشاعة عايش عليها في البورد , مع ملاحظة انه اتصور مع ملاسي صورة لما فيهو ايدينه الجدير بالذكر ان هدومهم في الصورة كما ذكر في البوست تنم عن ذوق مبشتن فالهدوم موضتها انتهت من منتصف التمنينات في شاب جديد ابنصاتو في السماء بقي زي كيس النايلون في اي بوست اسمه حافظ انقابو ما عرفنا مويته شنو الا بعد ان افصح انه كاتبه المفضل تمبس فعرفنا مدي تواضعه حسين ملاسي جاب مقص وقال لو حلقتو شعر الوطنية بتبقي خيانة الجماعة شبكو الحلاقة بي قطعية ما زي حلاقة الصلعة وضاعت الوطنية والخيانة ما بين الشعر بشة طلع من ناس تحالف كاودا ما احترم الظرف البتمر بيهو هجليج ولا انه جمال الوالي مؤتمر وطني وقعد يكورك ويييياي كاودا وكل القوة هجليج جوة نجلاء سيد احمد بعد ان اعتدت عليها الشرطة في تشيع الطالب فقدت المنطق وبقت هلالبية !! نزار وهشام هباني ما عرفتهم بتغالطوا ولا اصحاب المهم شايف كل واحد داقي يافطة وراجي التاني دي لفة سريعة عن الحاصل لو لقيت مستجدات او اتذكرت حاجة بجيك راجع

وناس حليمه لقوا غنمايتهم الكانت ضايعة
وناس عيدروس سافروا البلد عشان عندهم بكى
وناس ست الجيل جابوا ليهم شيلة بتهم سلمى لقوها ستة ستة قالن دا زمن ستة ستة وقاموا رجعوها
وضرة فرحانة قالوا انها ولدت بيقولوا جابت ولد
والاولاد البيقعدوا فوق السلتك جنبك دكان الفوراوي قالوا للبت هبة لمن كانت راجعة من الشغل أحي أنا ... مشت كلمت ابوها
الاولاد البيعملوا فتت البوش قالوا لسليمان ما تأكل معانا ولا تشترك .. عشان انت لقمتك كبيرة وتأكل بسرعة
ناس بدرية كمان جوهم ضيوف من البلد عشان كدا سوسن ما قاعدة تجي الدكان كتير


الله يخرب بيتك انت كنت شغال مدرس

Quote: الله يخرب بيتك انت كنت شغال مدرس

يا حمزاوي هو بشة خلي لينا حاجة نقولها
بقينا فريجة وهتيفة

قسماً بالله من عنوان البوست قلت أكيد
أساسي جا كتب ليهو محاضرة هنا!!






_
( )!

اديت البوست عين خلاص يا ضحكونجي من قبيل بعمل رد ما راضي يفتح

طبعا كلامك انت البين القوسين لاني كتبت بنظام نقطة وفطر سطر

ـــــــــ

ضربت ليك اعزيك والله مرتين لكن والله في المرتين مشغول جوالك

Quote: حمد لله علي السلامة يا ابقوتة عشان الزول يجيك من الاخر وكدا اديك اهم احداث الساعة في المنبر واهم التداعيات والاشتباكات الحاصلة بعد سقوط هجليج في يد جيش الجنوب حدث كالعادة كما هو متوقع انقسام حاد بين العضوية , المؤيدين للمؤتمر الوطني والسودانين الساكت الغير منتمين , وبعض الاصوات التي لديها ما يسمي بالوطنية في الاحزاب المعارضة وقفوا بجانب الجيش السوداني و دعمه لاستعادة هجليج , المعارضة كالعادة تشتت ما بين ان هذه حرب عادلة للجنوب ما دام الحكومة تقوم بالقصف الجوي وما بين ان هذا سيكون سبيلا لانهاء نظام الانقاذ , اللافت حقا هو موقف عضوية الشيوعي التي تفاوتت ما بين اقصي اليمين الي اقصي اليسار اضطراب واضح في الصوت الشيوعي حينما قال تنازعهم الامر ما بين ضرورة الاستفادة من الوضع لاسقاط النظام الي دعم خجول لجيش السودان لاستعادة الارض السودانية وحتي الان خدر لم يستطيع تحديد موقف واضح . محمد المشرف ما عارف روحه حيغيب من البورد ولا حيواصل فهو يتنازع بين هذا وذاك , اما عاطف مكاوي فهو يحصد في واد غير زي زرع شكلة بين خالد عويس وضياء الدين بلال بدأت في الفيس بوك بشأن تقرير كتبه لقناة العربية عن الحرب الدائرة تم نقل الشكلة للمنبر بضبانتها , الجدير بالذكر ان المعلومة الوحيدة التي اضيفت للشكلة انه خالد عويس بشرب شيشة في نادي الطايف بتاع الارستقراطية تراجي وبشاشا لم يتبقي لهم الا ان يبتزا الناس اذا استخدموا الطوب الاحمر في بناء بيوتهم بانه نوع من انواع العنصرية المقيتة اتضح ان بكري ابوبكر من مدمن مشاهدة التلفيزون القومي وقد فتح بوستا يسال عن زول شبهو في واحدة من المؤتمرات الصحفية محمد سليمان بتاع الحركات المسلحة يعيش اسعد ايامه المنبرية حفلات تابين وردي ما تديك الدرب واكتشفوا تسجيل عجيب لاغنية الطير المهاجر بعد وفاة وردي ود الباوقة جاب كلاشه وشرع في البورد تاح تاح تراااح حتي ظننا انه دكتور صلاح بتاع اغنية البنسلين يا تمرجي صلاح غريبة قبضو بشاشا بمارس اشستعلاء عرقي وبدأ يزرزره , مع العلم بان بشاشا حيعيش علي البوست دا ستة ارباع جاية خالد كودي بقي زي دكتور مصطفي محمود بتاع التجاهل شايل ليهو بوست كتبه لافي بيهو من بيت لي بيت لو قحيت ساكت ولا سالت من زول غايب يلصق ليك البوست في حنانك هجو الاقرع انفعل بداية الحرب ونزل بوست بلعه بي شراباته في بوست اعتذار كله اضنين حمر علاء الدين يوسف هذه المرة طال صمته عن الكتابة في موضوع الهجمة التانية علي هجليج رغم مشاركة له بالامس خجولة بتصريح الصواري بتاع قاصين درب الجماعة عمر الفاروغ وود الصايم ومن لف لفهم من الضحكونجية حددوا اقاماتهم في الفيس بوك لحين انتهاء الازمة ورجوع البورد سيرته الاولي عصام جبر الله مشي السودان وجا راجع جاب معاهو اشاعة عايش عليها في البورد , مع ملاحظة انه اتصور مع ملاسي صورة لما فيهو ايدينه الجدير بالذكر ان هدومهم في الصورة كما ذكر في البوست تنم عن ذوق مبشتن فالهدوم موضتها انتهت من منتصف التمنينات في شاب جديد ابنصاتو في السماء بقي زي كيس النايلون في اي بوست اسمه حافظ انقابو ما عرفنا مويته شنو الا بعد ان افصح انه كاتبه المفضل تمبس فعرفنا مدي تواضعه حسين ملاسي جاب مقص وقال لو حلقتو شعر الوطنية بتبقي خيانة الجماعة شبكو الحلاقة بي قطعية ما زي حلاقة الصلعة وضاعت الوطنية والخيانة ما بين الشعر بشة طلع من ناس تحالف كاودا ما احترم الظرف البتمر بيهو هجليج ولا انه جمال الوالي مؤتمر وطني وقعد يكورك ويييياي كاودا وكل القوة هجليج جوة نجلاء سيد احمد بعد ان اعتدت عليها الشرطة في تشيع الطالب فقدت المنطق وبقت هلالبية !! نزار وهشام هباني ما عرفتهم بتغالطوا ولا اصحاب المهم شايف كل واحد داقي يافطة وراجي التاني دي لفة سريعة عن الحاصل لو لقيت مستجدات او اتذكرت حاجة بجيك راجع

وأمي اقتنعت اخيراً انه تدخل جدادتها العاقر مستشفى تداوي وتحملها حتى ولو (بيضة انابيب) لكن الديك منقرط وقال يا أنا يا تحملوها من أب بديل - المشكلة انه التبرعات الجات كلها لجنى جداد بتاع نعام -

ست البنات جارتنا العمشاء ربنا هدى ود اختها الاغترب في السعودية وجاب ليها عدسات لاصقة - المشكلة لون العدسات رمادي وست البنات لونها وردي فاتح - غايتو اشترت ليها عباية تركوازي عشان تعمل ماطشي

حسين ملاسي بعد مع الطاهر ساتي باع الجماعة ومشى التيار بقى زي اليتسم ومتحير يقول لساتي انت بتاع مصلحة والا ياكلها في حنانو ويخفف الضغط على عثمان ميرغني واخوهو على


وهبة عاد بقوة وشات ليك هباني في التمانيات لكنه الصين علمتو رهافة الحس والشعور فبقى يملس من فوق فوق

بت جيراننا كوثر شلوت الشينة ربنا اقنع ليك حمد ابو سلكة بتاع القُفاف وعرسها وهسع قالوا حامل في الشهر الرابع

علوية بالمناسبة لي هسسع راجلها ما رجع من ليبيا وما عارفة هو حي والا ثوار سرت اسروهو مع المرتزقة لكن الشمار الجابتو سلوى تصافيح انه مرقها في لاهاي وحايكون من ضمن حراس البشير لكن اوكامبو قال الكلام دا حتى الآن غير موثق رغم انه علاء الدين يوسف جاب فيديو بيقول فيهو الصوارمي راجل علوية دخل كوبنهاجن وساعي للمزيد

مرحب بيك يا ابقوته ..
يا اساسي والله تكون ريحت ناس كتار لو كل اسبوع اسبوعين عملت مؤجز زي دا .

Quote: والاولاد البيقعدوا فوق السلتك جنبك دكان الفوراوي قالوا للبت هبة لمن كانت راجعة من الشغل أحي أنا ... مشت كلمت ابوها

أخى أبقوته حمداً لله على السلامة..

أساسى أداك المفيد..لكن فى حتة أنقابو وأن كاتبه المفضل تمبس دى فيها حتة غيره...

تانى مافى داعى ندخل المنبر بس نقول لى أساسى لخص لينا بالله.

رغم إنو فى حاجت كده فاتت على أساس زى بوست محمد عمر الفكى قال قبل مباراة الهلال والمريخ بأن الهلال مهزوم..وطبعاً من ديك وعيك.

المهم كيف فت ألأهل ؟إن شاء الله خليتهم بخير.

تحياتى ليك ولأساسى ولكل المتداخلين وخالص إحترامى للجميع.