لي قــدام ..

في كل شبر .. لي كل شبـر ..
لي قدام .. من أجل كرامـة الوطـن .. لعزة الوطـن .. لي قدام ، واتركوا خلفكم سقط المتاع ..
لي قدام في كل بوصة في هجليج ..
لي قدام .. جــوه خالص

انفرزت الصفوف من وقتا بدري ..
هلل ما يدعون انفسهم معارضي الانقاذ هللوا وكبروا وتبادلوا التهاني لسقوط هجليج .. يا لبؤسكم ويؤس من تتبعون .
هللوا للحركة الشعبية .. حركة باقان وعرمان ، وسيلفا ..
هللوا لسقوط هجليج ممنيين انفسهم بسقوط الخرطوم وهم ايديهم على كيبورداتهم ..
..
فلينتظروا ويكتموا امانيهم العراض .. وتهانيهم .. فالحرب لم تنتهي بعد .. والجيش متقدم ..
انتظروا ..
ثم
عودوا لترسلوا تهانيكم .. لاحبابكم الذين ترون فيهم الخلاص ..

عاشت حلايب مصرية والفشقة اثيوبية .. الله اكبر والعزة للسودان

Quote: انفرزت الصفوف من وقتا بدري .. هلل ما يدعون انفسهم معارضي الانقاذ هللوا وكبروا وتبادلوا التهاني لسقوط هجليج .. يا لبؤسكم ويؤس من تتبعون . هللوا للحركة الشعبية .. حركة باقان وعرمان ، وسيلفا ..

تمبس لك تحياتي

هذا جرم لن يغتفر بحق الوطن وهذه سقطة لن تمر مرور الكرام ، وسحب الجنسية من هؤلاء اعتقد ابسط شئ . وعاش السودان حر ابي والخزي والعار لهؤلاء البائيسين الخونة.

معارضون نعم يا تامبا لكن قلباً و قالباً مع الجيش السوداني ضد أي غزو أجنبي

سلام ياعلاء ....
ومعاك نردد :

Quote: في كل شبر .. لي كل شبـر .. لي قدام .. من أجل كرامـة الوطـن .. لعزة الوطـن .. لي قدام ، واتركوا خلفكم سقط المتاع .. لي قدام في كل بوصة في هجليج .. لي قدام .. جــوه خالص

تحياتي

أنا والمعارضة على الإنقاذ
وأنا والإنقاذ على كل من يعتدى على الوطن

لي قدام


لحدي ما ينقطع شريان حاتهم

لي قدام

لدي ما يعرفوا الله حق

لي قدام


لحدي ما يعرفوا غضب الحليم


لي قدام

لحدي ما يقولوا الروووب الزمان قالوها

نعم يا تمبس هذا هو كلام القلب الذي يخفق لهذا الوطن ضد العدوان الغاشم الغادر
ضد من يدعون انهم اتو للسلام
ضد من يأوون المخربين
ضد هؤلاء الطغاة المتجبرون

والخلاف في القيادة هو هل يكتفى بتحرير هجليج ام بالزحف حتى جوبا ،، فالمسيرية حالفين يعلفون جيادهم من حشائش جوبا ،،

لي قدام

خلف قواتننا المسلحة الباسلة

الى الأمام

الله أكبر والعزة للسودان

Quote: وسحب الجنسية من هؤلاء اعتقد ابسط شئ

حبيبنا تمبس اها نقعد هنا نلقط (نقاط) ولا نمشيها (بدون)

برغم رفضي الكامل للحرب في المقام الاول وللاعتداء علي ارض سودانية لم تكن مدرجة في المناطق المتنازع عليها
السؤال هنا حتي الاراضي المتنازع عليها عند الانشطار العظيم والحكومة تفاوض باسم المؤيد والمعارض لماذا تركتها كقنابل موقوته
بزر تحكم تقلبات اهواء نظامين متنافرين ً
احتكار الوطنية امر صعب جداً
فغدا يمكن للنظام ان يتفاوض على اي مساحه في الارض دون مشاركة اي كان
بل كيف جاء النظام اصلا
وعقلية التمكين اللي من خلال تم تشريد الكثرين واعتقل بل قتل المخالفين باسم الوطنية والله
حتي دخول الجيش القومي نفسه عبر بوابة الكليات استمر لفترة طويلة حكر لمنسوبي النظام
لا توجد لحظه فارقه في الوطنية فنفس قيادات التنظيم الحاكم كانت تخطط عبر لبيبا القذافي لاسقاط نميري
نفس القذافي ضرب الخرطوم وليس الاطراف
واليوم هم من يستخرجون الجنسيات وينزعونها

تحياتي

من اجل الوطن
لا تفاوض
لاتراجع
لاتهاون
نعم لتحرير كل شبر منه
نعم لردع كل الخونة و الخارجين
نعم لصبح جديد في وطن عظيم و كبير
فوق من اجل الوطن

احتلت مصر مثلث حلايب ولم نرى اي حشد او اتهامات الخيانة واوسمة الوطنية
واحتلت اثيوبيا الفشقة ولم نسمع اي اعتراض او دعوة للجهاد
احتلت دولة جنوب السودان هجليج فسمعنا الاتهامات بالتخوين والدعوات للرمي لي قدام


نفس الجيش الذي طُلِبَ منه ان يسكت عن البيع المخزي لرض حلايب بثمن بخس، اليوم يصح حامي حمى الوطن

يطلبون منّا ان نشترى الوطنية، وينسون ان المشكلىة ليست هجليج

غداً سيدخل الجيش الحكومى هجليج

وسنعود ولن يفتح الله على احد ان يتكلم عن الاراضي السودانية التى بيعت لمصر وللسعودية.

حتى الآن لا افهم هذه النفخة العظيمة من اجل هجليج، والسكوت المخزي عن حلايب والفشقة


هل لهذا الامر علاقة ان المعتدين اليوم هم مضطهدي الاسم

وان المعتدين في حلايب هم اسياد الاسم.


لكن لا صوت يعلو فوق صوت (البترول).

Quote: حتى الآن لا افهم هذه النفخة العظيمة من اجل هجليج، والسكوت المخزي عن حلايب والفشقة

أول حاجة لما تدخل لي بوست تاني احترم نفسك .. واتكلم بي طريقة مهذبة ..
المرة الفاتت دخلت ليك بوست وقعدت تلولو في الحقيقة ومن لحظته قلت ليك ما عايز اشوف خلقتك دي في بوست ليهو علاقة بي لي سبب واحد
نوعيتك دي .. ما بعرف اتعامل معاها إلا بقوة السلاح ..
واتمنى انو يوما ما يجمعنا ميدان الكلام فيهو بي قوة السلاح ..
مش الاخ من ناس الحركة الشعبية برضو .. ؟
مش قبل كدا جيت عملت لي في بوست استعراض بتاع قوة ووريتني انك بتاع اسلحة وكلام فارغ بالشكل دا ..؟
يللا لما تجي داخل بوست اختار مفردات تعرف توجهة وبي شكل جيد
علشان ما تسمع ما لا يرضيك ..

واضح يا سيد ..؟

الصادق اسماعيل
ومتى كانت هجليج منطقة متنازع عليها حتى تمثلها بالفشقة وحلايب؟؟؟؟؟ ممكن تجاوب

بعدين هل تعلم يا فاهم انو تبعية هجليج للشمال كل العالم يعترف بها حتى الجنوبيون ذات انفسهم
بعدين بمنطقك دا انت وكت عارف انو حلايب سودانية لماذا لم تطالب الحكومة بضمها وتجييش الجيوش لها ؟؟؟
امشي شوف ليك ناس عندهم قنبور قوليهم كلامك دا
نحن افريقيا دي كلها حقتنا بمنطقك دا لانو النجاشي حكم اثيوبيا والصومال وحتى نهر عطبرة واريتريا وبعانخي حكم مصر والسلطان على دينار حكم تشاد وعييييييييك

الله أكبر يابلدي *** أفديك بروحي وولدي

فاليخرس المخزلين والعملاء والذين في قلوبهم مرض الذين يجترون في حديث من شاكلة الفشقة وحلايب نحن شعب يعرف أولوياته

Quote: برغم رفضي الكامل للحرب في المقام الاول وللاعتداء علي ارض سودانية لم تكن مدرجة في المناطق المتنازع عليها السؤال هنا حتي الاراضي المتنازع عليها عند الانشطار العظيم والحكومة تفاوض باسم المؤيد والمعارض لماذا تركتها كقنابل موقوته بزر تحكم تقلبات اهواء نظامين متنافرين ً

حبيبنا شقدي ..
سلامات
ما ذكرته في السطور الأولى عن رفض الحرب هو ما وقفنا فيه طويلا .. ورفضناها ورفضها كل من يحلم بحقوق تسترد .. لكن الحركة الشعبية اصبحت تدق في طبول الحرب بالرغم مما غنمته من مشاركة في السلطة لنفس الحكومة إلى ما وصل الحال إليه من انفصال .. فطالما اخذوا ما اخذوه .. فاليتركوا ما ليس لهم .. ابتداء الحوار بالنيل الأزرق .. فعرفوا الرد وفروا كالفيران عندما يقتحم الطوفان السفينة .. والان سيفرون من هجليج لو تبقى منهم من تبقى فالعدوان يجب رده كما جاء في كتاب الله .. فالأرض سودانية ..

Quote: احتكار الوطنية امر صعب جداً فغدا يمكن للنظام ان يتفاوض على اي مساحه في الارض دون مشاركة اي كان بل كيف جاء النظام اصلا

.. النظام جا كمن جاءت الكثير من الحكومات العسكرية في السودان .. وكيفما جاءت الديمقراطية في السودان وفرطنا فيها حتى دخل هؤلاء الذين يحتلون هجلج الان .. جاءوا إلى مشارف كوستي والدمازين .. ليس من أجل الوطنية جاءوا من أجل ان يكون لهم وطنا يخصهم فكان لهم ما ارادوا لكن تطاول في (ملم) من جديد الرد سيكون بدون اي ركون لاي عقل ولا مفاوضات .. فإن كان لهم ما يريدونه .. فليخرجوا اولا .. ثم يلتحدثوا عن الوطنية وعن ... وعن ..

Quote: لي قدام .. من أجل كرامـة الوطـن .. لعزة الوطـن .. لي قدام ، واتركوا خلفكم سقط المتاع ..

كلام من ذهب يجب ان يدرس لفاقدى الوطنية

لي قدام

حتى تتحرر هجليج

لي قدام
أنا وإبن عمي على الغريب


إحتلال هجليج تشكي منه حلّة الملاح
يا أصحاب التبرير الفطير

up

اخونا تمبس
لي قدام
وقدام دي حدها بعيد
هذا وطن وارض وعرض
فتقديمها ليس له حدود وقدسيتها ومكانتها لا نقاش فيها
سوف نظل دائما نحمل بلدنا
وندفع بها ( لي قدام ) والي الامام
وهذا علي الاقل واجب الاوطان

Quote: الذين يجترون في حديث من شاكلة الفشقة وحلايب نحن شعب يعرف أولوياته

سلام يا علاء، وبعد إذنك
على جلاس،  سلام 
الجمرة تحرق الواطيـهـا.. انتو ما تعرفوا قيمة حلايب بالنسبة لمن بتحدثون عنها. بعدين رحمك الله ارح الشعب السودانى
فهو لم ينتدب احدا للحديث بإسمـه. ومشكلة السودان اليوم اكبرمما هو مطروح للنقاش فى هذه المنابر.

تمبس..
معك حتي اخر بوصه في حدودنا الجنوبيه ..
واليوم اليوم ستسمع ما يفرحك ..خليك قريب
فقد ادخل الجماعهنفسهم كما قال احد السفهاء .. في (..)
والا مافي داعي .. يقومو يلفحو بوستيك هذا ..

شكرا لكل الشباب الذين هم على الوعد بهم ..
وشكرا لكل الاحرار على وعدهم فداء الوطــن ..


يا فيصل الرشيد .. هات البشريات .. وخلي الباقي علي ... حتى نكرم وفادة الذين تبادلوا التهاني بسقوط هجليج ..

Quote: انفرزت الصفوف من وقتا بدري .. هلل ما يدعون انفسهم معارضي الانقاذ هللوا وكبروا وتبادلوا التهاني لسقوط هجليج .. يا لبؤسكم ويؤس من تتبعون . هللوا للحركة الشعبية .. حركة باقان وعرمان ، وسيلفا .. هللوا لسقوط هجليج ممنيين انفسهم بسقوط الخرطوم وهم ايديهم على كيبورداتهم .. .. فلينتظروا ويكتموا امانيهم العراض .. وتهانيهم .. فالحرب لم تنتهي بعد .. والجيش متقدم .. انتظروا .. ثم عودوا لترسلوا تهانيكم .. لاحبابكم الذين ترون فيهم الخلاص ..

شكرا تامبا


وكلام زي الدهب

واليوم او صباح الغد


سيسدل الستار باستسلام او فناء المعتدين