Post: #1
Title: الآن، آمنتم بمجلس الامن !!!!
Author: Zoal Wahid
Date: 04-13-2012, 06:43 PM
الجماعة فتحوا بوستات انو مجلس الامن طالب دولة جنوب السودان
لسحب قواتها من هجليج.
وقال بعضهم فرحان ان جيش المؤتمر الوطني لن يحارب بل سيجد ان سلفاكير قد سحب
جيشه غصبا عنه.
الجماعة ما قصروا انو مجلس الامن معاهم.
يا اخوانا دا مش نفسو مجلس الامن القال البشير (السودان
اكتر دولة كسرت قرارات مجلس الامن).
مش نفسو مجلس الامن الجماعة متعهدوا المظاهرات في الخرطوم اخرجوا ناسهم
للتنديد بمواقفه و رفضهم لقراراته؟
دا مش مجلس الامن الفيهو امريكا و فرنسا و بريطانبا الوضعهم البشير تحت جزمتو؟؟
الليلة جايين مبسوطين منو.... المكسر شايل الاعمي ....
|
Post: #2
Title: Re: الآن، آمنتم بمجلس الامن !!!!
Author: Zoal Wahid
Date: 04-13-2012, 06:48 PM
Parent: #1
زي ما انتو كسرتو قرارات مجلس الامن
خلو اخونا سلفاكير يكسر معاكم.
ما تبقوا انانيين في الكسير.
خلو الناس تلعب زيكم
|
Post: #3
Title: Re: الآن، آمنتم بمجلس الامن !!!!
Author: Zoal Wahid
Date: 04-13-2012, 06:54 PM
Parent: #2
لحدي الان مجلس الامن لم يصدر قرارا بل دعا و طالب.
ودي بسيطة و تكسيرها زي طرشيق البالونة .... فخلو اخونا سيلفا
يتعلم طرشيق البالونات لحدي يقدر يكسر زي ما كسرتو
|
Post: #4
Title: Re: الآن، آمنتم بمجلس الامن !!!!
Author: Zoal Wahid
Date: 04-13-2012, 07:02 PM
Parent: #3
يا جماعة خلو الجنوب يقلدكم ولو مرتين بس.
اقلها يقول لسوزان رايس : موصو و اشربو
|
|