بجاوى يسال الزبير محمد صالح فى بورتسودان

جاء الزبير محمد صالح ذات مرة الى بورتسودان وكله حماس ليشجع عمال الشحن والتفريغ لانخراط فى معسكر سماه دقنة الثانى وكانت قصة المعسكر الاول ان اقتيد المتدربون الى جنوب طوكر لمحاربة مؤتمر البجا الذى كانت الآلة الاعلامية الحكومية تنعتهم بقوات ارترية تهاجم السودان وقدر الله ان مات عدد كبير من الدفاع الشعبى وجرح بعضهم وفقد اثر الاخرين فى جنوب طوكر وكان كل اؤلئك من عمال الموانى فى الشحن والتفريغ وعندما جاء الزبير وحث الناس للانخراط فى معسكر دقنة الثانى لمحاربة الكفار والمعتدين الارتريين "مؤتمر البجا" وعندما انتهى من كلامه فتح باب الاسئلة فقام احد العمال من البجا فقال انا عندى سؤال فقال له الزبير تفضل ياشيخ العرب فوقف البجاوى وقال " انا داير اعرف حاجة واحدة انتو الحرب دى بين السودان وارتريا ولا ارتريا وهيئة الموانى" فضحك الحاضرون وعلموا مقصد هذا الشخص وباختصار كان يريد ان يقول شوفوا من باقى السودان دفاع شعبى عشان يحارب
واليوم تقول الانقاذ هجم النمر هجم النمر فنقول لهم وبكل صراحة هذه الحرب انتم من اشعلتوها ولن نقاتل معكم اذهبوا وقاتلوا ان اردتم وان اخذتم نصحنا فان السلام هو اقصر الطرق لانهاء كل التوترات ولن يكون سلام بلا حرية اطلقوا الحريات ياتى السلام والعدالة
الله فرجينى

Quote: انا داير اعرف حاجة واحدة انتو الحرب دى بين السودان وارتريا ولا ارتريا وهيئة الموانى

عصبة النظام زي المناشير حتى الحرب دايرين يستفيدوا منها (قلبه عدله) تخوين المعارضين ولا صوت في كل هذا الانهيار والمعاناة يعلو فوق صوت المعركة

تحياتي الحبيب هاشم نوريت