Post: #1 Title: سنة يا بِشّـــــــــــــــــــــــــــــــــــــــــة ... Author: محمد البشرى الخضر Date: 04-12-2012, 08:00 PM Parent: #0
عارفنو الهلال كان كعب و النصيحة ليك يا الله المريخ كان يستحق التعادل على اقل تقدير لو ما الفوز عديل و القائم و طلاشة المهاجمين حرموا المريخ من قونين راسن عديل و الحكم اكلن في بلنتي ونهى الكورة قبل الزمن الإضافي بتاعها واي شي ...
لكن برضو بنقول زوووووووووووووووووووووووووووووط
ونمشي بمزاج نرجى تحرير هجليج و كورتكن مع مازمبي هههههه
Post: #2 Title: Re: سنة يا بِشّـــــــــــــــــــــــــــــــــــــــــة ... Author: حمد عبد الغفار عمر Date: 04-12-2012, 08:22 PM Parent: #1
بالله يا محمد البشرى
سجل لينا معاك واحد
زوووووووووووووووووووووووووووووط
الواحد كان كايس ليهو لأي سبب يفرحو أهو الحمد لله لقيناه
Post: #3 Title: Re: سنة يا بِشّـــــــــــــــــــــــــــــــــــــــــة ... Author: عبدالفتاح أبوشيمة Date: 04-12-2012, 08:47 PM Parent: #2
تهانينا يا ود البشرى
ما برضو زمان الموردة كان بتلعب
والهلال بيغلب
- إنت ودالصايم ماله ما ظاهر؟
Post: #7 Title: Re: سنة يا بِشّـــــــــــــــــــــــــــــــــــــــــة ... Author: احمد الأمين على إدريس Date: 04-12-2012, 09:08 PM Parent: #3
مبروك يا ود البشرى ليك ولكل الاسياد فرق 4 نقاط + معنويات كويسة للجزائرى + انتظار مباراة مازمبى بنفس مزاجك اعلاه
كنت فى الاستاد ..بعد نهار خرطومى ما اسخن منو الا الذى يجرى فى هجليج مضافاً اليه المعاناة اليومية الزايدة زيادة قررنا نمشى الساعة 8 الا ربع (حليل زمن الناس من 4 فى الاستاد)..وصلنا والمبارة بادية قعدنا فى الجانبية وبى مزاج شفنا العك الكتير والدافورى والحكم المهزلة وبعد دا كلو طلعنا مبسوطين وشتتنا كمية من الزوووووووط
اجمل مافى الاستاد كان المساطب والمدرجات الجنوبية سكات وقعاد واطة
مبروك للهلال
Post: #4 Title: Re: سنة يا بِشّـــــــــــــــــــــــــــــــــــــــــة ... Author: waleed dawash Date: 04-12-2012, 08:51 PM Parent: #1
Quote: عارفنو الهلال كان كعب و النصيحة ليك يا الله المريخ كان يستحق التعادل على اقل تقدير لو ما الفوز عديل و القائم و طلاشة المهاجمين حرموا المريخ من قونين راسن عديل و الحكم اكلن في بلنتي ونهى الكورة قبل الزمن الإضافي بتاعها واي شي ...
ياودالبشرى اول مره اعرفك مجاملاتي لكن كمان ما للدرجه دي. انا معاك في دي
Quote: و القائم و طلاشة المهاجمين حرموا المريخ من قونين راسن عديل
لكن الحكم كان ظلمو لينا اكتر ... ياخي كاريكا ده اتعطل مليون مره ولا كرت ماطلعو وماخد كرت احمر من غير سبب ... ولكن برضو نقول مبروك لينا
Post: #5 Title: Re: سنة يا بِشّـــــــــــــــــــــــــــــــــــــــــة ... Author: د.يوسف محمد طاهر Date: 04-12-2012, 09:02 PM Parent: #4
مبروك للهلال ... بس الحكم كان ضاغط على الهلال أكثر من المريخ يا ود البشرى ... المريخ لعب كويس لكن لعيبته كانوا متسرعين عشان كده ما قدروا يسجلوا هدف ... تحياتي
Post: #6 Title: Re: سنة يا بِشّـــــــــــــــــــــــــــــــــــــــــة ... Author: الامين موسى البشاري Date: 04-12-2012, 09:06 PM Parent: #4
Quote: عارفنو الهلال كان كعب و النصيحة ليك يا الله المريخ كان يستحق التعادل على اقل تقدير لو ما الفوز عديل و القائم و طلاشة المهاجمين حرموا المريخ من قونين راسن عديل و الحكم اكلن في بلنتي ونهى الكورة قبل الزمن الإضافي بتاعها واي شي ...
1000000000000000000 مبروكـ كلامكـ سمح علا
Quote: زوووووووووووووووووووووووووووووط
دي كعبه شديد :)
Post: #8 Title: Re: سنة يا بِشّـــــــــــــــــــــــــــــــــــــــــة ... Author: نجلاء سيد أحمد Date: 04-12-2012, 09:12 PM Parent: #6
مبروووووووووووووووووووك
Post: #9 Title: Re: سنة يا بِشّـــــــــــــــــــــــــــــــــــــــــة ... Author: Ashraf el-Halabi Date: 04-12-2012, 09:39 PM Parent: #6
في كسر من الثانية الباشمهندس بشة أنجز الكالكليشين بتاعو وعمل تيك اوف موسى (النومة) يتفرج وماخدلو تعسيلة
يا بشرى أب شبحة دا لو ما كان لاعب كورة كان يكون نشال ناجح تعجبني سرعة قراءته للملعب
تحت تحت: حمد الله على السلامة يا عمك :)
Post: #10 Title: Re: سنة يا بِشّـــــــــــــــــــــــــــــــــــــــــة ... Author: محمد البشرى الخضر Date: 04-12-2012, 10:19 PM
مبروك الف مبروك اسياد البلد وهاردلك يا صفوة تعيشو و تغيّروا في المدربين و تشتروا المواسير و تبنوا طوابق تالتة ورابعة و تاخدوا غيرها هههههههههههههههه
حمد عبد الغفار اعتمدناها زووووووطك دي اسي و الباقي نستلمو منك يوم مازيمبي إن شاء الله والله يا حمد ما في شي ببسط , الوضع سيئ وماشي للأسوأ ولا يوجد ما يبشر بالخير و القادم مظلم الهلال من حركة البرير و مجلس الكذّابين مرق لي من نفسي لكن تقول شنو بس كما انو الاداء الشفناه الليلة واضح انو ما بمشينا لا قدام كان نحنا كان المريخ , غايتو الله كريم البركة في فرحة الليلة دي وكتر خير بشة - و الزومة بالطبع
عمنا ابوشيمة تهانينا و نحمد الله ان وفّقنا و سترنا الزرة في الشوط التاني كانت شديدة, بارك الله في ريكاردو اظنو لسة محنتو لينا في محلها مرق الباشا في الوقت المناسب حتن شوية شمينا نفسنا
ابو حميد مبروك ياخ و بختك والله , طعم هلال مريخ في الاستاد غير - شرطا تكون غالب هههههههههههه لكن ياخوي النحدسك من اسي الجزائري ما داير معنويات داير صانع لعب داير دفاع مكرّب و مدرّب يخت تشكيلة صاح و يغيّر صاح فا شنو؟ ما تأمل كتير ,الكونفيدرالية زاتو السنة حمامها ميّت ههههههههههه
يا ود داوش ما مجاملة ولا حاجة, الحكم كعب كعب و ظلم التيمين كوني كتبت عن ظلمه للمريخ وما ذكرت الحالات العكسها على الهلال ما عشان بجاملن وكدا ما نحنا في النهاية غالبين ودا عزاء كافي لينا الكلام اليتامى ديل مرشوشين و الحكم كعب و هجليج محتلة , ما يحننوا عليك النبي ههههههه
مبروك دكتور يوسف الحكم كعب دي ما عليها اختلاف و فوّت وعكس حالات اضرّت بالتيمين معا مهاجمي المريخ ما كانوا في يومن وإلاّ قياسا على الفرص اللقوها و حجم الهجوم الضاغط طيلة زمن الشوط التاني تحديدا و التراجع الغريب للهلال و غياب خط وسطه كانو رشّونا رشة تسير بها الركبان
هاردلك يا ود البشاري ياخي مالها زوووط دي ما فوقها شي بعدين دا تراث و فلكلور ياخ اسمعني كان ما لقيتو طريقة للحضري ح تشربوا زيت اكرم دا مو نافع ولا عليه تكل
ههههههههه مبروك نجلاء الليلة بخاري ما ينوم بالله - جيبوه حي
ابو الشوش يا عمك الف مبروك ياخ تعرف المعلّم بشة دا ما ظنيتو بكلكشن حاجة دا بقوم طوالي و اظنه بسوي الحساب في الجو قبل ما يصل شوف قونو في الاتحاد الليبي نفس النظرية
بعدين بشة عندو حسن تصرف قدام القون و حس مهاجم و بتصرف فيرست تايم
Post: #11 Title: Re: سنة يا بِشّـــــــــــــــــــــــــــــــــــــــــة ... Author: محمد البشرى الخضر Date: 04-12-2012, 10:31 PM Parent: #10
