Post: #1
Title: معركة حامية ا########س الان بأمدرمــــــــــــــــــــــــــــــــــــــان
Author: بكري الخير
Date: 04-12-2012, 12:40 PM
Parent: #0
تتدافع جماهير المريخ الغفيرة علي استاد الهلال وهم يحملون الاعلام وبنفخون في الابواق ويدقون في الطبول لخوض المعركة الشرسة مساء اليوم ضد الهلال الذي حشد جماهيره بصورة كبيرة ايضا داخل الاستاد منذ الصباح
جماهير الصفوة كالعادة تبتكر احدث الاساليب التشجيعية ويلونون اجسامهم وقد راجت مهنة تلوين الاجسام في شارع العرضة واستجلبت الباروكات التي تحمل شعار الناديين الكبيرين
رغم سخونة الجو الا ان الجماهير الوفية كعادتها العميان شايل المكسر تتجه صوب (زريبة العيش)
انتشار كثيف لقوات الشرطة كالعادة لتأمين اللقاء
الباعة المتجولين لسان حالهم يقول (رزق المساكين علي المجانين)
اللهم انصر المريخ اليوم
|
Post: #2
Title: Re: معركة حامية ا########س الان بأمدرمــــــــــــــــــــــــــــــــ
Author: نوفل عبد الرحيم حسن
Date: 04-12-2012, 12:43 PM
Parent: #1
سلامات يا بكري
عنوان البوست غير موفق .. البلد في حالة حرب وكل شي متوقع
الجديد شنو في هلال مريخ ؟ لينا عشرات السنين في قصة نهائي مريخ هلال دي لحدي فقدت طعمها وبقت مسييييييخه
....
التعديل لاضافة كلمه
|
Post: #3
Title: Re: معركة حامية ا########س الان بأمدرمــــــــــــــــــــــــــــــــ
Author: مريم بنت الحسين
Date: 04-12-2012, 01:24 PM
Parent: #2
هي هلال ومريخ دي معركة! والله كتّاحه ما لامه فيها... لاعبين جعانين وما لائقين لا رياضيا ولا صحيّاً، والفيهم أمل، ما سودانيين!
|
Post: #4
Title: Re: معركة حامية ا########س الان بأمدرمــــــــــــــــــــــــــــــــ
Author: صديق الموج
Date: 04-12-2012, 01:37 PM
Parent: #3
عنوان موفق جداً يا شفيف بس رقيب بكرى ده شطب شنو عولق العنوان ما تقول لى ا########س
يكون بالغ كان رقيبو ده سمع صوت الحرف الاخير زاى ( ز )
الله ينصر الصفوة،،،
|
Post: #5
Title: Re: معركة حامية ا########س الان بأمدرمــــــــــــــــــــــــــــــــ
Author: مزمل خيرى
Date: 04-12-2012, 01:42 PM
Parent: #3
عمليتك ########ة يابكرى
جهجهتنا
|
Post: #6
Title: Re: معركة حامية ا########س الان بأمدرمــــــــــــــــــــــــــــــــ
Author: عبداللطيف حسن علي
Date: 04-12-2012, 02:05 PM
Parent: #5
Quote: عمليتك ########ة يابكرى
جهجهتنا |
|
Post: #8
Title: Re: معركة حامية ا########س الان بأمدرمــــــــــــــــــــــــــــــــ
Author: بكري الخير
Date: 04-12-2012, 02:15 PM
Parent: #6
عنوان البوست (معركة حامية ا########س) يا صديق الموج ما تألف ساي براها مؤلفة هههههههههههههههه
سخانة في كل حاجة
الجو
الحرب
الفلس
ارتفاع الاسعار
المظاهرات
الغاء حفل شيرين
حتي لعيبة المريخ والهلال نفسياتهم تعبانة بفعل الحاصل
الجماهير والله يا جماعة ماعارفة تعمل شنو؟
بيحبو الكورة وفي نفس الوقت الجو العام ما مساعد
غايتو في الشي الشايفو دا قبل شوية طلعت من بوابة الاحفاد مشيت الشارع لقيت ليك ناس غايتو زي الدراويش في حالة الجذب السماوي
الله يستر عليهم من سحائي ومافي زول فاضي ليهم
ايام ضربة خليل لامدرمان كنا محاصرين في العرضة واحد من الاخوان حالتو صعبة يتدردق في الارض من ألم الحصوة القامت عليهو فجأة والساعة تقريبا 12 بالليل قمت قلت اضرب 999 عشان يجو يسعفونا لمستشفي امدرمان العسكري ردا علي قلت ليهو ياخ عندنا زول تعبان شديييييييييييييييد وحالتو صعبة عايزين نوديهو المستشفي قال لي عندو شنو؟ قلت ليهو عندو حصوة قام قال لي ياخ نحن فاضيين لي حصاويك؟ اوعك تاني تضرب هنا وطق قفل التلفون ههههههههههههههههههههه
دحين غايتو الله يعدي يوم الليلة دا علي خير
|
Post: #7
Title: Re: معركة حامية ا########س الان بأمدرمــــــــــــــــــــــــــــــــ
Author: صديق الموج
Date: 04-12-2012, 02:12 PM
Parent: #5
يا بكرى يا اخوى راجع رقيبك ده ا########ــــ يـس ا########ـ يـــــــــــــــس بالكـــــــاف
اجى؟؟
|
Post: #9
Title: الناس فى شنو والحسانية فى شنو ؟؟
Author: بكرى خليفة صديق
Date: 04-12-2012, 02:40 PM
Parent: #7
الناس فى شنو والحسانية فى شنو ؟؟ تانيا وين هي الكورة البحضروها البسمع هلال مريخ يقول انديتهم مليانة بكاسات البطولات العربية والافريقية .بعدين زى ما الغي حفل شيرين ليه ما الغيت الكورة دى ؟؟ ولا عايزين الناس تنشغل بسفاسف الامور لمن تقع الفاس فى الراس الهي وقعت اصلا بعد احتلال هجليج ؟؟؟
|
Post: #10
Title: Re: الناس فى شنو والحسانية فى شنو ؟؟
Author: صديق الموج
Date: 04-12-2012, 02:48 PM
Parent: #9
بكرى الخير وحاتك دى اخر محاولة لكلمتك مع رقيب بكرى الاشتر ده ا ل و ط ي س
|
Post: #11
Title: Re: الناس فى شنو والحسانية فى شنو ؟؟
Author: بكري الخير
Date: 04-12-2012, 02:49 PM
Parent: #9
كلامك دا والله يا بكري خليفة قلتو لي واحد لقيتو ملون جسمو ابيض وازرق انو البلد في حالة حرب رد علي قال لي يازول نحن معركتنا هنا معركة شريفة نقعد نتابع باقان ماسك يد البشير وبي هناك مدورة والبشير يتصل بسلفاكير وكلام فارغ؟ الحرب دي حرب سياسية والسياسة لعبة قزرة وفي النهاية نحن الضايعين مالاقيين ناكل بس بنتفشا في الكورة دي (والله دا كلامو) وفي النهاية لقيتو خريج جامعي
تقول لي الحسانية في شنو؟
الحسانية في الانفشاشة واكل العيش يا بكور
|
Post: #12
Title: Re: الناس فى شنو والحسانية فى شنو ؟؟
Author: بكرى خليفة صديق
Date: 04-12-2012, 03:47 PM
ههههههه صدقنى اقتنعت بكلاموا احسن يتفشو فى النهاية كلمتهم ما مسموعة احسن يعيشو واقعهم ويخلوهم (يسوطو) فيها لمن الله يفرجة ...
|
Post: #13
Title: Re: الناس فى شنو والحسانية فى شنو ؟؟
Author: ismeil abbas
Date: 04-12-2012, 04:03 PM
Parent: #12
الله يخلعك يا بكرى الخير بهزيمة نكراء يارب اليوم.وتكون على ألأقل ثلاثية...
والله من ما شفت عنوان بوستك ده وقبل ما يفتح معاى إتصلت بأهلى فى أم درمان الكويس ما جبت ليهم سيرة وما سألتهم قالو لى نحن بخير وربنا ينصر الهلال اليوم يارب.
مكايدة فيك وفى صديق وفى كل مريخابى يجى داخل البوست ده الليلة..
تحياتى لك وللجميع.
|
|