عيال (الساير عطية) دقشو بحر العرب

سيندم سلفاكير كثيرا على انه تحرش بهجليج ، وهو الندم الذى جعل كل الجبهة الثورية تنكر (حطب) انها شريكة فى العدوان


بالنسبة للمعركة ...حسم الامر ... وعلى الجيش الشعبى تحمل الان - بخلاف رد الجيش السودانى - غضبة حشود الفزع التى تدافعت لنصرة اهلها المسيرية ، وسلفا ادرى بهؤلاء ان ندبت حرة خالها

Quote: بالنسبة للمعركة ...حسم الامر ... وعلى الجيش الشعبى تحمل الان - بخلاف رد الجيش السودانى - غضبة حشود الفزع التى تدافعت لنصرة اهلها المسيرية ، وسلفا ادرى بهؤلاء ان ندبت حرة خالها

بعد إنقسام الحركة الإسلامية وذهاب العقول مع الشيخ، بقي مع الإنقاذ موظفو الحيكومة الحزبيين who will never see the woods for the tree يعني قصة " حسم الأمر" بتاعت الباشكاتب الحزبي دي يفهمومها كيف في سياق حرب أهلية -حتي الآن نعم أهلية رغم إنقسام الجنوب الوقتي- دامت أكثر من خمسين عاماً دون منتصر مع الجنوب فقط دع عنك الحال الآن بإضافة دارفور و النوبة و النيل الأزرق؟ ولا قصدك الحسم يعني تحرير هجليح ؟
دي كياشة معتادة منكم و المعارك الصغيرة حول هجليج لن "تحسم لكم أمراً" و أهلك في جبال النوبة و دارفور لن تجدي معهم فرق تسد any more عشان كدة قادة الرآي بينكم يحتاجون لي عمرة كاملة و ناس تانيين لانو ناسكم ديل ركيكين شديد.

Quote: حتي الآن نعم أهلية رغم إنقسام الجنوب الوقتي

الأخ عادل اسحق

ممكن تشرح لينا الحتة دى؟

من أين لك هذه الثقة بأن اﻹنفصال مؤقت؟

محمد حامد جمعة:

Quote: عيال (الساير عطية) دقشو بحر العرب سيندم سلفاكير كثيرا على انه تحرش بهجليج ، وهو الندم الذى جعل كل الجبهة الثورية تنكر (حطب) انها شريكة فى العدوان بالنسبة للمعركة ...حسم الامر ... وعلى الجيش الشعبى تحمل الان - بخلاف رد الجيش السودانى - غضبة حشود الفزع التى تدافعت لنصرة اهلها المسيرية ، وسلفا ادرى بهؤلاء ان ندبت حرة خالها

يا عيال الساير عطية في الداخل و الخارج ... إستعدوا للخطوة الأولي لجعل أهلكم وقودا لحرب الفاسدين المستفيدين في الخرطوم ... الذين إحتكروا حليب بقرة البترول و لم يعرفوكم حينها و البؤس يقتات تخلف أهلكم المزري ....

عيال الساير عطية و كل بقارة جنوب كردفان و جنوب دارفور دأبوا علي عبور بحر العرب في مواسم الجفاف في سلام ..... رعاية لمصالحهم الحياتية (الكلأ و الماء) ....

الآن يا محمد حامد جمعة ... العربي الدارفوري .. تحولت الي حكامة تستنفر قبائل التماس العربية الذين لم يستفيدوا أبدا من البترول الذي يرونه يستخرج من مناطقهم و يذهب بريعه لحكومة المركز ليطوروا امامكن أخري في السودان .. و لم يستفد عيال الساير عطية من الحكومات المتتابعة غير شحذ حماسهم في أيام الزنقة ( و يا فرسان و يا يا يا ) ... و في ساعة الحارّة .. يتركونهم كما ترك جيش عبدالرحيم محمد حسين أبناء الفقراء في الدفاع الشعبي في الهجليج لمصير مظلم .....
أنت تريد ان تقوم بنفس الدور القذر الذي مزّق النسيج الإجتماعي في دارفور فتحاربت قبائل عاشت لقرون في سلام يديرون خلافاتهم بطرقهم الاهلية الحكيمة ... الآن تريد تغيير مصير عيال الساير عطية و كل البقارة الذين يرحلون عبر حدود الجنوب الي الجنوب في موسم الجفاف ...
الآن الجنوب دولة ذات سيادة .....
و حتي لو جدلا أن مشكلة الهجليج قد تم حلها بطريقة ما و بتراضي الطرفين ... سوف يكون الحق لدولة الجنوب منع عبور القبائل الرعوية الشمالية الي الجنوب ... و يقف المجتمع الدولي مع الجنوب إن أثبت الجنوب أن هذه القبائل ليست رعوية فحسب بل ذراعا عسكريا لدولة أخري (دولة السودان) تتحول الي فيالق عسكرية تغزو دولة الجنوب ....
شايف إنت بتعمل نفس العملتو في دارفور ... تضر بمصالح كل أهل المنطقة خدمة لسادتك في الخرطوم ..
أنت يا محمد حامد جمعة ... كاتب ضليع و يمكنك تطويع الكلمة في سبيل إحقاق الحق ... و أنت أفضل مواهبا من عثمان ميرغني أو عادل الباز .. لغة و حرفية و مؤهلات .. لتكون صاحب جريدة مستقلة كبيرة و لا مقارنة لما يقوم به هؤلاء الجرابيع ..
و لكنك دايما .. و لعيب ما فيك ... تختار ان تكون تابعا و حكامة .. حتي ضد مصالح أهلك ....
ما يحدث الآن في المستقبل الآجل سيكون في صالح القبائل الرعوية بجنوب دارفور و جنوب كردفان ...
يمكن لهذه القبائل عقد إتفاقيات منفصلة مع حكومتي السودان و جنوب السودان ..... لمراعاة مصالحها الحيوية ... و اللتي إمتدت لقرون ....
يمكن إجبار حكومة السودان علي صرف نسبة كبيرة من عوائد البترول علي مناطق المسيرية و بقية شعوب كردفان و دارفور ... من أجل التنمية المباشرة ... بدلا من ان تذهب لبناء مجمعات قصور كافوري ....
و يمكن أن تتفق مع حكومة جنوب السودان علي السماح لهم بمواصلة رحلات الصيف و الخريف كما إعتاد عليها أجدادهم .....

أنت بتحرضك هذا .. تسوق لهم الفناء من الجانبين .




ء

يا محمد حامد

بتعرف لعبة البوكر ؟

أنا بعرفها لكن ما لعبتها

الحكومة والحركة الشعبية لعبوا بوكر في اتفاقية نيفاشا

الحركة خرتت الحكومة لكن اللعب كان مستمر في التربيزة والحكومة كان عندها أمل ترجع حقها

هسة الحركة كسرت البنك حقها وقالت قايمة

الحكومة طلعت سكينها وقالت للحركة يا ترجعي لي حقي يا بطعنك


دي فكرتي لما يجري

شنو ليك؟

سلام يا محمد حامد

وديل لو ماوقفوهم بدقشو واو وملكال


والبيوقد النار لابد من يدفابا

المسيرية وكل قبائل التماس ترى انها غير مستفيدة من خوض حرب مع دولة جنوب السودان من اجل حماية ابار النفط وذلك للسبب البديهى الذى استوعبه حتى راعى الابقار هنالك وهو ان البترول طيلة فترة الكم طاشر سنة لم يستفيدوا و يستنفعوا من عائداته ولا حتى فرص العمل التى من الاوجب ان تستوعب اصحاب الارض التى تفجر فيها الذهب الاسود.

السادة الكرام

(محمد سليمان بجيك براك )

القصة ما قصة بترول ، الحكاية الان شعور بدا يتصاعد بان ثمة مخطط عنصرى ضد اهلنا هناك ، حركة العدل والمساواة ( ومافى داعى نعرقنها ) خبرنا حبرها الانتقائية ضد قبائل بعينها (هجومها على الهبانية فى برام مثلا رغم انهم لا احتكاك لهم بكل مسببات ونزاعات دارفور تقريبا فى شقها المتعلق بخوض حروب ضد الفور او الزغاوة تحديد) ، الان العدل والمساواة تحارب فى جنوب كردفان (هجليج ) والحيرة تضرب الناس لصالح من فهذه ليست دارفور والضحايا والخسائر فى البشر فقط من اهل المنطقة الابرياء ، وذات الامر ينطبق على هجوم الجيش الشعبى ، لو ان الحركة الشعبية تحدثت عن عراك مع الخرطوم لهان الامر بالنسبة للسكان المحليين لكنها تتحدث عن ان هجليج ..جنوبية بما يعنى ان على المسيرية الخروج عن ديار اجدادهم !!!

بقيتو تدسوا وراء المسيرية ...دولة كاملة تحتمى
بقبيلة ؟! ...ارايتم الى اين يقود الخطل والادعاء الاجوف
و(ركوب الراس ) ..


هان شرف العساكر..
لما الجبهة خشت عضمةالدبابة جوه ..
ودنست شرف البنادق ....

اكرم الله المسيرية ، كرام من كرام ، الاختباء خلفهم وامامهم شرف ومهابة ، للدولة والوطن
شوف يا محمد عبدالرحمن
المسيرية وكل العرب بالكاتلو هناك ديل ، بسندو الجيش بسندهم ، عارف ليه لانهم اختبروا واقعا حقيقة الحقد الدفين لحركات النضال المسلح تلك
من الحركة الشعبية فى القردود الى حركة خليل فى ودبنده (عارفهم ساقو كم شاب وكتلو كم رفضو المسير ) وفى هجليج اسكت ساكت واما فى المفلوع فابكى فقط
الناس هناك يا محمد بقى مكتوب عليها تموت وتسكت عشان الزيك دا ما يقول بتحمو الحكومة والدولة ، مكتوب عليهم تدانس بصفاقة سلفاكير العاوز يشيل بلدهم وممطلوب منهم يسكتو عشان ما يتصنفوا مؤتمر وطنى
الناس هناك يا محمد عارفة حاجة واحدة ، انو الجيش الشعبى مغبون من الفئة دى تحديدا ، لانهم كانوا الصخرة الكسرت مخططات الحركة من سنين

"أنام في حظائر النسيان
طعاميَ : الكسرةُ .. والماءُ .. وبعض الثمرات اليابسة .
وها أنا في ساعة الطعانْ
ساعةَ أن تخاذل الكماةُ .. والرماةُ .. والفرسانْ
دُعيت للميدان !
أنا الذي ما ذقتُ لحمَ الضأن ..
أنا الذي لا حولَ لي أو شأن ..
أنا الذي أقصيت عن مجالس الفتيان ،
أدعى إلى الموت .. ولم أدع الى المجالسة !! "

أمل دنقل

محمد حامد جمعة:

Quote: القصة ما قصة بترول ، الحكاية الان شعور بدا يتصاعد بان ثمة مخطط عنصرى ضد اهلنا هناك ، حركة العدل والمساواة ( ومافى داعى نعرقنها ) خبرنا حبرها الانتقائية ضد قبائل بعينها (هجومها على الهبانية فى برام مثلا رغم انهم لا احتكاك لهم بكل مسببات ونزاعات دارفور تقريبا فى شقها المتعلق بخوض حروب ضد الفور او الزغاوة تحديد) ، الان العدل والمساواة تحارب فى جنوب كردفان (هجليج ) والحيرة تضرب الناس لصالح من فهذه ليست دارفور والضحايا والخسائر فى البشر فقط من اهل المنطقة الابرياء ، وذات الامر ينطبق على هجوم الجيش الشعبى ، لو ان الحركة الشعبية تحدثت عن عراك مع الخرطوم لهان الامر بالنسبة للسكان المحليين لكنها تتحدث عن ان هجليج ..جنوبية بما يعنى ان على المسيرية الخروج عن ديار اجدادهم !!!

نعم ... و بات من النادر أن اتفق معك في شئ ..... إلا إنني اتفق معك في الأن القصة ما قصة بترول ...
القصة قصة ناس من أسوأ أنواع البشر سرقوا السلطة و تحكموا في رقاب أجمل الشعوب كانوا يوما المثل في كل جميل .....
القصة قصة أناس مسيطرين علي الحكم لا وازع لهم أيّا كان نوعه .. ديني .. أخلاقي .. وطني .. إنساني ... لا وازع لهم ليردعهم من إستخدام أي أي شئ في سبيل بقائهم في الحكم و إحتكار ثروات البلاد لهم و لدوائرهم الضيقة ....
اليوم كما نري .. هم من إبتكروا الطرق العنصرية في إقصاء الآخر .. و أدخلوا أدبيات الإبادة .. أمسح .. أكسح .. قشّو .. أكلو نئ ...... في قاموس تسوية قضايا مصيرية في السودان ..
قصة ناس إستلموا السودان مليون ميل مربع و بعد أن قسموه للنص .. حالفين أن يستمر التقسيم الأميبي بمتوالية هندسية متضاعفة .. النص .. نصين .. و الربع ربعين .. و هلم جرّا ..
من فرط أنانيتهم ... لم يطرحوا للشعب حتي الآن أي تصور للخروج من هذا المأزق ... غير تعاطي القديم المتجدد الذي ألفوه .. الحروب و مزيدا من الحروب العنصرية .. و الآن تتصايحون بالنفرة ..
الحل يا محمد حامد جمعة: إزاحة هذا النظام و تقديمهم للمحاكم العالمية و المحلية ... و ستتغير الأمور:
- سيتصالح الشعب السوداني مع نفسه و يفيق من هذه الغيبوبة العنصرية التي أدخلتموه فيها.
- سيكون هناك أجماع من كل القوي الوطنية أنه من المحال الإستمرار علي ذلك الحال ... لابد من مراجعة كل شئ و اللجوء الي الشعب بمختلف مكوناته و شرائحه السياسية و الإثنية و الجهوية في البخث عن وسائل عادلة لحكم البلاد تحت سيادة القانون و إستقلال القضاء و نشر ثقافة الحرية و الديموقراطية و القبول بالآخر و بناء مجتمع متعاضد متكافل .
- بناء علاقات أخوية قوية مع دولة الجنوب حيث المصالح متشابكة .. و عندما تحس دولة الجنوب بزوال نظام متعطشي الحروب .. سيعود الي ضخ بتروله عبر نفس أنبوب الشمال و ستمارس البقارة ما كانوا يمارسونه منذ قرون .. فالمصالح الحياتية لكل الشعوب في الدولتين متداخلة و متشابكة .... من حاول تدميرها هم هؤلاء الطغمة الحاكمة التي أنت تطبل لهم و هم سبب الدمار في كل جهات السودان .....
- بالعدالة و الحرية و المساواة ستنتفي الحاجة الي حمل السلاح .... و ستمتص هموم التنمية و البناء طاقات الشباب في دارفور و جبال النوبة و النيل الأزرق و الشمالية و الشرق .... و سوف لن تكون هناك مشاريع ضد رغبات الشعب طالما أن كل شئ سيكون عرضة للنقاش الحر الصريح و التقاقضي أمام قضاء مستقل .... لا يمكن أن تقام سدود تغرق مجتمعات عاشت لقرون و من ثم يتم تدمير هذا المجتمع لأن ثلة من الحرامية قبضوا الثمن عمولات و إغتنوا بالفساد .

مهما تلف و تدور يا محمد حامد جمعة ..... العصابة التي تطبل لها هي سبب كل بلاوي السودان و جنوب السودان ......
الي متي يستمر الشعب السوداني كرهينة تحت قبضة بلطجية مثل البشير و نافع و علي عثمان و عبدالرحيم محمد حسين؟؟!!

عيال أبا الساير عطية
سوف لن يخوضوا أي حرب بالوكالة
عن أي جهة حتى ولو كانت الحكومة
مصلحة عيال الساير عطية تقتضي الحفاظ على علاقات ممتازة
مع الجنوبيين لمصلحة سعيتهم
وبعدين يا محمد الناس دي كلها نكرت الاشتراك
مع حكومة الجنوب في هجليج
نكروهم ضمه العدل والمساواة والنوبة .... الخ
أها انت بكل سذاجة عايز المسيرية يحاربوا نيابة عن الحكومة
الدواس يا محمد بدور ليهو غبينة
والغبينة هنا غير متوفرة يا محمد حامد

هانت الزلابية يا محمد جمعة... هانت فعلاً!

في بحثكم عن فطائس (جديدة) وجنجويدية (مبتكرة) وعصرية صرتم تنشدون المسيرية للموت دونكم.
المسيرية فرسان حارة.. وما بهابوا الموت. ولكن هم (حسع) ليهم تلاتة كيمان:

1. كوم كبير مع الجبهة الثورية
2. كوم يستنفع من مؤتمركم اللاوطني
3. كوم لا دايركم ولا داير الحرابة.. ديل الدايرين الوطن

في إعتقادي أنو كلامك ده إستجداء من مزنوق.. خايف!

وين سيد البوست عشان نتكلم معاهو؟


التوقيع
بقاري يرفض حروب الوكالة.

استاذ مد حامد جمعة

القول ما قلت .... الدم واحد و المصير واحد


و كل قبائل التماس مستهدفة .......

و الحرب هنا حرب وجود ...... و كل من يدعي بأنها حرب بالوكالة عليه ان يتلهي


عدو يستهدف ارضك

عدو يستهدف عرضك

عدو يستهدف مالك

عدو يستهدف دينك

عدو يستهدف وجودك

و قبيلاهلنا قالوا ما ليهم امان طب ....

برضوا يجوا يقولوا ليك حرب بالوكالة ......

امشوا هناك في لب الغبيش القوا ليكم راعي شايل جيم ثيري قولوا ليه

انت بتحارب بالوكالة .... كان ما فضي فيكم زخيرته الله يلعني ....

Quote: هانت الزلابية يا محمد جمعة... هانت فعلاً! في بحثكم عن فطائس (جديدة) وجنجويدية (مبتكرة) وعصرية صرتم تنشدون المسيرية للموت دونكم. المسيرية فرسان حارة.. وما بهابوا الموت. ولكن هم (حسع) ليهم تلاتة كيمان: 1. كوم كبير مع الجبهة الثورية 2. كوم يستنفع من مؤتمركم اللاوطني 3. كوم لا دايركم ولا داير الحرابة.. ديل الدايرين الوطن في إعتقادي أنو كلامك ده إستجداء من مزنوق.. خايف!

اتا يا محمد يسن العرفك بالمسيرية شنوا عشان

تقسمهم كيمان على مزاجك و مزاج معارضتك البائسه .... قال الجبهة الثورية

لعلمك المسيرية كوم واحد .... و ما براهم معاهم عيال عطية و حيماد و راشد الولاد


و بعدين انت لو مافهمت عنوان البوست .... ما تحط نفسك في خانة اليك

محمد ده قال ليك عيال عطية دقشوا البحر .... يعني ما دايرين المسيرية يموتوا دونهم

يعني كل عيال عطية دايرين يموتوا معنا جنبا الى جنب ..... و دي ما بتعرفها انت نهائي





الزول ده

للاسف كالعادة او كما متوقع النظام الجلابي لجا الي الخطة اياها، المتمثلة في تفعيل، توليفة، تركيبة، مخزون الصراع القبلي، او مركوز كراهية الذات المتجذرة في اعماق اعماق ذنوجة المسيرية!

للاسف الشديد، ذنوجة المسيرية هم الان واللحظة الركيزة الاساسية لدويلة الاقلية، ولولا هذه الحقيقة، تحالف كاودة كان اليوم علي مشارف الخرطوم!

Quote: للاسف كالعادة او كما متوقع النظام الجلابي لجا الي الخطة اياها، المتمثلة في تفعيل، توليفة، تركيبة، مخزون الصراع القبلي، او مركوز كراهية الذات المتجذرة في اعماق اعماق ذنوجة المسيرية! للاسف الشديد، ذنوجة المسيرية هم الان واللحظة الركيزة الاساسية لدويلة الاقلية، ولولا هذه الحقيقة، تحالف كاودة كان اليوم علي مشارف الخرطوم!

برضوا داير ترجعنا لمربع (( جلابي / جلابة )) اثبت لينا ان النظام جلابي ؟؟؟؟

عرف لينا الجلابة ديل منو ؟؟؟

اثبت لينا ان تحالف كاودة ما عنصري ؟؟؟ قبلي ؟؟؟؟ يستهدف قبائل بعينها ؟؟؟؟؟

و الله تحالف كاودا ما يصل العباسية و تقلي و ابوجبيهة ناهيك عن كوستي ولا سنار

مشارف الخرطوم قال ...........

المسيرية جزء من نسيج السودان الاجتماعي ... غصبا عن الجميع .... يقومون بواجبهم

الوطني جنب الى جنب مع كل اهل السودان ...... تمرد مافي ... خروج عن ولي الامر مافي

معارضة ..... فئة قليلة ......

Quote: للاسف الشديد، ذنوجة المسيرية هم الان واللحظة الركيزة الاساسية لدويلة الاقلية، ولولا هذه الحقيقة، تحالف كاودة كان اليوم علي مشارف الخرطوم!

بشاشا..حبابك يا صديقي..
هذه كذبة و نرجو الأ تسعى لتمريرها...
المسيرية حتى الآن لم يدخلوا في مواجهة مع تحالف كاودا..و دي من مصلحة التحالف..
اذا داير تفتنهم.. فان الجهة الوحيدة المستفيدة من فتنتهم هي الجبهة الإسلامية..و لا اظنك تريد أن تخدم خط الجبهة الإسلامية..!
و هسع ده قدام الناس ديل كلهم جيب بيان واحد من التحالف قال فيهو المسيرية اعترضوا طريقو؟..

كبر

Quote: برضوا داير ترجعنا لمربع (( جلابي / جلابة )) اثبت لينا ان النظام جلابي ؟؟؟؟

ادم العمار، جاب ضقلا يلولح!

قال عايز اثبات انو النظام ده جلابي!

عيييييييييييييييييك!

اها زي ده يقولو ليهو شنو ياالله؟

كده اللديها جمة، او اجيك صادي!

اطلاقا ما اتوقعتا، مهمش تكون دي نظرتو في نظام جلاديه!

اول مرة في المنبر ده اواجه بي سؤال زي ده، من مهمش!

Quote: التوقيع بقاري يرفض حروب الوكالة.

وكالة شنو دي ارضكم تفرطوا فيها يابقاري ؟؟
امس حرر بلدك يا بقاري وسيبك من الوكالة ... غيرك هو البحارب وكالة اما انت بالذات فهذه ارضك ووطنك امش الحق الفزع

الصراع صراع مصالح فاليقف كل خلف مصلحته الاقتصادية ..

أول مرة أشوف حكومة بتتحوى بي قبيلة

كمان بعد الجيش الصارفين عليهو كل القروش "إنسحب"

دايرين المسيرية يرجعوا بقرة البترول دي الأبيتو تشغلوهم حتى غفرا ليها

الكانوا بحلبوا فيها ويمتحوا من خيرا ما يجوا هم يفزعوها


وقت سويتوها قبلية ..


كم مجاهدا استنفرتم من أقارب نافع؟

ووين أهل علي عثمان؟

وتحركوا كم ألف من أولاد عم البشير ذاتو؟


الباقر موسى

Quote: وكالة شنو دي ارضكم تفرطوا فيها يابقاري ؟؟ امس حرر بلدك يا بقاري وسيبك من الوكالة ... غيرك هو البحارب وكالة اما انت بالذات فهذه ارضك ووطنك امش الحق الفزع

حرب شنو البيحاربها ده ؟؟!! .. الحرب يخوضها القابضين الجمر الذين يريد الجنوب أن يحتل أرضهم ويشردهم .. أما هؤلاء الذين يعيشون في حضن الأجنبي ولحم أك########م من خيره حيقعدوا بعيد وقولوا ما بنحارب بالوكالة بينما إنهم يحاربون بلادهم بالوكالة لصالح العدو الذي يأويهم ..

وبرضو نقول الحرب هي حرب السودان كله وليست حرب مسيرية وهي تخصص القوات المسلحة القومية .. وشاءت الأقدار أن تكون قبائل التماس العربية في خط المواجهة بسبب الجغرافيا والتي يريد التحالف الكاودي العنصري أن ينتزع أرضها ويطردها منها لصالح دولة الجنوب والمشروع الأفريقاني الذي يبشِّر بتحويل السودان لأندلس أخري ومن خلفه قوي عالمية تدعمه بالمال والسلاح ...

إنها ليست حرب مصالح بل حرب عنصرية علي الهوية .. وهو ما جعل بعض حركات دارفور - التي لا تمثل أهلها - تتحالف مع العدو الجنوبي علي خلفية عنصرية بحتة لأنهم يدركون أن الهدف العنصري هو الذي يجلب الدعم من القوي الخارجية الداعمة للحرب ..

Quote: امشي حرر بلدك يا بقاري وسيبك من الوكالة ... غيرك هو البحارب وكالة اما انت بالذات فهذه ارضك ووطنك امش الحق الفزع

ده الكلام المظبوط .!!!
لازم البقارة يحرروا هجليج ...
وناس القضارف يحرروا الفشقة ..
والبجا يحرروا حلايب ..

الجيش خلوه للكباير حرب نووية وانت طالع ...

( عيال الساير عطيه)

بالله جيش بي حاله لابد وراء (عيال).. مع احترامي طبعا لعيال الساير عطيه

وين الدبابين واخوات نسيبه والمغيرات صبحا...
يبنوا في العمارات ولا شنو.. ولا يسرقوا في شركة الاقطان
ولا ينهبوا في سكرا النيل الابيض...!

ما بتخجل.. بتستهزاء بجيش المؤتمر الوطني ولا شنو...!
ولا عارف الفيه

ادم العمار ومنير مهمة الجيوش في الارض الدفاع عن مواطنيه وليس الاحتماء وراء مواطنيه والا فليش سمي جيشا؟ سؤالي للعمار ومنير ومن لف لفهما لما هرب الجيش وترك المسيرية الرعاة يواجهون جيشيا منظما بتاع جنوب السودان حيث انفقت عليه حكومته اكثر من ستة ملايين دولار في سنتين بواسطة تدريبات بلاك وووتر؟ وهل في حرب امبارح كان المسيرية في خط النار الاول ام الجيش؟ وبناء عليه جيش يحارب جيش دا وضع طبيعي/ جيش يختبي وراء قبيلة دا شء ما طبيعي/

اما ان كان الجيش في الصفوف الاولانية والمسيرية في الخلف كاسناد فدا وضع طبيعي/ ويا ادم العمار اين حقوق المسيرية من النفط/ واين حقوق المسيرية من التنمية/ هل تعلموا يا بشر ان مستسفي الميرم فيهو تلات اسرة من سراير اقصد تلات عناقريب؟ في مدينة حقول النفط فيها علي مرمي حجر وان تكلمنا يجيء ناطي منير ويقول الدقم ما شي علي الحركة الشعبية فلتطفيش الانقاز وكاودا والمعارضة الي قعر جهنم فقط نريد تنمية لمناطق المسيرية وكفي استنكاح باسم الله والجهاد والعروبة المضروبة.

صحيح الني بقبل للنار.

- الغبن موجود، وتحديدا تتحمله الدولة وخاصة د. عوض الجاز وزمرته، فالبترول لم يكن نعمة في

مناطق إنتاجه، وإنما كان ولم يزل نقمة، تصور عامل اليومية والحارس، والمهن التي لا تحتاج لخبرة

أو مؤهل، كل ذلك من خارج المنطقة، مما رفع القوة الشرائية لذوي الدخل من البترول، أما سكان المنطقة

فلم يتطور دخلهم إلا يسيرا حينما تحتدم المنافسة بين ذوي الدخل العالي، هذه مسالة لا بد من إقرارها

ودعوة الدولة و د. عوض الجاز شخصيا لتصحيحها باسرع ما يمكن!!!!!!

- أما مسألة دخول جيش دولة الجنوب للمنطقة وإدعائه بأنها ارضه، فهذه مسألة أخرى، دونها هامات

تطيح، ودماء ستروي الأرض، كما روتها سابقا... هل يعلم سلفاكير كيفية تطويع هذه الأرض للبقارة؟

وكيف كانت الحياة فيها قبل وصول البقارة، ذاك تاريخ لم يكتب بعد، وشاهده تلك الأسماء العربية

فالبقاري لن يقاتل الجنوبيين وكالة عن الحكومة التي عجزت عن التواصل معه في ساعة الرخاء، وأي

رخاء يطلبه البقاري؟ فثروته الحيوانية قادرة على تأمين متطلبات معيشته في المنشط والمكره، وهو

قادر على تأمين الماء والكلأ لها، ولو على أسنة الحراب، كلأ وماء وتبادل مصالح، متى شبع الجنوبيون

من ( الروابة) وهم في ديارهم قبل وصول البقارة؟ سيكون ذلك ديدن خط بحر العرب تراضى السياسيون

بالدولتين أم أبوا، وما المسيرية إلا جزء من منظومة متكاملة لها أرضها، فلن يستفرد بهم الجنوبيون.....

والباقي حمده في بطنه.

Quote: وكالة شنو دي ارضكم تفرطوا فيها يابقاري ؟؟ امس حرر بلدك يا بقاري وسيبك من الوكالة ... غيرك هو البحارب وكالة اما انت بالذات فهذه ارضك ووطنك امش الحق الفزع

يا المطاشفي ارض البقارة المجاورة الجنوب تمتد الى حوالي 800 كيلومتر او تزيد
اغلبها - لعلمك - نستخدمها للدخول صيفا للرعي هناك
و برضو بيناتنا مصاهرات و مصالح كثيرة مشتركة

لماذا ابيي و هجليج فقط هي ما يهمكم؟ بس محل المال السريع جاريين؟

يا اخي في حاجة اسمها دولة. ( ده اذا اتفقنا انو العندنا دي بتمثل دولة)
فضيحة انو دولة ما برغم ميزانية الجيش الضخمة تفشل في الدفاع عن اراضييها
فهي قد تغاضت عن حلايب و الفشقة و عايز تثبت رجالتها باستغلال البقارة من اجل البترول

ما هي التعويضات التي نالها ابناء المناطق التي نزعت اراضيها من احل كشروع البترول؟
وما هي التنمية التي تمت؟ واين نسبة الـ 2% التي اصر عليها قرنق في نيفاشا؟

اذهبوا قاتلوا.. نحنا عايزين بقرنا في الصيف يمشن يرعن في الجنوب و نرجع.
و عايزين نعيش في سلام مع جيرانا بعد سنوات حروب الوكالة التي خسرنا فيها
حتى فرص العمل في مواقع البترول