مــــاليزيا يمشوا براهم...!!وهجليج نمشي مـــــعاهـــــم...؟؟

....لسان حال السودانيين بعد إكتشاف كذب ونفاق المؤتمر الوطني
عشان كده الكل عرف، وقرر ،وقال:إنو الحرب دى ما بإسمنا على الاطلاق

...على الانقاذ أن تستجلب مرتزقة من الخارج عشان تعد العُدة للحرب،ده لسان حال كل الشباب السوداني
الذي ظل يقبع في أخر إهتمامات نظام الانقاذ، مافي زول عندوا إحساس إنو ما يدور في هجليج معركة(ضمير وطني)
ومافي زول ممكن يمشي للحرب مرة أخرى ولو حُمل على(بُساط من ذهب).........

المفروض يا بحر يكون في كتيبة اسمها "الانتباهة) تتحرك من مكاتب الجريدة
ويقودها الجنرال الخال والعميد أركان (كك) إيزاك والعربي 100% الرزيقي،
وبقية العنبر

سلامات خالد

و الله عنوانك في السلك، الجماعة ديل لمن تجي الغنائم يقسموها براهم
لمن يجي الدواس ينادوا الناس و يقعدوا بعيد يحمشوا في النيران

الشعب قرر ان يقيف متفرج من المهزلة دي
و الله يكون في عون الناس

تحياتي
امجد

الله يكون في عون الشعب السوداني الفضل ..

***
**
*



يقولواليك بالصوت العالى
محمد معانا ما تغشانا




*
**
***

"أنام في حظائر النسيان
طعاميَ : الكسرةُ .. والماءُ .. وبعض الثمرات اليابسة .
وها أنا في ساعة الطعانْ
ساعةَ أن تخاذل الكماةُ .. والرماةُ .. والفرسانْ
دُعيت للميدان !
أنا الذي ما ذقتُ لحمَ الضأن ..
أنا الذي لا حولَ لي أو شأن ..
أنا الذي أقصيت عن مجالس الفتيان ،
أدعى إلى الموت .. ولم أدع الى المجالسة !! "

أمل دنقل

يا خالد حصر الحرب علي اعتبار ان هذا جيش الموتمر الوطني ده تهرب ما بحلك
تاني شئ البعرفوا عن الكيزان لا بسوقوكم ماليزيا ولا بود كم هجليج !

أبو الشوش...سلام

Quote: المفروض يا بحر يكون في كتيبة اسمها "الانتباهة) تتحرك من مكاتب الجريدة ويقودها الجنرال الخال والعميد أركان (كك) إيزاك والعربي 100% الرزيقي، وبقية العنبر

الطيب مصطفى ومن لف لفه،من دعاة الحرب والكراهية،أذكياء لدرجة أنهم لن يرموا بأنفسهم إلى التهلكة
ديل يا مان حيقعدوا يشعلون النيران لتلتهم ما تبقى من الوطنى....تسلم

أمجد...سلام

Quote: و الله عنوانك في السلك، الجماعة ديل لمن تجي الغنائم يقسموها براهم لمن يجي الدواس ينادوا الناس و يقعدوا بعيد يحمشوا في النيران الشعب قرر ان يقيف متفرج من المهزلة دي و الله يكون في عون الناس تحياتي امجد

لانو الاسلاميين ديل (محض) مستهبلين هسي لو كان قدموا السبت للشعب السوداني
كان لقو الأحد،،،الشعب خلاص عرف الفرية بتاعتهم، وكل السودانيين ليس لديهم إحساس بأن ما يحدث
في هجليج يعنيهم في شئ، عارفين إنو الوطن بقي المؤتمر الوطني ، والمؤتمر الوطني بقى الوطن، في الحالة دى
الناس بتفتكر إنو مفروض الكيزان يمشوا لوحدهم ليحافظوا على وطنهم الذى سرقوه من الشعب السوداني، وسرق منهم في غفلة

بوست في السلك

شكرا يا بحر

العوض المسلمي....سلام وتحية

Quote: يا خالد حصر الحرب علي اعتبار ان هذا جيش الموتمر الوطني ده تهرب ما بحلك !

العوض نحن للاسف الشديد(أنا وأنتا) ما قاعدين نقرأ من ذات الصفحة، مقارباتنا للحاصل ما قاعد تتم من منصة واحد تعريفاتي لماهية الوطن، وتعريفاتك لماهية الوطن، على طرفي نقيض للاسف الشديد، الجيش السوداني منذ 89 وإلى لحظة كتابة هذه المداخلة عبارة عن مليشيا حزبية تتبع للمؤتمر الوطني، دي حقيقة يعرفها القاصي والداني، ولا يتجاوزها إلى مكابر يا العوض، الحركة الإسلامية ممثلة في المؤتمر الوطني ضربت كل مظاهر قومية الجيش السوداني، يعني الموقف من المؤتمر الوطني يؤثر إلى مدى كبير وحاسم للغاية للإندراج في الجيش السوداني بي النسخة الراهنة بتاعتو دي يعني لو عندك موقف معلن من المؤتمر الوطني وسياساته،ومشيت عشان تلتحق بالقوات المسلحة،لا مكان لك فيها للاسف الشديد، تاني حاجة تعلم جيدا أن الجيش السوداني يتحرك وفق التصورات التى يضعها المؤتمر الوطني ويخوض الحروب وفق تصورات المؤتمر الوطني، لا وفق مؤسسات الجيش المعروفة، خذ مثلا الموقف من الحرب في جنوب كردفان الجيش بعض التسريبات تقول أن بعض ضباط الجيش كان لهم موقف ضدي من الحرب، ليس نكاية في المؤتمر الوطني، ولكن لأن إمكانيات الجيش لا تسمح بفتج جبهه أخرى،صقور المؤتمر الوطني وبإيعاز من/ الطيب مصطفى، أدخلوا الجيش في حرب ليس لديه الامكانيات لحسمها، إذا مافي حاجة إسمها جيش قومي في اللحظة الراهنة دي، في مليشيات تابعة للمؤتمر الوطني، جيشك ده يا المسلمي متورط في جرائم تصفية عرقية وإثنية في جنوب السودان وقتل للاسرى، ومافي جيش محترم ممكن يعمل كده، وتأريخوا على الاطلاق ما مشرف، يعني ما قاعد يخوض معاركوا بقاموس أخلاقي يليق بجيش محترم وعريق.
تاني هام/ انا من الداعين صراحة لإسقاط المؤتمر الوطني عبر كل الوسائل،وبإستخدام كل المتاح، مساعدات من جيش جنوب السودان، مساعدات من الجيش الامريكي، مساعدات من الجيش الاسرائيلي لا يهم ولا يفرق معاي في أي شئ يا العوض، الذى اعرفه أن هذه الحكومة وبذات هذه القوات المسلحة مارست/ وتمارس، جرائم حرب وجرائم ضد الانسانية وجرائم تصفية عرقية، في دارفور وفي جبال النوبة وفي النيل الازرق، والحكومة التى تفعل هذه الافاعيل في شعبها يجب ان تذهب فورآ بمختلف الطرق والوسائل، وبمختلف المساعدات والامكانيات ولو كانت من الشيطان نفسه....إنتهى.

الزميل/ بكري....سلام

Quote: الله يكون في عون الشعب السوداني الفضل ..

تسلم ياخ...والله يكون في عون الشعب كما قلت...

Quote: الجيش السودانى اصبح جيش الانقاذ في اليوم الذي احالت فيه الانقاذ منتسبيه من غير ذوى الولاء للصالح العام..واصبح جيش الانقاذ حين رضى ان ينال ميزانية تساوي 80 ضعف ميزانية صحة وتعليم الغلابة....واصبح جيش الانقاذ حين سكت عن تمنُّع مجرميه بحصانة الجيش فلم يعاقبوا عدلا على اى من الجرائم..واصبح جيش الانقاذ الساكت مثل الانقاذ عن ضربة اسرائيل..وامريكا..ولم يصوب عليهم سوى اغانيه الجهادية في حين افرغ رصاصه في صدور اخوتنا الدارفوريين والنوبة بلا تردد..نحن لن نُستنفر لنصرة هجليج...لأن الضائع وطننا كله وليس هجليج وحدها!

المصدر/ يوميات البشير في الفيس بوك

Quote: إن إحصاء من تمت إحالتهم للمعاش من القوات المسلحة منذ فجر 30 يونيو 1989م وحتى اليوم ربما كان أكثر من منْ هم بالخدمة اليوم ، أمام بخصوص الكفاءات والمقدرة والمهارة فإن خيرة الضباط والذين صرف عليهم الوطن ملايين الدولارات حتي وصلوا لمستويات مشرفة كل في مجال عمله وتخصصه ما بين الهندسة والطيران والإشارة والمدرعات والبحرية والطب والصيدلة والكيمياء وباقي الوحدات العسكرية ، قد صاروا اليوم جيوشاً من العطالة ، فبعضهم سائق لحافلة وآخرون لأمجاد وآخرون لركشات وآخرون سماسرة وتجار أراضي ومعظمهم لا هذا ولا ذاك بل يهيمون علي وجه الأرض في كل السودان ، وقد ضاع مستقبلهم ومستقبل أسرهم ، بل أن ما فقده الوطن بسبب أحالتهم للمعاش لا يمكن تعويضه ،وصار محالي القوات المسلحة جيش من العطاله ، وهم الذين كانوا يوما يسدون عين الشمس؛ تمت أحالتهم ، رغم كفاءتهم وخبراتهم ومازالوا فى قمة العطاء والشباب ؛ وتمت الاحاله في وقت كان فيه بعضهم في دراسات عليا في الخارج واخرون في مناطق العمليات داخل الخنادق يدافعون عن الوطن ووحدته وكرامته؛بل الأدهي والأمر أن يحال من هو في مجاله وحده ، والقوات المسلحة أحوج ماتكون لخبرته وكفاءته وعلمه ، ولكن !!!!حتي الأسلحة الفنية لم يسلم ضباطها من الاحالة للمعاش ؛ وهي اليوم احوج ماتكون لخبراتهم وعطائهم ، وكل ذلك تم بسبب ولاء هؤلاء الضباط والصف والجنود للوطن ، دون سواه ، وهكذا تمت تصفيتهم من الخدمة ، حتي لا يكونوا خميرة عكننة لأهل الولاء .

عميد معاش/ د. سيد عبد القادر قنات

Quote: يقولواليك بالصوت العالى محمد معانا ما تغشانا

تسلم يا زميل

عنوانك عجبني يا بحر
لذلك كان لابد من وضع الرابط أدناه :


الإستثمارات السودانية بماليزيا (١٣ مليار دولار).

العزيز/ عاطف مكاوي
تشكر ياخ...ولابد من كشف تحايل وإستبهال هذا النظام الفاشستي المجرم
الذى يريد أن يقود السودانيين للتهلكة،،،لكن بنقول ليهم: كان زمان

الزميل/ أحمد بن عوف
تشكر ياخ على الاطراء...وتسلم

بطرحك ده يا خالد لاتفرق عن الانقاذ مثقال ذزة وهذا هو نمط الغاية والوسيلة

العوض المسلمي

Quote: بطرحك ده يا خالد لاتفرق عن الانقاذ مثقال ذزة وهذا هو نمط الغاية والوسيلة

أحترم وجهه نظرك يا عزيزي

Quote: مــــاليزيا يمشوا براهم...!!وهجليج نمشي مـــــعاهـــــم...؟؟

لا فض فوهك الأخ الكريم خالد بحر ..
هذه الحرب جراء سياستهم الرعناء ..
فيحصدوا حصاد مازرعوه وحدهم ..
دمت بالف خير ..

الواحد بيكون سعيد لما يشوف شباب مثقف ذيكم يا خالد بحر بيتصدوا لمحاولات الخم البيقوم بيها رافعي شعارات الوطنية كأنوا يا داب اكتشفوا انه الوطن دا بتاعنا جميعاً في الباردة والحارة وناسين انه بلد علي عينك يا تاجر بيحرمك من وظيفة انت مؤهل ليها عشان يديها لولد من اولاد المحاسيب اياهم كيف يرجي منك تتقدم الصفوف لحمايته؟

الزميل/ عبد الصمد

Quote: الواحد بيكون سعيد لما يشوف شباب مثقف ذيكم يا خالد بحر بيتصدوا لمحاولات الخم البيقوم بيها رافعي شعارات الوطنية كأنوا يا داب اكتشفوا انه الوطن دا بتاعنا جميعاً في الباردة والحارة وناسين انه بلد علي عينك يا تاجر بيحرمك من وظيفة انت مؤهل ليها عشان يديها لولد من اولاد المحاسيب اياهم كيف يرجي منك تتقدم الصفوف لحمايته؟

تشكر على هذا الإطراء، ونتمنى أن نكون عند حسن الظن.

المـــيرم/ أماني العجب....تحية وسلام

Quote: لا فض فوهك الأخ الكريم خالد بحر .. هذه الحرب جراء سياستهم الرعناء .. فيحصدوا حصاد مازرعوه وحدهم .. دمت بالف خير ..

بعد اكتر من عشرين سنة وعي الشعب السوداني ،إرتفع،وقدر يمايز تمامآ بين أولوياته
واولويات العُصبة الفاسدة، مافي شاب على استعداد أن يضيع جزء من عمره أو جسده عشان
الاسلاميين المستهبلين ديل (يكنشو) في السلطة، لو عايزين السلطة يمشوا يحافظوا عليها لوحدهم
كوني بخير