الحكومة ســـ تسيطر علي ابار بترول الجنوب "جت "

عندي قراءة خاصة للحاصل من امس دا , وعارف انها قراءة فطيرة لكن مقسمة معاي

منذ فترة شهران او يزدن الحكومة السودانية " تحاحي" في جيش الجنوب وتضرب وتستهدف مناطق جنوبية ومناطق البترول قصفا بالطائرات
اخيرا الجنوب يستجيب للاستفزازات ويقرر الردع باستيلائه علي منطقة هجليج , وفعلا يتحرك جيش جنوبي نحو منطقة هجليج ولكن لا يسيطر عليها
الحكومة تبدأ في استنفار الشعب السوداني واعادة اصوات الجهاد والنفرات الكبري وتسير المتحركات نحو الجنوب للردع
النفرات الكبري واصوات الجهاد ما قسمت مع الشعب السوداني هذه المرة مثلما فعلت في التزعينات وتظهر النفرة فاترة والوتر الديني ما جاب نغمة عالية رقصت الشعب تاني
الحكومة رجعت تحاحي الجنوب تاني وطائراتها تردم هناك
يتحرك الجيش الجنوبي نحو هجليج مرة اخري بغبينة اكبر هذه المرة لاوجاع الحكومة
الحكومة المفتحة تسحب نص الديش القاعد في هجليج او ما تدفع ليهو رواتب او تعمل اي حركة جـبـانـة او عملية ما ظريفة عشان يسهل وقوع هجليج في ايدي قوات الجنوب
الحكومة بي جوة بدأت تشد اوتار اخري غير اوتار الدين , هذه المرة لعبت علي وتر البترول واشاعات طلعت الشارع والطرمبات امتلت صفوف , ووتر العنصرية يدوزن بنغمة رنانة
الوتران القوت (البترول) والعنصرية حركا الوجدان وبدات نغمات اخري تعزف مثل الوطنية وغيرها
الحكومة بصراحة بحاجة لحرب تجهزت لها عدتها خلال الخمس سنوات السابقة وبحاجة لجيش لديه قضية ينفعل بها
البترول قطع راس الحكومة وفاجأها ايقافه واللولوة الحصلت فيهو , الحكومة ما جاهزة لوقف تدفق البترول في هذا الوقت
اذن اوجدت الان المبرر الكافي لاشعال حرب مستعدة لها هي للاستيلاء علي ابار نفط الجنوب "جت" والاستفادة القصوى منها الي ان يتم تسوية الوضع مع حكومة الجنوب
تسوية الوضع قد تاخذ سنة سنتين حسب سرعة حركة الوسطاء وفي خلالها تكون الحكومة بتشفط في البترول وتظبط امورها , في نفس الوقت الجنوب بيكون ضايق من عدم البترول وقتها ممكن يرضخ لشروط الحكومة في قصة رسوم الانابيب بنظرية المال تلته ولا كتلته
يعني بكرة حنسمع بتحرير هجليج غالبا دا لو ما سمعنا بيهو الليلة , شوية بروبقندا دولية وامم متحدة وجلس امن من قبل الحكومة , وبعدها ستبدأ الخرطوم في قليع ابار البترول من الجنوب "جت"
حكومة خلبوصة ^_^
انتي الفطير او التحليل او ايا كان اسمه
الواحد بي التحليلات الفطيرة دي بيبقي شيوعي عديل

يبدو ان السيناريو الفطير قد بدأ يخمر من اول يوم له , فاشاعات وبوادر وارهاصات تحرير هجليج قد بدات تلوح هنا وهناك , كما وان التعبئة قد اتى اكلها بعد خروج المظاهرات المؤيدة والمنادية برد الصاع في الخرطوم
وننتظر لاكتمال لوحة السيناريو

سلامات يا اساسي.....
تحليلك ممكن يكون معقول جدا جدا....و الحكومة ممكن تكون بالجد عاوزه تعمل كده. اكتر حاجه محيرانى انه مع الرزع الحاصل ده كلو بين الطرفين ما فى اى بئر بترول حصل ليها حاجه. الاتنين عيونهم فى بترول بعض عشان كده ما بيضربوا الابار.
المشكلة الوحيده فى المنطق ده هو ان احتلال مناطق بترول الجنوب او دخول جوبا (ذى ما بيقول الطيب مصطفى) ممكن يدى الامركان (و غيرهم) عذر فى ضرب الجيش السودانى. و الحصل بعد احتلال ابيي مابعيد.

ربنا غايتو يحمى الشعب السودانى فى الشمال و فى الجنوب

من فرط فطارته ظننته لعاطف مكاوي.

تحليل منطقي وواعي يا اسمارت وفعلا رغم الهجمات المتبادلة والكر والفر الا ان البترول لا يمسه شيئا



ملاسي انت قبل كم يوم شبكتنا النفرة فترااانة !!
غايتو الغرض مرض

اتصوّر، I agree!!

يا اساسي تعرف إنه عندي نفس الفطير حقك ده بس مشلتت
أضف الي ما ذكر أعلاه إنه الجيش أول مرة يقول إنهزمنا يا رجالة

في استفزاز وجر رجل لحرب .. لكن اميل لان الاستفزاز دا جاي من جانب الجنوب ,,


معقول الحكومة تكون من الغباء عشان تدخل رقبتها في حرب تحت اي مسمى !!!


حسه في الازمه دي ؟؟ ياخ شويه والواطه تنشقه وتبلعنا


ماهو كدا البترول ما ح يكون متوفر لاي واحد فيهم ,, وكذلك الاستثمار


دا وقف حال ليس الاً

me 2 Ya assasi
بس ما لدرجة إحتلال دولة الجنوب و إنما:
1- لتقوية الموقف التفاوضي
2- إسكات المعارضة في الشمال و قفل جحر الحريات المفتوح.
3- تبرير الغلاء و الإنهيار الإقتصادي بالحرب.

و دولة الجنوب برضو عندها أسبابها:
1- تقوية الموقف التفاوضي برضو
2- إنماء الشعور القومي و إسكات المعارضة الداخلية

و نحنا لينا الله بس ... لأنو السوق بقا ما بتهبش

سلام للجميع و ... خطير بالفطير يا اساسي

Quote: من فرط فطارته ظننته لعاطف مكاوي.

يا اساسي اعمل حسابك

اقراء البوست ده ليس مناضلاً إسفيرياً فحسب و لكنه مفكر!

وشوف الصورة دي

يا اساسي سلام
ويمكن يدلل علي تحليلك ده انه ابار البترول الان بيد الحكومة في هجليج ورغم ذلك
تصر علي ان هجليج محتلة !

Quote: أضف الي ما ذكر أعلاه إنه الجيش أول مرة يقول إنهزمنا يا رجالة

الاعتراف الصريح ده حارق قواعد الكيزان، زي ناس قريعتي راحت... الممسكنهم ضنب الككو والما جايبين خبر للعبة السياسة!....


غايته يا اساسي، فضل ليك تكتب "المهم" بس!

من نوادر البورد ومضحكاته المبكيات أنو عادي ممكن يجىء زول زي أساسي الفوق
دا يعمل ليك فيها خبير ساي كبير وما عليك إلا إنك تاكلا في حنانك أو بالكتير تصرج
سنونك كررررررج كدا، خاصة لمن كمان يعمل فيها متواضع وأنو ربما تحليلو دا يكون فطير
أو برتكان .. قادر الله .

يا سبحان الله حتى في حال الحرب واحتلال البلاد من جيش اجنبي ناتي بحالات انبطاح وحذلان غريبة
كان اولى ان نشجب وان نعلن وقفتنا مع قواتنا المسلحة الموتمر الوطنى سيذهب ولكن الوطن باقي نحن ابناء الوطن ابناء السودان لا ابناء الموتمر ولا ابناء المهدي ولا الميرغني
الواحد بيقرا كلام غريب يصاب منة بالغثيان
ياللعار