Post: #1
Title: لييه مافي كوز بقلب ويبقى شيوعي؟
Author: عمر التاج
Date: 04-11-2012, 01:45 PM
Parent: #0
سؤال زي الزبادي !!
|
Post: #2
Title: Re: لييه مافي كوز بقلب ويبقى شيوعي؟
Author: محمد علي البصير
Date: 04-11-2012, 01:49 PM
Parent: #1
عشان الشيوعيين ما عندهم ضحاكات
|
Post: #3
Title: Re: لييه مافي كوز بقلب ويبقى شيوعي؟
Author: Asim Fageary
Date: 04-11-2012, 01:53 PM
| Quote: لييه مافي كوز بقلب ويبقى شيوعي؟ |
تخيل في بس ما عاوزين نذكر أسماء
وبعرفه معرفة شخصية
بس الكلام دا زي ما قال ليك البصير قبل ما يكونوا في السلطة
|
Post: #4
Title: Re: لييه مافي كوز بقلب ويبقى شيوعي؟
Author: الصادق سلفاب
Date: 04-11-2012, 02:47 PM
Parent: #3
Quote: تخيل في بس ما عاوزين نذكر أسماء
وبعرفه معرفة شخصية
بس الكلام دا زي ما قال ليك البصير قبل ما يكونوا في السلطة
|
عصام فقيري ازيك
يا زول خليهو زولك ده برضو عندك عضو البورد عمار احمد آدم
قالها بي وضوح في بوست هنا قال انه شيوعي وابوهو نقد كمان
والكلام ده بعد التمكين والضحاكات....
اها .....الراي كيف يا ود التاج؟؟؟؟؟
|
Post: #5
Title: Re: لييه مافي كوز بقلب ويبقى شيوعي؟
Author: ست البنات
Date: 04-11-2012, 04:31 PM
Parent: #4
عشان الشيوعى ما انتهازى ,
والكوز ماب يقدر يكون ما انتهازى.
وعشان الشيوعى مناضل ,
والكوز انقلابى ,
عشان الشيوعى دوره عاوز صبر,
والكوز دوره بس اللقف,
الشيوعى بيبنى الوطن والقيم ,
والكوز بهد فى الوطن والقيم .
والشيوعية زهد,
والكوز ما بقدر على الشلهتة .
الشيوعى واضح ودائما مع الغبش ,
والكوز بيستنزف الغبش.
ست البنات.
|
Post: #6
Title: Re: لييه مافي كوز بقلب ويبقى شيوعي؟
Author: عمر التاج
Date: 04-12-2012, 07:11 AM
Parent: #5
أحداث هجليج الساخنة سخنت بالموقع (لامن) بقى (يكركر)
بعد ما (سلك) شوية .. نرجع لي موضوعنا (ياقول) تبارك.
أها الكوز لمن يقلب .. يعني خلاص عايز يتجاوز مرحلة الكوزنة ...
ممكن ينتظم في أي حزب سوداني ، إلا الشيوعي .
ياترى إيه السبب ؟
|
Post: #9
Title: Re: لييه مافي كوز بقلب ويبقى شيوعي؟
Author: عمر التاج
Date: 04-17-2012, 02:09 PM
Parent: #4
تحياتي أخي الصادق
Quote: قال انه شيوعي وابوهو نقد كمان
والكلام ده بعد التمكين والضحاكات....
اها .....الراي كيف يا ود التاج؟؟؟؟؟
|
الكيزان المقصودين هنا وبالمفهوم الاصطلاحي قطاع عقائدي عريض
بيشمل الجبهجية والاخوان وانصار السنة والحبرتجية وشعبيين وهلم جرا ..
والحديث عن منهجية اختيار البديل هنا كظاهرة ، وده طبعا بختلف عن مفهوم التساقط ..
..
..
وبعدين قلنا كيزان فكر .. ما كوادر عنف يا اخي 
|
Post: #8
Title: Re: لييه مافي كوز بقلب ويبقى شيوعي؟
Author: عمر التاج
Date: 04-12-2012, 02:12 PM
Parent: #3
تحياتي يا عاصم فقيري
Quote: الكلام دا زي ما قال ليك البصير قبل ما يكونوا في السلطة
|
حتى لمن كان الحزب الشيوعي في السلطة (والثروة)
كانو هم البقلبو ويبقو أنصار سنة وكدة ..
لكن الكيزان في السلطة أو بره منها الواحد لو عايز يقلب (غير يتساقط)
نهائي ما بقى شيوعي ..
|
Post: #7
Title: Re: لييه مافي كوز بقلب ويبقى شيوعي؟
Author: عمر التاج
Date: 04-12-2012, 01:02 PM
محمد علي البصير
ازيك ...
| Quote: عشان الشيوعيين ما عندهم ضحاكات |
طيب ليه بمشو أحزاب تانية برضو مافيها كنجالات ...
|
Post: #10
Title: في كوز changed وبقى شيوعي ......
Author: Dr Salah Al Bander
Date: 04-17-2012, 02:36 PM
Parent: #7
الرفيق السر بابو ...
عضو اللجنة المركزية للحزب الشيوعي ...
ومسؤول التثقيف الماركسي اللينيني والتعليم الحزبي كمان ...
كان كوز كبببببببببببببببببببببببييييييييييييييير ....
ولكن آثار الكوزنة في دواخلو خلتو "يرازي" في كل منحني ...
الكوزنة دي زي أي مرض "فيروسي" لا يمكن تنضيف جهاز المناعة الفكري بتاعك من آثارها ...
قولك شنو ؟
|
Post: #11
Title: Re: في كوز changed وبقى شيوعي ......
Author: عمر التاج
Date: 04-19-2012, 02:40 PM
Parent: #10
الأخ د.صلاح البندر والإخوة والرفاق..
بالطبع توجد بعض الحالات* التي تستحق الدراسة فعلاً .. وأظن أن اليساريين درسوا بعضها على عكس الإسلاميين الذين تمر عليهم مثل هذه القضايا مرور لكرام...
ظاهر البوست قد يشوبه الهزل .. ولكنه بقليل من الالتفات والجدية قد يوجه بعض الإضاءات لظواهر ماثلة لم تدرس بعد،
... وبالجد مواقف زي بتاعة أخونا عمار تستحق إفراد صفحات لها ضمن المنظومات الفكرية ...
اعتقد بأني لمحت بوستاً لأحد اليساريين – أظنه حبيب نورة إن لم تخني الذاكرة والقراءة- ابتدره بعنوان ذكي وجاذب يقول (اليمين يمين واليسار يسار) ... ظلت في خاطري هذه العبارة منذ ذلك الحين وتوقعت أن أجد في الخيط –فيما بعد- جديد نقاش ونقد ...للأسف انشغلت عن الموقع لفترة ثم لم أجد رأس الخيط ..
الشاهد في الأمر أن هنالك تحولات جماعية من قبائل اليسار خصوصاً، في أغلبها تتجه يميناً – ولو بعد حين- ومثال لذلك تجد أن الكثير من قدماء انصار السنة يلهبون الناس بأحاديث الثورة وشعر اليسار ومقاطع الغناء، ثم يقرون أن هذا المخزون هو ماتبقى لهم من ذكريات اليسار ..
الاتجاه السائد الآن داخل أحزاب اليسار –كما اعتقد- هو الاقتراب من اليمين والدين إلى درجة توهمني بأن الكوز والشيوعي وجهان لعملة واحدة في زماننا هذا ...
ضمن هذه الرؤية سأحاول تبيان موقفي إن مد الله في العمر وفضل الوقت ..
*حالات .. اقصد بها المصطلح القريب من الفهم العام.
|
|