Post: #1
Title: برلماني سودانى يقترح تكوين كتيبة عسكرية من نواب البرلمان للقتال
Author: Wasil Ali
Date: 04-11-2012, 07:55 AM
Quote: اقترح احد اعضاء البرلمان السودانى تكوين كتيبة عسكرية من نواب البرلمان تتوجه على الفور الى ميادين القتال ، وشدد على ضرورة تحرك كتيبة باسم المجلس من تحت قبة البرلمان الي ميادين القتال اسوة بالشباب الذين يتم استنفارهم.
واتهم النائب أحمد الطيب الفنقلو الحكومة بالتخلي المبادي ودعا الي تكوين لجنة خاصة بالكتيبة تتولي مهام الخطاب الدعوي والتعبوي المستمد من الفكر الذي بدأت به ثورة الانقاذ، ، واردف "لابد من تذكر مبادئ علاقتنا مع الله، والدعوة الجهادية في سبيل الله" واعتبر ما يجري من ازمات ابتلاءات اراد الله بها خيراً، واكد انها نتجت لضعف الانسان وبعده عن الله وركونه للحياة الدنيا ، واردف "هل خفنا الله في مال الجماعة، هل اللجان والاليات التي كوناها لمكافحة الفساد انجزنا فيها شيئاً للشعب، ومن هو الفاسد الذي كونت له الاليات واللجان". |
|
Post: #2
Title: Re: برلماني سودانى يقترح تكوين كتيبة عسكرية من نواب البرلمان للقتال
Author: عبد العزيز عبدالكريم نهار
Date: 04-11-2012, 08:08 AM
Parent: #1
معقولة بس يا الفنقلو تتنازلوا عن المرتب ( سبعة مليون) ووقود السيارة ووتذاكر السفر وحوافز اللجان والسيارات الفارهة والقاعة المكندشة وتجدعو العمة والملفحة وتلبسوا الميري والكاكي ووتتوسدو الكلاش وتنوموا في الاحراش . يا زول قول كلام تاني غير ده والشعب السوداني ما عنده قنبور يا فنقلو
|
Post: #3
Title: Re: برلماني سودانى يقترح تكوين كتيبة عسكرية من نواب البرلمان للقتال
Author: مريم بنت الحسين
Date: 04-11-2012, 09:35 AM
Parent: #2
والله بالغته في الصورة... غايته انت يا واصل على الرغم من انك عامل فيها جادي، لكن اكتر زول نكته في البورد ده.... صورك معبرة دايماً، وفي الصميم....
أبشري بطول احتلال يا هجليج...!
|
Post: #4
Title: Re: برلماني سودانى يقترح تكوين كتيبة عسكرية من نواب البرلمان للقتال
Author: عمر التاج
Date: 04-11-2012, 10:01 AM
Parent: #3
| Quote: والله بالغته في الصورة |
عاد يجيبها ليك من وين يا مريم يابت امي
مي ياها حكومة الشباب الرشيقة المدورة البلد دي
..
..
بيني وبينك واصل زاتو طابور سادس ..
يجيب كلام بتاع البرلماني الثائر أحمد الفنقلو
ويجيب صور بتاعة النائم أحمد hgjالتاني.
|
Post: #5
Title: Re: برلماني سودانى يقترح تكوين كتيبة عسكرية من نواب البرلمان للقتال
Author: عبدالكريم الامين احمد
Date: 04-11-2012, 10:19 AM
Parent: #4
فنقلو ده لو ناس البرلمان (ابو) يمشو معاه
اليجي ياااخ يفنقل لينا ناس ود الباوقة ديل ويسوقهم هجليج بدل النواب..
ذبحونا يا زلمي بالهييييييييع وكععععع بتاعتهم الفي الفاضي دي
|
Post: #6
Title: Re: برلماني سودانى يقترح تكوين كتيبة عسكرية من نواب البرلمان للقتال
Author: Ashraf el-Halabi
Date: 04-11-2012, 10:51 AM
Parent: #5
أثني
ــــــــــــــــــــــــــــــــــــــــــــــــ
أشرف حلبي نائب الدائرة خمسطاشر سودانيز اون لاين الغربية
|
|