ووووووه وتنية دي ودرو ووووين زمااااااااااانك.....!!!

شايف الليلة الاخوة في قطاع الجهاد الالكتروني قايمة عليهم (ام هلا هلا الوطنية)
ودايرين يبيعو للشعب الفضل المسيكين الغلبان حكاية الوطنية
احد ظرفاء المدينة قال (الشعب ده خليك من الوطنية ست الاسم حررررررم لو الحكومة دي سامت ليهو سينما الوطنية مافي زول بقلب جامد
حيقول ليها كيلو الوطنية بكم)

نفسي في كوز كامل الدسم او كويز نص كلتش او الجماعة الشايلاهم الهاشمية يجي من اقصي المدينة يقعدني في تراب الله ده
ويقول لي الوطنية دي كانت وووين
لمن التمكين والتكويش هو سيد الموقف
ولمن كان الدقن الوسمة بتاعة الصلاة المحكوكة في سوق ليبيا بعشرة الف هي الشهادات الاكاديمية التي تاهلك للعمل ولخمج موارد هذا البلد

نفسي في ان ياتي من اقصي المدينة ايضا واحد من اصحاب الدعم النص كم لهذه السلطة
ويحدثني عن الفشقة التي ضربها قوم ابرهة بالمنجنيق وعن حلايب...
ويديني سياحة عن الفساد..؟؟
ويمنطقني بسبب قوووي كده بخلي زول عاقل يمشي يحارب عشان البشير ورهطه يلهطو البطيخ البارد في عماراتهم المخملية
لييه بسسسسسسسسسس...!!!
هل الشعب الفضل ده عبد زول
هل البشير والكيزان ديل اشترو السودان ده وحنا ماعارفين

ولا الحاصل شنو بالضبط كده

وفي اطار دروس الوطنية المجانية ياريت القي لي لكشر لكشرين كده عن اين كانت الوطنية
عندما تدخل ليك مواطن سوداني جوووه غرفة مقفولة
وتجيب مسمار وتجيب شاكوس

وتدق المسمار ده في راس المواطن السوداني ده (كنغ كنغ كنغ)
ضربا حتي الموت...

لانو قال لاااااااااا

والبترول الذي تضرب اليه الان كيتة الفزع يهتف القووم الحقو البترول
عووووووك الجنونيين شالو البترول عووووك...
البترول ده سنين طويلة شغل وقروشو دي مشششششت وووين
الناس العاوزهم يحمو ليك البترول ده استفادو شنووووو...؟؟

وايضا مواطن سوداني يتم حرمانه من التوظيف والعمل في هكذا بترول يتم تفتيشه تفتيش منكر ونكير
عن حبوبته من وووووووين
وقبيلتو من وووووووين
وكان في الجامعة شنوووووووووووو
ومن ثم يركل خارج منظومة كل الدولة

حسسسسع لمن سخنت ولمن الالمي خنق القنطور تقول وبعين قوووية وسن ملوية لنفس هذا الشخص
تعال موت
تعال خلي الهاون يقطعك دقل دقل

ليييييه بس..؟؟
في شاااااان شنو ..؟؟

سلام كيكي ... لك تحية صباحية بتوقيت ....
في منتصف التسعينات جاءنا قنصل في إسلام أباد . قام عمل أيام معينة للعمل القنصلي ، فلو صادف وجيت خلالها ما بخلوك تدخل السفارة حتى لو كان من كراتشي أو حيدر اباد ، ولكن ممكن يدخل أي شخص غير سوداني عادي جداً وإنت تسمعوا داخل السفارة يضحك ويقرقر مع الموظفين والعاملين في الداخل ولو عندك معاهو علاقة جيدة ممكن يتوسط ليك ويدخلك وتقضي غرضك عادي ... عن أي وطنية تتحدث يا كيكي ؟ !




.

Quote: في منتصف التسعينات جاءنا قنصل في إسلام أباد . قام عمل أيام معينة للعمل القنصلي ، فلو صادف وجيت خلالها ما بخلوك تدخل السفارة حتى لو كان من كراتشي أو حيدر اباد ، ولكن ممكن يدخل أي شخص غير سوداني عادي جداً وإنت تسمعوا داخل السفارة يضحك ويقرقر مع الموظفين والعاملين في الداخل ولو عندك معاهو علاقة جيدة ممكن يتوسط ليك ويدخلك وتقضي غرضك عادي ... عن أي وطنية تتحدث يا كيكي ؟ !

تحياتي يا دكتور واشواقي
ونعم يايوسف لقد بنو طيلة هذه العقدين جدار عازل سميك يحول دون وصول المواطن الي موارد دولته
وعاثو فيها فسادا بجاحة وتقتيل
واليوم يتباكون علي الدولة وعلي الوطنية

واهو التسوي بايدك يغلب اجاوديك

Quote: ووووووه وتنية دي ودرو ووووين زمااااااااااانك.....!!!

بالله ما تهدر لينا مادة البوست الوعدتنا بيه في الفارغة :)

جماعتك يا كيكي التوزيعة الفاتت كانوا مسمين الجوكر آس دين
التوزيعة دي سموه آس الوطنية
بس على مين!؟ ، "على هامان يا كوزون!؟"

Quote: بس على مين!؟ ، "على هامان يا كوزون!؟"

هلا يا ابو الشوش
اها جبت سيرة عربي جوبا خليتني اقرا الجملة اعلاه

علي هامان يا كزرون


---------------------
بوست جاي جاي باذن الله
بس الله يروقني واحلي

Quote: الاخ واصل فيصل عبدالرحمن على طه، تحياتى، الى متى تصر على المواقف السلبية نحو السودان وأنا لا أتكلم عن الانقاذ والكيزان وماتسمونهم ماشئتم ، ياأخى أنا أصدقك ، لكن الوطن فى هذه المرحلة يحتاج الى كل جهد بنيه لتجاوز هذه المرحلة الحرجة، نحن الآن لانسأل عن المتسبب ، نحن نتحدث عن عدوان متكرر على حدودنا وطننا السودان ، الامانة الصحفية لاتتعارض مع صدق المواطنة والعمل على دعم الجيش السودانى وصونه بدون التشكيك بطرق غير مباشرة أو التصفيق لانجازات العدو الجنوبى، ولعلمك أنتاج البترول توقف بمجرد سحب الفنيين والعمال وإجلائهم بعد العنوان وهذا شىء طبيعى لسلامتهم والحفاظ على المنشئات النفطية ، وسيعود الانتاج بعد إجلاء العدو الجنوبى وتدمير فلوله والذى سيكون قريبا جدا بأذن الله، وسيرد الجيش الصاع صاعين للعدو الجنوبى وتكبيده خسارات أضعاف ماسببه فى هجليج وغيرها، ولا هوادة ولا يهمنا أى شىء بعد هذا العدوان ، والموقف الآن يا تكون مع الوطن يا مع العدو المعتدى الجنوبى ، لايوجد حل وسط، يا واصل ياأخى أنت حفيد عبدالرحمن على طه أحد رموزنا الوطنية والتربوية الخالدة، هذه المواقف لاتشبه أصلك النبيل .

إن شاء الله عيالكم ما يشوفو ما سطرته اقلامكم ..

سلامات يا بيييير
اها هسه لو انت ماشى فى دربك برااااك كده ونافش ريشك
وعامل فيها دجااانقو زمااانك
اهاااا فى قدلتك ديييك جاك كم دجانقو من الحلة الورا
كسرووك وسرقوا موبايلك :)
اهاااا بما انك انت كنت براك وباختيارك
ممكن تضرب الكوراك عيب يااااخ فى حق قدلتك
والا شنو...
الانسب فى الحالة دى انك تتحزم وتتلزم براااااك و تقوم
على امرك


انا بفتكر انو البترول ده اساسا اثبت عمليا انو ما حق الشعب
السودانى نهائى
البترول ده حق المؤتمر الوطنى عدييييييل
فليذهب المؤتمر الوطنى ويقاتل
وبس


________________________________________
كان بقت على الوطنية يا كيكى يا اخوى ما يحرقك شديد
كلامك ده كلو معلوم بس مقلووب عندهم
الكيزان اكتر ناس ما ممكن يتكلموا على الوطنية
عارف ليه؟؟؟؟ ياخ دى نقة طويله ح تكون
انا ما عندى اخلاق عديل
بس بأختصار لانهم فكرتهم ما مرتكرزة على
مفاهيم وطنية ...والا شنو

يا كيكى ما مفهوم الوطن عند الكوز؟؟؟؟؟؟؟؟؟
انا لله ياخ

ﯾامن له القدرة والكمال ﯾامن هو الكبﯿر المتعال نسالك اللهم عزا و تمكﯿنا ونصرا لاخواننا المجاهدين من قوات الشعب المسلحة والدفاع الشعبى في هجليج اللهم كن لهم و معهم اللهم انصرهم وقوهم اللهم سدد رمﯿهم وقوي سهامهم واجمع كلمتهم واصلح اللهم رأئهم لحفظ بلادنا واهلونا

Quote: يا كيكى ما مفهوم الوطن عند الكوز؟؟؟؟؟؟؟؟؟

هلا يا بييييير وتحياتي ياااخ
وبني كوز مفهومهم للوطنية حكايتو حكاية..
وسكتهم العجيبة وغريبة لو مشينا معاهم كنا من زمااااااان شهداء لينا ضل في البوسنة والهرسك
او لمو فينا السوفيت في الشييشان وعملونا شاورمة

بس محل مصلحتهم الايدلوجية والسياسية والاقتصادية ياهو ده وطنهم
حسسع شبكونا ارض السودان وجغرافية السودان وشغاليين مولعين النيران وحلايب دي الجيش المصري قاعد فيها ديشليون سنة ومافي زول قال بغم
هي سلطة تتلاعب بالجغرافية وبالوطنية وبالدين وبكل شي مطرف حتي تسلك امورها

والله يكافي السودان شرور الناس العجيبين ديل ياااخ

Quote: ﯾامن له القدرة والكمال ﯾامن هو الكبﯿر المتعال نسالك اللهم عزا و تمكﯿنا ونصرا لاخواننا المجاهدين من قوات الشعب المسلحة والدفاع الشعبى في هجليج اللهم كن لهم و معهم اللهم انصرهم وقوهم اللهم سدد رمﯿهم وقوي سهامهم واجمع كلمتهم واصلح اللهم رأئهم لحفظ بلادنا واهلونا

هلا يا بدر الدين
ودعوتك المدنكلة دي لو عاوز ربنا سبحانه وتعالي يقبلها ليك وتكون النتيجة هي مواصلة سلطة البشير لدورات الدماء والفساد في الارض
فانا بقول ليك الدعوة دي من جووووووه بوستي دي ما بتتحرك شبر
وربنا لا يدعم الظالمين وقاتلي الغلابة واللصوص..

up

هو نان جنس اب

يا كيكى عندى سؤال تفكيكى
من اين اتى الكيزان بفكرة فرح المعارضين ؟؟؟

فكك و حلل ياخ

Quote: من اين اتى الكيزان بفكرة فرح المعارضين ؟؟؟

هلا يا بيييييييير وحبابك ويا صباحات الهجليج
وبني كوز كركبة هجليج دي وقعت ليهم في جرح وح يجتهدوا يحلحلو بيها كل الاكيوشنات الكانت معصلجة معاهم ولو موقتا
عسي ان تعشيهم وتغديهم شهر شهرين لحدي ما يلقو ليهم جنازة تانية يلطمو فيها..
-والمعارضة ماسكة عليهم ملفات كثيرة ويومي التذمر ضد هذه الحكومة عدادو ماشي زائد
وعشان يفرملو التذمر ده كان لابد من الاستفادة من الهيجة العاطفية والرومانسية واشواق الوطنية التي انهمرت علي الكثيرين ممن كانو خلااااص
جدعو الكيزان خلفهم واصبحو هم الاقرب للتيارات المعارضة ورصيد حي لصيحة التغيير التي تشكلت عبر قطاعات واسعة بعضها من جووه بيت المرفعين(الذي هو الموتمر الوطني)...
فبتالي الان بني كوز في محاولة محمومة لشيطنة المعارضة بشتي انواعها
1-الداخلية ووصمها بالطابور الخامس وده ظهر في خطة نافع التي اعلن عنها بالامس
2-الحركات الثورية ودي يتم وصفهم الان بالمرتزقة والخونة للاوطان وشيطنتهم بطريقة موغلة في الشيطنة

--------------------
اخر ورقة بتاعة زوغان مرقوها في الايامات الماقبل هجليج كانت(المقاطعة الامريكية) واشتغلو بيها في موضوع مصنع النيل الابيض
واها بعد هجليج لو وقعت عمارة في اطراف االخرطوم لقيل بانها سقطت لانو هجليج تم احتلالها.....

العزيز عبد الكريم

حكي لي والدي مد الله في أيامه أن حكيماً مر على ثلاث نسوة كنّ يبكين على أزواجهن بعد الممات !! فقال للأولى بتبكي علي راجل ولا بازل ؟ فقالت على راجل !! فقال ليها ما هي أفعالة ؟ قالت كان خطر طروه وكان قعد شاوروه ّّّّّ !!! فقال لها ما تبكي عليه !!
فجاء للثانية فسألها نفس الأسلئلة !! فقالت له دايمأً في سفره شق جمله دي تقا ( دخن ) وشقه الثاني لضا ( ماء ) فقال لها لا تبكي عليه !!
وجاء للثالثة فسألها نفس الأسئلة !! فردت علية راجلي كان بعرف البيه والعليه قبال الرجال تضحك عليه !! فقال ليها أبكي عليه أمن تلحقي!!!

بحيراوي

كيكي

كيف حالك انت وضيوفك..
انا يا كيكي عندي مشكلة حقيقية في حتة الوطنية دي،،، مشكلتي بدت لمن دخلت المدرسة الأولية،
من أول يوم قالوا لي (اعرف وطنك) - وطنك هو السودان..
حدود وطنك : من حلفا للغابات ورا تركاكا..
مساحة وطنك (مليون ميل مربع) ...
دي واحدة..كويس؟
اها نمرة اتنين ، بديت رحلة (سبل كسب العيش في السودان) مع سواق القطر، ولفينا، ولفينا، ولفينا، يازول بالقولد، ومحمد قول، والجفيل، ود سلفاب، ومرقناها ليك في يامبيوا ، اها في يامبيوا دي اخد ليك وقفة شوية كدي، واقرأ معاي الكلام ده :
ما زلت في رحلاتي السعيدة حتى وصلت يامبيو البعيدة
منطقة غزيرة الأشجار لما بها من كثرة الامطار
قدم لي منقو طعام البفرة وهو لذيذ كطعام الكسرة

وتسمع معاها في الراديو دي:
أنت سوداني .... وسوداني أنا
ضمَّنا الوادي .... فمن يفصلنا
نحن روحانِ ...... حللنا بدنا
منقو قل لا .... عاش من يفصلنا
قُل معي لا ..... عاش من يفصلنا

وتاني تقوم اذاعة امدرمان تجيب ليك الاستاذ / احمد المصطفي وهو يردد :
انا امدرمان :
نا أبن الشمال سكنت قلبى على أبن الجنوب ضميت ضلوعى


لمن تكون طفل صغير، وبرغم انك عارف انو في حرب قايمة في الجنوب ، وانو ابوك او اخوك او احد اقاربك ربما يكون احد ضحاياها ، وبعد داك تردد يوميا هذا النشيد، تفتكر ممكن اجي بعد كم واربعين سنة قضيتها ، احس انو منقو ده ممكن يكون عدو خارجي...؟؟
مشكلتي الحقيقية مش دي، مشكلتي انو لحدت دلوكت ما مقتنع انو وطنيتي ممكن تبقي اقل من 2 مليون ميل مربع،ولا منقو ممكن يكون اجنبي ؟؟
طبعا من حق الوطنيين الجدد ان يحاولوا فرض وطنيتهم علينا بأي اسلوب، بس كمان مش انت معاي انو وطنيتهم الجديدة دي اقل من 2 مليون ميل مربع، و40 مليون نسمة . يعني بصراحة كدي اقل بكتير من المقاييس الفوق دي،. يعني تجيبها كده تلقي رأسك كاشف، توديها كدي، تلقي صرتك عريانة، والصرة عورة، والعورة اولي بها السترة ، ولا ما كدي؟؟
ودعتك الله

Quote: فردت علية راجلي كان بعرف البيه والعليه قبال الرجال تضحك عليه !! فقال ليها أبكي عليه أمن تلحقي

هلا يا بحيراوي
ونعم الحكمة والحكي...
والناس ديل خلاص يا البحيراوي كلامهم كيسسسس شالو وحكايتهم اصبحت قاب قوسين او ادني من الانهيار الكبير

Quote: طبعا من حق الوطنيين الجدد ان يحاولوا فرض وطنيتهم علينا بأي اسلوب، بس كمان مش انت معاي انو وطنيتهم الجديدة دي اقل من 2 مليون ميل مربع، و40 مليون نسمة . يعني بصراحة كدي اقل بكتير من المقاييس الفوق دي،. يعني تجيبها كده تلقي رأسك كاشف، توديها كدي، تلقي صرتك عريانة، والصرة عورة، والعورة اولي بها السترة ، ولا ما كدي؟؟ ودعتك الله

تحياتي يا ابو جمال
وعذرا ياخ علي التاخير فالبوست ده وطيلة الايام الفاتت كان معصلج معاي عصلجة (هجليج) علي الجيش السوداني الفضل
ورافض يفتح ابوابه حتي نواصل فيه وما فضل لي الا احولو الامر الصوارمي عشان يقول كل مرة نحن الان علي بعد ساعات من دخول البوست لووووول

نعم يا جمال
السودان الذي في جوانا هو سودان حدادي ومدادي ومتنوع في كل جزئياته
ومرات كده ياجمال انا بستغرب في الناس الصوتهم عالي بالكراهية والاحتقار للاخر السوداني ديل
بقول ياربي الناس ديل عاشوووو وووين واحيائهم كانت كيف ومدارسهم
وليييه كل هذا القبح والكراهية والنظرة المتخلفة العنصرية لذلك الوطن الذي كان كم هو جميلا لمن تصالح مع مكوناته


وتحياتي
وحتما سياتي ذلك الطائر الخرافي من الانقاض
ولا زلنا نحلم بان يعود السودان ينزوي الطفابيع ومن لف لفهم

يا كيكى سلامات وصباحات السلام يا رب
ياخ انا كبرت شديد على الكتابة والنقة
ومروتى كملانة
بلاهى يا بييير وبحكم البيريه بتاعتنا
ركز لى هنا
كنت شاهدا على مظاهرات جامعة السودان اليوم ..

واستصحب معاك مداخلة ود الموج
ومعاهو تبارك

خسمتك بالله كما فشيتنى

هلا يا بييييييير وتحياتي ياخ

وما طالباني حليفة بوست ود الباوقة ده قريتو الصبااح
وقلت ايووووووووه ده بوستي زاااتو الدايررو انا اليومين ديل لوووووووووول
وحيت فيهو حسبو علي (اللايك) وقررت اني اجهز حالي واجي اسكن في البوست لوووووووج
فالمقصات هبطرش وكل الكمونية اللازمة لاحداث نجاض قبوري لود الباوقة ومن خلفه بني كوز متواجدة في ذلك البوست العينة...

وطلباتك اوامر عليا يا بييييييييييييير
وباوقة وقع وقعة التاباني والياباني

8888888

UP

***
**
*

يا كيكى وطنيه ودر من يوم ما سمعنا كلمة رابطة ابناء....
لكن لازم نسردب ونغنى احب مكان.... والله شنو.


*
**
***

Quote: يا كيكى وطنيه ودر من يوم ما سمعنا كلمة رابطة ابناء.... لكن لازم نسردب ونغنى احب مكان.... والله شنو.

هلا يا سمعة
وايوووه وبكتاحتها وبكيزانها برضو عاج باااانا ...
وحتما سينهض طائر البطريق وسيكون الوطن متكاملا في كل اشيائه بعيدا عن سطوة الدقن التحت الكاب
والافك رباط البوووت