أضان زرقاء ، يا هجو ، مادايرين نسوان..دايرين بلدنا..!!!!

كتب ههجو الأقرع:

Quote: العنصريون القادمون قاصدين كل اضان حمراء بعدين ما حا ينفع جنس كلام خالد العبيد و غيره اللهم انصر شبابنا بعد ان خذلهم البشير و عبدالرحيم حسين.

اها يا شيخ هجــو ، انا محمد النور كبر ، مواطن سوداني..ووكت الفرز بقي بالإضنين.. فانا يا اخي اضان زرقاء.. و ساقاتل دولو السودان ليس من اجل السبايا ذوات الإضنين الحمراء..و لكن من اجل ان تعود البلد الى اهلها الغبش بكل الوان اضنينهم..و جدودنا السابوا لينا بلد حدادي ومدادي (و من عجب فرطت الإضنين الحمراء فيهو و ضرطت لغاية ما انقسم) لو كان فهمهم كده..كان ما بقيت انت ولا انا ولا الغيرنا.. لأنو كل قطيع كان ح يلزم زريبتو المحددة بحسب الوان الإضنين..!

سقطت اقنعة المؤتمر الوطني عن اخرها..و لم تبقى مزعة لحم تغط الوجه فيهم..!

كبر

شكرا كبر....

ان حددت لهم ماهي مطالبنا....

قوات الهامش الساعيه لحقوقها....لا رغبة لها في ذبح احد ولا سلخ احد ولا اغتصاب احد!
قوات الهامش لها حقوق وهي منضبطه وتعرف وجهتها!وكما قلت....طالما فرز امثال هجو الكيمان
فاليحددوا لنا....ما هي اضنان اولادنا الظلوا يستغلوا فيهم سنينا!!

Quote: و ساقاتل دولو السودان ليس من اجل السبايا ذوات الإضنين الحمراء..و لكن من اجل ان تعود البلد الى اهلها الغبش بكل الوان اضنينهم.

كلام عظيم للبفهوا، وما اظن هجو منهم.

يا أخ كبر، الجماعة ديل يبدأ تفكيرهم ويتنتهي تحت الملابس الداخلية للمرأة.

حتى الله بعبدوه عشان الحور العين.

بخرجو للجهاد عشان الحور العين.

عشان كدا بفتكروا أنو ثوار الهامش ديل بقاتلوا عشان نسوان الخرطوم من ذوات الإضنين الحمرا (بما أنهم كفار وليس لهم من سبيل للحور).

للأسف هذه هي الذهنية التي تحكم ما تبقى من بلادنا.

Quote: العنصريون القادمون قاصدين كل اضان حمراء بعدين ما حا ينفع جنس كلام خالد العبيد و غيره اللهم انصر شبابنا بعد ان خذلهم البشير و عبدالرحيم حسين.

ول ابا كبر لك التحيه
كلام هذا الشخص خطير للغايه على وحده بقيه السودان ؛؛انا زهلت من هذا الكلام !طيب اهلنا المسيريه الان
جنوب هجليج بعشرات الكيلومترات ليه ما تم استهدافهم ولا ما فيهم اضان حمراء يا شيخ هجو؟

فعلا دايرين بلدنا

والله لما اسمع قصة لون الاضان يا كبر
اكاد اموت قهرا و حزنا
ياخ نحن عايشين فى اوهام الهوية
والعنصرية
نجحو يا هجو نجحو بامتياز
فى جعل بعضنا كاره زاتو (يا قول بشاشا)
وزاتو دى ممثلة فى الاضان الزرقا
ونجحوا ان يزعوا الخوف وعدم الثقة بيننا
كشعب واحد

اللهم يا الله رد كيدهم الى نحرهم يا رب
وارزقنا السلام يارب
فى جميع جهات هذا البلد الطيب اهله

Quote: يا أخ كبر، الجماعة ديل يبدأ تفكيرهم ويتنتهي تحت الملابس الداخلية للمرأة.

يا اخي حامد بدوي
انت بقيت ذي نبي الله الخضر.
انا من امس بفتش كيف اوصف عقلية الزول الكتب الكلام ده و ما قدرت لحدي ما انت جيت و جبت الوصف بالضبط (كما ينبغي).
شكرا لك فأنت تساعدهم كثير علي رؤية انفسهم في المرأة و هذا فيه خيرا كثير لعلهم يتعلمون معني للانسانية.

الاخ الكريم كبر كامل تحياتى و احترامى

احمد الله اننى وقفت بل و بينت كثيرا من

مخازى الانقاذ و ظلمها ، و لم اقف يوما هنا

ضد اى مظلمة.

و لكنى هنا و فى هذا المكان وصفنا بالعنصرية

و الظلم ، بل هدد احد الاعضاء باغتصاب بنات

الشمال ، كما طلب البعض هنا بسحق العنصر الشمالى

ورد الحقوق ، وطبل البعض هنا لشبق الشماليات

ورسم البعض هنا قادة الشمال عراة. بل ورب الكعبة

قيل لنا هنا سوف نكرر فعلة المتمة، ودونك البورد

يا كبر ليس بينى و بين اهل الغرب او دارفور خصومة

و لكن الجدد من قادة كاودا عنصريين حتى الطيش.

اشكرك على الاسلوب الهادى و الرزين ، و هو ليس بغريب

على شخص مثلك.


على فكرة انا اضانى ازرق من اضانك ، بس الكلمة

ظلننا نسمعها منذ ان كنا صغار فى الخرطوم فى ادنى

احتكاك .