Post: #1
Title: كرم الله في الباي باي... أنباء عن عزل والي القضارف وتجميد عضويته..؟!
Author: حسام الدين بدوي أحمد
Date: 04-10-2012, 12:14 PM
تواترت أنباء عن سحب الثقة من والي القضارف كرم الله عباس وتجميد عضويته في الموتمر الوطني وعزله عن رائاسة الحزب بذات الولاية..؟!
الوالي كان قد أثار بتصريحاته الأخيرة غضب بعض القيادات النافذة في اجهزة الحزب الحاكم والدولة,, خاصة حديثه عن التطبيع مع اسرائيل والاهانة المبطنة لوزير الخارجية علي كرتي...
|
Post: #2
Title: Re: كرم الله في الباي باي... أنباء عن عزل والي القضارف وتجميد عضويته..
Author: البحيراوي
Date: 04-10-2012, 12:44 PM
Parent: #1
الأخ حسام الدين
تحياتي - غايتو زميلنا في المنبر محمد حامد جمعة كتب ليه بوست قبل يومين كدا عن كرم الله والي القضارف . إنتابني إحساس بأن كلام محمد حامد دا ليه رأس وقعر . وكان ما فيه شق ما بقول طق !!!!
بحيراوي
|
Post: #3
Title: Re: كرم الله في الباي باي... أنباء عن عزل والي القضارف وتجميد عضويته..
Author: حسام الدين بدوي أحمد
Date: 04-10-2012, 12:52 PM
Parent: #2
البحيراوي ليك التحية..
أنا غايتو البوست البتتكلم عنو ما قريتو, لكين حالياً في حلة قاعدة تغلي وفي ديك قاعد يعوعي وبصلتو في النار,, الأخبار بتقول أنو كرم الله التيار بتاعو حالياً بيقاوم بشدة ومسنود من جمهورالولاية؟؟؟ لكين للمركز حديث آخر , وداخل أروقة الوطني (عنقالة كبار) احتمال ديل الكان قاصدهم صديق المنبر محمد حامد جمعة,, وبعد شوية ح نتأكد من المعلومة؟؟ ويا كرم الله لو ما فيها كسر كبابيها...
|
Post: #4
Title: Re: كرم الله في الباي باي... أنباء عن عزل والي القضارف وتجميد عضويته..
Author: على محمد الخير
Date: 04-10-2012, 02:13 PM
Parent: #3
تحياتى اخى حسام ،،
والى القضارف الذى اثار جدلا بتصريحاته الاخيرة .. هذا الوالى ومنذ ان شاهدته لاول مره فى تلفزيون السودان بعد انتخابه واليا على القضارف لم يخب حدثى فيه بانه زى ما بقولوا (مارايق فى علبه).. واتذكر بعض من تصريحاته لاجهزة الاعلام التى كان يظهر فيها بان القضارف ليست فى ايطار او جلباب المركز فى الخرطوم ..
فقد كنت الحظ فيه تمردا فى تصريحاته ويبدو انه من الولاء الذين لا يكترثون كثيرا بالمركز وياتى ذلك من الاحساس بان الجماهير معه وانه اتى بالجماهير ولم ياتى بتعيينات المركز وهذا الاحساس جعله يتمادى الى ان هبش فى اسرائل ذاتها .. والايام القادمة ح تورينا هل هو فعلا مستقل ام سيلحق بالوالى كاشا الذى كان ينتابه نفس الشعور بالاستقلالية عن المركز ومن ثم يفعل ويصرح بما يريد ..
|
Post: #8
Title: Re: كرم الله في الباي باي... أنباء عن عزل والي القضارف وتجميد عضويته..
Author: حسام الدين بدوي أحمد
Date: 04-10-2012, 03:53 PM
Parent: #4
العملية الشغالة حاليا هي قعيد الراجل في علبو..!
وماتسمع الجعجعة والكوراك بتاعو في النهاية ما بيخرج عن طوع الخرطوم..
|
Post: #5
Title: Re: كرم الله في الباي باي... أنباء عن عزل والي القضارف وتجميد عضويته..
Author: فايزودالقاضي
Date: 04-10-2012, 02:18 PM
Parent: #3
ربما لتصريحاته الاخيرة قبل امس بأنه سيحارب اثيوبيا ويحرر الاراضي المحتلة من قبلها دون الرجوع للمركز ..
كرم الله يشتكي من تهميش المركز للولاية رغم ان الولاية مورد غذاء اساسي ..
سنشهد حراك مضاد للحكومة قوى ربما يشعل الولاية ..
نتمنى عزله ..
تحياتي ،،
|
Post: #6
Title: Re: كرم الله في الباي باي... أنباء عن عزل والي القضارف وتجميد عضويته..
Author: فايزودالقاضي
Date: 04-10-2012, 02:19 PM
Parent: #3
ربما لتصريحاته الاخيرة قبل امس بأنه سيحارب اثيوبيا ويحرر الاراضي المحتلة من قبلها دون الرجوع للمركز ..
كرم الله يشتكي من تهميش المركز للولاية رغم ان الولاية مورد غذاء اساسي ..
سنشهد حراك مضاد للحكومة قوى ربما يشعل الولاية ..
نتمنى عزله ..
تحياتي ،،
|
Post: #7
Title: Re: كرم الله في الباي باي... أنباء عن عزل والي القضارف وتجميد عضويته..
Author: حسام الدين بدوي أحمد
Date: 04-10-2012, 03:50 PM
Parent: #6
سيد فايز ليك التحية
تصريحات كرم الله بتحرير أراضي الفشقة تبدو هي التي أثارت حفيظة المركز وهي التي أكدت عدم انضباطه,,, لكن العدوان الأخير عليه من قبل عصابات الشفتة أمر محير,,,
أما مسألة صمود الوالي وتبعيته للمركز أو أستقلاليته فهي محسومة,, يفنجط زي ما داير لكن ( لكل فولة كيال) وكيال الراجل دا قاعد يحرك في الموضوع من الخرطوم؟؟
|
Post: #9
Title: Re: كرم الله في الباي باي... أنباء عن عزل والي القضارف وتجميد عضويته..
Author: حسام الدين بدوي أحمد
Date: 04-10-2012, 05:14 PM
Parent: #7
قرصة أضان ...
|
|