Post: #1
Title: شيوعيين سودانيزاونلاين - اجتماع غير عاجل
Author: خدر
Date: 04-09-2012, 04:58 PM
شايف موسم الهجوم علي الحزب الشيوعي بدأ علي ارض المعارض بسودانيزاونلاين 
|
Post: #2
Title: Re: شيوعيين سودانيزاونلاين - اجتماع غير عاجل
Author: خدر
Date: 04-09-2012, 04:59 PM
Parent: #1
بداية اعزيكم في فقد المعلم الكبير محمد ابراهيم نقد و ازجي حار التعازي للشعب السوداني في هذا الفقد الكبير . كما هو معلوم يا رفاقا ان الحزب الشيوعي مستهدف من التيار الاسلامي في السودان ، استخدمت في هذه الحرب كل انواع الاسلحة الاخلاقية و غير الاخلاقية لتحجيم او اقصاء الحزب من النشاط السياسي وسط قطاعات الشعب السوداني المختلفة . في تشييع نقد و بعد مرور عقود علي بداية الحرب تمخضت تلك الحرب الضروس " يوم التشييع " عن احاديث للصحف و محطات التلفزة من رموز للتيار الاسلامي و لليمين بشكل اكثر عمومية يتحدثون فيها عن الراحل محمد ابراهيم نقد و عن الحزب الشيوعي و عن كيف انه حزب فاعل و وطني و لم يتزحزح في مقارعة الدكتاتوريات المتعاقبة و ما مشحودين ، ياهم رفاقتنا. ايضا خرج الشعب السوداني لوداع المعلم الكبير حتي لفت خروجه انظار محطات التلفزة العربية و الاجنبية و ما مشحود برضو ، ياهو سندنا و راس خيتنا .
لم يتبق في المشهد الا بعض الغير راضيين عن ذلك الاحتفاء بالحزب الشيوعي و حيازته علي انصاف الشعب السوداني و قياداته السياسية الوطنية و هم يتبارون علي منابر الحوار في الشبكة العنكبوتية في كتابة البوستات ضد الحزب الشيوعي و عضويته .
|
Post: #3
Title: Re: شيوعيين سودانيزاونلاين - اجتماع غير عاجل
Author: خدر
Date: 04-09-2012, 05:00 PM
Parent: #2
اها الشورة كيفن و ناويين تتعاملوا مع القصة دي كيف ؟
- حا تردوا
- حا تطنشوا
اضغطي/ اضغط .. علي رقم الاجابة الصحيحة اذا بتريدوا
|
Post: #4
Title: Re: شيوعيين سودانيزاونلاين - اجتماع غير عاجل
Author: خدر
Date: 04-09-2012, 05:07 PM
Parent: #3
السؤال بصورة اكتر دقة
اها الشورة كيفن و ناويين تتعاملوا مع القصة دي كيف ؟
1- حا تطنشوا
2- حا تطنشوا
اضغطي/ اضغط .. علي رقم الاجابة الصحيحة اذا بتريدوا
|
Post: #5
Title: Re: شيوعيين سودانيزاونلاين - اجتماع غير عاجل
Author: esam gabralla
Date: 04-09-2012, 05:20 PM
Parent: #4
لو حترجعوا لى ورا - بي نوع الكلامات دى - دي استقالتى ... بلا شيوعيه بلا شنبات ... و نصة نهار كمان؟
|
Post: #6
Title: Re: شيوعيين سودانيزاونلاين - اجتماع غير عاجل
Author: معاوية عبيد الصائم
Date: 04-09-2012, 05:25 PM
Parent: #5
لو اجتماع بتاع تقسيم الورثة ..حضور ..
وحات الله بعد شوية ينفتح بوست (يسال السائل)
عن محفضة نقد الكانت فى جيبو ايام المرض فى لندن
شيوعى معاش..
|
Post: #7
Title: Re: شيوعيين سودانيزاونلاين - اجتماع غير عاجل
Author: abubakr salih
Date: 04-09-2012, 05:28 PM
Parent: #6
Quote: 1- حا تطنشوا
2- حا تطنشوا |
الزميل عندو اٍقتراح 
|
Post: #8
Title: Re: شيوعيين سودانيزاونلاين - اجتماع غير عاجل
Author: abubakr salih
Date: 04-09-2012, 05:30 PM
Parent: #7
اولا تعديل وضع الاجتماع لاجتماع عاجل.
|
Post: #9
Title: Re: شيوعيين سودانيزاونلاين - اجتماع غير عاجل
Author: abubakr salih
Date: 04-09-2012, 05:36 PM
Parent: #8
المسألة التى موضوع الاجتماع هل فعلا هجوم على الحزب الشيوعي؟ لا أعتقد.
تشييع الزميل السكرتير العام السابق نقد و ما ظهر فيه من قدرات للحزب و من تقدير الناس له وسط القوى السياسية
و فئات المجتمع قد أصاب بالبعض باللوثة و جنون البقر، و كانو قد ناموا على العسل سنين عداد.
يحسدونك حتى على الموت الجليل.
|
Post: #12
Title: Re: شيوعيين سودانيزاونلاين - اجتماع غير عاجل
Author: خدر
Date: 04-09-2012, 05:49 PM
Parent: #8
| Quote: اولا تعديل وضع الاجتماع لاجتماع عاجل. |
لا شي يدعوا للعجلة يا ابوبكر
نحن حا نتشاور و نتونس في بوستنا ده بدلا عن الاستجابة للاستفزاز
|
Post: #10
Title: Re: شيوعيين سودانيزاونلاين - اجتماع غير عاجل
Author: خدر
Date: 04-09-2012, 05:41 PM
Parent: #5
| Quote: لو حترجعوا لى ورا - بي نوع الكلامات دى |
؟؟
كلامك ما مفهوم يا عصام
|
Post: #11
Title: Re: شيوعيين سودانيزاونلاين - اجتماع غير عاجل
Author: abubakr salih
Date: 04-09-2012, 05:47 PM
Parent: #10
| Quote: كلامك ما مفهوم يا عصام |
يا خدر الزميل دا موقوف من الهيئة بسبب اٍنكساره فى الصورة اٍياها.
لا يحق له حضور الاجتماع الا ان تفرغ لجنة التحقيق.
|
Post: #14
Title: Re: شيوعيين سودانيزاونلاين - اجتماع غير عاجل
Author: abubakr salih
Date: 04-09-2012, 05:52 PM
Parent: #11
| Quote: لا شي يدعوا للعجلة يا ابوبكر |
الزميل عايش فى هولندا و يقول لا شئ يدعو للعجلة؟ انتو فى بلد العجلات زاتها
|
Post: #15
Title: Re: شيوعيين سودانيزاونلاين - اجتماع غير عاجل
Author: abdelrahim abayazid
Date: 04-09-2012, 06:01 PM
Parent: #11
اسف يا مولانا كان عندي تكليف تاني
المهم
وحدة المعارضة والاتفاق علي الحد الادني وتحديد العدو الاول وليس من هو العدو
لان الاعداء كتار
طرح القضايا الاساسية واهمها ايقاف الحرب التي تدور في السودان
فضح النظام وتجاوزاته
تسليط الضوء علي قضايا المعتقليين والمطالبة باطلاق سراحهم
شكرا علي الفرصة مولانا
|
Post: #13
Title: Re: شيوعيين سودانيزاونلاين - اجتماع غير عاجل
Author: بخاري عثمان الامين
Date: 04-09-2012, 05:51 PM
Parent: #10
حارنك نحن ودارنك
وما من شعبنا ما منك
للشمس حا تمشي مبارينك
فخرا للشعب السوداني
والطبقة العاملة الثورية
في الاثر يا زميل :
تم حل الحزب بمؤامرة خس يسة .
تم اعدام قادته ..
لكنه ظل حي
وديل انحنا القالوا متنا
وقالوا فتنا
وقالوا للناس انتهينا
نحن جينا
|
Post: #17
Title: Re: شيوعيين سودانيزاونلاين - اجتماع غير عاجل
Author: عاطف مكاوى
Date: 04-09-2012, 06:25 PM
Parent: #16
(أصدقاء) الحزب مطلوب حضورهم أم لا ؟
|
Post: #18
Title: Re: شيوعيين سودانيزاونلاين - اجتماع غير عاجل
Author: بدر الدين احمد موسى
Date: 04-09-2012, 07:05 PM
Parent: #17
معليش يا زملا الزميل اخدتو نومة!
بأمن على كلام الزميل النادي للاجتماع انه في هجمة.
عندي اقتراح
*الناس بتقول "الداير تكملو هملو" في ناس يجب اهمالهم تماما و نخليهم ينبحوا لغاية حنوكهم تقع و ديل زبائن معروفين للزملا و مافي داعي لذكر اسماء; هناي و هناية وهناي, اما هناية الجديدة دي خلوها ساكت فحا تشوت قون في نفسها كالعادة, و لو ما مصدقيني راجعوا البوست ههههههههه
*في ناس نقاشهم مفيد لانهم عندهم مصداقية نناقشهم لغاية ما يجعل الله امرا كان مفعولا.
*عمر صديق و محمد المسلمي ديل شغالين معانا فتعاملوا معهم برفق
*الزميل عاطف مكاوي يبطل هرجلة يعني بس لو زايغ من الاجتماعات دا حايعملو صديق? يا زميل دا انت الحزب زاتو
*عن اذنكم اشوف ختيت الكيس وين!
|
Post: #19
Title: Re: شيوعيين سودانيزاونلاين - اجتماع غير عاجل
Author: باسط المكي
Date: 04-09-2012, 07:22 PM
Parent: #18
سلام ياشباب
تحيات طيبااااااااااات
|
Post: #21
Title: Re: شيوعيين سودانيزاونلاين - اجتماع غير عاجل
Author: أبو ساندرا
Date: 04-09-2012, 07:28 PM
Parent: #18
تأمينكم ضارب ، إجتماع بدون تأمين دقسة كبيرة
كما ان الزميل بدر موسى راح يفلت
عندي سؤال :
لو في زميل اشولنجي وبيشوت ضفاري بينفع في خليتكم الإلكترونية دي ؟
وبتستحملوا أي حاجة تتكب في سياق المواجهة والمكاشفة والشفافية
واللا ح تعبروها من قبيل الحرب الالكترونية الظلامية ضد الحزب
وتلعنوا دين الزميل ؟
|
Post: #49
Title: Re: شيوعيين سودانيزاونلاين - اجتماع غير عاجل
Author: عمر صديق
Date: 04-10-2012, 02:12 AM
Parent: #18
| Quote: *عمر صديق و محمد المسلمي ديل شغالين معانا فتعاملوا معهم برفق |
بدر الدين سلامات
الرفق دا
لو قاصد بو زي رفقكم برفاقكم حينما يختلفون معكم
بالله بلاش المعاملة التفضيلية دي
وشاكرين ومقدرين
ونحن صايمين الستوت زي ماقال المسئول الجنوبي لي نميري
وخلينانفطر زينا وزي خلق الله
|
Post: #20
Title: Re: شيوعيين سودانيزاونلاين - اجتماع غير عاجل
Author: خدر
Date: 04-09-2012, 07:24 PM
Parent: #17
Quote: طرح القضايا الاساسية واهمها ايقاف الحرب التي تدور في السودان
فضح النظام وتجاوزاته
تسليط الضوء علي قضايا المعتقليين والمطالبة باطلاق سراحهم
شكرا علي الفرصة مولانا |
يا سلام يا سلام .. صوت شكر للزميل للانتباه و التركيز العالي
ــــــــــــــــ
الزميل عاطف مكاوي .. من متين كانوا السودانيين القلبهم علي الحزب بره الحزب .. ادخل بي كرعينك كلها يا زميل ، الحزب حزبك
الزميل ابوبكر اللنك ما ظاهر .. يحول الزميل لمدرسة كادر " الوحدة الاكترونية " بالحزب
|
Post: #22
Title: Re: شيوعيين سودانيزاونلاين - اجتماع غير عاجل
Author: خدر
Date: 04-09-2012, 07:51 PM
Parent: #20
Quote: عندي اقتراح
*الناس بتقول "الداير تكملو هملو" في ناس يجب اهمالهم تماما و نخليهم ينبحوا لغاية حنوكهم تقع و ديل زبائن معروفين للزملا و مافي داعي لذكر اسماء; هناي و هناية وهناي, اما هناية الجديدة دي خلوها ساكت فحا تشوت قون في نفسها كالعادة, و لو ما مصدقيني راجعوا البوست ههههههههه
*في ناس نقاشهم مفيد لانهم عندهم مصداقية نناقشهم لغاية ما يجعل الله امرا كان مفعولا.
*عمر صديق و محمد المسلمي ديل شغالين معانا فتعاملوا معهم برفق
*الزميل عاطف مكاوي يبطل هرجلة يعني بس لو زايغ من الاجتماعات دا حايعملو صديق? يا زميل دا انت الحزب زاتو
*عن اذنكم اشوف ختيت الكيس وين! |
هههههههههههههههههههههههههههههههههههههههههههه
يا بركوتة ضرب شنو ياخ .. بدرالدين شات في قلب موجهات التأمين ياخ
ده احرف تعليق في البوست لحدي اسه
ــــ
الزميل بدرالدين يقدم دراسه " في الوكت البكون جاهز فيهو " عن كيفية التعامل مع الاشاعة المضادة :)
|
Post: #23
Title: Re: شيوعيين سودانيزاونلاين - اجتماع غير عاجل
Author: abubakr salih
Date: 04-09-2012, 07:54 PM
Parent: #22
| Quote: يحول الزميل لمدرسة كادر " الوحدة الاكترونية " بالحزب |
الزميل عمل اٍصلاح الخطاء و كده
|
Post: #24
Title: Re: شيوعيين سودانيزاونلاين - اجتماع غير عاجل
Author: أبو ساندرا
Date: 04-09-2012, 08:05 PM
Parent: #23
بشأن مداخلة الزميل بدر موسى التالية :
| Quote: *الزميل عاطف مكاوي يبطل هرجلة يعني بس لو زايغ من الاجتماعات دا حايعملو صديق? يا زميل دا انت الحزب زاتو |
ف زي الواحد عندو رأي في الحتة دي
اصدقاء الحزب على مر التاريخ كان دور بعضهم الإيجابي والفاعل يفوق دور بعض الأعضاء
وما ح اخفي عليكم انني ذات مرة كلفت ب إقناع صديق للحزب ونشط وفاعل لينال العضوية
وهنا زي عايز اقدم نقد ذاتي لأنني تلكأت في تنفيذ التكليف وتحت تحت كده اقنعت صديقنا ان لا يقدم
طلب لنيل عضوية الحزب ، ولم رفع لي حواجب الدهشة
قلت : جوة والله بتخرب ، خليك كده ، وانا ذاتي بفكر استقيل واتحول لصديق
|
Post: #27
Title: Re: شيوعيين سودانيزاونلاين - اجتماع غير عاجل
Author: خدر
Date: 04-09-2012, 08:30 PM
Parent: #25
هههههههههههههههههههههههههههههههههههههههههههه
بدر الدين اطلع بره ياخ .. رواشتك اصلك ما بتخليها ، ده نظام جيتهم في بوستهم و واجهتهم بالاسئلة ولا شنو ؟
بدون ما امشي لي بوستك بتوقع فيهو شنو
تأكيدات للقلناهو في بوستنا ده عن ام هلا هلا المسكتكم بسبب التشييع المنظم و رئيسكم الراجينا نقول ليهو تعالي صلي علي الفقيد
هههههههههههههههههههههههههههههههههههههههههههههههه
انتو وكت سكرتيرنا الجديد ده شاغلكم قدر ده ما تقولوها عدييييل ؟ خجلانين ليه وخاتنها تحت بند المتابعة السياسية ؟
و قووووووول نحن استأجرنا القوي الامين للسكرتارية .. برضو حا تطلعوهو ككو و تقولوا انو لن يصل الي اخمص قدمي ابراهيم نقد " طبعا ده في اطار الحملة المنظمة الجديدة للهجوم علي الحزب الشيوعي بتبخيس قدر و نضال خليفة نقد في السكرتارية " رغم انكم عارفين و فايت اضانكم بهناك انو الحزب الشيوعي ما حزب السكرتير العام او القائد لكنو حزب القرار الجماعي من القواعد و صولا للهيئات العليا .
ـــــــــــــ
يا بدر الدين مافي زول في بوستنا ده ماشي لي لنكك ده ، امش عوس عواستك ساي
|
Post: #26
Title: Re: شيوعيين سودانيزاونلاين - اجتماع غير عاجل
Author: مريم بنت الحسين
Date: 04-09-2012, 08:18 PM
Parent: #20
Quote: الزميل عاطف مكاوي .. من متين كانوا السودانيين القلبهم علي الحزب بره الحزب .. ادخل بي كرعينك كلها يا زميل ، الحزب حزبك
|
كان كده انا زاتي حاضره! صداقة ونسب كمان!...
من زمان بشدّني عالم اليسار... عندكم "لغة" خاصة وتفاصيل كده نفسي افهمها.... وفي إمعان في السرّية كده لدرجة انه الزول ممكن يكون عنده اسم سرّي كمان!... خدر، الاسم السرّي بتاعك شنو؟
|
Post: #28
Title: Re: شيوعيين سودانيزاونلاين - اجتماع غير عاجل
Author: محمد البشرى الخضر
Date: 04-09-2012, 08:32 PM
Parent: #26
غوّاصات كيف يا مولانا ؟
|
Post: #29
Title: Re: شيوعيين سودانيزاونلاين - اجتماع غير عاجل
Author: تبارك شيخ الدين جبريل
Date: 04-09-2012, 08:38 PM
Parent: #28
يا خدر ما تشكّر لينا الراكوبة في الخريف ....
... المهم ....
|
Post: #30
Title: Re: شيوعيين سودانيزاونلاين - اجتماع غير عاجل
Author: خدر
Date: 04-09-2012, 08:39 PM
Parent: #28
اسمي الزميل عبدالرحمن يا مريوم
يا ودالبشري
ما تضرب تأمينك يا زميل
|
Post: #31
Title: Re: شيوعيين سودانيزاونلاين - اجتماع غير عاجل
Author: بدر الدين احمد موسى
Date: 04-09-2012, 09:01 PM
Parent: #30
بلاغ
اها يا زملا جاكم واحد "هناي" من الهنايات القلنا نتجاهلهم, بالله افتحوا له فتحا مبينا,او اضحكوا عليه, هنا و في اي حتة تانية.
اما باقي الهنايات فما عايزين شرح!
والله تخلوهم يكتبوا يومين بلا رد الا راسهم ينقطع, و ما يعرفو يسوا شنو!
|
Post: #34
Title: Re: شيوعيين سودانيزاونلاين - اجتماع غير عاجل
Author: سناء الصباغ
Date: 04-09-2012, 09:54 PM
Parent: #31
خدر وبقية الرفاق
أنا من من شدة ما واقفة مع خيار الطناش دا من زمان
لما كاتبي المفضل بقى مصطفى محمود وخاستا لمن يكتب
التجاهل
التجاهل
التجاهل
لانو فعلا في مجهودات بتهدر في البورد دا الحزب محتاج ليها فعلا
وقبل كدا قلت الكلام دا لبكري علوم القاعد دا
لكن برضو مرة مرة بجي بلقاه متور نفسه في معارك لا مقامو لا بتشبهو
وزملاء كتيرين انا والله مستكتراهم ومستكترة وقتهم على الرد على ترهات فاضية
والحزب دا لما يجي الجد بيقدر يرد علي المقرضين بافعاله
والحزب دا هو ما بس الكم عضو الفي منبر بكري ديل
عشان كدا انا بناشد كل الزملاء الشيوعيين في منبر بكري دا
يرفعوا راية الطنيش وما ينجروا للعوارات دي
صحي مرات الزول بيتغاظ وبينفعل فرجاءا ما تكتبوا وانتا منفعلين
حصلت علي مرة وندمت عليها وما ناوية اكررها.
اذا الزميل رئيس الاجتماع اداني فرصة تانية ممكن اناشد زملاء واصدقاء بأسماهم دون ذكر الاسماء
وطبعا هم عارفين روحهم انهم ما يتعاملوا برد الفعل ويحاولوا يكونوا دقيقين في نقل الاخبار
ويبعدوا عن الشخصي ولو بدأ به الاخرون.
|
Post: #87
Title: Re: شيوعيين سودانيزاونلاين - اجتماع غير عاجل
Author: بشرى محمد حامد الفكي
Date: 04-10-2012, 01:51 PM
Parent: #34
خدر وبقية الرفاق
أعجبتني هذه الكلمات من الاستاذة سناء
Quote: خدر وبقية الرفاق
أنا من من شدة ما واقفة مع خيار الطناش دا من زمان
لما كاتبي المفضل بقى مصطفى محمود وخاستا لمن يكتب
التجاهل
التجاهل
التجاهل
لانو فعلا في مجهودات بتهدر في البورد دا الحزب محتاج ليها فعلا
وقبل كدا قلت الكلام دا لبكري علوم القاعد دا
لكن برضو مرة مرة بجي بلقاه متور نفسه في معارك لا مقامو لا بتشبهو
وزملاء كتيرين انا والله مستكتراهم ومستكترة وقتهم على الرد على ترهات فاضية
والحزب دا لما يجي الجد بيقدر يرد علي المقرضين بافعاله
والحزب دا هو ما بس الكم عضو الفي منبر بكري ديل
عشان كدا انا بناشد كل الزملاء الشيوعيين في منبر بكري دا
يرفعوا راية الطنيش وما ينجروا للعوارات دي
صحي مرات الزول بيتغاظ وبينفعل فرجاءا ما تكتبوا وانتا منفعلين
حصلت علي مرة وندمت عليها وما ناوية اكررها.
اذا الزميل رئيس الاجتماع اداني فرصة تانية ممكن اناشد زملاء واصدقاء بأسماهم دون ذكر الاسماء
وطبعا هم عارفين روحهم انهم ما يتعاملوا برد الفعل ويحاولوا يكونوا دقيقين في نقل الاخبار
ويبعدوا عن الشخصي ولو بدأ به الاخرون. |
بعد هذا التشييع المهيب للرفيق نقد
يجب ان تكربوا البطون
الهجمة على الحزب تأخذ أشكال شتى
وادوات متعددة
فالتزمو جانب الجماهير
التزموه
|
Post: #32
Title: Re: شيوعيين سودانيزاونلاين - اجتماع غير عاجل
Author: hanadi yousif
Date: 04-09-2012, 09:37 PM
Parent: #10
خدر
تحياتي تسجيل حضور,,,
يا ابوبكر انا مع رأي خدر تب ما مستعجلين,,,,,
|
Post: #33
Title: Re: شيوعيين سودانيزاونلاين - اجتماع غير عاجل
Author: esam gabralla
Date: 04-09-2012, 09:44 PM
Parent: #32
| Quote: كلامك ما مفهوم يا عصام |
السربعه حقت الله و الرسول دى لما جا دورى بقت ما مفهومه؟ ديك كراع و دى رجل؟ حسن موسي بيبقي ليك؟ , خوتك عواليق ياخى و بتاع ناسات
أفرش هنا و لا ببوظ السربعه؟ أخوك جاى واقف لمبه ... من العايشتو و شاهدتو .... لحسن حظى
|
Post: #35
Title: Re: شيوعيين سودانيزاونلاين - اجتماع غير عاجل
Author: طارق الجبلابى
Date: 04-09-2012, 09:59 PM
Parent: #33
اسف جدا...ولكنى متقاعد لاسباب صحية
هل انفع..؟
|
Post: #36
Title: Re: شيوعيين سودانيزاونلاين - اجتماع غير عاجل
Author: سلمى الشيخ سلامة
Date: 04-09-2012, 10:00 PM
Parent: #33
اللهم اجعلنى من اهل اليسار فى الدنيا واليمين فى الاخرة
او كما قال
|
Post: #37
Title: Re: شيوعيين سودانيزاونلاين - اجتماع غير عاجل
Author: hanadi yousif
Date: 04-09-2012, 11:13 PM
Parent: #36
معليش نجاة دي فاتحة ليها بوست مخصوص عشاني استاذنكم في الرد عليها ,,,
|
Post: #38
Title: Re: شيوعيين سودانيزاونلاين - اجتماع غير عاجل
Author: نبيل عبد الرحيم
Date: 04-09-2012, 11:23 PM
Parent: #37
خدر والزمالاء المحترمين
أتفق معك إن هناك حملة تنظم ضد الحزب الشيوعى وهذا راجع لإكتشافهم قوة الحزب فى الجنازة المهيبه للقائد نقد البوستات الأخيرة تشهد بذلك.
|
Post: #39
Title: Re: شيوعيين سودانيزاونلاين - اجتماع غير عاجل
Author: طارق جبريل
Date: 04-09-2012, 11:37 PM
Parent: #38
بوست كله كفار ياخ
|
Post: #40
Title: Re: شيوعيين سودانيزاونلاين - اجتماع غير عاجل
Author: تبارك شيخ الدين جبريل
Date: 04-09-2012, 11:58 PM
Parent: #38
| Quote: والله تخلوهم يكتبوا يومين بلا رد الا راسهم ينقطع, و ما يعرفو يسوا شنو! |
يا اخواننا لامن نتعامل معاكم بى رؤية نقدية ممنهجة (وممنجهة) بتعملوا فيها مطنشين (وعيال صغيّرة تعمل حاقات عجيبة ورايا وتقري!) ... لو حسبنا ليكم (التجاهل) بس - نقول الخرمجات التانية حصلت خارج إطار سياسات الحزب، أو سوء تفاهـ(ة)ـم - طيب ... انتو عندكم ردود جادة داخل الأروقة الحزبية؟ يعني هل بتسألوا رقبتكم: كيف نكون بلشفيين وليبراليين في نفس الوكت؟ أو: علاقة السودان بالمشروع الإشتراكي شنو؟ أو: ضرورة حزبنا السياسية بالآيديولوجية الشيوعية دي شنو؟ يعني ببساطة لو ما عندكم رد لينا نحن العزّال والشمّات ديل لأنكم بتتجاهلونا وبتعاملونا بالإحتقار البنستحقّو ... عندكم ردود لى نفسكم ترضي غروركم الفلسفي والأخلاقي والسياسي؟
ولاّ انتو مخمومين في عجلة روتين حكومة الأفندية في دولة الخديوي المتجولبة (انتو وين بشاشا بالمناسبة دي؟ دايرين نستأذنو نعملها حكومة الأفندية وعمال سكك حديد السودان تقاطع عطبرة!)
_________________________________________________________________
والله يا بدرالدين تخلونا نكتب بدون ما واحد فيكم يجي يعمل لينا حركات جيش ... إلاّ نقطع دابر اللذين كفروا ونخلّي ريحتهم طير طير .... الحوار بالحجة كويس ... ونحنا قاعدين ... وانتو قاعدين .... ومؤسسة الحزب لا محالة إلى زوال .... فاااا ... زي الناس تقوم تستنبط ليها مسائل في الحاجات عشان الحاجات تبقى كويسة وكدا .... (أو أيّاً كان اسمه )
يعني بالعربي كدا ... الكلام ياهو دا ... نرجع لى موضوع مستقبل الحزب ... ما تتشفتنوا ... احسن ليكم تردّوا ... بس ماهسى ... لغاية ما الكلام يكتمل!
... المهم ...
|
Post: #41
Title: Re: شيوعيين سودانيزاونلاين - اجتماع غير عاجل
Author: بدر الدين احمد موسى
Date: 04-10-2012, 00:05 AM
Parent: #40
هنادي يوسف,
تحياتي
"| Quote: معليش نجاة دي فاتحة ليها بوست مخصوص عشاني استاذنكم في الرد عليها ,,, |
"
لا, عليك النبي, عليك الله, عليك الرسول, عليك شيخ الطريقة الادريسية ذاتو
الروووووووب عليك الله,
لا
لا
لا
لا لا لا لا لا لا لا لا لا لا لا لا لا لا لا لا لا لا لا الي مالانهاية ياخ
|
Post: #42
Title: Re: شيوعيين سودانيزاونلاين - اجتماع غير عاجل
Author: esam gabralla
Date: 04-10-2012, 00:46 AM
Parent: #41
| Quote: والله يا بدرالدين تخلونا نكتب بدون ما واحد فيكم يجي يعمل لينا حركات جيش ... إلاّ نقطع دابر اللذين كفروا ونخلّي ريحتهم طير طير .... الحوار بالحجة كويس ... ونحنا قاعدين ... وانتو قاعدين |
أها أنا مع كلام تبارك ده , أى زول بالجد عاوز يتحاور بنديه و احترام و ذهن مفتوح مفروض يتم التحاور معاهو , في أى شئ , و حتى لو طبظ و قام "ترجم" الهظار و الظرافه من الأمريكى و جا يتراشق بيها هنا مع السوادنه زى ما عمل واحد أخونا كده أيام وفاة نقد , مفروض براحه يقولو ليهو "ترجمتك كعبا و شترا" ... و يتحاورو معاهو ....
غير ناس الأحكام المسبقه و نهائيه و ناس الذوات الأكبر من الأرض و ناس واك واك واك ... أى زول يتحاورو معاهو و برضو بذهن مفتوح
-----------------------------
تبارك يا مجلى ... تانى أفرز سوفتوير السودانيين من حق اجناس الله التانيه ... و الله بشتنة الأيام ديك عجبتنى ليك و سرت بالى
|
Post: #43
Title: Re: شيوعيين سودانيزاونلاين - اجتماع غير عاجل
Author: خالد العبيد
Date: 04-10-2012, 00:54 AM
Parent: #41
يا زملا .. بلغونا
والرجاء مراعاة فروق الوقت !!
الدنيا عندكم نهار ... نحن ليل
تسجيل حضور ومشاركة
|
Post: #44
Title: Re: شيوعيين سودانيزاونلاين - اجتماع غير عاجل
Author: بدر الدين احمد موسى
Date: 04-10-2012, 01:04 AM
Parent: #43
عصام جبرالله
حمدالله على السلامة
| Quote: "غير ناس الأحكام المسبقه و نهائيه و ناس الذوات الأكبر من الأرض و ناس واك واك واك ... أى زول يتحاورو معاهو و برضو بذهن مفتوح |
"
هسع زولك دا ما بتاع واك واك واك, ورجغة ساكت و الله الكلام معاه غير يجيب وجع الراس ما بنفع, صدقني!
---------------
بعدين خليني من دا كلو, جبت لي القورو الوعدتني بيه ولا لا?
|
Post: #45
Title: Re: شيوعيين سودانيزاونلاين - اجتماع غير عاجل
Author: حبيب نورة
Date: 04-10-2012, 01:44 AM
Parent: #44
والله يا زملاء بوستاتكم محرّضة علي الردّة
|
Post: #46
Title: Re: شيوعيين سودانيزاونلاين - اجتماع غير عاجل
Author: Bashasha
Date: 04-10-2012, 01:50 AM
Parent: #45
| Quote: عمر صديق و محمد المسلمي ديل شغالين معانا فتعاملوا معهم برفق |
قرقرقرقرقرقرقررررررررررر!
|
Post: #47
Title: Re: شيوعيين سودانيزاونلاين - اجتماع غير عاجل
Author: Yassir Tayfour
Date: 04-10-2012, 02:06 AM
Parent: #46
هسي الواحد يقول: "بسم الله"، يلقى نفسو براهو في البوست ؛)
|
Post: #70
Title: Re: شيوعيين سودانيزاونلاين - اجتماع غير عاجل
Author: خدر
Date: 04-10-2012, 09:19 AM
Parent: #47
ردود سريعة لتنظيم الاجتماع
يا ابوبكر .. ودجبرالله ده انا قلبي ماكلني منو من ما مشي السودان و شفت صورو
الزميل ده من ما قعد مع هاشم صديقي بقي كلامو كبار كبار
يا بركات .. اشولنجي و بشوت ضفاري ليه ؟ و ليه ما يشوت معانا ؟
لو عندو كلام مشاتر يقولو في هيئتو منوش في سودانيزاونلاين
جبلابي
تنفع و نص يا زميل .. مافي تقاعد فينا زي ما عارف
هنادي
راجعي توضيحي لاسباب اقتراحي و قرري براك تحاوري ولا تقاطعي " ده رأيي "
باسط
ابقي داخل يا زميل
سلمي سلامة
آآآآآآآآمين
نبيل
الذكرتهم ديل ما بتموا اصابع يد واحدة و يجب انهم ما يصرفونا عن مواقفنا المبدئية في الدفاع عن المظلومين
ودالعبيد
فرق التوقيت يجيير لصالح طول الاجتماع و الحفاظ علي البوست ياخي
يا زملاء
ياسر اب تفة و طارق جبرين ديل كوادر سرية و دافعين .. ما ترشوهم بلاهي
|
Post: #48
Title: Re: شيوعيين سودانيزاونلاين - اجتماع غير عاجل
Author: خالد العبيد
Date: 04-10-2012, 02:12 AM
Parent: #45
حزب مرعب !
بالله اقرو ميدان اليوم ولاحظو نشاط االحزب الجماهيري الواسع :
- الشيوعي بالنيل الازرق يدعو للسماح للمنظمات بدخول الولاية
- الحزب الشيوعي بعطبرة : توحيد الصفوف لوقف الحرب واسقاط النظام
- الحزب الشيوعي بالحصاحيصا يحتفل بذكرى الانتفاضة
عرفتو ليه اعداء الحزب مكبوسين في ركن ضيق !
ولا نفس !!
|
Post: #50
Title: Re: شيوعيين سودانيزاونلاين - اجتماع غير عاجل
Author: Gaafar Ismail
Date: 04-10-2012, 02:15 AM
Parent: #36
الحبيب خدر وضيوفه الكرام
ليس مع اليسار يسار
تعالوا لينا في حزبنا (حزب أجانتا اليميني المتطرف ) حيث اليسار
|
Post: #51
Title: Re: شيوعيين سودانيزاونلاين - اجتماع غير عاجل
Author: عبد العظيم احمد
Date: 04-10-2012, 02:29 AM
Parent: #50
يا خدر سلام
حزبكم دا
زي خلية النحل وادوها دخان.....
فتأمل!!!!!
|
Post: #52
Title: Re: شيوعيين سودانيزاونلاين - اجتماع غير عاجل
Author: Bashasha
Date: 04-10-2012, 03:16 AM
Parent: #51
خالد العبيد شلوم،
داير اسالك، ليه الشيوعي تحديدا من دون كل منظومات الجلابة علي الاطلاق هو الاكثر جهوية من حيث البنية؟
يعني الجبهة الاسلامية، اغلبية قواعدا تكاد تكون من الهامش!
حتي البعث العربي التكريتي، فيهو ابناء هامش اكثر من الشيوعي، رغم انف التسليم المسبق كيف غير الشمالي اطلاقا ما عربي!
اما موكب التشيع الكبير الذي تم بمباركة نظامكم الجلابي، علي العكس يثبت الذي تحاول نفيه للاسف.
انو الراحل كان ركيزة اساسية من ركائز دويلة الابارثيد، الشيعتو بما يليق بي وفاؤ لي هيمنة اقليتو!
ده سر قبلة الصادق علي جبين نقد، رغم انف مجاذر ابا!
نعم حقيقة كان الاكثر اخلاص او وفاء، لي قسم الولاء الجلابي مقارنة بالترابي مثلا يا للنكتة.
ولهذا مستحيل خليل مثلا كان يشيع هكذا!
اذن الموكب ده حقيقة من اخراج نظام القتلة، عرفانا بي وفاء الراجل او برو بي عشيرتو الجلابية!
هذا لا يعني المشاركة المادية الفعلية المباشرة لاجهزة النظام في ادارة مراسم التشيع، بقدر ما اعضاء الضوء الاخضر، وهذا يكفي.
في المنبر ده، يكفي كدليل، مدي وله او تعلق اذلام النظام بي شخصية نقد او بعض كوادر الشيوعي!
انظر للصلة القبلية الحميمة والاحترام المتبادل ما بين بخاري او علاء يوسف كمثال!
|
Post: #54
Title: Re: شيوعيين سودانيزاونلاين - اجتماع غير عاجل
Author: علاء الدين يوسف علي محمد
Date: 04-10-2012, 04:09 AM
Parent: #52
| Quote: انظر للصلة القبلية الحميمة والاحترام المتبادل ما بين بخاري او علاء يوسف كمثال! |
ألذ حاجة في المُومياء الفرعونيّة المُتعفِّنة
الفوق دي
انو بيحدثنا عن العنصرية وعن الحميمية
وهو طارح نفسو نقيضاً لما يستنكر من عنصرية وحميمية بين العناصر المتنافرة
فبذات الفهم
هذه المُومياء الفرعونيّة المُتعفِّنة اعترفت يوما باستعباد واسترقاق اسرتو آلِ بشاشا للبشر
ولما ينتقل منهم واحد الى رحمة مولاه واعني آلِ بشاشا
يجي مننننننننن أريزونا لحدي الحاج يوسف
شان يجعر ويبكي بي دموع الدم والحسرة والحزن على فراق احد سلالة المستعبدين للعبيد الأرقاء
وتقول لي حميمية برضو يا المُومياء الفرعونيّة المُتعفِّنة
|
Post: #110
Title: Re: شيوعيين سودانيزاونلاين - اجتماع غير عاجل
Author: Shihab Karrar
Date: 04-11-2012, 06:41 AM
Parent: #2
| Quote: كما هو معلوم يا رفاقا ان الحزب الشيوعي مستهدف من التيار الاسلامي في السودان ، استخدمت في هذه الحرب كل انواع الاسلحة الاخلاقية و غير الاخلاقية لتحجيم او اقصاء الحزب من النشاط السياسي وسط قطاعات الشعب السوداني المختلفة . |
هذا الهجوم من الاسلاميين على الشيوعيين يجعلني اشفق عليهم من البؤس وقلة الحيلة بأكثر مما أشفق على الشيوعيين انفسهم..
|
Post: #53
Title: Re: شيوعيين سودانيزاونلاين - اجتماع غير عاجل
Author: طه جعفر
Date: 04-10-2012, 03:43 AM
Parent: #1
الزملاء الاعزاء في البوست
و الفنان
خدر
اكتشفت البوست اليوم
و الفكرة حلوة
فتقبلوا اعتذاري
و سؤال عرضي كدا انتو الناس ديل لو ما انتقدوا الحزب الشيوعي السوداني و شتموا الزملاء ح يكتبوا شنو؟
و زي ما قالوا العاوز يظهر يلبس اصفر
تعالوا نشوف ليهم اسم
انا اقتراحي
"الصفر" لانها يمكن ان تقرأ ال zero
اعضاء حزب الصفر
و لزوم التأمين اب صفارة و كدا
و للنساء ام صفارة
و انا ما قاصد نكتة الكمساري
و اي واحد يفكر في نكتة الكمساري يا زملاء يكون راسو ######ان
و ح نكتبو نقد ذاتي ... ظاطو
طه جعفر
|
Post: #55
Title: Re: شيوعيين سودانيزاونلاين - اجتماع غير عاجل
Author: امال حسين
Date: 04-10-2012, 04:12 AM
Parent: #53
اها يا زملا كنا بنقول شنو
معليش للتاخير غندي ظرف خاص
بس انا الكلام بقدر اطنشو
لكن في ناس بتقيظني صورهم وما عارفة اطنشها
والله جد
يا زميلات قيادة نسائية كيف معاكم
افتكر الزميلة ديك تستحق
خدر اضبط الاجتماع
|
Post: #56
Title: Re: شيوعيين سودانيزاونلاين - اجتماع غير عاجل
Author: Aymen Tabir
Date: 04-10-2012, 04:43 AM
Parent: #55
يا زملاء انضبطوا ..!
يا طارق انا مع عدم التطنيش .. ثبت ده في المحضر
محبتي لكم جميعاً
ــــــــ
تابر
|
Post: #57
Title: Re: شيوعيين سودانيزاونلاين - اجتماع غير عاجل
Author: Marouf Sanad
Date: 04-10-2012, 05:20 AM
Parent: #56
يا خدر البوست ده بس لال البيت ولا كفار قريش ممكن يشاركوا ؟؟؟
|
Post: #58
Title: Re: شيوعيين سودانيزاونلاين - اجتماع غير عاجل
Author: Afraa Sanad
Date: 04-10-2012, 05:30 AM
Parent: #57
| Quote: يا خدر البوست ده بس لال البيت ولا كفار قريش ممكن يشاركوا ؟؟؟ |
معليش يا جماعة أنا دخلت من كمبيوتر معروف
|
Post: #59
Title: Re: شيوعيين سودانيزاونلاين - اجتماع غير عاجل
Author: mutwakil toum
Date: 04-10-2012, 05:53 AM
Parent: #58
| Quote: معليش يا جماعة أنا دخلت من كمبيوتر معروف |
يعني في كمبتوتر معروف و كمبيوتر ما معروف :)
--
يا خدر لو قاصد هجمة تبارك وبشاشا تكون حساس و باهل حساسيتك لليسوى و المايسوي..
--
ده كلو كوم و بشاشا بي هناك قال محجوب شريف شاعر الجلابة ههههه
|
Post: #60
Title: Re: شيوعيين سودانيزاونلاين - اجتماع غير عاجل
Author: حمد عبد الغفار عمر
Date: 04-10-2012, 07:51 AM
Parent: #59
سلام يا شيوعيين
| Quote: ده سر قبلة الصادق علي جبين نقد، رغم انف مجاذر ابا! |
انت يا بشاشا عايز الصادق المهدي يكون حاقد عمرو كلوا على سودانيين متلوا عشان خلاف سياسي نتج عنه قتل محدود في زمن غابر؟
الصادق المهدي رجل متسامح وفاهم ياخ
غايتو مرات بتفضحوا عقليتكم ودواخلكم
طيب ما انت أهو متصالح مع الأمريكان والإنجليز الإسترقوا أهلك الزنوج وجو فتحو السودان وقتلوا جدودك ايهما أذل للإنسان القتل أم الاسترقاق؟
معليش يا خدر المداخلة دي لو رأيت أنها خارج البوست كلمني بسحبها
|
Post: #61
Title: Re: شيوعيين سودانيزاونلاين - اجتماع غير عاجل
Author: خالد العبيد
Date: 04-10-2012, 08:03 AM
Parent: #60
عاليا
|
Post: #62
Title: Re: شيوعيين سودانيزاونلاين - اجتماع غير عاجل
Author: خدر
Date: 04-10-2012, 08:05 AM
Parent: #59
| Quote: يا خدر لو قاصد هجمة تبارك وبشاشا تكون حساس و باهل حساسيتك لليسوى و المايسوي.. |
يا زميل قرايتك ما سليمة نوهائي السياسة دي ما فيها حساسية خالص ، بعدين انا حساسيتي دي بتعامل بيها مع البنات بس ، البنات مخلوقات حساسة يا متوكل لكن وحات خوتك اول ما ادخل سودانيزاونلاين بملصها بره و ببقي داخل . تانيا والله لو بقت علي تبارك و بشاشا لما احتاجت بوستا ، لكن كدي ادي الصفحة الاولي نظرة و تعال راجع ،
انتو اي زول خشمو احمر و بغني تقولوا عليهو حساس !!
|
Post: #63
Title: Re: شيوعيين سودانيزاونلاين - اجتماع غير عاجل
Author: خالد العبيد
Date: 04-10-2012, 08:39 AM
Parent: #62
| Quote: انا حساسيتي دي بتعامل بيها مع البنات بس |
النميري استدعى الفنان النعام ادم
قال ليه :
الفنانين ديل كلهم غنو لي
انت ما غنيت لي مالك ؟
النعام اتخارج سريع وقال ليهو :
والله انا بغني للبنوت بس !
|
Post: #64
Title: Re: شيوعيين سودانيزاونلاين - اجتماع غير عاجل
Author: abubakr salih
Date: 04-10-2012, 08:44 AM
Parent: #62
صباح الخير آ ناس
Quote:
عليك شيخ الطريقة الادريسية ذاتو
|
ياخى دى مبالغة زاتو
|
Post: #65
Title: Re: شيوعيين سودانيزاونلاين - اجتماع غير عاجل
Author: معتصم ود الجمام
Date: 04-10-2012, 08:47 AM
Parent: #62
Quote: خدر وبقية الرفاق
أنا من من شدة ما واقفة مع خيار الطناش دا من زمان
لما كاتبي المفضل بقى مصطفى محمود وخاستا لمن يكتب
التجاهل
التجاهل
التجاهل
لانو فعلا في مجهودات بتهدر في البورد دا الحزب محتاج ليها فعلا
وقبل كدا قلت الكلام دا لبكري علوم القاعد دا
لكن برضو مرة مرة بجي بلقاه متور نفسه في معارك لا مقامو لا بتشبهو
وزملاء كتيرين انا والله مستكتراهم ومستكترة وقتهم على الرد على ترهات فاضية
والحزب دا لما يجي الجد بيقدر يرد علي المقرضين بافعاله
والحزب دا هو ما بس الكم عضو الفي منبر بكري ديل
عشان كدا انا بناشد كل الزملاء الشيوعيين في منبر بكري دا
يرفعوا راية الطنيش وما ينجروا للعوارات دي
صحي مرات الزول بيتغاظ وبينفعل فرجاءا ما تكتبوا وانتا منفعلين
حصلت علي مرة وندمت عليها وما ناوية اكررها.
اذا الزميل رئيس الاجتماع اداني فرصة تانية ممكن اناشد زملاء واصدقاء بأسماهم دون ذكر الاسماء
وطبعا هم عارفين روحهم انهم ما يتعاملوا برد الفعل ويحاولوا يكونوا دقيقين في نقل الاخبار
ويبعدوا عن الشخصي ولو بدأ به الاخرون. |
و اركز علي الابتعاد عن الشخصي والمهاترة والاساءة للاخرين مهما كان الاختلاف
شكرا سناء الصباغ
|
Post: #68
Title: Re: شيوعيين سودانيزاونلاين - اجتماع غير عاجل
Author: محمد عبد الماجد الصايم
Date: 04-10-2012, 09:02 AM
Parent: #65
من أنتم؟
|
Post: #66
Title: Re: شيوعيين سودانيزاونلاين - اجتماع غير عاجل
Author: أبو ساندرا
Date: 04-10-2012, 08:59 AM
Parent: #62
سناء الصباغ :
واقفة مع خيار الطناش دا من زمان
---------------------------------------------
الطناش المفتوح لليسوى والمايسواش غير سليم
وحتى الما بيسوى بسبب غرضه أو مرضه أو جهله
غالبآ من خلفه قارئي بيسوى بالتأكيد
علينا أن نوضح له رأينا وندحض المابيسوى
واللا شنو ؟
|
Post: #67
Title: Re: شيوعيين سودانيزاونلاين - اجتماع غير عاجل
Author: خدر
Date: 04-10-2012, 09:01 AM
Parent: #62
يا زملاء يبدو انو لازم اسبب اقتراحي عشان يكون مفهوم للجميع
عمرنا في الحزب الشيوعي ما كنا ضد الحوار الذكي و المثمر مع مختلفيننا لكن الحاصل علي ارض سودانيزاونلاين وضع مختلف في تقديري ، انا لست ضد الحوار مع الاخرين باطلاقو .. لا ، انا مع الحوار لحدي الاخر لكن العقل بقول انو احاور منو ؟
امثلة : تبارك فاتح بوست بي عنوان يشير لنكتة قديمة و طريفة بحاول يبصرنا فيهو بضرورة مراجعة مواقفنا الفكرية كعضوية و اعادة تقييم موقفنا من انتماءنا للحزب .. قولوا لي حا اكسب شنو من حواري معاهو ؟
عادل عبدالعاطي حاسم موقفو من الحزب الشيوعي و محدد اهدافو البهاجمها داخل الحزب .. حا اكسب شنو من حواري معاهو ؟ ما طول عمرها القيادات السياسية بتتشتم و ده جزء يسير من ضريبة العمل العام .
بشاشا ماشي مغمض و عندو شوال صغيروني كدي فيهو زي اربعطاشر شتيمة شايلو و حايم في زقاقات المنبر و بوزع فيها علي العضوية .. احاورو في شنو ؟ و عشان اكسب شنو ؟ لا بشاشا حا يتغير ولا الشوال حا ينقص شتائم .
و الامثلة كثيرة ..
اذن من البديهي اني برحب بالنقاش مع كل مواطن عندو اسئلة حقيقية حول برنامجنا - مواقفنا من قضايا عاجلة و ملحة - نقد لطريقة عملنا وسط الجماهير .. الخ . غير كدي ما عندي لا وكت ولا طولة بال للغلاط .. شؤون الحزب الداخلية ما مفتوحة للغاشي و الماشي .. في حاجة في الكون ده اسمها الخصوصية .. خصوصية حواراتنا الداخلية قبل ان تخرج علي لسان الناطق الرسمي للحزب ده حقنا نحن بس و الاستجابة للحوار حولها مضيعة للوقت و الجهد. خلو الصحفيين و المغامرين يجتهدوا في استنتاج خلافات داخلنا و ده من حقهم زي ما من حقنا اننا نحافظ علي خصوصيتنا و انسياب معلوماتنا و قراراتنا عبر قنواتها الطبيعية . الحزب ده بسبب العاطفية دي قبل كده انطرد من البرلمان .. تخيل انو برلمان يطرد نواب منتخبين بواسطة الشعب من جلسات المجلس ،، نواب منتخبون يرفضون انتخاب نواب اخرين بواسطة الشعب و يطردوهم من البرلمان و يطالبوا بحل الحزب الشيوعي !!
عشان كدي انا اقترحت الطناش لاي حوار ما حا نحصد منو ثمار .. سودانيزاونلاين دي سوق و الرزق تلاقيط ، مافي ربح يبقي ما بغامر بي قرشي في السوق .
|
Post: #69
Title: Re: شيوعيين سودانيزاونلاين - اجتماع غير عاجل
Author: غادة مكى محمد
Date: 04-10-2012, 09:14 AM
Parent: #67
حضور واسفة للتاخير لانجاز بعض المهام
لوسمحتو نقطة نظام اتمنى انو السجاير واكياس الصعوط التعاطى معها خارج الاجتماع :)
وعندى سؤال زمن الاجتماع دا مفتوح ولامحدد ؟
|
Post: #71
Title: Re: شيوعيين سودانيزاونلاين - اجتماع غير عاجل
Author: Siham Elmugammar
Date: 04-10-2012, 09:20 AM
Parent: #62
سلامات للجميع
ممكن اشارك يا شيوعيين؟؟
اولا:
اهاااااا انا مع خدر
حا تطنشو والا ح تطنشو
كخيار :) مع ناس كتاااااار ...كلامهم مكرر و فارغ وبسيء ليهم اكتر ما بينفعهم
وفيهو تشتييت كورة واضح وضوح الشمس
وبعدين والله انا ما بتغاظ منهم قدر منكم فقعتو مرارتنا يا الشيوعيين
ياخ معقولة دى ...والله كما زميلكم فوق الناس دى عايشة فى المنابر على مداخلاتكم
يعنى دايرين تقنعونى انو عضويتكم ما بتعرف تفرز النافع من المانافع خلقة
يعنى هسه شنو الممكن تقدموه لخطكم السياسى(لاحولااا نسيت انا عندى رأى انو ما عندكم خط سياسى هسه)
المهم المفيد شنو فى المناقرات الما عندها معنى و دق الصفايح مع ناس
اساسا بيزدهروا و بتفتح معاهم و يتجلوا لما يكون فى شكلة
شنو المفيد فى زمتكم؟؟؟
مرضتون مرض ولا يفوتنى هنا انا احيى اخى الكريم النجيض ود المشرف
ثانيا:
انا مع عصام جبرالله فى جزء من كلامه
وبعدين تبارك ده فاتح بوست لنقاشكم حول مستقبل الحزب اى نعم جااااى فيهو سدارى
وسبقوا ببوست شااااتر بلا حدود لكن افتكر فى مساحة للشيوعيين ان يرموا المشاتر
ويدخلو فى المفيد...والله عليكم حالة عجيبة
اهااااا شوف ليك زى مداخلة فووق كدى و انا طبعا خوافة ما احاقول يا تو واحده
لكن ح احكى ليكم قصة حبوبه لى قررررربت تبقى شيوعيه كافره هييييييع (باعتبار انو تأبين نقد كان يضج بنفى الكفر.. والله صحى)
اها قال البحر قال كدى هجم على اهلنا نص الليل
الشباب بدو يخارجو فى اهلهم
اهو واحد ماسك فى حبوبتى دى يخارجها وهى بتدعى عاد يالله هوى يالله هوى يا ربى
تلحقنا يا ربى هووووى تشوفنا...
فى نص دعائها المخلص ده جات ليك ضربة موية خمتم عديل كده
طوالى حبوبتى قالت اهن نان نحن نقول فى شنو وهو يسوى شنو؟؟
يا خدر اقول ليك قولها ... بعض زملاك ديل حمقققققق عديييل كده
الحماقة الواحده دى
ولايوقيييين االياااقة الواحده دى
وكما قيل فى الاثر الشيوعييه دايره الصبر وطول النفس و معرفة وين
كان ما مصدقنى انت زاتك راجع الصفحة الاولى
وشوف ليك محنة
وبعدها خم و صر
وغنى غننناك ساى (يعنى سوى سوات ود الامين)
وش اخدااااار ضااااحك
_____________________________________
عصام انا عاوزاك ضرورى بلاهى اضرب لى
ده انسب مكان لرسالة مستعجلة ....انا بتكلم جد
بلاهى يا زملاء الدوحة تولو امر الرسالة دى :)
|
Post: #72
Title: Re: شيوعيين سودانيزاونلاين - اجتماع غير عاجل
Author: عبدالمجيد الكونت
Date: 04-10-2012, 09:41 AM
Parent: #71
مافي طريقة الواحد يكون شيوعي حزب امة
|
Post: #73
Title: Re: شيوعيين سودانيزاونلاين - اجتماع غير عاجل
Author: خدر
Date: 04-10-2012, 09:44 AM
Parent: #71
حبيبا ..
ارتد ردتك ساي يا اخوي ما ترميها فينا
جعفر اسمعيل ..
ادينا برنامج جونتانا ده و زح بعيد بننجضوا ليك
سناء ..
انا متفق معاك بالمناسبة + عندك فرصة تسعة ساعات تناشدي الاوغاد ديل و بالاسماء كمان لو حبيتي
طه جعفر ..
اثني موضوع الصفارة
امال ..
شلتوا رئسة تحرير الميدان و عينكم علي القيادة شايف
منكم خوف يا زميلات
اثني قيادة نسائية للاجتماع ده و للحزب
ايمن ..
سجلت اعتراضك و اقتراحك
عفراء
كفار قريش ياتم ؟ الدخلوا دار ابوسفيان ولا التانيين ؟
حمد ..
انت في صلب دراسة اصلاح الخطاء .. دوس دواسك مافي شي حا ينسحب
ود الصايم ..
الحزب الشيوعي السوداني
غادة ..
الاجندة مذكوره اعلاه .. و زمن الاجتماع حتي نهاية الربع التاني من الارشفة
التمباك تم تنبيه بدرالدين و عصام جبرالله في بد اية الاجتماع
سهام ..
ما عشان خم و صر دي فتحنا البوست
فيما يخص ودجبرالله .. رجع الي قواعدو منفوخ و يضحك سبب بلا سبب .. عملتوا ليهو شنو انتو ؟
|
Post: #74
Title: Re: شيوعيين سودانيزاونلاين - اجتماع غير عاجل
Author: محمد عبد الماجد الصايم
Date: 04-10-2012, 09:45 AM
Parent: #71
| Quote: طوالى حبوبتى قالت اهن نان نحن نقول فى شنو وهو يسوى شنو؟؟ |
|
Post: #75
Title: Re: شيوعيين سودانيزاونلاين - اجتماع غير عاجل
Author: كمال علي الزين
Date: 04-10-2012, 09:59 AM
Parent: #71
www.sudaneseonline.com/cgi-bin/sdb/2bb.cgi?seq=msg...
أسامة عباس .. (صباح شيوعي نضر ... حزين) -
ياشيوعيي المنبر .. لو عندكم خاطر عن بكري بفتش في التوبيك ده
لا عرفناه اتارشف ولا مشى وين المهم ضاع في زحمة المعارك
كما ضاع أمثال أسامة عباس من الشيوعيين ..
حين أتخذ الحزب جانب النضال (الشفهي)..
____________________________________
عفراء سند بالمناسبة أنا زعلان منك شديد
ومالاقي تلفونك عشان أشاكلك ..
(:
______________________________
باسط المكي
أسي لو في دافنة نقد وتشييعوا ده قلتو خير مش كان ممكن
تقلبوا الحكومة دي وتريحونا من اللعبة الطالت ومافي حكم صفر ينهيها (والحقوق محفوظة لحميد)
ولو كنتو إعتصمتو في مقابركم دي مش كنتو قعدتو سبعة يوم وسقطتو النظام ده ؟
ولا عاوزين تحلوها ودي ؟
ومعذرة لقطع إجتماعكم ..
|
Post: #77
Title: Re: شيوعيين سودانيزاونلاين - اجتماع غير عاجل
Author: نادر
Date: 04-10-2012, 10:18 AM
Parent: #75
Quote: امثلة : تبارك فاتح بوست بي عنوان يشير لنكتة قديمة و طريفة بحاول يبصرنا فيهو بضرورة مراجعة مواقفنا الفكرية كعضوية و اعادة تقييم موقفنا من انتماءنا للحزب .. قولوا لي حا اكسب شنو من حواري معاهو ؟
عادل عبدالعاطي حاسم موقفو من الحزب الشيوعي و محدد اهدافو البهاجمها داخل الحزب .. حا اكسب شنو من حواري معاهو ؟ ما طول عمرها القيادات السياسية بتتشتم و ده جزء يسير من ضريبة العمل العام .
بشاشا ماشي مغمض و عندو شوال صغيروني كدي فيهو زي اربعطاشر شتيمة شايلو و حايم في زقاقات المنبر و بوزع فيها علي العضوية .. احاورو في شنو ؟ و عشان اكسب شنو ؟ لا بشاشا حا يتغير ولا الشوال حا ينقص شتائم . |
10/10
|
Post: #79
Title: Re: شيوعيين سودانيزاونلاين - اجتماع غير عاجل
Author: ادريس خليفة علم الهدي
Date: 04-10-2012, 10:46 AM
Parent: #75
(*)
تمام سعادتك
عندي مواضيع منقولة ممكن اجيبا نتناقش فيها
|
Post: #89
Title: Re: شيوعيين سودانيزاونلاين - اجتماع غير عاجل
Author: Afraa Sanad
Date: 04-10-2012, 01:59 PM
Parent: #75
Quote: عفراء سند بالمناسبة أنا زعلان منك شديد
ومالاقي تلفونك عشان أشاكلك ..
|
كر يا كمال الله لا جاب زعل تلفوني 3167-678-1703
|
Post: #119
Title: Re: شيوعيين سودانيزاونلاين - اجتماع غير عاجل
Author: نبيل عبد الرحيم
Date: 04-12-2012, 11:11 PM
Parent: #89
للتكرار
|
Post: #76
Title: Re: شيوعيين سودانيزاونلاين - اجتماع غير عاجل
Author: سناء الصباغ
Date: 04-10-2012, 10:14 AM
Parent: #71
| Quote: عشان كدي انا اقترحت الطناش لاي حوار ما حا نحصد منو ثمار .. سودانيزاونلاين دي سوق و الرزق تلاقيط ، مافي ربح يبقي ما بغامر بي قرشي في السوق . |
والله الزميل خدر دا احسن واحد فينا
طوتاي بيجيب النجيضة
دا ياهو الكلام الانا قاصداه يعني نقاش زي الفاتحو مجدي اسحق دا هو نوع الكلام البيستحق الرد والحوار
حتى كلام النذير حجازي القبل كم يوم عن كيف ممكن الزول ينضم للحزب رغم اني عندي احساس انو بيهزر ساكت لكن
ما بقدر اجزم ونحن ما بنفتش في ضماير الناس
افتكر الرد عليه والحوار معاه كان مهم
لكن زول يجي طوالي ينبذ في الحزب كله لانو عنده مشكلة شخصية مع واحد شيوعي سنة ستين كان الشيوعي
طالبه جنيه ولما سأله قال ليهو بترجع لي قروشي متين قام اخد عهد على نفسه انه يدمر الحزب دا والحكاية دي كبرت معاه
اهة بقى يعامل كل الشيوعيين وكانهم قطيع .
باختصار ديل الناس الانا قاصداهم بالطنيش
والتجاهل
التجاهل
التجاهل
لانهم ما اتوا لحوار
عرفت قصدي يا بركوتة
معالك ياخدر انت وبكري فيما ذهبتما اليه بخصوص الزميل ود جبر الله دا اول حاجة يكتب نقد ذاتي عن الصورة وبوست المفكر
تانيا رده على رئيس الاجتماع وما ادراك ما حسن موسى فيه تجاوز اما الكعوجة دي ما مشكلة دي خلقة الله بعدين انحنا لو ما كلمتنا سهام مجمر زاتو ما كنا ملاحظين ليها.
ود الجمام شكرا لانك انت الوحيد الفهمتني.
|
Post: #78
Title: Re: شيوعيين سودانيزاونلاين - اجتماع غير عاجل
Author: أبو ساندرا
Date: 04-10-2012, 10:40 AM
Parent: #76
عليك شيخ الطريقة الادريسية ذاتو
--------------------------------------------
اها عايزين تشوعنو الشيخ
وبعد شوية : الزميل شيخ الطريقة الإدريسية؟
وتخربوه وتاني مانلقى البيصلي على موتانا
|
Post: #80
Title: Re: شيوعيين سودانيزاونلاين - اجتماع غير عاجل
Author: بدر الدين الأمير
Date: 04-10-2012, 11:00 AM
Parent: #78
ممكن احضر كمراقب وحا اكون زول (حقانى)
|
Post: #81
Title: Re: شيوعيين سودانيزاونلاين - اجتماع غير عاجل
Author: aydaroos
Date: 04-10-2012, 11:04 AM
Parent: #80
أبوبكر صالح قال لي خدر :
| Quote: الزميل عايش فى هولندا و يقول لا شئ يدعو للعجلة؟ انتو فى بلد العجلات زاتها ) |
طبعا" نحنا ناس عطبرة و بي نقدر العجلة الحلوة :)
|
Post: #82
Title: Re: شيوعيين سودانيزاونلاين - اجتماع غير عاجل
Author: ادريس خليفة علم الهدي
Date: 04-10-2012, 11:20 AM
Parent: #81
Quote: ابن المبارك والمتاجرون بالدِّين!
رشيد الخيون
تاريخ النشر 15/01/2012 12:00 AM
نظم القاضي عبد الله بن المبارك (ت 181 هـ) أكثر مِن قصيدة مستوحاة مِن اهتمامه بتربية الصُّقور والاتجار بها، وكان يُربي الشَّواهين والبازاة وبقية الأنواع مِن هذا الطير. إحدى قصائده كانت في الفقيه القاضي ابن علية، وقد ولي القضاء وهو لا يستحقه، لعدم نزاهته، مع أن منصب القاضي كان لدقته وخطورته لا يتسلم، أكثر القضاة، رواتب مِن الدَّولة، كي لا يكونوا تحت تأثيرها، ويشهد لآخرين أنهم أدعوا الجنون والبلاهة مخافة أن يُكلفوا بالقضاء، وتلك قصة كنا رويناها في مقال سابق.
قال القاضي الصَّقار ابن المبارك للمتاجر بالدِّين(ابن خِلكان، وفيات الأعيان):
قد يفتح المرء حانوتاً لمتجره/ وقد فتحت لك الحانوت بالدِّينِ
بين الأساطين حانوت بلا غلقِ/ تبتاع بالدِّين أموال المساكينِ
صيرتَ دينك شاهيناً تصيد به/ وليس يفلحُ أصحاب الشواهين
ولما ولى ابن علية القضاء نظم فيه الآتي(الدِّميري، حياة الحيوان الكبرى):
يا جاعل العِلم له بازياً/ يصطاد أموال المساكينِ
احتلت للدُّنيا ولذاتها/ بحيلةٍ تذهبُ بالدِّينِ
فصرت مجنوناً بها بعدما/ كنت دواء للمجانين
أيبن زواياتك في سَردها/ لتركِ أبواب السَّلاطينِ
أين رواياتك في ما مضى/ عن ابن عوفِ وابن سيرنِ
إن قُلتَ أُكرهتُ فذا باطلٌ/ زلَّ حِمار العِلم في الطِّينِ
لعلو منزلته كان عبد الله بن المبارك إذا جاء إلى الرِّقة، في زمن هارون الرَّشيد (ت 193 هـ)، اجتمع النَّاس حوله وازدحموا، مع أنه لا يُقدم لهم طعاماً ولا ينفعهم في جاه. فقيل لشدة الزَّحمة عليه: «تقطعت النَّعال وارتفعت الغبرة». ونظرت أم ولد، مِن نساء الرَّشيد، مِن برج لها وسألت عمَّا جرى، ومَن القادم؟! فقيل لها: عبد الله بن المبارك جاء مِن خراسان، فقالت: «هذا والله هو الملك، لا مُلك هارون الذي يجمع النَّاس إلا بشرط (الشَّرطة) وأعوان»(ابن خِلكان، وفيات الأعيان).
على قاعدة الشَّيء بالشَّيء يُذكر أن والد صديقنا السَّيد محمود مهدي، حكى لنا أن أخوين كانا يتظاهران بالتَّدين والتقوى ويترددان على المسجد مِن دون انقطاع، فتحا لهما محلاً لبيع التلفزيونات، وكانت تجارة جديدة، إلا أنهما فكرا أن التلفزيون يأتي بالغناء والموسيقى فهو حرام، فماذا يفعلان! توصلا إلى حلٍ يحفظ لهما ثوب الدِّين عليهما، وهو إذا باعا تلفزيوناً يكتبان ورقة للمشتري: «لا يستعمل إلا لسماع القرآن والبرامج الدِّينية». لكن سعرهما كان يُزيد على سعر السُّوق بخمسة دنانير.
ليس هناك أثقل وطأة على الإنسان عندما يؤخذ باسم الدِّين، أو المقدسات على العموم، فهي تجارة مربحة، لا تحتاج سوى الى مسبحة ولحية وتظاهر، وحرص على الحج في كل عام. لكن يبقى الدِّين ليس تلك الأدوات والوسائل إنما أبعد مِن هذا بكثير. فـ «الدِّينُ النَّصِيحَةُ» (حديث نبوي)، لا استخدامه بازاً للتَّصيدِ في السِّياسةِ والتِّجارة على حدٍ سواء.
مات عبد الله بن المبارك الحنظلي بهيت غربي العِراق، السَّنة 181 هـ، في زمن هارون الرَّشيد، وكان قاضياً، ولا عِلم لي هل له في تربتها ضريحاً يُزار أم لا، فقد فتشت في كتاب «مراقد المعارف» لمحمد حرز الدِّين (ت 1945)، وهو كتاب جامع مانع في هذا المجال، ولم أجد له ذِكراً.
http://www.alesbuyia.com/inp/view.asp?ID=29700
|
|
Post: #83
Title: Re: شيوعيين سودانيزاونلاين - اجتماع غير عاجل
Author: abubakr salih
Date: 04-10-2012, 11:40 AM
Parent: #82
يا زول دا اٍجتماع ولا مؤتمر عديل هسه!.
أنا أقترح نقل اٍدراة الاجتماع العريض هذا للحكيمة سناء الصبّاغ.
بعدين يا خدر ياخى ما تكرم الضيوف ديل بحاجة ... اضبح غنية ولا نشيد ولا مدحة ان شاء الله من مدحات الطريقة الادريسية.
|
Post: #90
Title: Re: شيوعيين سودانيزاونلاين - اجتماع غير عاجل
Author: معاوية عبيد الصائم
Date: 04-10-2012, 02:02 PM
Parent: #78
Quote: اللهم اجعلنى من اهل اليسار فى الدنيا واليمين فى الاخرة
او كما قال
|
اقترح ع الزميل الفنان خدر وشيوعيين سودانيزا اونلاين ان يكون كلام سلمى بت ابوى الشيخ شعار الاجتماع اعلاه
وذلك احتراما للاقليات المسلمة..و المؤلفة قلوبهم ...قصدى( المقتبس الفوق داك)
شيوعى معاش بصفة مراقب
|
Post: #108
Title: Re: شيوعيين سودانيزاونلاين - اجتماع غير عاجل
Author: Yassir Tayfour
Date: 04-10-2012, 10:30 PM
Parent: #78
| Quote: وتخربوه وتاني مانلقى البيصلي على موتانا |
يا بركات انت عُمرتك لبيت الله كانت لـ تقضوا منافع لكم وبس؟
|
Post: #91
Title: Re: شيوعيين سودانيزاونلاين - اجتماع غير عاجل
Author: Bashasha
Date: 04-10-2012, 03:15 PM
Parent: #76
| Quote: لكن زول يجي طوالي ينبذ في الحزب كله لانو عنده مشكلة شخصية مع واحد شيوعي سنة ستين كان الشيوعي |
فعلا القرضمة العورا، او شيل البطارية في القمرا
! الجلابية سناء الصباغ، اساسا الشغال بيكي ولا بي اي حمبرة شيوعيين بفكر بي زي طؤيقة دي، منو؟
فهمكم متخلف، محنط، دكاكيني، او عشائري للعمل العام او بالذات السياسي!
كلام مضحك، ولكن ايضا بوري كيف الشيوعي الان خارج حركة التاريخ في سودان الابارثيد.
يا مسكينة، لو عندك تنظيم سياسي، او في ساحة زي دي للدواس الفكري، البجيب سيرة تنظيمك، هو القدم ليكي معروف، مش العكس زي مافاهمة، ماسكة الشغلة، شغل بوبار، بتاع القالت، جيت ارد علي التلفون، عتر لي البوتجاز، وقعتا في التلاجة!
فعلا 30، 40 سنة مضو، شارة الشيوعي كانت بتعلق علي الرقاب، من باب الفشخرة، والقشر، باعتبارا بطاقة عضوية في نادي المثقفاتية.
واضح هذا الخلل بنيوي في منظومة طليعة الجلابة، وكنتيجة ظل الشيوعي، بالونة "هيليوم" سابحة في العلالي، بي حفنة من السياح "الاجانب"!
يا شيوعيين، هذا عصر الفرد الاشعث الاغبش، الذي بيده كل الملك.
بالفهم ده، لو الفرد ده، اي الناخب، في نظرك "ك.ل.ب" لاي سبب، فلا تملك الا ان تقول له "ياسيدي" ولاجميلتك، لانو فعلا سيد او سيدة، وامثالكم هم الخدام، بل الخدم عديل كده، عنقر ما مدنقر!
ده الفهم، البودي خطوة لي قدام، المواكب لي روح العصر.
بالعدم ما معني فشخرة، طنش او طنشو، من ناخبيكم، يا طيور الشيوعيين؟
بعدين يالجلابية سناء، ااكدي تماما، كلامي ده ماموجه ليكي، بقدرما موجه للقارئ، باستخدامك انتي كمرسال، والسلام.
حقيقة يا شيوعيين، من حيث الوعي السياسي، انتو سذج بحق!
مرة اخري، بطلو عوارة او ما تزعلو من كلام الناخبين امثالنا!
علي العكس، اعملو صفا، ثم انتباه، ثم الي "اليمين" دور، جيبو ورقة او قلم او اخدو "نوت"!
انطلاقا من انو كلام بشاشا، ولاتبارك، ولا اي جن احمر، feedback!
قالت زول يجي ينبذ في الحزب!
ياخي ما ينبذ؟
ما المانع؟
فهم عشائري متخلف، للاسف للعمل السياسي، فوق للديماغوغية، من بعد البوبار!
|
Post: #98
Title: Re: شيوعيين سودانيزاونلاين - اجتماع غير عاجل
Author: خدر
Date: 04-10-2012, 06:16 PM
Parent: #91
| Quote: بالعدم ما معني فشخرة، طنش او طنشو، من ناخبيكم ، يا طيور الشيوعيين؟ |
هههههههههههههههههههههههااااااهههههههههههههاهاهاهاههههاااهاهاهااهاهاهااااااااي
بشاشا طلع من ناخبيكم يا الشيوعيين ههههههاهاهاههاههاهاهاهااهاهاهااهاهااههاهااهاهااااااااا
استغفر الله العظيم :)
يا بشاشا بصراحة شكلك بقي شين في البوست خاصة بعد ما انضايقت و بقيت تنبذ فينا .. انا عن نفسي و بضمن ليك 4 معاي ما فارقة معانا قصة قعادك من مشيك ولا نبذك من شكرك لينا لكن بصراحة ما بقدر اضمن ليك الباقي .. براك شايفنا بنقابض فيهم منك كيف لكن بصراحة شكلك بقي زبالة خالص في بوستنا ده اذيك اقتراح امش اعمل طوافك ده في البوستات التانية يمكن تلقي ليك ناس غيرنا ينابذوك ، ولا اقول ليك ، امشي لي بوستات نجاح اولاد الجلابة غالطهم في نسب نجاح اولادهم
|
Post: #95
Title: Re: شيوعيين سودانيزاونلاين - اجتماع غير عاجل
Author: بدر الدين احمد موسى
Date: 04-10-2012, 05:29 PM
Parent: #76
اصبحتو?
هدا الكلام النجيض:
Quote: "امثلة : تبارك فاتح بوست بي عنوان يشير لنكتة قديمة و طريفة بحاول يبصرنا فيهو بضرورة مراجعة مواقفنا الفكرية كعضوية و اعادة تقييم موقفنا من انتماءنا للحزب زز قولوا لي حا اكسب شنو من حواري معاهو ؟
عادل عبدالعاطي حاسم موقفو من الحزب الشيوعي و محدد اهدافو البهاجمها داخل الحزب زز حا اكسب شنو من حواري معاهو ؟ ما طول عمرها القيادات السياسية بتتشتم و ده جزء يسير من ضريبة العمل العام ز
بشاشا ماشي مغمض و عندو شوال صغيروني كدي فيهو زي اربعطاشر شتيمة شايلو و حايم في زقاقات المنبر و بوزع فيها علي العضوية زز احاورو في شنو ؟ و عشان اكسب شنو ؟ لا بشاشا حا يتغير ولا الشوال حا ينقص شتائم |
ز"
زايد دكتورة نجاة.
مفروض الجماعة ديل ما نرد عليهم و لا نتداخل معهم حتى لو طمبروا
لان الرد عليهم ضياع زمن!
مع كلام الزميلة سناء قلبا و و قالبا و اتمنى انها تفت لينا ناسنا الهي عندها راي في سلوكهم في سودانيزاونلاين و عافي ليها لو انا فيهم
و عشان نكون دقريين زي ما كنا بنعمل في الاجتماعات زمان
انا ارجو من الزملا الاتية اسماءهم:
ابوبكر صالح
معاوية الصايم
عاطف مكاوي
يفكوا درب دكتورة نجاة, و لو ما عجبهم كلامها يعضوا حجر, و لا يلحسوا مكوة و لا اي حاجة بس عليكم الله يا ناس خلاس.
هناك العشرات الذين لهم مواقف حتى مضادة للحزب و يطرحوها بعقلانية ممكن نناقشهم.
بشاشا لا يستحق اي التفاتة غير التندر عليه, فلو جات فرصة ضحكة نضحك عليه يا ناس, مالو الدنيا ما فرحة!
--
يا جماعة انا ما لامي في الكيس ذاتو اها خليناهو ما تزعلو!
|
Post: #96
Title: Re: شيوعيين سودانيزاونلاين - اجتماع غير عاجل
Author: بدر الدين احمد موسى
Date: 04-10-2012, 05:29 PM
Parent: #76
معليش مكرر
|
Post: #85
Title: Re: شيوعيين سودانيزاونلاين - اجتماع غير عاجل
Author: عبد العظيم احمد
Date: 04-10-2012, 11:49 AM
Parent: #57
| Quote: يا خدر البوست ده بس لال البيت ولا كفار قريش ممكن يشاركوا ؟؟؟ |
الخوارج
والرافضة
|
Post: #86
Title: Re: شيوعيين سودانيزاونلاين - اجتماع غير عاجل
Author: Ashraf el-Halabi
Date: 04-10-2012, 12:28 PM
Parent: #85
| Quote: (أصدقاء) الحزب مطلوب حضورهم أم لا ؟ |
المنافحة دي كلها كصديق!!!
ياخ أنا كنت قايلك عضو لجنة مركزية :)
الصداقة عندك يا أبو مكاوي!
نقطة نظام:
يا خدر المشكلة في الزملا البقوموا نقرة ديل!!
صراحة أول مرة أشوف شيوعيين ما تفاتيح هنا في حوش بكري دا!
حليل ناس عز الدين ودرش!!
وهم لسة في ثانوي، تقول للواحد فيهم بفرح "نزلوا سعر السكر!"
يقول ليك بثقة "معناتو بكرة حيزيدوا سعر البنزين!"
وتاني يوم كلامو يطلع صح
يعني المفروض الواحد يفرز بوستات النقاش من بوستات الاستفزاز
الأخيرة دي علاجها :
التجاهل
التجاهل
التجاهل
قالها ثلاث ودعى لمصطفى محمود بطولة العمر وزيادة الكوتة الاسفيرية
|
Post: #88
Title: Re: شيوعيين سودانيزاونلاين - اجتماع غير عاجل
Author: بشرى محمد حامد الفكي
Date: 04-10-2012, 01:55 PM
Parent: #86
بت الفضل سلامات
تردي على منو
ما تخلي التواضع الما في محلو دة
|
Post: #92
Title: Re: شيوعيين سودانيزاونلاين - اجتماع غير عاجل
Author: النذير حجازي
Date: 04-10-2012, 04:29 PM
Parent: #88
Quote: حتى كلام النذير حجازي القبل كم يوم عن كيف ممكن الزول ينضم للحزب رغم اني عندي احساس انو بيهزر ساكت لكن
ما بقدر اجزم ونحن ما بنفتش في ضماير الناس
افتكر الرد عليه والحوار معاه كان مهم
|
الغالية سناء الصباغ،
شكراً جزيلاً لك على الكلام الطيب في حقي
تعرفي يا سناء والله العظيم تلاتة أنا كنت جادي
في طرحي على الرغم من إنو طريقتي في النقاش
دائماً واضحة علشان كدا ما بقدر ألومك كل الناس
ما باخدوا كلامي جادي لأني زول مونساتي وبحب الهظار
والنكتة لكن وكت الجد أنا جادي جداً، وممكن يا سناء
تسألي عن أخوان سلمى الشيخ سلامة فهم أصدقائي من الشيوعيين
الذين يعرفونني خارج نطاق النت.
تقبلي تحياتي وتقديري
وآسف لما أصابك من رشاش الكلمات من صديقي بشاشا
أسمحيها لي في وشي
ويا بشاشا يا صديقي، عليك الله زولة سمحة (خلقة + أخلاق) زي سناء دي بشاكلوها؟!
أظنك جنيت يا أخوي
|
Post: #93
Title: Re: شيوعيين سودانيزاونلاين - اجتماع غير عاجل
Author: قيقراوي
Date: 04-10-2012, 04:35 PM
Parent: #88
بشاشا لا تأخذنك في الشيوعيين ومن شايعهم أي رحمة!
-----
ولا تثريب عليك ..
ما شويعيين ساااااي هم!
|
Post: #94
Title: Re: شيوعيين سودانيزاونلاين - اجتماع غير عاجل
Author: hanadi yousif
Date: 04-10-2012, 04:43 PM
Parent: #88
بشرى كيفك يا صديقي
صاحبتك نجاة فاتحة لي بوست والايام دي عندي إجازة ملاريا يومين ح اقزقز معاها بنفس طريقتك ,,,
تعال علينا بهناك
تحياتي لسيدة والعيال,,
|
Post: #97
Title: Re: شيوعيين سودانيزاونلاين - اجتماع غير عاجل
Author: سناء الصباغ
Date: 04-10-2012, 06:13 PM
Parent: #94
Quote:
تقبلي تحياتي وتقديري
وآسف لما أصابك من رشاش الكلمات من صديقي بشاشا
أسمحيها لي في وشي
|
تحيتك مقبولة يالنذير
وسلامة وشك
انا زاتي بحب الهزار والناس المهزارة وكدا بقينا اصحاب
ما دايرة اكاوشك واقول بقيت صديق للحزب لانو دي بتقررها انت.
وما زلت بطلب من الزملاء والزميلات تجاوز الكلام الساكت والرد على الكلام البستحق
عشان الزمن والجهد دا ممكن يتوظف في حاجات مفيدة
|
Post: #99
Title: Re: شيوعيين سودانيزاونلاين - اجتماع غير عاجل
Author: سناء الصباغ
Date: 04-10-2012, 06:24 PM
Parent: #97
Quote:
أنا أقترح نقل اٍدراة الاجتماع العريض هذا للحكيمة سناء الصبّاغ.
|
بعرف يا بكور كان ادوني ادارة الاجتماع دا
حاتخصص ليك قي الزميلة هنادي والصديق عاطف مكاوي والصديق معاوية الصائم
والزملاء نبيل وخالد العبيد.
الاسماء دي نزلتها بتكليف من الزميل بدر الدين.
اول حاجة يا زميلة هنادي الاجتماع لسة ما وصل لقرار وانت
مستعجلة وماشة تتسلي بالقلتي عليه انت بنفسك تشتيت كورة
فهمتي قصدي؟
|
Post: #100
Title: Re: شيوعيين سودانيزاونلاين - اجتماع غير عاجل
Author: حمد عبد الغفار عمر
Date: 04-10-2012, 06:32 PM
Parent: #97
Quote: الزميل شيخ الطريقة الإدريسية؟
وتخربوه وتاني مانلقى البيصلي على موتانا |
الله ليكم من صلاة الطريقة الإدريسية
وجوافة المناصير
|
Post: #101
Title: Re: شيوعيين سودانيزاونلاين - اجتماع غير عاجل
Author: نبيل عبد الرحيم
Date: 04-10-2012, 06:32 PM
Parent: #97
سناء الصباغ،
Quote: شكراً جزيلاً لك على الكلام الطيب في حقي
تعرفي يا سناء والله العظيم تلاتة أنا كنت جادي
في طرحي على الرغم من إنو طريقتي في النقاش
دائماً واضحة علشان كدا ما بقدر ألومك كل الناس
ما باخدوا كلامي جادي لأني زول مونساتي وبحب الهظار
والنكتة لكن وكت الجد أنا جادي جداً، وممكن يا سناء
تسألي عن أخوان سلمى الشيخ سلامة فهم أصدقائي من الشيوعيين
الذين يعرفونني خارج نطاق النت.
تقبلي تحياتي وتقديري
وآسف لما أصابك من رشاش الكلمات من صديقي بشاشا
أسمحيها لي في وشي
ويا بشاشا يا صديقي، عليك الله زولة سمحة (خلقة + أخلاق) زي سناء دي بشاكلوها؟!
أظنك جنيت يا أخوي
|
النذير سلام
طوال معرفتى بك هنا فى سودانيز أونلاين أشهد إنك إنسان محترم.
ونحن جميعا ومن المفترض بشاشا معنا كلنافى مركب واحد وعدونا واحد
|
Post: #102
Title: Re: شيوعيين سودانيزاونلاين - اجتماع غير عاجل
Author: نبيل عبد الرحيم
Date: 04-10-2012, 06:34 PM
Parent: #97
سناء الصباغ،
Quote: شكراً جزيلاً لك على الكلام الطيب في حقي
تعرفي يا سناء والله العظيم تلاتة أنا كنت جادي
في طرحي على الرغم من إنو طريقتي في النقاش
دائماً واضحة علشان كدا ما بقدر ألومك كل الناس
ما باخدوا كلامي جادي لأني زول مونساتي وبحب الهظار
والنكتة لكن وكت الجد أنا جادي جداً، وممكن يا سناء
تسألي عن أخوان سلمى الشيخ سلامة فهم أصدقائي من الشيوعيين
الذين يعرفونني خارج نطاق النت.
تقبلي تحياتي وتقديري
وآسف لما أصابك من رشاش الكلمات من صديقي بشاشا
أسمحيها لي في وشي
ويا بشاشا يا صديقي، عليك الله زولة سمحة (خلقة + أخلاق) زي سناء دي بشاكلوها؟!
أظنك جنيت يا أخوي
|
النذير سلام
طوال معرفتى بك هنا فى سودانيز أونلاين أشهد إنك إنسان محترم.
ونحن جميعا ومن المفترض بشاشا معنا كلنافى مركب واحد وعدونا واحد.
|
Post: #103
Title: Re: شيوعيين سودانيزاونلاين - اجتماع غير عاجل
Author: Ashraf el-Halabi
Date: 04-10-2012, 07:22 PM
Parent: #102
Quote: حاتخصص ليك قي الزميلة هنادي والصديق عاطف مكاوي والصديق معاوية الصائم
والزملاء نبيل وخالد العبيد. |
اللستة دي لو نقصت اسم واحد بس أثني اقتراح بكور شديد
|
Post: #105
Title: Re: شيوعيين سودانيزاونلاين - اجتماع غير عاجل
Author: سناء الصباغ
Date: 04-10-2012, 07:46 PM
Parent: #103
أشرف الحلبي
أخي في الحلوبية أو لو ممكن تخليها في الجلوبية عشان نجاري الموضة
عرفتك يا أشرف قاصد انو اللستة تنقص خالد العبيد
لكن انا بجيهم ليك واحد واحد وهم كلهم بتجمعهم الغيرة على الحزب والاحساس
بمسئولية حمايته من المقرضين والاعداء
بس انا بختلف معاهم في التكتيك
يعني الكلام الخاوي الغير مبرأ من الغرض ما نرد عليه
لانو الزملاء ديل كلهم أكبر من الاستجابة لمثل هذه الاستفزازات السخيفة
ونحن كلنا اكبر من اننا نشتم زول حتى لو هو بدا بالشتيمة.
|
Post: #106
Title: Re: شيوعيين سودانيزاونلاين - اجتماع غير عاجل
Author: سناء الصباغ
Date: 04-10-2012, 07:46 PM
Parent: #103
أشرف الحلبي
أخي في الحلوبية أو لو ممكن تخليها في الجلوبية عشان نجاري الموضة
عرفتك يا أشرف قاصد انو اللستة تنقص خالد العبيد
لكن انا بجيهم ليك واحد واحد وهم كلهم بتجمعهم الغيرة على الحزب والاحساس
بمسئولية حمايته من المقرضين والاعداء
بس انا بختلف معاهم في التكتيك
يعني الكلام الخاوي الغير مبرأ من الغرض ما نرد عليه
لانو الزملاء ديل كلهم أكبر من الاستجابة لمثل هذه الاستفزازات السخيفة
ونحن كلنا اكبر من اننا نشتم زول حتى لو هو بدا بالشتيمة.
|
Post: #104
Title: Re: شيوعيين سودانيزاونلاين - اجتماع غير عاجل
Author: Bashasha
Date: 04-10-2012, 07:34 PM
Parent: #102
| Quote: بشاشا طلع من ناخبيكم يا الشيوعيين ههههههاهاهاههاههاهاهاهااهاهاهااهاهااههاهااهاهااااااااا استغفر الله العظيم |
الحمبرا خدر،
طبعا في قاموس وعي الستالينيين ديل، مافي حاجة اسمها ناخب قط!
في فهمهم، انتا يا منظم، اي عضو تنظيم بعينه، او ما منظم، او بالتالي يا للغرابة، فانت اي كلام!
عييييييييييييك!
الحمبرا خدر في ضحكو ده علي طريقة تفكيرو، جايي من المرجعية دي!
لانو مفهوم ناخب حقيقة غريب او وافد علي وعيو، مستلب الماركسية هذا، الستاليني!
لما نتكلم عن "الناخب" او ده درس عصر مجاني، فبنتكلم عن زول عادي، اي "ما منظم" بالرندوق الستاليني بتاعكم، لانو "الناخب" كقاعدة زول مستقل.
بالفهم ده، مافي ناخب خاص بالشيوعيين حصرا، واخر خاص بي حزب البعث، مثلا، لو التصويت اساسو البرنامج او شخصية المرشح في الدائرة المحددة.
من الجانب الاخر، كلام بشاشا عن الناخب، كلام عام، كمبدأ، فهم، او ممارسة للعمل السياسي، مطلوب من كل تمظيم سياسي اتباعو.
ولكن، بالنسبة لي حمبرات الشيوعي، الديماغوغيين، ده كلام طير، حقيقة البنقول فيهو ده، بالنشبة ليهم، ولاقدرة اصلا للشيوعي،"كقاعدة" قط، نقديا، ان يستوعبو مجرد استيعاب، حتي علي المستوي النظري!
او عشان كده، بعد اكثر من 60 سنة، هاهو الشيوعي، مجرد بقايا اطلال، بتاعة قفا نبكي ديك، في الشعر الجاهلي، ولا وجود له، يذكر في الشارع، حتي الجلابي!
اها، الضحك فينا اخيرا منو، يسووي هاهاها، زي الفاهم حاجة، طير الرهو!
|
Post: #107
Title: Re: شيوعيين سودانيزاونلاين - اجتماع غير عاجل
Author: علاء الدين يوسف علي محمد
Date: 04-10-2012, 07:53 PM
Parent: #104
الجيفة بشاشا
تعال جاوبنا وقول لينا
إيه البخلِّي واحِد مُتبرِّي من أي حاجة ليها علاقة بعُنصرية وما لفّ لفّها من الحاجات اللافة في نافوخك المدوِّد دة
يجي من أريزونا شان يشيل ليهو فاتحة أو يعزِّي أو يبكي أو يحزن لموتى عائلة عُنصريّة كانت تُمارِس الرّق و الإستعباد
بينما عايز يحشِر أيِّ إتنين مُتضادّين في المنبر دة، في رُكن ضيِّق لو شاف أي تقارُب بيناتُم في أي منحى من مناحي الحياة
وطالما ياخ إنت العامل فيها بريئ من أفاعيل أهلك جيتم و بتواصِلم و تِنحشِر في نُصّهم و تعمل رايح من فُساءك الإسفيري البتعمل فيهو الآن دة وتقعُد معاهم في صينيّة واحدة في الحاج يوسف و تضرب معاهم صحن القُرّاصة بالملوحة أو الويكة الحمراء و إنتا لابس قميصك الهزّاز وخاتم المُنى بيلمع في أنامل يدّك البضّة، و تنوم معاهم تِحِت سقِف واحد و بين حيطان حوش لامِّي العُنصريين سُلالة المُستعبدين مع غُلام آمون رع النّافِض يدُّو من كل بلاوينا العُنصريّة ومن يُشتبه فيه مُمارِساً لها.
إيه البِلمّك مع آل بشاشا يا المُمومياء الفرعونيّة المُتعفِّنة؟ شان أهلك و أُسرتك يعني؟
فإيه البيمنع علاء و بُخاري من أن يلتقيا؟
مُش عامل فيها بترفُض الإستعباد؟ و عائلة بشاشا المُستعبِدة هل استعصمت بالبُعد عنها يا ######؟ بل أنت تُمارس الإستبعار العلني وما فاهِم إنّك قاعِد تستبعر قِدّام خلق الله
شبير عامل فيها برّز ولا يدري أنّه تبرّز
جاييك لِسّع ...
|
Post: #109
Title: Re: شيوعيين سودانيزاونلاين - اجتماع غير عاجل
Author: النذير حجازي
Date: 04-11-2012, 05:07 AM
Parent: #107
العزيزة سناء الصباغ،
شكراً جزيلاً لك  وممكن تعتبريني صديق للشيوعيين
الآن وحتى يتم تسجيلي في الحزب وأكون لاحقاً شيوعي
كامل الدسم، وكدا بقيتوا أربعة ممكن تزكوني
لعضوية الحزب وهم:
سناء الصباغ
نبيل عبد الرحيم
بدر الدين أحمد موسى
عاطف مكاوي
وخليكم قريب أول ما أسافر السودان سأذهب لمقر
الحزب بالخرطوم وأطلب العضوية وسأثبت لكم يا سناء
أنا وقت الجد جد، وشكراً على صداقتك لي ودا فخر وإعزاز
بالنسبة لي.
الصديق العزيز جداً نبيل عبد الرحيم،
شكراً جزيلاً لك يا عزيزي على الكلام الطيب في حقي
وكلامك مائة المائة مفروض الناس تعي بأننا جميعاً
في مركب واحد وعدونا الواحد هم الكيزان، لكن يا نبيل
بتكون لاحظت للمعارضة في أمريكا منقسمة لقسمين
قسم للشيوعين وقسم لغير الشيوعيين وهذا صراع
أزلي، وأي زول دخل واشنطن بلاحظ للحكاية دي
أتمنى من الناس أن تتجاوز هذه الخلافات الصغيرة
وتخت يدها في يد بعض، وبالمناسبة يا نبيل خليك
قريب سوف أحتاج لتزكيتك لي للانضمام للحزب الشيوعي
السوداني العريق.
تحياتي لكما
|
Post: #111
Title: Re: شيوعيين سودانيزاونلاين - اجتماع غير عاجل
Author: مريم بنت الحسين
Date: 04-11-2012, 07:02 AM
Parent: #109
انا جيت اكتب ليكم انه والله لمّتكم كده مافي الصالح... دي كده قائمة جاهزه بالشوعيين في المنبر... وكنت حأقول ايضاً اتقنطرتو كده وقعدتو حيجيكم الداير يضربكم كله يديكم بي ربطة المعلم.. اها جيت لقيت بشاشا يضرب، وبعد شويه حتجيكم بيان تضرب.. وشايفه تبارك ضرب.. واسماعين يضرب.. غايته... !
|
Post: #112
Title: Re: شيوعيين سودانيزاونلاين - اجتماع غير عاجل
Author: بدر الدين احمد موسى
Date: 04-11-2012, 10:34 AM
Parent: #111
النذير حجازي
تحياتي يا صديقي
ليك على اكتب ليك تزكية ما تخرش مية بس وريني لما تكون عايزها
this is my email
[email protected]
|
Post: #113
Title: Re: شيوعيين سودانيزاونلاين - اجتماع غير عاجل
Author: النذير حجازي
Date: 04-11-2012, 02:49 PM
Parent: #112
Quote: النذير حجازي
تحياتي يا صديقي
ليك على اكتب ليك تزكية ما تخرش مية بس وريني لما تكون عايزها
this is my email
[email protected] |
شكراً يا أبو البدور يا فردة
وأشكرك من صميم قلبي، إنت بالجد زول أصيل
وأنا ممتن ليك جداً جداً
بالمناسبة رسلت ليك إيميل للتو
وكتبت لك عنوان إيميلي على الماسنجر
علشان ما يجيك واحد من الأمنجية ديل
ويرسل ليك إيميل ويقول هو النذير حجازي
وإنتبه للحتة دي
تحياتي وتقديري ونكون على تواصل
|
Post: #114
Title: Re: شيوعيين سودانيزاونلاين - اجتماع غير عاجل
Author: خدر
Date: 04-12-2012, 09:37 AM
Parent: #113
تحية رفاقية يا زملاء
حقو نتشاور و نحلل معا احداث هجليج الاخيرة دي "بعيدا عن موقف الحزب الرسمي" و علي ضوء المعلومات الشحيحة البنتحصل عليها كمتابعين من محطات التلفزة العربية و مواقع الدولة العسكرية الرسمية و بعض الاخبار من هنا و هناك يرويها من تواجدوا في قلب الاحداث او بالقرب منها .
في تقديري ما حدث و سيحدث من تبعات لاحداث هجليج الاخيرة هو خطة رتبت لها حكومة الخرطوم منذ فترة بعد ان اشتدت ازمتها بتنفيذها لاتفاق نيفاشا مرغمة ، من نهاية فبرائر و الخرطوم بتجهز فينا نفسيا لي الحرب و العدوان عليها من خلال تصريحات الصحف لدرجة ان الصوارمي بقي عنوان ثابت في الاعلام الحكومي السوداني و ارتفعت شعبيتو و هو بتكلم عن قواتو المسلحة البتحمي مكتسبات الشعب .. ساحات الفداء رجعت من جديد علي استحياء .. الازمة الاقتصادية هي السبب في كل الهلع ده و التجييش الحاصل لتغطية فشل السياسات الاقتصادية بتدمير المشاريع الزراعية و خصخصة المؤسسات الصناعية و الاعتماد التام علي البترول بعد نيفاشا و الصرف غير المرشد لعائدات البترول علي المؤتمر الوطني و انتخاباتو و فتح الباب علي مصرعيه للفساد و غض البصر عن فساد اهل الرئيس و متنفذي المؤتمر الوطني ل. اذن الحرب هي المخرج المنطقي للمؤتمر الوطني من ازمتو الحاليه ، لذلك عمدت حكومة الخرطوم لاستفزاز الحركة الشعبية و التحرش بها لجرها لمربع الحرب و عينها علي بترول الجنوب الفقدتو بعد تنفيذ استحقاقات نيفاشا . اعتراف الصوارمي امس بسقوط هجليج و باللغة الواضحة بتاعت انهزمنا دي بداية في تقديري بداية لكارثة كبيرة و حرب ستستمر . الاعلان باللغة المنكسرة دي ليس تقرير حالة قدرما هو استقطاب للتعاطف الداخلي و الدولي و تمهيد لتكسير البني التحتية للجنوب و اتنزافو عسكريا لانو البشير و عصابتو ما بعترفوا بي هزيمة بي اخوي و اخوك .. خبرناهم طوال سنوات حكمهم يتفننوا في تجميل هزائمهم .. اعترافهم المره دي نذير شؤم و كارثة قادمة و لعبة سياسية اتمني ان ينتبه لها الجميع . الخرطوم تملك الاسلحة و الجيش المنظم و الطيران و الحركة الشعبية تملك تاريخ ضخم في حرب العصابات . سترد الخرطوم و بعنف علي دخول الجنوب لهجليج لكن ردها لن يمحي دولة الجنوب من خارطة العالم و لن يبيد شعب الجنوب .. اعتراف الصوارمي خدعة و الحرب لن تحسم لصالح احد الاطراف لكنها ستطيل عمر المؤتمر الوطني .. انتبهوا. اتوقع رد عنيف من الطيران السوداني علي اهداف مدنية في قلب دولة الجنوب لتحريك المد الشعبي الجنوبي للضغط علي حكومة الجنوب لايقاف الحرب و بالتالي قبولها لتفاوض حول البترول.
المؤتمر الوطني في الجانب الدبلوماسي يقوم بدور خطير لصالح اطالة عمر النظام للحصول علي تعاطف دولي و فعلا كما حملت الانباء اليوم طلب مجلس الامن و الاتحاد الافريقي من حكومة الجنوب الانسحاب من هجليج . و المتابع للمواقع الحكومية بما فيها موقع وزارة الدفاع الرسمي حا يلقي كل التصريحات و البيانات باسم المؤتمر الوطني لا باسم الجيش فيما عدا بيانات الصوارمي . الجانب الاخطر في نظري ليس في تخريجات الحرب لكن في الاستفادة من ظروف الحرب في ضرب كل المختلفين مع الوطني من القوي السياسية بتصوير الصراع كصراع حق سوراني وطني معتدي عليه و حزام باطل عريض يبتدي بالحركة الشعبية و ينتهي بكل مؤيد او صامت عن تآييد المؤتمر الوطني في حربه المقدسة . راجع هنا بيان المؤتمر الوطني امس
اخير اقول انو استعادة هجليج ليس امرا صعبا علي القوات المسلحة المجهزة جيدا بالطيران و مليشيات المؤتمر الوطني الجاهزة للدفاع عن مصالحها ، لكن المؤتمر الوطني ما عاوز الامر يتم حسمو عسكريا و بالسرعة دي ، الوطني عاوز يعطل الجنوب تماما من الاستفاده من النفط اولا و تكسير البني التحتية لدولة الجنوب الوليده قدرما يستطيع و بعدها يتم تحرير هجليج .
اسمع منكم
|
Post: #115
Title: Re: شيوعيين سودانيزاونلاين - اجتماع غير عاجل
Author: abubakr salih
Date: 04-12-2012, 09:46 AM
Parent: #114
| Quote: طبعا" نحنا ناس عطبرة و بي نقدر العجلة الحلوة :) |
يا عمدة العجلة الحلوة دي كيف؟ مطعّمة يعنى هههه. و الله أكتر حاجة عجبتنى فى البلد دي سواقة النسوان للعجلات.
يا سلام ياخى ... امراة قدر حبوبتى بت مسرة تلقاها داقة بدال كارب لمن تنبسط.
|
Post: #116
Title: Re: شيوعيين سودانيزاونلاين - اجتماع غير عاجل
Author: بشرى محمد حامد الفكي
Date: 04-12-2012, 11:16 AM
Parent: #115
Quote: بشرى كيفك يا صديقي
صاحبتك نجاة فاتحة لي بوست والايام دي عندي إجازة ملاريا يومين ح اقزقز معاها بنفس طريقتك ,,,
تعال علينا بهناك
تحياتي لسيدة وال |
هنادي سلامات
الجميع بخير
لكن يا بت الفضل الملاريا دي ما أحسن ليك تاكلي ليها موليتة أو أمفتفت
بدل القزقزة الدايرة تعمليها دي
خصوصاً الملاريا دي دايماً قاعد يصاحبها طمام بطن
ولا أقول ليك
شوفي ليك كبدة ابل والله الكمدة بالرمدة
يا زولة اعملي اي حاجة بس ما تعملي لينا من الحنابر قنابر
تحياتي للجميع
|
Post: #117
Title: Re: شيوعيين سودانيزاونلاين - اجتماع غير عاجل
Author: aydaroos
Date: 04-12-2012, 11:30 AM
Parent: #116
Quote: [يا عمدة العجلة الحلوة دي كيف؟ مطعّمة يعنى هههه. و الله أكتر حاجة عجبتنى فى البلد دي سواقة النسوان للعجلات.
يا سلام ياخى ... امراة قدر حبوبتى بت مسرة تلقاها داقة بدال كارب لمن تنبسط. |
أساسا" عطبرة و السويد ديل موش مشتركين في حب الإشتراكية
إنت قايل الأساس المادي للوعي الإشتراكي دا شنو؟ .... ما العجلات
و كمان يا حبة السويديات بي يسفن تمباك ... تجكس هناك الحقة تبقي واحدة :)
|
Post: #118
Title: Re: شيوعيين سودانيزاونلاين - اجتماع غير عاجل
Author: محمد البشرى الخضر
Date: 04-12-2012, 11:49 AM
Parent: #114
يا مولانا قرايتك تحمل وجهة نظر وجيهة
و اعادة نفس القراية من زاوية الحركة الشعبية ح تلقاها لافقة برضو
نفس التحديات و اكبر منها قدام الحركة الشعبية - بناء دولة و خدمات و فساد و تمرد داخلي و قبلية ... إلخ
و الحرب و تجييش الشعب ضدالعدو القومي لها فوائدها برضو
المهم الآن, ما هو الحل لإيقاف الحرب بجدية وانهاء التوتر على الحدود الممكن لاقل شي يتحول لإشتباك و هجوم وسقوط و تحرير - و النبي كان تقول لي اسقاط النظام لإنو بالشايفنو دا القصة دي ما ح تكون قريب دا
|
Post: #120
Title: Re: شيوعيين سودانيزاونلاين - اجتماع غير عاجل
Author: نبيل عبد الرحيم
Date: 04-12-2012, 11:37 PM
Parent: #118
أقترحت سناء
Quote: : خدر وبقية الرفاق
أنا من من شدة ما واقفة مع خيار الطناش دا من زمان
لما كاتبي المفضل بقى مصطفى محمود وخاستا لمن يكتب
التجاهل
التجاهل
التجاهل
لانو فعلا في مجهودات بتهدر في البورد دا الحزب محتاج ليها فعلا
وقبل كدا قلت الكلام دا لبكري علوم القاعد دا
لكن برضو مرة مرة بجي بلقاه متور نفسه في معارك لا مقامو لا بتشبهو
وزملاء كتيرين انا والله مستكتراهم ومستكترة وقتهم على الرد على ترهات فاضية
والحزب دا لما يجي الجد بيقدر يرد علي المقرضين بافعاله
والحزب دا هو ما بس الكم عضو الفي منبر بكري ديل
عشان كدا انا بناشد كل الزملاء الشيوعيين في منبر بكري دا
يرفعوا راية الطنيش وما ينجروا للعوارات دي
صحي مرات الزول بيتغاظ وبينفعل فرجاءا ما تكتبوا وانتا منفعلين
حصلت علي مرة وندمت عليها وما ناوية اكررها. |
وأقترح أبوسندرا
Quote: الطناش المفتوح لليسوى والمايسواش غير سليم
وحتى الما بيسوى بسبب غرضه أو مرضه أو جهله
غالبآ من خلفه قارئي بيسوى بالتأكيد
علينا أن نوضح له رأينا وندحض المابيسوى
واللا شنو ؟ |
إقتراح سناء وأبوسندرا ممكن نأخذ من الأثنين
لأن طباع البشر تختلف من شخص لأخر منهم من يملك قوة التحمل ويمكنه الطناش
والبعض الأخر لا يملك هذة الصفة ويعتقد أنه يجب الرد والتوضيح خاصة لو كانت أكاذيب مثل مانشر عن بيع مستندات عن الحالة الصححية للمرحوم نقد وختمها بتأمر فرع بريطانيا ضد نقد وأخر كتب إن هناك صراع فى اللجنة المركزية لأن أحيانا عدم الرد يعطى إنطباع إن أكاذبيهم صحيحة.
أعتقد لو خبر جاء عن طريق إناس معينين مثل المسلمى ,بشاشا, بدر الدين إسحاق ,نجاة و تبارك فيكمن تطبيق هذا الإقتراح
ولكن هنا فى سودانيز أونلاين كثيرين ليسوا بشيوعين ومحترمين فيمكن مناقشتهم والتوضيح.
وهنا ممكن أن نطبق إقتراح أبوسندرا حتى نفرق بين المحترمين وبين أصحاب الأغراض المشبوهة .
لكن من الملاحظ فى الفترة الأخيرة إتباع المغرضين طريقة جديدة وهى إغتيال الشخصية وعندما يدافع المجنى عليه عن نفسه ضد التجريح يجروا يبكون ويتحسرون على الفضيلة والأخلاق التى لا يتصف بها الشيوعين .
|
Post: #121
Title: Re: شيوعيين سودانيزاونلاين - اجتماع غير عاجل
Author: نبيل عبد الرحيم
Date: 04-13-2012, 00:17 AM
Parent: #120
Quote: بعرف يا بكور كان ادوني ادارة الاجتماع دا
حاتخصص ليك قي الزميلة هنادي والصديق عاطف مكاوي والصديق معاوية الصائم
والزملاء نبيل وخالد العبيد.
الاسماء دي نزلتها بتكليف من الزميل بدر الدين. |
وبما إن أسمى مكتوب فاإسمحى لى بالرد من وجهة نظرى أعتقد أن تكتيك وخطة أصحاب الأغراض المشبوهة وبث الإشاعات تغير وتحول لإغتيال الشخصية والتجريح والإساءات الشخصية وعندمايرد المجنى عليه يجروا يبكون بدموع التماسيح يشتكون ويبكون على الفضيلة ويقولون عضوية الحزب الشيوعى منفلته رغم إنهم عديمى الفضيلة .
وبين الأسماء المطروحة أعلاه وغيرهم تختلف قدرة كل منهما على التحمل لأننا بشر فى النهاية وهؤلاء يترصدون شخص بعينه ويبدأون مطاردته فى جميع البوستات بتجريح شخصى رغم إنهم لا يعرفون ضحيتهم معرفة شخصية أو أن هناك خلاف سابق وعندما يحاول أن يدافع عن نفسه ينقلبون لقديسين وأصحاب قيم ومبادئ ويشكونه فى كل مكان وعلاج هذه المشكلة وضع علامة X عليهم وعدم الإلتفاف لبكاءهم لأنهم معروفين ومعدودين .
وأعتقد بعد أن شاهدوا الجمع الغفير من جميع ألوان الطيف السياسى فى تشيع القائد نقد فى لندن والسودان والشيوعين يلبسون الملابس الحمراء ويحملون شعارات الحزب أصابتهم خلعه وخوف خاصة إنهم كانوا يروجون إن الحزب الشيوعى مات فجأت تعليمات جديدة لهم بتغير الخطه .
لك المودة
|
Post: #122
Title: Re: شيوعيين سودانيزاونلاين - اجتماع غير عاجل
Author: الجيلى أحمد
Date: 04-13-2012, 02:55 AM
Parent: #118
واحد من الشباب الطريفين فى المنبر قال
انو الحصل فى هجليج , زى الحصل فى مبارة الهلال والمريخ ..
دى هوجة وبتهدأ ياشباب فلا تأخذوها بعين الاعتبار ,
ولسه فى هوجات أكتر جاية* ..
أتونسوا ونستكم والعوجة مابتجيكم مادم المسألة ضحك وقرقرابة
________________
* *عمكم نوح دااااك بتذكروهو ؟
أها ناس الجبهة الاسلامية ديل عملو ليكم مركب نوحى جديد
ياتركبو معاهم يابخستكو بيكم
______________
** عمكم ماركس قال ليكم المركب دى مقدودة
من زمن نوح , لاسمعتو كلام ماركس لاشفتو القد...
أو كما جاء فى الأثر (هل من أحد عاد من الموت ليحكى عنه)
|
Post: #123
Title: Re: شيوعيين سودانيزاونلاين - اجتماع غير عاجل
Author: الجيلى أحمد
Date: 04-13-2012, 03:14 AM
Parent: #122
Quote: اها عايزين تشوعنو الشيخ
وبعد شوية : الزميل شيخ الطريقة الإدريسية؟
وتخربوه وتاني مانلقى البيصلي على موتانا |
أريتا كان صلاة ساكت
كمان بى وصية ..(أو هكذا يدعى البعض)
طيب الميتين ليها شنو؟
دا حزب بناضل من اجل تحرير الفرد والسياسة من قبضة اللاهوت ,
وهذا الخطاب الخانق من جانب المجتمع المتوتر دينيآ بطبعه ..
نقد دا زميل شيوعى عادى
يتم تشريحه فى مشرحة المنطقة التى مات فيها ,
بل يتم دفنه فى اى منطقة مات فيها
وينتهى الامر
دا ياهو الزهد الشيوعى بتاع نقد
لكن لو المسألة دى جابت ليها زهد جديد
تبقى المسألة جاطت
|
Post: #124
Title: Re: شيوعيين سودانيزاونلاين - اجتماع غير عاجل
Author: طه جعفر
Date: 04-13-2012, 03:25 AM
Parent: #122
يا حكم ما تصفر!
قصة حسن و الصفارة
قصة تبارك و حسن و الصفارة
قصة بشاشا و تبارك و حسن و الصفارة
قصة عادل عبد العاطي و تبارك و بشاشا و حسن و الصفارة
اللهم لا صافر لحكمك
و الله جنس صفير
بسم الله هبشك الما صفرك
صفرا صفرك ارفع راسك و نزل صفرك
عملتو لينا صفير
الله يصفر حنانكم
|
Post: #125
Title: Re: شيوعيين سودانيزاونلاين - اجتماع غير عاجل
Author: الجيلى أحمد
Date: 04-13-2012, 03:39 AM
Parent: #124
ياجعفر طه
الزميل نقد دا زميل فى اللجنة المركزية
مسألة موتو دى ماغايبا على قيادات الحزب ..
الناس احتاطت بى شنو , عشان تعلم الملايين دى بأنو فى زميل مات ..
أيوه ياأخى مات واتلاشى ,
وتورى انو الحصل شنو؟
لماذا يتم الانقاص من قدر الزميل نقد على حساب الترتيبات التنظيمية ...
الناس تكون واضحة وتقولا بالواضح
انو فى مشكلة تنظيمية ...
لماذا الهروب من هذه القضايا ؟ والى أين ؟
|
Post: #126
Title: Re: شيوعيين سودانيزاونلاين - اجتماع غير عاجل
Author: الجيلى أحمد
Date: 04-13-2012, 03:47 AM
Parent: #125
لو وجدت يافطة أثناء تواجدى فى اجتماعت الحزب
لكتبت عليها بالخط العريض (هنا يقام اجتماع للحزب الشيوعى السودانى)
ليس لدينا مانخفيه من الجماهير .
من الشعب نحن واليه ,
عهد السرية والتأمينات ذلك قد مضى , ومن يود العيش فيه فله مطلق الحرية .
أنا من جيل لاتكبلنى تلك الرؤى ,
ولكنها لن تقصينى عن وجودى داخل الحزب الشيوعى السودانى
|
Post: #127
Title: Re: شيوعيين سودانيزاونلاين - اجتماع غير عاجل
Author: الجيلى أحمد
Date: 04-13-2012, 04:02 AM
Parent: #126
ياجعفر طه
نقول ليهم غيرو اسم الحزب ,
مايسمعوا أى كلام ...
شن طعم التسمية بتاعت (شيوعى) بعد انهيار الاتحاد السوفيتى ؟
ثم
فكريآ
لماذا تسمى نفسك شيوعيآ وانت لست كذلك؟
أهم شئ فى الشعار أن يطابق اسمك فكرك وشعارك ..
.....
هذا النقاش ليس بجديد تمت اثارته قبل المؤتمر الخامس ,
والآن ربما هنالك حوجة ملحة له
|
Post: #128
Title: Re: شيوعيين سودانيزاونلاين - اجتماع غير عاجل
Author: محمد عبدالرحمن محمد
Date: 04-13-2012, 05:38 AM
Parent: #127
[مطرطش] في سبيل هيلومة الكان وطن:
ينفع معاكم؟
-
لامن تدوني عٌقادن نافع، أنا معا بت السباغ!!
-
طارق إن شالله العجله تنقلبك!
وِنْ لقيتلك فرصه، سلملي علي أفَنّ فنان نواحي نيزرلاند: الحويرص
|
Post: #129
Title: Re: شيوعيين سودانيزاونلاين - اجتماع غير عاجل
Author: عاطف مكاوى
Date: 04-13-2012, 05:46 AM
Parent: #127
بإعتبارى واحداً من أصدقاء الحزب الشيوعي
هل لي أن أسأل الزميل الجيلي أحمد إن كان (عضواً فاعلاً بالحزب)
أن يُركز لنا وجهات نظره في بوست (مخصص) لذلك حول آداء الحزب
اليوم .. ووجهات نظره حول هذا الآداء .... وبالطبع وجهات نظره في مخرجات
المؤتمر الخامس بشكل عام ... وأين يقف هو الآن من هذا الحزب المسمي ب (الشيوعي السوداني)
لأنه وحسب متابعاتي الآخيرة لمساهماته المتفرقة ... ما قادر أحدد محتوى رسائله ... وبالجد حاسس
بأنها تساعد في التشويش أكثر من كونها رسائل نقدية !
أُخُدني علي قدر عقلي يا الجيلي بإعتبارى واحداً من أصدقاء حزبكم .... (إن كنت عضواً كامل العضوية فيه )
وأشرح لي ولآخرين غيرى مآخذك علي كامل آداء حزبكم .... وأنا أفضل الإستماع والإطلاع لرأى ناس (الجلد والرأس) .. ولا ألتفت للمغرضين
أمثال فلان فلان وفلان وفلان ...
|
Post: #130
Title: Re: شيوعيين سودانيزاونلاين - اجتماع غير عاجل
Author: تبارك شيخ الدين جبريل
Date: 04-13-2012, 10:13 AM
Parent: #129
بسبب شتائم البوّاب الحقير الشيوعي نبيل عبد الرحيم ...
تم حرماني من التداخل في ذلك البوست الذي افترعته للحزب الشيوعي ...
سأفترع بوست آخر ... وهذا اعتذار للقراء عن سلوك بكري أبوبكر المجحف والمنحاز ....
... المهم ....
|
Post: #131
Title: Re: شيوعيين سودانيزاونلاين - اجتماع غير عاجل
Author: بدر الدين احمد موسى
Date: 04-13-2012, 12:01 PM
Parent: #130
اها يا جماعة ملخص المحضر?
كلامك يا نبيل, طبعا صاح. نحنا ما حنقاطع اي زول بنتقد الحزب, في ناس حقيقة نقاشهم مفيد لينا و للقراء, و بمكنونا نطرح و نستجلي طروحاتنا و خطنا.
لكن في ناس زي ساقية جحا, بتلف و ما بتشيل موية, و التعامل معاهم حقيقة اضاعة للزمن الغالي!
---------------------------------------------------
خدر, شنو يا فنان, مرات السكوت هو عين الحكمة!
مفروض موقفنا لهسع يكون; اننا ضد الحرب. و خاصة في موضوع هجليج, مافي داعي للتفاصيل.
ضد الحرب و من الجانبين.
دا رايي انا غايتو!
|
Post: #132
Title: Re: شيوعيين سودانيزاونلاين - اجتماع غير عاجل
Author: الجيلى أحمد
Date: 04-13-2012, 12:13 PM
Parent: #129
تحياتى عاطف مكاوى ..
تساؤلاتك جميعها مشروعة وتجد عندى كامل السماع ..
أسمح لى بعودة تفصيلية لمداخلتك فى وقت لاحق أثناء اليوم
|
Post: #133
Title: Re: شيوعيين سودانيزاونلاين - اجتماع غير عاجل
Author: تبارك شيخ الدين جبريل
Date: 04-13-2012, 07:06 PM
Parent: #132
Quote:
| Quote: والله يا بدرالدين تخلونا نكتب بدون ما واحد فيكم يجي يعمل لينا حركات جيش ... إلاّ نقطع دابر اللذين كفروا ونخلّي ريحتهم طير طير .... الحوار بالحجة كويس ... ونحنا قاعدين ... وانتو قاعدين |
أها أنا مع كلام تبارك ده , أى زول بالجد عاوز يتحاور بنديه و احترام و ذهن مفتوح مفروض يتم التحاور معاهو , في أى شئ , و حتى لو طبظ و قام "ترجم" الهظار و الظرافه من الأمريكى و جا يتراشق بيها هنا مع السوادنه زى ما عمل واحد أخونا كده أيام وفاة نقد , مفروض براحه يقولو ليهو "ترجمتك كعبا و شترا" ... و يتحاورو معاهو ....
غير ناس الأحكام المسبقه و نهائيه و ناس الذوات الأكبر من الأرض و ناس واك واك واك ... أى زول يتحاورو معاهو و برضو بذهن مفتوح
-----------------------------
تبارك يا مجلى ... تانى أفرز سوفتوير السودانيين من حق اجناس الله التانيه ... و الله بشتنة الأيام ديك عجبتنى ليك و سرت بالى |
أولاً يا عصام جبرالله ... هذا ليس ما حدث ... ما حدث أنني عبرت عن سخطي "بالأمريكي" ولم أكن "أترجم" أي شيء غير شعوري ...
ثانياً ... ما حدث خطئي وأنا اتحمّل مسؤوليته ولا أنكر حدوثه أو أتوارى عنه لكي تلوّح لي به على طريقة "أتذكر بيت العبّاسية؟" ...
وإليك رابط بالتفاصيل .... فليس من "قرأ" كمن "سمع" ... ها هو اعتذاري للزميل "عمار نجم الدين" عن التعبير الذي استخدمته:
عمّار نجم الدين
... المهم ....
|
Post: #134
Title: Re: شيوعيين سودانيزاونلاين - اجتماع غير عاجل
Author: بدر الدين احمد موسى
Date: 04-13-2012, 11:04 PM
Parent: #133
اها شفتو يا زملا1
الحالة دي بس تمانية و اربعين ساعة مقاطعة, و فلان بقي يحاحي هههههه
الروب, و دي غلطتي, و غلطان بعتذر, و هاكم موية سكر!
قاطعوهم ينقطع راسهم!
|
Post: #135
Title: Re: شيوعيين سودانيزاونلاين - اجتماع غير عاجل
Author: نبيل عبد الرحيم
Date: 04-13-2012, 11:56 PM
Parent: #134
Quote: اها شفتو يا زملا1
الحالة دي بس تمانية و اربعين ساعة مقاطعة, و فلان بقي يحاحي هههههه
الروب, و دي غلطتي, و غلطان بعتذر, و هاكم موية سكر!
قاطعوهم ينقطع راسهم! |
أتفق معك أخى بدر الدين فى المقاطعة لأن نوعية هؤلاء تريد شهرة من الهجوم على الشيوعين والحزب الشيوعى
بعضهم يشتم ويروج اكاذيب وفقعات صابون فى خطة مدروسه متفق عليها وأخرين راجع لجهل واخر لحالة نفسية خاصة لو كان نكرة وسط أسرته النجوم
ويصور له خياله المريض أن طريق الشهرة هو توجيه الشتائم للشوعين ومحاولة إغتيال شخصياتهم.
أعتقد تجاهل بوستاتهم لأنه مصيره سوف يكون الخور وهو المكان المناسب لمنبعهم العفن .
المقاطعة المقطاعة المقاطعة هو الحل الأمثل
لك المودة
|
Post: #136
Title: Re: شيوعيين سودانيزاونلاين - اجتماع غير عاجل
Author: Mohamed Yassin Khalifa
Date: 04-14-2012, 04:01 AM
Parent: #135
أول مرة أعرف إنو الشيوعيين ديل دمهم ممكن يكون خفيف!
الليسمع كلامكم الدراب داك.. يقول الناس ديل عمرهم ما ضحكوا!
وبما إننا إتحاديو شمال (وليس يسار) الوسط.. فممكن نتلاقى معاكم في كلوزيوم.
_____________
تحياتي يا طارق.... ببوستك اللغم ده!
|
Post: #137
Title: Re: شيوعيين سودانيزاونلاين - اجتماع غير عاجل
Author: عاطف مكاوى
Date: 04-14-2012, 06:00 AM
Parent: #136
ملاعين يا شيوعيين* !
ه£ا البوست أتي كامل أُكلُه ....
عندى رغبة في إصدار (الجزء الثاني) من بوست
(تطير عيشتك يا الحزب الشيوعي) .. كما لدى رغبة أُخرى
في إصدار الجزء الثاني .. (من أراد شهرة وقراء فليكتب في
عنوان بوسته كلمتا .. الشيوعي .. ونقد)..... فما رأيكم؟
-------------------
* حقوق المرأة محفوظ يا دكتورة سناء.
|
Post: #138
Title: Re: شيوعيين سودانيزاونلاين - اجتماع غير عاجل
Author: عاطف مكاوى
Date: 04-23-2012, 01:22 AM
Parent: #1
*
|
Post: #139
Title: Re: شيوعيين سودانيزاونلاين - اجتماع غير عاجل
Author: نبيل عبد الرحيم
Date: 04-23-2012, 01:41 AM
Parent: #138
Quote: بإعتبارى واحداً من أصدقاء الحزب الشيوعي
هل لي أن أسأل الزميل الجيلي أحمد إن كان (عضواً فاعلاً بالحزب)
أن يُركز لنا وجهات نظره في بوست (مخصص) لذلك حول آداء الحزب
اليوم .. ووجهات نظره حول هذا الآداء .... وبالطبع وجهات نظره في مخرجات
المؤتمر الخامس بشكل عام ... وأين يقف هو الآن من هذا الحزب المسمي ب (الشيوعي السوداني)
لأنه وحسب متابعاتي الآخيرة لمساهماته المتفرقة ... ما قادر أحدد محتوى رسائله ... وبالجد حاسس
بأنها تساعد في التشويش أكثر من كونها رسائل نقدية !
أُخُدني علي قدر عقلي يا الجيلي بإعتبارى واحداً من أصدقاء حزبكم .... (إن كنت عضواً كامل العضوية فيه )
وأشرح لي ولآخرين غيرى مآخذك علي كامل آداء حزبكم .... وأنا أفضل الإستماع والإطلاع لرأى ناس (الجلد والرأس) .. ولا ألتفت للمغرضين
أمثال فلان فلان وفلان وفلان ... |
أطرح نفس السؤال معك؟وسبق أن طرحت هذا السؤال عليه فى سودانيات
http://sudanyat.org/vb/showthread.php?t=24097&page=5
|
Post: #140
Title: Re: شيوعيين سودانيزاونلاين - اجتماع غير عاجل
Author: د.نجاة محمود
Date: 04-23-2012, 02:51 AM
Parent: #139
سلامات يا خدر
في كم زول رسل لي بوستكم دا في الايميل
مع تعليقات مختلفة ومنهم شيوعين بالجد بالجد ما لعب عيال
المهم يا خدر كان اجتماعك دا تشوف الناس البتنبذ الناس وتستخدم لغة ايحائية ومحطة للاخر خاصة للنساء في مجتمع ذي المجتمع السوداني
وتالف الاكاذيب في السمعة واعراض الناس وذممهم وتنشرها وتكررها وتدورها فرقة حسب الله حقتكم عايزنها تبقى حقيقة وذي ما كلنا عارفين تكرار الاكاذيب ما بجعلها حقيقة
من المهم جدا ان تكون هناك رقابة ذاتية ولما تغيب بسبب ضعف الاخلاق والتربية الاسرية والحزبية ولا الكتابة تحت التاثير الكحولي
طوالي تجو بكل حسم وحزم تقولو
لالالالالالالالالالالالالالالالالالالالا يا زميل الكلام دا عيب
ويطالب الزميل ان يعتذر عما اقترفت يداه ويدوه انذار عديل كدا.
كنا احترمناكم نحن معشر الغبش ديل ولكن اسع تلمهم وتجو تتخففو وتتكلمو كلام خارم بارم ومقاطعة وشنو
الكلام دا ما بيجي ولا بيقسم مع اي ناس محترمة حتى لو قاطعتو الناس الناس حتكتب والناس حتقرا
ومن الافضل المقاطعة من المداخلات نوع بتاعة ست الانداية ومدنقرة راس اهلك وكنتو شحادين قبل الانقاذ الخ الخ الترهات
ولا ابوي العمدة الفلاني وامي بت الرسول وانا ود علان
التي تحسم بها النقاشات في هذا البورد من قبل الجماعة المحسوبة على الحزب الشيوعي كان بالجد كان لبط ساي
انا قاعدة في البوردات السودانية دي من بتتولع بالفحم والحطب لم ار شخص انضم لحزب الشيوعي لانه عجبو ولكن رايت عدد كبير بقى جمهوري او صديق جمهورين
لانه سلوك الجمهورين سلوك حميد جدا ما ان يخطئ الجمهوري طوالي ناسو بجوه وطوالي بعتذر حيث الذكرى بتنفع ..بسلوكهم المنضبط جدا قدروا يكسبوا احترام
الناس حتى المختلفين عنهم. يديرون حوراتهم بكل ادب وتهذيب ...
اما ناسكم الذين يكتبون للنساء في مواقع الحوار ست انداية و مندنقرة راس اهلك وينجروا ماضي للزول من اسكراتش
يستحيل ينضم ليكم زول واصدقائكم ذاتم بتحولو لاعداء
لما يطلع مصلح ذي الجيلي دا طوالي يتهاجم ويشكك في الانتماء حقو احسن بالله اشكك في انتما ء البلطجية ولا الناس الحقانية.
نجي لكلام بوخارين وكلامه عن انه قال انا ست انداية لاني قلت بلا بلا بلا بلا
بوخارين وجد قصة كتبتها انا ولبس طلصيتها ربما ضريتوفي الصميم لا ادري وجا كتب لي ست انداية
ستات الانادي بقن كعبات يشتموا بيهن وهن لا ينفكن يعدلن ليكم في ريسينكم ويعمروها ليكم عشان تحققو الشرط الخفي للشيوعي ان يشرب عرق العيش لو كان اغبشا
وبقية الخمور الجيدة يخولها للزعماء.
هذه الحكاية الابداعية التي لبسها بوخارين وجن جنونه منها وكتب لي ست انداية
حيث تحت مجموعة حكايات وغدة كنت قد كتبت عدد من الحكايات يبدو ان هناك شيوعين لا يحبون الادب ويسقطونه على حيواتهم وكدا
هذه الحكايات الوغدة نشرتها هنا عادي جدا موش قصص ذي اي قصة ابداعية يجب الا يحاكم فيها الكاتب موش؟؟؟
حكاية وغدة.. نقد ذاتي وشرف حزبي والله على ما اقول شهيد
الى صديقي الذي كانت تتغلب سودانيته على شيوعيته
لك التحية اينما انت الان…
نصيحة لله لمن يرغب في الاتضمام للحزب الشيوعي اياك والنقد الذاتي
لانه عادة يحفظ لليوم الاسود وهو خروجك من الحزب…
نقد ذاتي
اقسم بشرفي الحزبي انني ساقول الحق كل الحق.. سوف اكتب عن نفسي بكل شفافية حتى اكون مستحقا لعضوية الحزب الشيوعي العظيم.. حد ذاكرتي عندما كنت في الخامسة من عمري. كنت اتبول على نفسي لا لضعف في مثانتي ولكن لانني كنت اخاف
من الذهاب الى المرحاض حيث كنت اسمع جدتي تقول انه بيت ناس بسم الله. استمر هذا الخوف من المرحاض الى سنين طويلة مما اورث امي الحزن وكانت دائما غاضبة علي.. الى ان وصلت الى فكرة جهنمية وهي وضع قصرية في الزقاق منذ ذلك اليوم توقف عادات الاخراج الضارة..وصارت امي لا تغضب كثيرا مني.. عندما صرت في المدرسة الاولية كنت احاول ان اجتهد في دراستي حتى
لا يضربني المعلم كنت اجد صعوبة في حفظ الايات والاناشيد. كنت اغش في الامتحان باستخدام ما تعارف عليه التلاميذ بالبخرة حتى انال درجات اعلى وانافس.. عندما صرت في المدرسة المتوسطة بدات العب كرة القدم في الفريق
الذي اقامه احد أولاد الجيران لمن لا يرغب احد في ان يشارككهم اللعب اي فريق الكيشة. كنت أفرح بأنه اخيراً اتيحت لي فرصة لعب كرة القدم ولم اكن اعرف ان الثمن فادح اذ ان ذلك الجار الطيب لم يكن جاراً طيبا على الاطلاق.بل كان ينصب اهتمامه على ضعفاء البنية لاسباب اخرى لا تمت الى الكرة بصلة. اخجل الان كثيرا عندما اتذكر ما حدث وجعلني اكشف ذلك الرجل الذي لم يكن طيبا كما يظن الاهل…(…..) وانا في السنة الثالثة متوسطة كانت اول مغامرة جنسية لي مع عاهرة حبشية اخذني لها صديق بعد البلوغ واذكر ان تلك الطرادة التى دفعتها ثمناً للحظة المتعة كنت قد جمعتها بشق الانفس وبالسرقة من محفظة جدتي النائمة
وأذكر أنني بعد أن عدت وأخبرت الصديق بما حدث ، ضحك على كثيرا لآن ما فعلته لم يرق الى مستوي علاقة جنسية اذ ان لصغر جسدي ظنت تلك العاهرة انني صبي صغير.
، في المرة الثانية سرقت الطرادة بكاملها من محفظة جدي و انطلقت إلى حي المومسات ، أما جدي فقد اتهم الخادمة وتم طردها من العمل بتهمة السرقة
احسست بتانيب ضمير كبير ولكنني لم استطع ان اخبر الوالد بالحقيقة وجبنت تماما والى الان يقتلني الندم على تلك الفعلةولذلك بانضمامي الى الحزب ساحاول خدمة الطبقة العاملة بكل همة ونشاط..علي امسح هذه الفعلة الشائنة في واحدة من الطبقة العاملة.. بعدها صرت اذهب الى بيوت العاهرات بانتظام ولكن دون سرقة اذ انني صرت اوفر بعض المال الى ان يكتمل طرادة فاذهب.. بدات شرب الخمر وانا في المدرسة الثانوية حيث كنت اذهب مع بعض الطلاب الى الانداية يوم الجمعة ثم تطور الامر الى حضور قعدات ايام الخميس في بيوت بعض الاصدقاء..لم اكن املك اموالا كثيرة لادفع ضمن الدافعين فصرت اعرف اين القعدة واحضر متاخرا بعد ان يكون قد تم جمع الانصبة واذا استدعى الامر لشراء وصلة فيما بعد كنت اتظاهر بانني قد تمكن السكر مني تماما فلا ادفع.. عشت هكذا فترة من الزمن أشرب على حساب اصدقائي والان انا نادم على كوني كنت انتهازيا وانانياً واستغلاليا. استغل طيبة اصدقائي.. عندما دخلت الجامعة تعرفت على عدد من البنات علاقتي معهن لا ترقي الى علاقات عاطفية اذ كنت حذراً جداً في علاقاتي مع الجنس الآخر..الى ان رايت الانسة ش وكانت عضو حزب وطلبت مني الانضمام الى الجبهة الديمقراطية والعمل معهم في العمل الثقافي وبالفعل تعهدتني بالرعاية وصارت تحضر لي الكتب والنشرات ونمت بيننا علاقة قوية. اعترف احيانا أنني كنت احس بشهوة تجاهها ولكن اخنق هذه الرغبات لجدية الانسة ش. اذ لم تكن تتعامل معي كرجل وهي امرأة..ولكن كنت احلم بأني أجامعها دائما.. و كانت تأتيني كبنت إبليس كما يقول الصبيان . وكان هذا الشعور يزعجني جدا احس بالخجل منه. ولكن ماذا افعل احساسي هذا غير ارادي..اسرتي اسرة عادية اب وامي ابناء عمومة يلعب كل منهم دوره باتقان لا توجد مشاكل في الاسرة سوى التي تنشب من حين لآخر بين امي وجدتي لأبي المتسلطة ، التى كثيرا ما تكذب في نسج القصص لابي..عننا وعن امي كثيرا ما تمنيت ان تموت ليرتاح الجميع. احس بتأنيب ضمير من هذه الرغبة الشريرة ولكن هي تحيل حياتنا الى جحيم. وصل بها الامر انها اتهمت امي بالرذيلة مع شخص سمته له ، وادعت ان اخي الصغير هو ولده. غضبت امي واخذت اخي الصغير وذهبت الى بيت والديها..غضب جدي لامي وقال لابي ان الامر فاق الحد ويجب تطليق امي فورا ، تدخل الاهل واعتذرت الجدة وعادت امي مكسورة. هذا مما يجعلني احس بالغضب من كيفية تعامل المجتمع مع النساء… احيانا انظر الى اخي الاصغر واحول ان ارى اذ هناك اي شبه بينه وبين الرجل الذي حددته جدتي.. واحس بتانيب ضمير لهذا الاحساس الغريب من الشك…. كرهت جدتي لأنها زرعت ذلك الشك في نفسي .اقسم بشرفي الحزبي
انني ساحمي المرأة اينما كانت وساكفر عن كل عثراتي..
اقسم بشرفي الحزبي ان كل ما ورد هنا من نقد ذاتي صحيحا
والله على ما اقول شهيد
حكاية وغدة……. حب بلا طائل
للوغد دكين
يجلس طول الوقت تحت نيمة قرب بابها.. ينتظر ان تخرج
ليتبضع بنظرة تجعل يومه جميلا..حتى فتحت الباب
يوما تطلع اليها منشدها وماخوذا.
نظرت اليه وقالت له: يا هناي النبي كان ما
جريت اشتريت لي كبريتة
حكاية وغدة…….بصبصة
ن جارهم يسحب كرسيه في العصريات
امام منزلهم ليجلس مع جدها و ابيها
كان جدها يناديها لتحضر الشاي و مستلزمات
قعدة العصرية. كانت لا تحب جارهم هذا
الذي يذكرها بالضفدع.. كانت عندما تاتي من
المدرسة تلتقي به ينظر اليها وكأنه “اسكانر”وكانت تتخيل انها تسمع”
زووووووووووووووووووووووزذذذذذذذذذذذذووووووووووووووذ
صوت “الاسكانر” وكانت نظراته تتركز في منطقة معينة
( لاحقا عرفنا سبب تهدل كتفيها
)
بعد كل لقاء عابر معه تدخل
الى البيت تركض الى الحمام وتستحم لساعات وتغسلهما
عشرات المرات مع صب كثير من اللعنات واللوم والتقريع عليهما..
فرحت بالفرصة التي اتتها حين قال له الجد يوما: البت “التكب” ليك كباية شاي تاني..
مد يده بالكوب قبل ان يضعه سكبت الشاي في يده وصرخت باعلى صوتها
ملتاعة ومعتذرة معليش يا جدو
حكاية وغدة.. امنوفوبيا
قصة قصيرة , وغدة مهدية الى الوغد دكين في القرية المجاورة..بمناسبة اللامناسبة
عندما رأته لاول مرة كان في مظاهرة يحمل لافتة الحزب الشيوعي ويهتف ضد الحكومة رغم ان المظاهرة كانت
ضد تحويل داخلية الطلاب الى مكان آخر…
تعرفت عليه كان دائم التلفت سالته قال لها:- لان الامن يراقبني طول الوقت,,,
يوما في منتصف السوق
تركها وركض بشارع جانبي بعد اسبوعين قابلته سالته قال لها:- “الزول العامل فيها ببيع سبح داك في “الامن وشافني..
في جيل تشكلت عقليته بقصة في بيتنا رجل وسلسلة الهارب دكتور رتشارد كامبل الذي يبحث عن الاكتع
قاتل زوجته ليسلمه الى العدالة ويبرئ ساحته
وافقت ان تأخذه الى بيتهم حين أخبرها انه في خطر داهم من رجال الامن
,,,
:- فكرت ان تساعده بتخبئته في بيتهم وهو بيت مناسب فهي ابنة وحيدة وسط ذكور وامها متوفية.
.فقالت:- له يمكنك الاختباء في بيتنا
وسيظن الناس انك صديق احد اخوتي.
. فكر قليلا وقال لها :لالا رجال الامن هؤلاء في اي مكان وهو يفكر ربما احد اخوانها في الامن
بعد تفكير طويل في كيفية تأمينه مرت قربهم بنت انصارية سنة..ترتدي اسود
من راسها حتى قدميها فصرخت وجدتها..
قالت له تذهب معي الى بيتنا على انك صديقتي انصارية سنة. وتبقى هناك مرتديا العباية والخمار
لان كل من في البيت رجال.. راقت له الفكرة ومزيدا من التعمية قالت ستقول لاهلها ان صديقتها بكماء
وكلها اسبوع…
بالفعل ذهب معها مختبئا في زيه المختار..
في اليوم الخامس
اخبرها اصغر اخوتها : يا منى صاحبتك بتبول واقفة…
لمزيد من الحكايات الوغدة والمتفائلة في هذه المدونة
http://bayan07.maktoobblog.com/recent-posts
|
Post: #141
Title: Re: شيوعيين سودانيزاونلاين - اجتماع غير عاجل
Author: عاطف مكاوى
Date: 04-23-2012, 06:28 AM
Parent: #140
أهملوا الذين لا وجود لهم يُذكر ... إلا بحشر الحزب الشيوعي في كل شئ
وتفاعلوا مع الذين يهدونكم نقداً بناءً ...........................................
وهذه الأيام هنالك من يُحاول أن يستعرض عضلاته القُطنية ظاناً أنه قد يكون من
المفكرين من خلال قراءة (ثلاثة كتب) ....... أرجو من جميع الزملاء والزميلات (تبوير)
بوستاته ......
|
Post: #142
Title: Re: شيوعيين سودانيزاونلاين - اجتماع غير عاجل
Author: د.نجاة محمود
Date: 04-23-2012, 08:16 AM
Parent: #141
بالجد مبالغات
قال نقد بناء قال
موش انت القلت عبارة مدنقرة راس اهلك في حوار سخن معاك واعجزتك قدراتك العقلية الضعيفة وسقفك الثقافي المنبطح ارضا من انك تحسموا بصورة متحضرة طوالي رجعت لاصولك
الذكورية والمتخلفة ومرقت شخصية الطريفي الداسيها بباسورد البتفتكر كون المرأة التي تشارك في الحباة العامة بتكون مدنقرة راس اهلها؟!!!!
انت "باثتك" بمعنى الكلمة ومن الناس المفروض يشيلو منهم باسوردهم لاجل الهراء المالين بيه البورد دا.
كم اكره الرجال الاغبياء وكم اشكر الله انه لا يوجد رجل غبي حولي والا شربتو صبغة(زول مدردق في ميدان قوالف)
م
|
Post: #143
Title: Re: شيوعيين سودانيزاونلاين - اجتماع غير عاجل
Author: بدر الدين احمد موسى
Date: 04-23-2012, 08:27 AM
Parent: #142
يا خدر, ياخ انا و الله عندي اقتراح بكتبو ليك في الفيسبوك. بالله اهتم بيهو!
عاطف مكاوي كيفك يا عزيز?
|
Post: #144
Title: Re: شيوعيين سودانيزاونلاين - اجتماع غير عاجل
Author: عاطف مكاوى
Date: 04-23-2012, 03:04 PM
Parent: #143
عاطف مكاوي كيفك يا عزيز?
----------------------------
أنا بخير
ومستمتع جداً .....
* أتركوهم في (نباحهم) يا بدرالدين ... فهذا مؤلم جداً لهم .....
وعند الضرورة القصوى ... سوف لن تعوزكم المقدرات !
|
Post: #145
Title: Re: شيوعيين سودانيزاونلاين - اجتماع غير عاجل
Author: نبيل عبد الرحيم
Date: 04-23-2012, 08:07 PM
Parent: #144
Quote: العزيزة سناء الصباغ،
شكراً جزيلاً لك وممكن تعتبريني صديق للشيوعيين
الآن وحتى يتم تسجيلي في الحزب وأكون لاحقاً شيوعي
كامل الدسم، وكدا بقيتوا أربعة ممكن تزكوني
لعضوية الحزب وهم:
سناء الصباغ
نبيل عبد الرحيم
بدر الدين أحمد موسى
عاطف مكاوي
وخليكم قريب أول ما أسافر السودان سأذهب لمقر
الحزب بالخرطوم وأطلب العضوية وسأثبت لكم يا سناء
أنا وقت الجد جد، وشكراً على صداقتك لي ودا فخر وإعزاز
بالنسبة لي.
الصديق العزيز جداً نبيل عبد الرحيم،
شكراً جزيلاً لك يا عزيزي على الكلام الطيب في حقي
وكلامك مائة المائة مفروض الناس تعي بأننا جميعاً
في مركب واحد وعدونا الواحد هم الكيزان، لكن يا نبيل
بتكون لاحظت للمعارضة في أمريكا منقسمة لقسمين
قسم للشيوعين وقسم لغير الشيوعيين وهذا صراع
أزلي، وأي زول دخل واشنطن بلاحظ للحكاية دي
أتمنى من الناس أن تتجاوز هذه الخلافات الصغيرة
وتخت يدها في يد بعض، وبالمناسبة يا نبيل خليك
قريب سوف أحتاج لتزكيتك لي للانضمام للحزب الشيوعي
السوداني العريق.
تحياتي لكما |
الصديق العزيز النذير
أنت إنسان نقى وأى حزب محترم يرحب بك وأنا مثنى طلبك من الأن .
وأتفق معك فى إنناجميعا شيوعين ومعارضة يجب أن نتجاوزالخلافات الصغيرة حتى لا يستفيد من صراعنا الكيزان
لك المودة والإحترام
|
Post: #146
Title: Re: شيوعيين سودانيزاونلاين - اجتماع غير عاجل
Author: hanadi yousif
Date: 04-23-2012, 10:03 PM
Parent: #145
الجميلة سناء
لك الود كله
معليش كنت مشغولة في اكل العبش,,
ما بتوافقيني انو في كيزان مفترض يترد عليهم بعنف؟
|
Post: #147
Title: Re: شيوعيين سودانيزاونلاين - اجتماع غير عاجل
Author: Afraa Sanad
Date: 04-23-2012, 10:11 PM
Parent: #146
هنادي ياخ والله أنا ما بعرفك لكن مبسوطة منك إنتي وبكور... ربنا يعدلا عليكم شقيش ما تقبلوا ولا نامت أ عين الجبناء وسيري وعين الله ترعاك والعاقبة عندكم في المسرات
|
Post: #148
Title: Re: شيوعيين سودانيزاونلاين - اجتماع غير عاجل
Author: esam gabralla
Date: 04-23-2012, 10:35 PM
Parent: #147
البتاع ده لسه حى؟ أنا قايل فضوهو بدرى لأنو كل زول قايم سدارى براهو و يا نفسي ... انتو زمااااان الاجتماعات دى مش كان هدفها تقرب رؤى الناس و الكلام الزى ده؟ خلوهو ده زاتو؟ ... أحسن برضو
|
Post: #149
Title: Re: شيوعيين سودانيزاونلاين - اجتماع غير عاجل
Author: نبيل عبد الرحيم
Date: 04-24-2012, 00:09 AM
Parent: #148
Quote: الجميلة سناء
لك الود كله
معليش كنت مشغولة في اكل العبش,,
ما بتوافقيني انو في كيزان مفترض يترد عليهم بعنف؟ |
الأخت هنادى اسمحى لى أن أعرض وجهة نظرى لأنى لى وجهة نظر مختلفة عن الأخت سناء
أعتقد لو الإساءة كانت شخصية وإغتيال شخصية من حق أى شخص يدافع عن نفسه ولكل مقاما مقال لأن هنا الخلاف أصبح ليس فكرى ولا يحتاج معه مقارعته بالحجة.
والغريب من يتبعوا هذا الأسلوب فى التجريح الشخصى عندما يرد المجنى فى حقه ويدافع عن نفسه يتحولون لنعامة ويجروا يشتكوا ويذرفون دموع التماسيح عن تجريح الشيوعين وينبحون فى كل مكان عن أن عضوية الحزب منفلته .
رغم أن الشيوعى هذا مجنى عليه وهو بشر فى النهاية ويدافع عن نفسه من الإساءات الشخصية طباع البشر تختلف البعض وجهة نظره التجاهل والبعض الأخر يرى إن السكوت عن الإساءةالشخصة وإشانة السمعة ضعف .
لك المودة
|
Post: #150
Title: Re: شيوعيين سودانيزاونلاين - اجتماع غير عاجل
Author: تبارك شيخ الدين جبريل
Date: 04-24-2012, 01:35 AM
Parent: #149
Quote: اها شفتو يا زملا1
الحالة دي بس تمانية و اربعين ساعة مقاطعة, و فلان بقي يحاحي هههههه
الروب, و دي غلطتي, و غلطان بعتذر, و هاكم موية سكر!
قاطعوهم ينقطع راسهم! |
انت يا بدرالدين برضو بتقرا بالاضنين زي عصام جبرالله؟
يا كافي البلا ... ما عندنا شغلة غيركم؟
ولاّ "عمار نجم الدين" الاعتذرت ليهو قبل تلاتة سنين كمان شيوعي؟
ولاّ اللخبتة دي شنو؟ ... انتو من مصلحتكم انو حزبكم دا يغيب عن الذاكرة ... خصوصاً لامن تكون في أحداث مهمة حاصلة ... لأنو انا جاييكم بى مزاااج بعد الأمور تهدأ ... بالأول نشوف موضوع حريق الكنيسة الأسقفية الإنجيلية في الجريف غرب ... بعدين نفضى ليكم ... وانتو اعملوا تقيلين وكهربونا بالله ... قال ليهو "عامل تقيل لامن سقوك موية الغسيل" .... والمرّة دي حا يكون غسيل مخ ... بما انو انت براك تاني جبت سيرة البحر ...
... المهم ... ®Tabaruk2012©
|
Post: #151
Title: Re: شيوعيين سودانيزاونلاين - اجتماع غير عاجل
Author: تبارك شيخ الدين جبريل
Date: 04-24-2012, 01:58 AM
Parent: #150
بعدين يا خدر قبضتك بالثابتة ... اتاريك رايك:
Quote: عمرنا في الحزب الشيوعي ما كنا ضد الحوار الذكي و المثمر مع مختلفيننا لكن الحاصل علي ارض سودانيزاونلاين وضع مختلف في تقديري ، انا لست ضد الحوار مع الاخرين باطلاقو .. لا ، انا مع الحوار لحدي الاخر لكن العقل بقول انو احاور منو ؟
امثلة : تبارك فاتح بوست بي عنوان يشير لنكتة قديمة و طريفة بحاول يبصرنا فيهو بضرورة مراجعة مواقفنا الفكرية كعضوية و اعادة تقييم موقفنا من انتماءنا للحزب .. قولوا لي حا اكسب شنو من حواري معاهو ؟ |
انو دا ما "حوار ذكي"؟
وانا - من فرط الذكاء - بدون ما اطالبكم بى إجابة ... بسألكم:
| Quote: يا اخواننا لامن نتعامل معاكم بى رؤية نقدية ممنهجة (وممنجهة) بتعملوا فيها مطنشين (وعيال صغيّرة تعمل حاقات عجيبة ورايا وتقري!) ... لو حسبنا ليكم (التجاهل) بس - نقول الخرمجات التانية حصلت خارج إطار سياسات الحزب، أو سوء تفاهـ(ة)ـم - طيب ... انتو عندكم ردود جادة داخل الأروقة الحزبية؟ يعني هل بتسألوا رقبتكم: كيف نكون بلشفيين وليبراليين في نفس الوكت؟ أو: علاقة السودان بالمشروع الإشتراكي شنو؟ أو: ضرورة حزبنا السياسية بالآيديولوجية الشيوعية دي شنو؟ يعني ببساطة لو ما عندكم رد لينا نحن العزّال والشمّات ديل لأنكم بتتجاهلونا وبتعاملونا بالإحتقار البنستحقّو ... عندكم ردود لى نفسكم ترضي غروركم الفلسفي والأخلاقي والسياسي؟ |
ياخي صاحبك كان بقى عسل؛ ما تلحسو كلو ...
خليك "ذكي" شوية في ردودك ... انا هدفي واضح ... وهو تفكيك الحزب الشيوعي عضوياً ومؤسسياً ... عن طريق تفكيكو آيديولوجياً وسياسياً ... وما داخل في منافسة ولا طارح حزب بديل زي عادل عبدالعاطي ... المسألة بالنسبة ليّ مسألة نظافة لدواعي صحية لا أكثر ...
الحزب دا عبارة عن بقعة وسـخانة في تاريخنا السياسي ... وآن أوان إزالتها ... بالعقل والحسابات المنصفة والمسؤولة ... مافيش تغوّل مافيش غضب مافيش كراهية مافيش شخصنة ... أنا بوصّف ليك بالتفصيل لأنو الكلام دا في منبر عام ... بيني وبينك توصيل الفكرة بياخد خمس المجهود دا ... فما تعصر عليّ شديد في حتة "حوار ذكي" دي ... لكل مقامٍ مقال يا مولانا ...
بعدين لاحظت كتروا عندكم الجماعة العلى شاكلة "عاطف مكاوي" ... لامن يتزرّ بيقول انا ما شيوعي ... انا "صديق" الحزب بس ... خليت الحزب زمااان لاكين ما داير اقول كدا عشان ما داير وجع راس .... دي توجيهات نزلت ليكم من المركزية ولاّ شنو؟
... المهم ... ®Tabaruk2012©
|
Post: #152
Title: Re: شيوعيين سودانيزاونلاين - اجتماع غير عاجل
Author: بدر الدين احمد موسى
Date: 04-24-2012, 04:19 AM
Parent: #151
فانعم بطول سلامة يا مربع!
|
Post: #153
Title: Re: شيوعيين سودانيزاونلاين - اجتماع غير عاجل
Author: عاطف مكاوى
Date: 04-24-2012, 05:41 AM
Parent: #152
عاطف مكاوى صديق للحزب الشيوعي .... هذه حقيقة .
ولكنه علي إستعداد الآن كما كان في السابق لتحمل
كامل الأذى الذى يتعرض له الشيوعيين ....
* وأصدقاء الحزب الشيوعي ... ليسوا كأصدقاء باقي الأحزاب
وهذا هو الفارق بين هذا الحزب .... والأحزاب الأخرى .
كما أن الحزب الشيوعي (متوتد) في الأرض السودانية وصعب إقتلاعه
حتي من ذوى القرون الفولازية فما بالنا ونحن نتحدث عن ذوى القرون (الهبو)!
|
|