كيف يوفق الجنوبي اوضاعه؟ اقصرها هي البحث عن كفيل شمالي

عمليا لم تشرح لنا ادارة الهجرة والجوازات والجنسية (ان لم يكونوا قد غيروا اسمها)
لم يشروحوا لنا او للجنوبيين، عن كيفية توفيق الاوضاع، و لم ارى اي منشور بهذا الصدد

لكن من واقع تجربتنا في الخليج مثلا، مع اختلاف بسيط لحالة الجنوبي، باعتباره فاقد اساسا
لجنسية دولة الجنوب وجواز سفرها.

اقصر طرق لتوفيق الاوضاع - تعني ان يكون وجودك قانوني - هي احدى طريقتين

1. ان يكون لديك كفيل في دولة الشمال
2. ان يكون لديك عقد عمل مع شركة او مؤسسة شمالية

ودا كله هين، المشكلة تكمن ان اصر الجانب الشمالي على الجنوبي ان يغادر الاراضي
السودانية ومن ثم الرجوع بعد حصوله على جنسية وجواز سفر دولة الجنوب، وممكن ان يضيف
الجانب الشمالي بعض التعقيدات الاضافية من شاكلة لزوم وجود تأشيرة عمل صادرة من حكومة
الشمال، وان يتم توثيقها واعتمادها هي وعقد العمل في دولة الشمال بواسطة القنصلية
السودانية في جوبا.

توفيق الاوضاع للسودانيين المقيمين في الخليج مصطلح عادي ونمر به يوميا، تختلف الاجراءات
من دولة خليجية الى اخرى في بعض التفاصيل البسيطة. لكنها كلها تتفق في ضرورة وجود ثلاثة اشياء
1. كفيل
2. عقل عمل
3. تأشيرة عمل

عندما ووجه اليمنيون بعد حرب الخليج الثانية بضررو الحصول على كفيل لتوفيق اوضاعهم (اليمنيون كان
لهم وضع خاص في السعودية) رفض جلهم هذا الخيار وفضلوا العودة الى اليمن (معظمهم ندم على ذلك كثيرا)

في انتظار ان نعرف كيف يمكن للجنوبي ان يوفق اوضاعه يا حكومة؟

اقتراح لحكومة (السجم) ان كان عندها شوية دم

ان تسمح لمفوضية خاصة من حكومة الجنوب تحت مظلة الامم المتحدة او الاتحاد الافريقي
بفتح مكاتب بالشمال لاصدار هويات وجوازات سفر للجنوبيين المتواجدين في الشمال
دون الاضطرار للرجوع للجنوب.

Quote: دون الاضطرار للرجوع للجنوب.

وهل عودة الجنوبي لوطنو وبلدو ودولتو اللي صوّت عشان إنفصالها
تُعتبر إضطرار؟

Quote: وهل عودة الجنوبي لوطنو وبلدو ودولتو اللي صوّت عشان إنفصالها تُعتبر إضطرار؟

لمن رغب منهم البقاء في الشمال، غير متجاهلين ان هناك اصواتا كانت تنادي بالوحدة
وهناك من صوت لها ايضا، فلا يؤخذ هؤلاء بما اقدمت عليه ايادي 97% منهم

خلينا في المهم، الحكومة اقتراحهالتوفيق الاوضاع دا شنو؟؟

اقتراح تاني للجنوبيين

لو ما لقيت عقد عمل في الشمال، تمشي بدربك تجيب شهادة قيد من اي مدرسة او معهد او جامعة
هذه كفيلة بانها تمنحك حق الاقامة

Quote: لو ما لقيت عقد عمل في الشمال، تمشي بدربك تجيب شهادة قيد من اي مدرسة او معهد او جامعة هذه كفيلة بانها تمنحك حق الاقامة

ياخ انتا زول بسيط خلاص



يعني هسي اي حبشي او بنغالي ممكن يمشي اي مدرسة او جامعة
ويقدم ويقبلوهو؟
لا ورق لا جواز لا اثباتات شخصية؟
انتا قايل الحكاية طلقيتا ساااااااااي كدا يا بسيط؟

Quote: يعني هسي اي حبشي او بنغالي ممكن يمشي اي مدرسة او جامعة ويقدم ويقبلوهو؟ لا ورق لا جواز لا اثباتات شخصية؟ انتا قايل الحكاية طلقيتا ساااااااااي كدا يا بسيط؟

طيب يا علاء

زي ما اي سوداني قرأ في اليابان وللا بريطانيا ممكن يحصل على اقامة البلد القاعد فيها بموجب هذا القيد

ولو قريت البوست من اوله، وضحنا جليا ان حالة الجنوبي في السودان في هذه اللحظة التاريخية (الجهنمية) بالذات
امره مختلف لانو ما عنده اوراق ثبوتية لا شمالية لا جنوبية، عشان كده قلنا يكون في طرف تالت يحمي حقوقهم
كبني آدمين عندهم حقوق طبيعية

وازيدك من الشعر البيت، لو الجنوبي لا جاب عقد عمل ولا شهادة قيد كطالب، وما طلع اي اوراق ثبوتية، برضو
ح يقعد في الشمال اذا رغب في ذلك، وممكن جدا تُجبر الحكومة للاعتراف بهم كسودانيين لو شغلنا سابقة سودانية
يوم ان تم اعلان الاستقلال، حيث تم اعتبار ان كل شخص تواجد داخل حدود السودان في ذلك اليوم هو سوداني

اقتراح انو يكون طالب دا بس للتخفيف على اخوانا الجنوبيين، بلا عقد عمل وكفيل وتوثيق وسفارات وقصة طويلة

برضو ما وريتنا يا علاء، نعيد السؤال

ما هي اقتراحات الحكومة التي قدمتها للجنوبيين لتوفيق اوضاعهم؟؟

اي حكومة في الدنيا طالبت ناس بتوفيق اوضاعها، بتقول ليهم الخيارات امامكم كده او كده او كده

ما سايبة ساكت

وبعدين اتهذب

وصول بعثة من جنوب السودان لاصدار اوراق ثبوتية وهويات للجنوبيين بالشمال

هناك احتمال قوي أن يأتي يوم يبحث فيه المواطن السوداني عن كفيل في جمهورية جنوب السودان.

الاخ حامد بدوي

انا غايتو مظبط كفيلي الجنوبي من بدري

Quote: هناك احتمال قوي أن يأتي يوم يبحث فيه المواطن السوداني عن كفيل في جمهورية جنوب السودان