Post: #1
Title: أنقـذ إبنـهم من داخـل البئـر ، فتـم تزويجـه بإبنتـهم ..
Author: محمد مختار جعفر
Date: 04-08-2012, 07:34 AM
Parent: #0
سقط الشاب إبراهيم الحاج محمد في بئر عمقها اكثر من 36 متر بأبوسعد مربع 14 عندها تجمع الجيران وأسرة الشاب داخل المنزل في محاولة لإنقاذ الشاب الذي سقط داخل البئر .. وبينما علا صراخ وبكاء الجميع ، مر بهم عابر طريق لا علاقة له بتلك الأسرة أو الحادثة واسمه أحمد عوض الكريم ، جاء فقط لزيارة إبن خالته المهندس في ذلك الحي ، وعند رؤيته لهذا المنظر حضر وصاح فيهم بأعلى صوته لعمل شيء فى سبيل إنقاذه ، وقال للحضور ( أعطوني حبل طويل لأتمكن من إنقاذ ذلك الشاب ) وفعلاً أحضر له الحبل وقام بعض الأشخاص بمساعدة الشاب احمد عوض الكريم في ربط الحبل بجسمه إستعداداً لإنزاله داخل البئر .. وفي لحظات عصيبة وصل الشاب الى قاع البئر وقام بأخذ الشاب بصورة بطولية تؤكد بسالة وشهامة ذلك الشاب وعند وصولهما الى خارج البئر بسلام عمت الزغاريد والفرحة جميع الحضور وتبدلت الدموع الى فرحة حقيقية وزعت فيها الحلوى والبلح لكل الحضور واشاد الجميع بشهامة الشاب احمد عوض الكريم ... ومرت الأيام وتفرق الجميع ، ولكن والد الشاب الذي تم إنقاذه تحدث لإبن خالة الشاب المنقذ لمعرفة تفاصيل جديدة عنه وبادر والد الشاب وقال بالفم المليان لإبنته الطالبة الجامعية انها ستكون عروساًَ لذلك الشاب .. وفي ايام معدودة تم عقد قران الطالبة الجامعية للشاب احمد عوض الكريم منقذ حياة شقيقها ، وتكفل والد الطالبة بكل نفقات الزواج من حر ماله وفي الشهر القادم ستكتمل الأفراح بزواج الشاب احمد عوض الكريم على إبنة الحاج محمد فضل المولى .
( جاء ذلك بصحيفة الدار ) نقلا عن ... موقع القرير والراكوبة
|
Post: #2
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: محمد مختار جعفر
Date: 04-08-2012, 07:41 AM
Parent: #1
معذرة لتكرار الموضوع دون قصد
|
Post: #3
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: محمد المسلمي
Date: 04-08-2012, 07:59 AM
Parent: #2
هكذا هي الشهامة والمروة
والف مبروك عليهم وربنا يجمع بينهم بخير
|
Post: #4
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: محمد جلال عبدالله
Date: 04-08-2012, 08:13 AM
Parent: #3
هيييييييييييييع ده الكلام
دحين ياخواننا كان في زول واقع في بير كلموني
بركب الطيارة وبجي أمرقو
|
Post: #5
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: عمر موسي منجي
Date: 04-08-2012, 09:48 AM
Parent: #4
محمد جلال ... ما تكتر كلام
| Quote: الحالة الاجتماعية: Married |
باقيلك تلاتة " ابيار " بس
بعداك نادينا
تحياتي لصاحب البوست .. و ربنا يسعدهم
|
Post: #6
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: محمد مختار جعفر
Date: 04-08-2012, 10:29 AM
Parent: #5
Quote: هكذا هي الشهامة والمروة
والف مبروك عليهم وربنا يجمع بينهم بخير |
نعم وهو كذلك
|
Post: #8
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: محمد مختار جعفر
Date: 04-08-2012, 10:39 AM
Parent: #6
Quote: هيييييييييييييع ده الكلام
دحين ياخواننا كان في زول واقع في بير كلموني
بركب الطيارة وبجي أمرقو |
يا محمد جلال ، ولو كان الأسرة مافيها بنات
ترى حتفكر تركب الطيارة !!!
لك تحيتي
|
Post: #7
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: محمد عمر الفكي
Date: 04-08-2012, 10:32 AM
Parent: #4
غايتو الشاف زهير عثمان حمد باكر شايلو حبل ولافي في ابوسعد اصله ما كضب
|
Post: #9
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: محمد جلال عبدالله
Date: 04-08-2012, 10:41 AM
Parent: #7
Quote: باقيلك تلاتة " ابيار " بس
بعداك نادينا |
يا عمر موسى عليك الله قول التلاتة آبار دي تكون في:
المنشية - الطائف - كافوري جنب مجمع النور ^__^
يا محمد عمر الفكي زهير ده كان مشى هناك
بغتس حجر الراجل زيادة .. مالك ياخ
|
Post: #10
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: محمد مختار جعفر
Date: 04-08-2012, 02:04 PM
Parent: #9
وهذه من سمات المروءة والفضيلة المكتسبة عبر قيمنا
النبيلة ، والتي يتميز بها الرجل السوداني عن سائر غيره ،
فى وقت تراجع فيه الكثير من مثل هكذا سلوك فى زمان ووقت
متغير ، ........... فمن الواجب إظهار ونشر مثل هذا التصرف
الرجولي بين الشباب حتي تظل موروثات الفضيلة مزدهرة
بين الأجيال ..
وتحيتي ...
|
Post: #11
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: ismeil abbas
Date: 04-08-2012, 03:00 PM
Parent: #10
Quote: وهذه من سمات المروءة والفضيلة المكتسبة عبر قيمنا
النبيلة ، والتي يتميز بها الرجل السوداني عن سائر غيره ،
فى وقت تراجع فيه الكثير من مثل هكذا سلوك فى زمان ووقت
متغير ، ........... فمن الواجب إظهار ونشر مثل هذا التصرف
الرجولي بين الشباب حتي تظل موروثات الفضيلة مزدهرة
بين الأجيال ..
وتحيتي ... |
مرحباً ألأخ/محمد مختار جعفر....فعلاً هذا الرجل شهم وزى ده العوائل بفتشوا ليهو..مش عينت كان لقاهو فى البئر يرمى عليهو فيل....
إحترامى وتقديرى.
|
Post: #12
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: Deng
Date: 04-08-2012, 03:50 PM
Parent: #11
| Quote: وبادر والد الشاب وقال بالفم المليان لإبنته الطالبة الجامعية انها ستكون عروساًَ لذلك الشاب .. وفي ايام معدودة تم عقد قران الطالبة الجامعية للشاب احمد عوض الكريم منقذ حياة شقيقها ، |
هل تمت أستشارة هذه الطالبة الجامعية المغلوب على أمرها؟
|
Post: #13
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: Hisham Amin
Date: 04-08-2012, 06:44 PM
لا لا
مستنينك انت تجى توريهم ........................
جورج حا صحى متين من الوهمة الانت فيها دى .
|
Post: #14
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: Deng
Date: 04-08-2012, 07:11 PM
Parent: #13
هشام أمين.
أنت ليه ما قادر تفهم عدم ردي لك؟
|
Post: #15
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: Abdulrahman Gorashi
Date: 04-08-2012, 07:41 PM
Parent: #14
أخونا هشام، دحين عندك عرق رباطابي ولا بداهه ساكت منك؟
|
Post: #16
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: عمر موسي منجي
Date: 04-08-2012, 08:44 PM
Parent: #15
اخونا محمد جلال
| Quote: المنشية - الطائف - كافوري جنب مجمع النور ^__^ |
ما تعشم يا اخوي .... ديل من " السرير " ما بيقعوا
|
Post: #17
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: Hisham Amin
Date: 04-09-2012, 06:10 AM
Parent: #14
((هشام أمين.
أنت ليه ما قادر تفهم عدم ردي لك؟)))
هممممممممممممممممم
دحين الفوق دة شنو؟؟
لو فى راءيك انة ما رد موجة لى نقدر نقول شنو رسم يعنى؟؟
ياخ انت حيرت المابيحتار زاتو .
المهم
على وزن الاولى
برضو مستنيك تجى انت تورينى
ياخ انت ... اف اف ار زيادة عن اللزوم
...........................................
ما قلت لى متين حتخلى الوهمة الانت فيها دى........................
|
Post: #18
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: محمد مختار جعفر
Date: 04-09-2012, 09:15 AM
Parent: #17
| Quote: هل تمت أستشارة هذه الطالبة الجامعية المغلوب على أمرها؟ |
لا أدرى ..... ولكن أتوقع أن معظم البنات يتمنين فى فارس أحلامهم الرجولة والنخوة
والمروءة ، وبالطبع هذه الصفات تجعل أمنياتها الأخرى أقرب الى أن تتحقق . ، ولكن
بكل تأكيد موافقتها ورضاها ضرورة وواجبة شرعا ..
|
Post: #19
Title: Re: أنقـذ إبنـهم من داخـل البئـر ، فتـم تزويجـه بإبنتـهم ..
Author: محمد الامين احمد
Date: 04-09-2012, 09:24 AM
Parent: #18
تحية طيبة للجميع
ههههههه بوست لذيذ
يعنى الزول يطلع ليهم ولدهم من الحفرة يقومو يلزو هو فى حفرة اكبر منها!!
:) :) :)
على سبيل المزاح بس يا جماعة ، فكلنا فى الهم شرق
الجماعة شكلهم مبسوطين فى الصورة ، ربنا يحفظهم و يهدى سرهم
|
|