Post: #1
Title: رجل مخابرات اردني يهرش غازي صلاح الدين وهو بطريقه لاسرائيل!
Author: Tragie Mustafa
Date: 04-08-2012, 05:03 AM
اها اربح المليون لو ذكرت/ي لنا اسم رجل المخابرات الاردني الهرش لك غازي صلاح الدين العتباني
وهو في رحلته رقم 4 لاسرائيل!الكلام ده قبال سنين.....
حيث كان يغير الطائره في الاردن! ويحمل سمسمه الابيض بطائرات اردنيه ويمشي يسلم ويستلم!!
وفي مره لم لك فيه رجل مخابرات (اردني اصلي من نوع ناس الدقامسه)
قلبه حار وما راضي حركات(القودنه) البعملوها الانقاذين ديل
يسبون اسرائيل في العلن وياتوا عبر الاردن ليحجوا اليها
ويقدسوا ويقدموا شروط الولاء و الطاعه
ويغازلونها سرا وعلانيه واسرائيل تتدل وترفض غزلهم بل و تصدهم!!
.....وفي يوم وعمك غازي لابد في الطائره وعلى وشك الاقلاع من مطار عاليا الدولي وقلبه يخفق
ان تتطير الطائره سريعا وتريحه من حالة القلق و الترقب التي يعيشها وهو متوقع يقع في عين اي صحفي
او سياسي يلحقه الزينين!!
فاذا بضابط مخابرات اردني كبير يصعد للطائره ركضا ويصرخ لك بوجه غازي بحنجره كالاسد.....
(ولك اسمع احنا بلادنا مش ممسحه لاوساخكم لما بدك تتطبع وتنبطح لاسرائيل لويش ما قادر تتطبع من بلدك؟!
وتجينا هون وتغير طائرات وتعلم مثل هذه الحركات؟!
وقدام الاعلام العربي تسبون المطبعين وتعلموا انتو شرفاء ومقاطعين؟!ونحن فقط قلة المطبعه؟!
وصرخ بقائد الطائره ( وله(تعني يا ولد تحقير) طفي ها المحركات بلا اسرائيل بلا بطيخ
اللي بده يمشي على اسرائيل خليه يمشي من بلده مش من بلادنا)!
وهنا تمتم غازي وتلجلج و تلكلك.....وقلبه يخفق كالعصفور بين اضلعه.....ونزل سلم الطائره خائر القوى
ومقطوع الانفاس ومخلوع في روحه.....وكل البيملكه يتصل بمطار الخرطوم متشنجا بان يلحقهوا بطائره سريعه!
فهو لن يقعد هنا حيث تم اذلاله بهذه الطريقه!!!
مطار الخرطوم كل يدربك وتلغى سفريات ويعطل مرضى ما مهم المهم تنقذ كرامة غازي التي مرمطت!!
اها منو هو رجل المخابرات هذا الدرش لك عمنا غازي ده؟!
اتاري عمنا عامل الدرب ساساقه
بيتاجر في السمسم الابيض!! سنه يا سمسم القضارف
طيب ما تخلوا اهل القضارف اولى بسمسمهم منكم يا مسهتبلين!
يتاجروا بيه مع اسرائيل يخللوا يصفوا مشك دي ما قضيتكم!!
مش تتاجروا انتو يا اهل الانقاذ وتذلوا الآخرين.
وعشان نذكر سيادة الوزير
نقول له وقتها المناوب بمطار الخرطوم كان الجنوبي(........)
اها نذكر الاسم ولا نسكت يا سيادته عشان ننعش ذاكرتك؟!
|
Post: #2
Title: Re: رجل مخابرات اردني يهرش غازي صلاح الدين وهو بطريقه لاسرائيل!
Author: Tragie Mustafa
Date: 04-08-2012, 05:24 AM
Parent: #1
اما عمنا علي عثمان فطبعا عامل الدرب ساساقه اصلا
حردان في تركيا...وهو في اسرائيل....بيستشفي في المانيا
وهو في اسرائيل.....بيفتش (فقرا) في ساحل العاج وبرضو يكون ذاغ منها لاسرائيل وهكذا!!
تخريمه:
يا مياده كمال اياك ان تعبري من هنا مبرره ولا نافيه
ده المي حرا ولا لعب كعونج!
|
Post: #3
Title: Re: رجل مخابرات اردني يهرش غازي صلاح الدين وهو بطريقه لاسرائيل!
Author: osman righeem
Date: 04-08-2012, 06:39 AM
Parent: #2
ما هو كرم الله عارف كده و قاعد يفرز ليهم السمسم
لكن لمن سمع انه السمسم الافريقي الابيض من شمال غرب افريقيا كفي و زاد
قال في باقي فلاشا احسن يصدروهم ويجيبو شركات اسرائيلية عملت تجارب اكثار
علي محصول السمسم ومعالجة افاته الزراعية وقيل اسرائيل موجودة في الزراعة في شكل
شركات اسيوية والمتعافي عافيه عليه يا قولت صدام حسين
وبعدين حيحصل وقالوا كمان خيار استراتيجي لتحييد اسرائيل في الحرب مع الجنوب
المشكلة مش في الحكومة قالو سيد الرايحة بيشيل لوز البقرة
لكن المشكلة في المعارضة .... طبعا واكيد عندك الخبر
|
Post: #5
Title: Re: رجل مخابرات اردني يهرش غازي صلاح الدين وهو بطريقه لاسرائيل!
Author: Ridhaa
Date: 04-08-2012, 06:50 AM
Parent: #3
دي بكري ماختاها في ( السنسرة ) ...!!!!
.
.
حسني الألفاظ ياتراجي .!!!!!!!!!!!!!!!!!!!!!!!
|
Post: #4
Title: Re: رجل مخابرات اردني يهرش غازي صلاح الدين وهو بطريقه لاسرائيل!
Author: محمد جلال عبدالله
Date: 04-08-2012, 06:44 AM
Parent: #2
Quote: وهنا تمتم غازي وتلجلج و تلكلك.....
وقلبه يخفق كالعصفور بين اضلعه.....ونزل سلم الطائره خائر القوى
ومقطوع الانفاس ومخلوع في روحه.... |
أنا مستغرب يا طَـنْـطـِ تراجي
التفاصيل الدقيقة دي كلها جبتيها من وين؟
ما يا إما من غازي صلاح الدين
أو من رجل المخابرات الأردني أدهم صبري
أو من أصدقائك الصهاينة
بالمناسبة أنا لا مثبت ولا نافي
وإن كنت لا أستبعد على الكيزان أي شيء
|
Post: #6
Title: Re: رجل مخابرات اردني يهرش غازي صلاح الدين وهو بطريقه لاسرائيل!
Author: Elawad
Date: 04-08-2012, 06:54 AM
Parent: #2
أضحك الله سنك يا تراجي. على قول شفع البلد دي That is so funny.
|
|