طرد نافع على نافع من دار الامه الان

مع بشريات الامانه العامه الجديده شباب وكوادر حزب الامه
يطردون نافع من الدار

ما سبب مجيئه الي الحزب؟

سلامات محمد عادل

هذه الاخلاق دخيلة علي المجتمع

طرد الضيف

Quote: هذه الاخلاق دخيلة علي المجتمع طرد الضيف

لو كان الضيف عندو اخلاق

الله اكبر ولله الحمد

الله اكبر ولله الحمد

سلوك دخيل على السودانيين
مؤكد انه جه بدعوة رسمية
الظاهر الحزب أصبح جزر معزولة

Quote: هذه الاخلاق دخيلة علي المجتمع طرد الضيف

. وهل تسمى من سرق السلطة ليلاً ضيف؟ وهل تسمى من اجرم فى حق زملائه فى الجامعة وقام بتعذبيهم حتى سالت دماؤهم ضيف؟
هذا سفاح وارتكب جرائم لا تحصى فى حق الشعب السودانى اضافة الى كونه غير مؤدب وعباراته تؤذى السامع وهو والغ فى الفساد
ويملك 4000 بقرة فى المنطقة بين شرق النيل وشندى وبداية البطانة ويقوم بعض الرعاة بالاهتمام بها ومعروف لدى بائعى اللبن فى شرق النيل الفرق
بين لبن نافع ولبن المتعافى ولبن ابن داؤود عبد اللطيف. هذا مجرم وتلتف حوله شرزمة من المجرمون اعرف حرسه الشخصى( حسبو) الذى يتلقى الاوامر
من سيده النافع وحسبو هذا من جهة الكلاكلة فقد كان مسئولاً عن التعذيب بالحركة الطلابية وقام بتعذيب اصدقاء كثر منهم علاء عبد العزيز من ابناء عطبرة
حى السوق حتى فقد الذاكرة ولا وزال يعانى وايهاب محمد الحسن المشهور بايهاب بلنجة (عطبرة) حيث تم ضربه لمدة ثلاثة ايام وباشراف من نافع على النافع
كما قام المدعو نافع بتعذيب الشهيد على فضل والكثير من شباب الانصار فى سنوات التسعينات الاولى . امثل هذا يعتبر ضيفاً على بقعة
وطنية طاهرة مثل دار حزب الامة (دار الامة ).

Quote: سلوك دخيل على السودانيين مؤكد انه جه بدعوة رسمية الظاهر الحزب أصبح جزر معزولة

نافع مجرم ما عندو اخلاق
نافع ساقط من مؤخرة لبوه

بالجنبه يا صاحب
الفوق ده رايك
ولا راي كورة اللبن
جلكسه بس

الغريبة هو ما قاعـد يطرد زعماء حزب الأمة لما يجو القصر الجمهورى او يشتغلوا فيه.. أعتقد دا تصرف فردى من الشباب ولا
يمثل الحزب.

Quote: الغريبة هو ما قاعـد يطرد زعماء حزب الأمة لما يجو القصر الجمهورى او يشتغلوا فيه..

يمين بالغت في دي يا مثقف سودان فوراولّ!!!
قلت لي ما بيطرد الناس من القصر الجمهوري؟
هو القصر دا حق الكيزان؟



ياخ انت زول مثقف شديد والله

Quote: شباب وكوادر حزب الامه يطردون نافع من الدار

شبابكم يبغِّر يا محمد..

كتب هجو , هاجيا ومذكرا الناسى احمد موسى حلمات

Quote: بالجنبه يا صاحب الفوق ده رايك ولا راي كورة اللبن

ماكورة لبن ياهجو شطر شطر عديل

خليك عميق ياخ

لم يطرده احد .. خرج بعد ان هتف الشباب ضد النظام ..
واعتقد ان الاصطفاف ضد النظام الاستبدادي شرف ..
هل كان يظن ان الشباب سوف يصفقون له؟؟

Quote: هل كان يظن ان الشباب سوف يصفقون له؟؟

التحيه لشباب حزب الامه وهم يحاولون تحريك هذا السكون الممتد
أخلاق السودانين أستغلها النظام ابشع استغلال واحالها الي غير ما كانت عليه ً

من ناحية سياسية
ظاهرة صحية

ومن ناحية إجتماعية
ما بنبح في بيتو الا ال######

بعيدا عن السياسة
هل هذه اخلاق فاضلة ؟
لماذا تطردون الضيف ؟
طيف لماذا قدمتم له دعوى اصلاً ؟

طيب يا محمد عادل نفهم من كدا انكم حا تطردونا لو جيناكم في بيتكم ؟؟

Quote: أخلاق السودانين أستغلها النظام ابشع استغلال واحالها الي غير ما كانت عليه

يا محمد ود العُمَدْ،
ما عاد عزفهم على وتر الدين ووتر القيم والأخلاق السودانية بمدغدغ لمشاعر أحد..
أصبحوا يا سيدي كما الفرعون وقلة عقله..

-

خسر بيعهم دنيا وأخرى..

الاخلاق السودانية دي كانت ووين لمن نافع بشرف علي دق المسامير في روؤس ابناء السودان
الاخلاق السودانية دي ووين ونظام نافع بيطارد وبقتل وبعذب ابناء السودان في كل حا رة وحلة وزنقة زنقة
----------
مافي حاجة اسمها اخلاق سودانية مع نظام افسد كل الحياة السودانية

Quote: الاخلاق السودانية دي كانت ووين لمن نافع بشرف علي دق المسامير في روؤس ابناء السودان الاخلاق السودانية دي ووين ونظام نافع بيطارد وبقتل وبعذب ابناء السودان في كل حا رة وحلة وزنقة زنقة

عبد الكريم
لو افترضنا انو كلامك دا صاح

طيب قدمتو ليهو الدعوى ليش للحضور ؟؟؟؟؟؟؟؟؟؟؟؟؟

ما اظنك حا تجاوب على هذا السوووعال .....

Quote: طيب قدمتو ليهو الدعوى ليش للحضور ؟؟؟؟؟؟؟؟؟؟؟؟؟ ما اظنك حا تجاوب على هذا السوووعال .....

هلا يا مكش ووينك يا زول لابد ما بتظهر الا لمن يقبقبو ليكم زول ويطردو طرد غرائب الابل....

1-من نحن ..؟؟
القدمنا ليهو الدعوي ديل
جاوب سريع..!!
---------------

2-ولو افترضنا جدلا بان ناس حزب الامة قدمو للمجرم ده دعوي يبقي من ده حقهم يقدمو الدعوة ولكن عليهم ان يتحملو تبعات حضوره الي محفل متموج ما بين الوان الطيف الحزب امي من صقور تاكل النار وحمائم يبدو بانها من قدمت الدعوة لهذا النافع اللئيم

وصقور حزب الامة wayeeeeeeeee

Quote: وهل تسمى من سرق السلطة ليلاً ضيف؟

بلى, هو ضيف ليل

Quote: طيب قدمتو ليهو الدعوى ليش للحضور

بلى, من الواجب أن تُقدم له الدعوى للحضور

ولكن لا نقبل أن تُقدم له الدعوة للحضور

الشئ المضحك هنا هو دموع التماسيح (الكيزان وأذنابه)م على الأخلاق السودانية.

أختشو يا كيزان أختشو.

عفارم على شباب حزب الأمة.

متى سيفوق الصادق المهدي من غفوته!

الكيزا ن واذنابهم والمتعاطفين معهم ممكن يدفعو باي كلام تبريرا لرفضهم لطرد د نافع الا الدفع بالحجج الاخلاقية والقيم الانسانية والاخلاق السودانية
لاسباب بسيط وجوهرية الا وهي ان الانقاذ واهل الانقاذ ضربوا بعرض الحائط كل القيم والاخلاق الانساية والسودانية والتعاليم الينية

الانقاذيين ديل يجب الا يرحب بهم في اى مكان
لازم يعرفوا انهم منبوذين ومكروهين اكثر من ابليس
الله ينعلهم دنيا وآخرة

بلا اخلاق سودانية بلا بطيخ
ديل مفروض يطاردوهم زي كــلاب غرب القاش ..
والتحية لشباب حزب الامه الشرفاء

Quote: طرد نافع على نافع من دار الامه الان

فقط ؟؟؟!!!!

اقل واجب

بسيطه!!
نافع طرد الروح من الجسد

Quote: يمين بالغت في دي يا مثقف سودان فوراولّ!!! قلت لي ما بيطرد الناس من القصر الجمهوري؟ هو القصر دا حق الكيزان؟ ياخ انت زول مثقف شديد والله

ابدا.. اخوك غلطان، القصـر حق الكيزان وحزب الامة والاتحادى الديمقراطى. لكن بما إنو الكيزان هم المسيطرين، فكنت أتوقع من ناس نافع يهتفوا ضدهم، وضد الصادق كلما جاء يزور البشير، وكلما
جاء الميرغنى يزور البشيـر.
بعدين ابوالريش لو حركت الحية ضنبها يضرب الراس. حقو النقاش يكون بإحترام متبادل.

Quote: الغريبة هو ما قاعـد يطرد زعماء حزب الأمة لما يجو القصر الجمهورى او يشتغلوا فيه..

نعم من واجب حزب الامة ان يقدم الدعوة لنافع
ومن اوجب واحبات شرفاء حزب الامة طرده ليعرف قدره ومقداره ومقدار من دعاه ووزنه فى الحزب
بل مقدار حكومة الفساد فى نظر من لم يبدلو جهاد الانصار بوظيفة مساعد حله لايحل ولا يربط....
ليعرف السيد الصادق الراى الحقيقى لجماهير الامة فى هذه الحكومة ..
اذا تمسك السيد الصادق بموقفه المتخاذل تجاه الحكومة بما يسميه الاجندة الوطنية فليفهم
تماماً انه يسبح عكس التيار ، وليجد له حارقى البخور تبرير فج لهذا التخاذل مستقبلاً ويقولو
لنا ان السيد الصادق بحكمته وذكائه السياسى اراد ان يحافظ على حزب الامة الكيان وعلى قاعدته
من التهلكة ..
هل تسمح ان يستقبل اهلك فى البيت استقبال الفاتحين وببسمة رضا من اغتصب اختك صفية
ومن قتل ابنة عمك عوضية ومن ضرب ابنة خالتك نجلاء وغيرهم الالاف ؟
نقول هذا الذين يرددون ليس هذا من شيم الرجال الكرام او من الشيم الكرام ، فقد مرمط هولاء بقيم اهل السودان
الارض وضربوهم فى سماحة دينهم وفى تسامحهم وفى اخلاقهم بهذا العهر السياسى الذى يمارس الان فى السودان..
اطردوه ابليس هذا العصر فكل جرائم السودان ارتكبها هذا الما نافع ..
طرده اشراف حزب الامة لان السيد الصادق كناه مره با بو العفين وهو اسم يشبهه تماماً فحتى يتوضأ نافع
فوق سبعه حصايات ويتطهر ويتوب ولا اظن ان ذلك سيحدث قريباً فهذا العفن قد استشرى فى نفس نافع حتى
اصبح جزء من دورته الدمويه فادمن القتل والتقتيل والتنكيل بخصومه السياسين، فاذا فعل حينها سوف يرى اخلاق ابناء الامة،،،

Quote: طيب قدمتو ليهو الدعوى ليش للحضور ؟؟؟؟؟؟؟؟؟؟؟؟؟ ما اظنك حا تجاوب على هذا السوووعال .....

سعال صعب خلاس....


دعوهو عشان يطردوه

وطردوه عشان تانى ما يدعوهو

للناس البتباكو علىىالقيم والاخلاق السودنية

التى كان نافع أو قاليها نقول ..بالنسبة

لطردة نافع ..طبعا الناس ماطردوه ..قال الدار


الدار دار حرة والكوز يطلع بره وطلع الكوز

الموية ربنا خلق منها (كل شئ حى) الخلق كلها بتحب

الموية إلا العقارب ..العقرب لما تكب ليها موية

فى جحرها طوالى بتطلع ..فنافع هسه كبو ليهو

موية الحرية وهو والحرية مابتلاقو ..طوالى بتمسكو

أم هلهله زى الزول العندو جن ساكنو اول ماتقراء القرآءن

الهضربة بتشتغل..

بعدين ده ما ضيف ولا شتين..ده أكتر زول عادى حزب

الامة وسعى لتقسيمه بكل ما اوتى من خباثة..

حزب الامة بكون قدم الدعوة للمؤتمر الوطنى والمؤتر الوطنى لبى الدعوة

بأقبحهم..

لكن عشان ما (يفنجط) لينا البعض هنا ساى ..تعالوا نشوف ماذا

فعلت البنت بأبيها عندا أتاها ضيفا...........

بعد أن نقض المشركون صلح الحديبية.. فحاروا فى استعداد المسلمين وقدموا وأخروا واستشاروا.. وقرروا أن يبعثوا من يثني رسول صلى الله عليه وسلم عن فتح مكة ويؤجله ولو إلى حين، فكان رسولهم إلى المدينة أبا سفيان ابن حرب - والد أم المؤمنين "رملة" قبل إسلامه.. الذي تسلل تحت جنح الليل بهدوء وحذر حتى استقر به المقام في المدينه وهتف قلبه.. أن سر. إلى ابنتك رملة فلن تخيب ظنك ولن تفشى سرك وستكون يداً لك.. وتنازعته رغبة الأبوة وحنانها فأدرك ذلك كله بالخطا السريعه إلى منزل ابنته رملة يريد أن يدخل بيتها.. ولم تكن رأته منذ هاجرت إلى الحبشة قبل سنوات طويلة، فوقفت تنظر إليه بادية الدهشة والحيرة وقد عقدت المفاجأة لسانها، وأدرك والدها ما نزل بابنته من هول المفاجأة والمباغتة فأعفاها من أن تأذن له بالجلوس وتقدم بعاطفة الأبوة ليجلس على الفراش وهو مطمئن الفؤاد. ء ولكن أنطق الله عز وجل لسان رملة رضي الله عنها وحرك يدها فاختطفت الفراش وطوته عن أبيها فقال لها متسائلا: يا بنية، ما أدرى أرغبت عن هذا الفراش أم رغبت به عنى؟(يعنى إستكترتينى على الفراش أم إستترت الفراش على) فأجابت جواباً أذهله.. قالت: بل هو فراش رسول الله صلى الله عليه وسلم وأنت رجل مشرك، فلم أحب أن تجلس عليه..إن دار الامة دار أحرار ..ودار ديمقاطيين ونافع تغول على الديمقراطية وإنتهك خيار الشعب السودانى..ويسرق ويكتل ليل نهار ..فكيف نحسن إستقباله وضيافته..

الله اكبر ولله الحمد

شكرا لشباب حزب الامة الاشاوس

للمتباكين على الأخلاق السودانية
اليس هو نافع الذى يشتم فى الشعب السوداني ليل نهار
اليس من طالب بلحس الكوع وتقوية الضراع لأخذ السلطة منهم
اين اخلاق الشعب السوداني عندما وصف المعارضة بعواجيز الخرطوم وعندما عذب المعارضين بيده
التحية لشباب حزب الأمة الذين رفعوا معنويات الشعب السوداني بطردهم لنافع ومن قبله
غندور
مثل هذه المثاليات هى التى أطالت بقاء نافع وامثاله واودت بالسودان لهذا لدرك السحيق

هو ناس حزب الامه ديل لسه حيين ؟

لأنو عمايلهم ما عمايل ناس حيين ...

سبحان من يحي العظام وهي رميم )


كان أصـلهم فيهم شُطار وحيين كدا مالهم ما منعوا إنقلاب الإنقاذ قبل 23 عام،

ومالهم ما وقّفوا عجلة الإنقاذ ..؟

لعنة الله على دا لمن يجي داكـ ..!!



ضاعت البلد وأهلها في مثلث برمودا ...



حسبنا الله ونعم الوكيل )

Quote: وصقور حزب الامة wayeeeeeeeee

قولو كدا وريحونا

Quote: طيب قدمتو ليهو الدعوى ليش للحضور

المكاشفي
الدعوة ليست شخصية
بل عادة ما تعنون الدعوات للأحزاب للتمثيل الشرفي
وقد كان من باب اولى للمؤتمر الوطنى إختيار شخص آخر غير نافع لتمثيل الحزب
خاصة وان نافع غير مُرحب به ؟
عليه أنسب الامر لسؤ الاختيار للمؤتمر الوطنى كالعادة