Post: #1
Title: منقة معاكم يا ناس شرق السودان
Author: حمد عبد الغفار عمر
Date: 04-07-2012, 04:06 PM
منحت الحكومة السودانية حكومة المملكة العربية السعودية مساحة زراعية 2 مليون فدان بولاية البحر الأحمر كمنطقة زراعة حرة بدون ضرائب أو رسوم
حسب ما ورد في قناة الجزيرة
أها السعودية جاتكم بدون كفالات
كدا مبسوطين؟
|
Post: #2
Title: Re: منقة معاكم يا ناس شرق السودان
Author: Ahmed musa
Date: 04-07-2012, 04:33 PM
Parent: #1
Quote: منحت الحكومة السودانية حكومة المملكة العربية السعودية مساحة زراعية 2 مليون فدان بولاية البحر الأحمر كمنطقة زراعة حرة بدون ضرائب أو رسوم
|
خبر كويس
ان شاء الله
|
Post: #3
Title: Re: منقة معاكم يا ناس شرق السودان
Author: حمد عبد الغفار عمر
Date: 04-07-2012, 04:57 PM
Parent: #2
مرحيا أحمد موسى
Quote: خبر كويس
ان شاء الله |
وذلك الفضل من الله
|
Post: #4
Title: Re: منقة معاكم يا ناس شرق السودان
Author: ود الباوقة
Date: 04-07-2012, 05:00 PM
Parent: #3
تمام والله
والى المزيد من الاستثمارات السعودية بالسودان
شكرا حمد
|
Post: #5
Title: Re: منقة معاكم يا ناس شرق السودان
Author: حمد عبد الغفار عمر
Date: 04-07-2012, 05:42 PM
Parent: #4
هلا يا باوقة
تمام والله
Quote: تمام والله
والى المزيد من الاستثمارات السعودية بالسودان |
والله يا عمر رغم إنو السعوديين بأسسوا كويس للزراعة وبضخوا قروش كتيرة صراحة كدا
بس عائد الزراعة دا كلو حيمشي للسعودية كإنتاج والمنطقة تم اختيارها بعناية لقربها من السعودية
ومع ذلك برضو خير أهو فرصة وظائف كتيرة ممكن توفر مصدر دخل للأهالي
و كمان ناسكم قبضوا ليهم مسكة كبيرة من البنتك الاسلامي 500 مليون دولار أنشاء الله تتوجه في ما يفيد الإقتصاد ما يلموا فيها الزبلعية ديل ويرمدوا سفتها
|
Post: #6
Title: Re: منقة معاكم يا ناس شرق السودان
Author: عماد الشبلي
Date: 04-07-2012, 06:02 PM
Parent: #5
لو العالم العربي استثمر في الزراعة فقط
لضمن غزاوه ...
شكرا لصاحب البوست
|
Post: #7
Title: Re: منقة معاكم يا ناس شرق السودان
Author: حمد عبد الغفار عمر
Date: 04-07-2012, 06:22 PM
Parent: #6
مرحب يا عماد الشبلي
.Quote: لو العالم العربي استثمر في الزراعة فقط
لضمن غزاوه .. |
2 مليون فدان دي مساحة دولة عديل كدا وهي بتساوي شريط بس في واحدة من ولايات السودان
ليك أن تتخيل حجم المساحة الصالحة للزراعة في السودان موش يضمن غذاؤه ياخ نحن من نغرق العالم دا أكل
لكن الشكية لله
شكرا يا فنان
|
Post: #8
Title: Re: منقة معاكم يا ناس شرق السودان
Author: SAIF MUstafa
Date: 04-07-2012, 08:14 PM
Parent: #7
صاحبنا حمد
كيفك
التفكير فى حال ومستقبل الزراعة بالسودان مرعب...
رأيت بعينى البرتقال المصرى عالى الجودة يباع على شاطئ النيل فى شندى
وبسعر أقل من تلكفة قطف البرتقال المحلى واللى يمكنك مشاهدة أشجاره من مكان البائع...
دا لأنه فى زول حرامى بيدخل المصرى المدعوم بدون جمارك وحرامية بالكوم عايشين على تكلفة أنتاج برتقال أهلنا...
يلا أحسب تكلفة المصرى من شجرته لحدى ما يصل شندى عشان تعرف الحرامية ديل سرقوا قدر شنو...
فالبائع المسكين دا يخلى الزراعة ويبيع ليهم سمومهم عشان يعيش والمستهلك الأكثر مسكنة قروشه تمشى الخزينة المصرية...
أها عرفت أنو العرب وكل من دب حايجوا يزرعوا هنا ليه...؟؟؟؟
عشان بس يضاعفوا ربحهم وربح الحرامية الفوق ديل بتخفيض التكلفة والدعم من حكوماتهم.....
وعاش الشعب العربى وكل شعوب الدنيا....
وأقسم بالله سافرت للسودان على متن طائرة مليانة برازيلين ماشين النيل الأزرق لم يمروا حتى بصالة المطار....
ديل ماشين يلعبوا كورة؟؟؟؟
وبدوهم كم؟؟؟
وكلفوا كم؟؟؟
وفى زيهم كم؟؟؟
والجابهم منو وليه من أصله؟؟؟؟
عشان كدة اللى بتسمع بيهو دا جزء بسيط من فساد هؤلاء القوم.....
دي أمثلة شفتها ياحمد وكلنا زراعيين و اللى ما زراعى تربال
وكلام الإستثمار الزراعى دا يقولوا لعمى البصاير اللى بقوا ما بفرقوا بين الطورية والكيبورد الكضاب...
وناس الإنقاذ ديل ما بيكتفوا حتى لايبقى شئ يباع....
الزراعة دى لو فكرنا فيها بنجن عدييل كدة.....وأنا حاسد الناس
الماجايبه خبر....
ولو قلبك بستحمل فى الإجازات فتش الشمباتة القاعدين هناك....
ولو رجعت للفن بيكون أحسن لصحتك ....ومنها تربى أولادك...
ولعنة الله علي اللى كان السبب.....
وبالمناسبة البركة فيكم فى الأخ الشمباتى عيسى الرشيد رحمه الله وغفر له....
تحياتى
أخوك سيف مصطفى
زراعى تائب
|
Post: #9
Title: Re: منقة معاكم يا ناس شرق السودان
Author: حمد عبد الغفار عمر
Date: 04-07-2012, 10:30 PM
Parent: #8
حبيبنا سيف
كيفك يا زول
Quote: دي أمثلة شفتها ياحمد وكلنا زراعيين و اللى ما زراعى تربال
وكلام الإستثمار الزراعى دا يقولوا لعمى البصاير اللى بقوا ما بفرقوا بين الطورية والكيبورد الكضاب...
وناس الإنقاذ ديل ما بيكتفوا حتى لايبقى شئ يباع....
الزراعة دى لو فكرنا فيها بنجن عدييل كدة.....وأنا حاسد الناس
الماجايبه خبر....
ولو قلبك بستحمل فى الإجازات فتش الشمباتة القاعدين هناك....
ولو رجعت للفن بيكون أحسن لصحتك ....ومنها تربى أولادك...
ولعنة الله علي اللى كان السبب.....
وبالمناسبة البركة فيكم فى الأخ الشمباتى عيسى الرشيد رحمه الله وغفر له....
تحياتى
أخوك سيف مصطفى
زراعى تائب |
يا سيف
انا اشتغلت في السودان زراعة لمن صليبي طلع وزرعت لنفسي يمين كنت بمشي ملجة مدني سايق بوكس مليان طماطم
السماسرة بقايضوني بحق الفطور لي ولي العمال المعاي تقول لي استثمار
بعدين شغلة الزراعة من الصفر دي عايزة مجهود كبير ، صاح السعوديين مستعدين وما في حاجة بتقيف قدامهم
لكن الله يستر من هناك
مع ذلك مشروع زي دا لو قام حسب ما مخطط ليهو بالتأكيد بقدم شيء من خدمة للمواطنين على الأقل
وبعدين زي ما قلت المسألة دي حسب الخبر مقترن معاها دعم من البنك الاسلامي بمبلغ 500 مليون دولار انا أفتكر الحكومة لو جادة المبلغ ممكن يعمر جزء كبير من مشروع الجزيرة لكن ما بتحصل
بعدين أنا ذاتي لي 3 سنين تبت من الزراعة بس المنتشة كاتلانا ساي
والغناء لو لاقي لي فيهو فرقة يمين هسة دي أدور لكن وحياتك من جيت السعودية حاسد أئمة المساجد على الميكرفونات الكتيرة دي
ربنا يرحم عيسى الرشيد ويسكنه فسيح جناته بس ركز لي رأسي الفترة طالت ياخ الاسم طبعا في لكن الشخصية ضايعة لي
والله
تسلم يا حبيب
|
Post: #10
Title: Re: منقة معاكم يا ناس شرق السودان
Author: فايزودالقاضي
Date: 04-07-2012, 10:38 PM
Parent: #9
حمد ...سلامات ...
المشكلة ليست في الاستمثار والمستثمرين ديل عايزين ربح ومن حقهم مادام حايدفعوا ..
نحن ابناء الشرق نملك اراضي زارعية في كسلا والقضارف ومراعي في البطانة وميناء ودهب في البحر الاحمر ورغم ذلك نحن من افقر الناس
سمعنا بنصدوق اعمار الشرق ولم نراه واقعاً
ثم ماتم منحه في الكويت من المانحين العرب والغربيين
وده كله كلام ساى والانسان الشرقاوى في ذات مرضه وفقره وجهله
المستثمر يستفيد والحكومة تستفيد وحرامية الولايات يستفيدوا
ونحن حالنا مابسر ...
تحياتي ،،
|
Post: #11
Title: Re: منقة معاكم يا ناس شرق السودان
Author: حمد عبد الغفار عمر
Date: 04-07-2012, 11:30 PM
Parent: #10
هلا يا فايز القاضي
...Quote: المشكلة ليست في الاستمثار والمستثمرين ديل عايزين ربح ومن حقهم مادام حايدفعوا ..
نحن ابناء الشرق نملك اراضي زارعية في كسلا والقضارف ومراعي في البطانة وميناء ودهب في البحر الاحمر ورغم ذلك نحن من افقر الناس
سمعنا بنصدوق اعمار الشرق ولم نراه واقعاً
ثم ماتم منحه في الكويت من المانحين العرب والغربيين
وده كله كلام ساى والانسان الشرقاوى في ذات مرضه وفقره وجهله
المستثمر يستفيد والحكومة تستفيد وحرامية الولايات يستفيدوا
ونحن حالنا مابسر ... |
طبعا فائدة مباشرة ملموسة كدا ما أظن تكون في لكن لو المشروع قام على الأقل جيوش العطالى المساكين ديل بلقوا ليهم شغل ومصدر دخل إلى حد ما
هسة أنا قلت فايز فكر في الرجعة الطوعية بتاعة غريبة ديك تقوم تلكنا كدا ؟
مشكور ياخ
|
Post: #12
Title: Re: منقة معاكم يا ناس شرق السودان
Author: فايزودالقاضي
Date: 04-07-2012, 11:39 PM
Parent: #11
ارجع وين ياحمد ..
انا الاخرة بعد عمر طويل ان شاء الله من بره بره ..
مالي ومال العذاب والصراعات الماتنتهي ..
العمر فيهو قدر شنو عشان اقضيهو في الموية مافي والكهربة قطعت والدواء مافي .
ارجع براك يااخوى
|
Post: #13
Title: Re: منقة معاكم يا ناس شرق السودان
Author: SAIF MUstafa
Date: 04-08-2012, 05:46 AM
Parent: #12
Quote: ربنا يرحم عيسى الرشيد ويسكنه فسيح جناته بس ركز لي رأسي الفترة طالت ياخ الاسم طبعا في لكن الشخصية ضايعة لي
والله |
مرحب يا حمد
يا زول ذاكرتك لحقت الصح...
الأخ المرحوم عيسى الرشيد مضوى هو الناطق الرسمى لوزارة الزراعة اللى توفى إلى رحمه الله فى حادثة طائرة المتعافى...
هو الدفعة اللى قدامكم...
أذكر من أصحابه صديقنا أحمد فضل لو ما نسيته برضو ...
أنا عرفته بنبهانى لذا أظنه من أولاد مدرسة طقت
والله أعلم...
كان معروف فى شمبات...
اللهم ارحمه واغفر له
|
Post: #14
Title: Re: منقة معاكم يا ناس شرق السودان
Author: حمد عبد الغفار عمر
Date: 04-08-2012, 08:57 AM
Parent: #13
أهلا سيف
يا سلام ياخ له الرحمة والمغفرة ونسأل الله أن يتقبله قبولا حسنا
كدا إتذكرت تماما خصوصا مع أحمد فضل الشريط رجع والوقفات تحت اللبخة
شكرا يا سيف
|
Post: #15
Title: Re: منقة معاكم يا ناس شرق السودان
Author: rummana
Date: 04-09-2012, 03:48 PM
Parent: #14
| Quote: ومع ذلك برضو خير أهو فرصة وظائف كتيرة ممكن توفر مصدر دخل للأهالي |
على كده زاد عدد السودانيين الكفيلهم سعودي...!!
|
Post: #16
Title: Re: منقة معاكم يا ناس شرق السودان
Author: حمد عبد الغفار عمر
Date: 04-09-2012, 11:20 PM
Parent: #15
مرحب رمانة
| Quote: على كده زاد عدد السودانيين الكفيلهم سعودي...!! |
كفالة لكفالة تفرق
تفرق حكاية زول ماسك جوازك وكل القوانين مفصلة لنصرته وبهددك بخروج نهائي انت غالبا ما مستعد ليهو
وبين زول يجيك في خشم بيتك وسط أهلك
|
Post: #17
Title: Re: منقة معاكم يا ناس شرق السودان
Author: hamid abdalah
Date: 04-10-2012, 01:29 AM
Parent: #16
يا بخت الحرامية..!
المنقة يأكلها الحرامي..!
ومواطن الشرق يأكل (الدوم) أو يموت من الجوع..!!
حيكومتنا الرشيدة تحول دورها الي سمسار يتجار ويبيع ارض الوطن..!!
فملكية هذه الأرض الزراعية ستؤول السعودية ملك حر -كما جاء في الخبر-..!!
...
مبروك لأصحاب الصفقة المربحة السعودية والحرامية دعهم يفرحوا ويتمتعوا قليلاً حتي يصحى احفاد شليشي ودقنة حينها سينتفضون لحماية أرض اجدادهم بأنفسهم فهي عندهم مقدسة حسب أعرافهم ومعتقداتهم المتوارثة..!!
|
Post: #18
Title: Re: منقة معاكم يا ناس شرق السودان
Author: حمد عبد الغفار عمر
Date: 04-10-2012, 09:39 AM
Parent: #17
مراحب يا حامد عبد الله
صدقني رغم إعتراضي الشديد على التخلي عن أي قطعة أرض سودانية
لكن ما عارف الصفقة دي ما أزعجتني كلو كلو لسببين
أنا عملت في المجال الزراعي في السعودية وعارف جدا مقدرات السعوديين المالية وخبرتهم الإكتسبوها بسرعة الصاروخ وفهمهم للتأسيس السليم للبنية التحتية لأي مشرع زراعي
بما في ذلك الطرق يأخ أقل شيئ ممكن تكون في مراكز صحية تعتني بالمرضى العاملين في المشاريع دي وأسرهم دا ما مكسب غير رواتبهم وأجورهم
السبب التاني الأرض دي ممكن تكون قاعدة ليوم القيامة وما تنزرع فيها شجرة واحدة يكفيك دلتا طوكر كأقرب مشروع كان قائم وينو هسة؟
شكرا
|
|