الكاميرا حالة كونها دبابة !!!!!!!!!

ومن شابهه أباه فما ظلم)

سلاماً بت أبوك...
يا جالسة فوق عرش الجسارة
وسلاماً بت أبوك...
الما بتكسِّرعين صُمُودِك
جلدة من سوط أو حقارة
وإنتى تِيلادِّك بقِيلِّك
وفى عيون الناس مَقِيلِّك
يوم جُموع الشعب تمرُق حارة حارة
وإنتى فخراً لى أمين (أب راس)
ولى (سعدية بت محمود)
ولى الزيتونة (يارا)
ولى رفيق هَمِّك حِداكِ
وباليقين ساند قفاكِ
بى صميم النُصّرة والحُب والجدارة
وألفين سلام لى شعبِك البِلّهِم خُطاكِ
على طريق الحق
والبرجي البُشارة
من (كِمِيرة)....
زى (قِميرة) تضوى عتّمات المّغارة
تجّهر العين العمِّية
وتلّهم الناس الجسارة
(كِمِيرة) من عرقاً حلال
جبتيها من لُقّمة (كلارا).

يا صبّية، يا أخيّة
نحنا راضين من غُبار رجليكِ
فى درب الحقيقة...
ومن دموع ترمِيها فى الكتف الصّديقة
يا بنّية عفَّية زي ورد الحديقة
(يا بنونة) ويا (مهيرة)،
(أمانى ريناس)، (فاطنة بت أحمد)
ويا كل البِمدّنْ فى شُراعاتِنْ ويدُخْلنْ
فى الفاضاءات الطلِيقة
سَىّ ابِشّرِى.....
وهِزّى رايةْ الحقْ وادِفْرِى..
يا حبيبة...
ويا أخيّة ويا صّديقة
مِدِي في السِكّة وأقِـدّلِىّ
واسندى الميّيلْ وأعدّلِيّ
وأنشرىّ الوعي البّصارة
وبى (كِمِيرة)
زيّ (قِمِيرة)
هزيتى عرش المرجفين....
وكشفت بالصُوّر الزّفارة
وأثلجتى صدر الكادحين والشُهدا ....
والناس الفقارى.
عافي مِنِّك... وقامتى بيك تَطّول لأنك
ماشا في الدرب (البِوافِقْ صوت حوافرِك)
وبِتّقِدِى عين الضُلّمة عُنّوة
وبى أضافرِك
ودمِّك الدلقُو العساكر..
لى يوم قريب
لحظة شعاع الفجر يحين
والحق يبين
والعدل يزِينْ الدُنّيا باكِرْ
ما خسارة وما خسارة.

راشد سيد احمد
s.

Quote: وسلاماً بت أبوك... الما بتكسِّرعين صُمُودِك جلدة من سوط أو حقارة

يسلم قلمك يارشودة الصمود والجسارة ومابنقبل الحقارة تب....

شكرا الفنان القدير أحمد المرضى ....
تسلم ياآخي.

تسلم الهميم عز الدين وسلامة كتوف كل الغلابة....
ونجلاء أكيد ح تزيد قوة وتهزم الجلاد بالجسارة .


سلامة كتفك الشيال
حمول الغير
سلامة ايدك الهدهادة للأطفال
يا الحلابة لبن الطير
تبا اذا ديل الرجال
تبت يدا ذاك الأجير
يا فارسة ما هابت نزال
تاتيتى فى ضل أسدا
فى المحاص صوال
دموعك كم جرن لا فوق
يوم جفن منابع الخير
و جرحك للبلد شبال

هميمة
و كلك عزيمة
يهاجر لى حماك الطير
تعلى الرأس
تعدلى الكيف
تنده روحك للجسارة نفير
تسندى الشوف الصبح غربال
تبارى الحق
سرابة سرابة زى تربال
سلامة كتفك الشيال حمول الغير
سلامة شوفك الشواف
بذور الغضبة للتغيير
سلام يا أخية ليك كثير

عز الدين طه
لندن 5 أبريل 2012

كلورا حبيبتى ضمدى جراح الوطن بالتلج عشان ماما ترضى...
بكرة ح تعرفى ليه ماما عملت كدا.....

صبراً آل سيدأحمد .

Quote: صبراً آل سيدأحمد .

االعزيز عاطف ح نعلم الصبر أن يصبر وهانت والله....
تسلم ياغالى وكلو يهون عشان الحاجات تبقى كويسة.

سلام يا نجاة
طالما نجلا وراها اهل زيك وزي راشد وهاجر وبخاري
اكيد ما بجيها عوجة



كلنا مدينين لى نجلا واى سوط واقع عليها بقعن الف منو على ضمايرنا
الله يديها العافية ويحفظا ويخليها ليكم وما تشوفو شر

دا كلوووو عشان كاميرا؟؟؟؟
ايها الجبناء ليكم يوم .....

تعليق من الصفحة الخاصة بالفيس بوك..

Quote: سلامات نجلا ء ( و آشعباه و آشباباه و آكتفاه )

Quote: سلام يا نجاة طالما نجلا وراها اهل زيك وزي راشد وهاجر وبخاري اكيد ما بجيها عوجة

تسلمى يا دكتورة .....
وبكره أحلى وأجمل ومن الليلة.

وسلاماً بت أبوك...
الما بتكسِّرعين صُمُودِك
جلدة من سوط أو حقارة

Quote: من (كِمِيرة).... زى (قِميرة) تضوى عتّمات المّغارة تجّهر العين العمِّية وتلّهم الناس الجسارة (كِمِيرة) من عرقاً حلال جبتيها من لُقّمة (كلارا).

Quote: وسلاماً بت أبوك... الما بتكسِّرعين صُمُودِك جلدة من سوط أو حقارة

آى والله يا عبد الغفار تسلم ياخى ويسلم الوطن من كل رزيلة و######...

نجلاء سيداحمد
علامة فارقة في مسيرة التغيير السوداني
وجعلت اللصوص الظالمين يترجفون من اثر كل فلاششششششششش

لها التحية ولكم المجد والخلود يانجاة علي هذا الوعي العالي الكبير
والحس النضالي الموروث

Quote: وجعلت اللصوص الظالمين يترجفون من اثر كل فلاششششششششش

العزيز كيكى اتخيل كميرة جهجهت دولة بحاله ...
آى والله مكيرة.!!!!!!!!
من (كِمِيرة)....
زى (قِميرة) تضوى عتّمات المّغارة
تجّهر العين العمِّية

يا الله يا نجاة

كم اوجعنى هذا الاسلوب وهذه الاخلاق التى تغييرت


كيف تجروا بمثل هذا الفعل

يا الله يا نجلاء يا شامخة

امسحيها لينا فى وشنا واعفى لينا

Quote: كم اوجعنى هذا الاسلوب وهذه الاخلاق التى تغييرت

دا الزمن العجيب فى بلد العجائب الفوق للبليون.....
ماتخافى ولا تحزنى يا وضاحة البمد يدو ويضرب هو الخسران فى النهاية ...
تسلمى ياغالية.

سلامات يا نجاة ..
والتحية لكم آل سيد احمد االشيخ ..

Quote: كلورا حبيبتى ضمدى جراح الوطن بالتلج عشان ماما ترضى... بكرة ح تعرفى ليه ماما عملت كدا.....

و سترفع رأسها عاليا يا نجاة فخرا بأمها كما نرفعه نحن فخرا بأختنا نجلاء.
التحية لنجلاء و أسرتها و الخزي و العار لمن مد يده عليها.

يوم الحساب باكر بَجي..
حق نجلاء، وحق كل الوطن لا بد يندفع
-
كلّو في الدفتر مسجّل..

و،

تعظيم سلام لي كل عيال ابوالسيد..

تسلم نجلاء
نجلاء ارعبت حكومة القتلة المجرمين