الشعب ده خاتي سقف عالي للقتل والتدمير فلاتستعجلوا انتفاضته !!

شنو يعني كم وعشرين ضابط يعدموهم ؟!!!
كم يعني الاتعذبوا في السجون والمعتقلات وغرف الاشباح ؟!!!!
كم يعني النزلوهم الصالح العام وشردوهم وشردوا اسرهم ؟!!!
كم عدد القتلى في بورسودان وكجبار ؟!!!!
كم عدد القتلى في كسلا والقضارف ؟!!!!
كم يعني القتلوهم واحرقوا قراهم في دارفور وجنوب كردفان ؟!!!!
وكم بكونوا ناس النيل الازرق القتلتهم الانقاذ ؟!!!!
كم هن اللائي اغتصبن وكم هن اللائي قتلن ؟!!!
هم يادوب نص مليون او يقلوا ...!!!
ارواح قدر دي دايرة ليها انتفاضة ؟!!!!

وانتو ياناس الجبهة الثورية المسلحة ليه مستعجلين كده ؟َ!
هي الدنيا طايرة ولا طايرة ؟
كان تدوا الشعب ده فرصة اكتر شوية ؟
شنو يعني ناس دارفور وجنوب كردفان يموتوا وتتحرق قراهم ؟!!
انتو قايلين في زول بموت قبل يومه؟
ده عدم ايمان منكم بالقضاء والقدر !!
واى زول امه او ابوه او اخوانه واهله ماتوا عليه بالصبر الجميل ؟
لانه بالصبر الجميل ده بتقطعوا الطريق امام المؤامرة التحاك ضد السودان ودينه ودين شعبه ..

بعدين ياناس الجبهة الثورية انتو ناس عنصريين
جبهتكم دي كلها من آهالي ضحايا دارفور والنوبة وناس النيل الازرق
مفروض تصبروا لغاية الحكومة تقتل ليها مجموعات من غير عرقياتكم وتحرق قراهم
ثم المجموعات دي تحمل السلاح وتدافع عن حياتها وتنضم ليكم في الجبهة
غير كده جبهتكم دي عنصرية عنصرية لانها مالامة..
او جيبوا ضحايا مرتزقة من دول اخرى ...

بعدين كدي عيبوا لي المعارضة السلمية ؟!!
خلوا نضالكم سلمي حتى آخر قطرة من دمكم..
وخلوهم يكتلوكم ويصفوكم واحد ورا التاني
شفتوا ليكم زول مات ماقام يوم القيامه ؟!!!!