Post: #2 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-05-2012, 05:48 PM Parent: #1
الخبر أو التصريح الكاذب،
Quote: سودانير: اكتمال صيانة “الايربص” نفت الخطوط الجوية السودانية وجود أي ارتباك في رحلاتها وأكدت عدم إلغاء سفريات ورحلات الشركة بإيجار طائرة من طراز الايربص لتسيير رحلة الرياض - الخرطوم- الرياض.. وأكدت إدارة الإعلام والعلاقات العامة في توضيح تلقته "الأحداث" أمس إخطار جميع الركاب عن وضع السفرية وإبلاغهم بالمواعيد الجديدة، نافية إلغاء أي رحلة. وقطعت الشركة بأن الطائرة الثانية اكملت صيانتها وستدخل الخدمة اعتبارا من اليوم الخميس، وأشارت إلى أن مرتبات العاملين بسودانير تنساب كالمعتاد عبر منافذ البنوك.
Post: #4 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-05-2012, 08:20 PM Parent: #3
Quote: ثلاثة تجارب مريرة
المعانات الأولى مع سودانطير: الجمعة 24 فبراير 2012 الرحلة القادمة من الخرطوم للرياض، القادمة عليها زوجتي، تابعت أخبار الحجز وموعد الرحلة حتى مساء الخميس 23 فبراير وكان موعد الحضور للمطار في الخامسة ص والإقلاع في الثامنة، في الصباح أتصلت قبل الثامنة بقليل لأتأكد من موعد الإقلاع فعلمت فأنه تم التأجيل إلى الحادية عشر؟؟؟ ثم تواصل مسلسل التأجيل إلى الواحدة والنصف، حيث تم إدخال الركاب للطائرة والتي وجدوها في حالة يرثى لها فلم يتم تنظيفها من مخلفات الرحلة السابقة لدرجة أن الممر كان عليه حسب رواية زوجتي بقايا "قيء" أحد الركاب ولم يتم تنظيفه وكانت الرائحة داخل الطائرة كريهة للغاية، وظلوا بداخلها من الواحدة والنصف وبدون تكيف وفي جو خانق مع إنبعاث الروائح الكريهة (العفنة) حتى الرابعة والنصف حيث أقلعت لتصل مطار الملك خالد بالرياض في السابعة مساء...؟؟؟ الغريب أنه وقبل الإقلاع بقليل تم إدخال عدد كبير من الركاب الأثيوبيين (خادمات قادمات من أديس إلى الرياض)،، فهل كان سبب التأخير إنتظار الرحلة القادمة من أديس؟ أم كان هناك عطل بالطائرة كما أفهموا الركاب؟ ولماذا تم حشر الركاب في طائر غير جاهزة وهم يعلمون ذلك؟ كلها أسئلة مشروعة ولا أطمع في أن أجد من يجيب عليها... بالطبع مر الأمر دون أي إعتذار من الشركة عن هذا السلوك المشين تجاه الركاب الذين يدفعون بالعملة الصعبة قيمة الرحلة، وكأنهم ينقلون قطعان من الماشية وليس بشر لهم حقوق...
Post: #5 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-05-2012, 08:32 PM Parent: #4
Quote: نواصل..........
المعاناة الثانية: كانت في الجمعة 9 مارس حيث كان القادمين إثنين من أبنائي على متن هذه الرحلة والتي خاضت في ذات المستنقع موعد أول وثاني وثالث حتى أقلعت (ستهم) كما يسميها المصريين بمطار القاهرة فهناك يطلقون على الطائرة السودانية ستهم حيث تصل على كيفها وتقوم على كيفها، وتكررت معاناتي في الإتصال والسؤال وزنتوا؟ ختمتوا؟ أنتوا وين؟ دخلتوا الطيارة؟ ح تقوم متين؟ يعني بالعربي كدة يوم يكون عندك زول جاي على السودانية ما ترتبط بأي إرتباط وخليك قاعد إستاندباي ومفاتيح عربيتك قدامك وجاهز للمشي للمطار في أي وقت...
كسرة: ________ حكيت معاناتي مع سودانطير لصديقي عضو البورض عبداللطيف بكري [أبو خالد]، فبادرني بسخريته المعهودة: إنت البوديك ليهم شنو؟
التعديل: لحفظ الحقوق الأدبية للصديق الزميل المذكور أعلاه...
Post: #6 Title: Re: الخطوط الجوية السودانية تكذب وتتحرى الكذب Author: بشير أحمد Date: 04-05-2012, 08:57 PM Parent: #5
الاخ/الشايقي
تحياتي؛؛؛ انا معاناتي انتهيت الليلة الخميس 5/4/2012 وصل اولادي الساعة الرابعة صباح هذا اليوم وقاعدين في المطار من الساعة 6مساء الاربعاء 4/4/2012م تلات مرات تم تغيير المواعيد؛ اثناء الرحلة انابيب الغاز بتاعة الفريون ضربت وعملت ريحة داخل كبينة الركاب اولادي عندهم حساسية من الطيارة طوالي مشينا المستشفي وصلنا البيت الساعة 9صباح اليوم. ____ كنت حاجز ليهم ذهاب واياب في السعودية المدام كان عندها وفاة والدها وحلفت بالتقطعا ما تخلي امها ؛علا تكمل ال15يوم وطار الحجز والتذاكر في السعودية. ولظروف المدارس المضطر يركب سودانير.
Post: #7 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-05-2012, 09:10 PM Parent: #6
ثالثة الأثافي والتي أعتقد أنها التي دعت مسؤولي سودانطير لإصدار التصريحات الصحفية والكذب على رؤوس الأشهاد:
Quote: سودانير: اكتمال صيانة “الايربص” نفت الخطوط الجوية السودانية وجود أي ارتباك في رحلاتها وأكدت عدم إلغاء سفريات ورحلات الشركة بإيجار طائرة من طراز الايربص لتسيير رحلة الرياض - الخرطوم- الرياض.. وأكدت إدارة الإعلام والعلاقات العامة في توضيح تلقته "الأحداث" أمس إخطار جميع الركاب عن وضع السفرية وإبلاغهم بالمواعيد الجديدة، نافية إلغاء أي رحلة. وقطعت الشركة بأن الطائرة الثانية اكملت صيانتها وستدخل الخدمة اعتبارا من اليوم الخميس، وأشارت إلى أن مرتبات العاملين بسودانير تنساب كالمعتاد عبر منافذ البنوك.
رحلة الإثنين 3 أبريل، أيضاً الخرطوم الرياض، وبعد إكتمال مسلسل التأخير المعتاد كان الموعد النهائي للرحلة في الرابعة وتم تسليم الركاب بطاقة صعود الطائرة وصعدوا إلى صعيدها، ثم أنزلوا وقالوا لهم مافي سفر اليوم والعاوز يمشي الفندق يمشي معانا والعاوز يمشي أهله يدينا رقم أتصاله بنتصل عليه لما الطيارة تجهز ونحدد موعد القيام.. لحدي كدة كويس... مر يوم الإثنين ويوم الثلاثاء بدأ الركاب في الإتصال على إستعلامات المطار للإستفسار وفي كل مرة لسه مافي خبر كدي أتصل بعد ساعة أو ساعتين،، أستمر المسلسل وكان آخر أتصال من إبني للسؤوال عن موعد الطائرة في التاسعة مساء، وكان رد بت الإستعلامات: والله مافي منها خبر؟؟ المدهش أنها أقلعت في العاشرة من نفس المساء بقليل مما تيسر من الركاب؟؟؟ وتخلف البقية على أمل أن يجدوا لهم فرصة أفضل في الرحلات القادمة ،،، ولا يزالون في الإنتظار.... غايتوا موعودين غداً الجمعة وأن الجمعة لناظرها لقريبة... ونشوف جكة بكرة ح تكون كيف...
Post: #9 Title: Re: الخطوط الجوية السودانية تكذب وتتحرى الكذب Author: محمد المسلمي Date: 04-05-2012, 09:39 PM Parent: #7
الاخ الشايقي السلام عليكم في العام الماضي كنا في مكة وحددت السودانية رحلتها
الخامسة عصرا وحضرنا المطار في الموعد وتم وزن العفش ولكن فجاءة تاخر السفر وذهبوا بنا الي الفندق وحددوا السفر الساعة عشر صباح اليوم التالي ولكن لم يحضر لنا اي مسوول الي جاءت الساعة العاشرة مساء اتصلت السودان وعلمت ان الطيارة الان في جدة فركبت التاكسي وذهبت المطار ووجدت الميزان فاتح واكملت اجراءت السفر واقلعت الساعة الثالثة صباحا
ـــــــــــــــــــ وفي رحلة بخطوط الاماراتية الي كوريا الجنوبية تخلفت الحقيبة الخاصة بي فاخبرت مكتبهم في المطار فارسل المعلومات الي مكتبهم في دبي وانا موجود وسالني مامحتوياتها فقلت له حاجاتي الشخصية وليس لدي حقيبة غيرها فقام بتسليمي مبلغ300 دولار + اعتذار وتاني يوم تم احضار الشنطة الي في شقتي(فتامل الفرق)
Post: #12 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-05-2012, 10:11 PM Parent: #9
الأخ محمد المسلمي
Quote: (فتامل الفرق)
الفرق أن خطوط خلق الله كولها بتتعامل مع الناس كبشر وسودانطير تتعامل معنا كقطيع من الماشية الله يكرمك والقراء.... وهذا ليس سلوك فردي لسودانطير بل هو سلوك عام لنظام لا يحترم شعبه، لأنه لو كان غير ذلك لتمت محاسبة الشركة والقائمين عليها، وكان بالإمكان الشكوى والمطالبة بتعويض عن الضرر لكن الشكوى لي الله بس...
مسألة تخلف أو ضياع حقيبة فحدث ولا حرج،،، عندي شنطة ضاعت منذ عقدين من الزمان ولم أجد تعويضاً ولا حتى أعتذار،، الواجعني أنها كانت شنطة مرتي لما جات عروس وكان فيها العدة....
كسرة: ________ زمان أبو داؤود نكت عليهم قال كان راكب معاهم وأثناء الرحلة ضغط على زر إستدعاء المضيفة، جاتوا أم مقانص صاره وشيها وبي نهره سألت الضرب الزفت ده منو؟ بي مسكنة قال ليها أنا!!!!!!!! نهرتو تاني وقالت ،،، داير شنو؟ قال ليها بس دايرك تفتحي لي الشباك ده أنط منو.......
Post: #13 Title: Re: الخطوط الجوية السودانية تكذب وتتحرى الكذب Author: Abd-Elrhman sorkati Date: 04-05-2012, 10:34 PM Parent: #11
الشايقي الجميل
انا حا افاوضك بدوون زعل ،،،
سودانير دي انا متخيل الناس خلوها ،،،،، وما يركبوها عشان تخسر وتروح في ستين داهية مثلا انا من 98 حلفت ما اركبها وما ركبتها ،،،،، انشاء الله يركبها الجن الاصلوا راكبها،،،
ما تركبوها ياااخ
Post: #14 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-05-2012, 11:20 PM Parent: #13
معاناة أخرى وصلتني قصتها عبر البريد الإلكتروني من الأخ / بكري محمد (أبو ميدو)
Quote: الشايقي سلامات
كيفك وحمدالله على سلامة العيال .. بخصوص سودانطير و مواعيدها المجوبكه اولاً زي ما قالوا ليك اصحابك انت الموديك تحجز فيها شنو ؟؟ انا عندي معاها تجربة غريبة جدا .. في عام 2003 تقريباً حجزت لأولادي من جدة للخرطوم.. الطيارة جات في مواعيدها والدنيا رمضان العاشرة صباح نزلت .. وزنو ودخلوا الطيارة وجلست بالمطار حتى قيام الطيارة وكله في السليم وشوف عيني الطيارة قامت من المطار حوالي الواحدة ظهراً.. واتحركت انا على الرياض .. واتصلت بيهم من اول محطة وقف فيها باص النقل الجماعي ناس الخرطوم قالوا الناس ديل ما جو للآن ونحن رجعنا البيت من مطار الخرطوم.. والزمن داك ما عندنا جوالات.. اتخيل اولادك وامهم يضيعوا في الفضاء الواسع ده وانت ما عارف راسك من كرعيك ولا فاهم أي حاجة و لا في اجابة لأي سؤال .. لما باص النقل الجماعي وقف للافطار المغرب اتصلت لقيتهم في البيت .. اتخيل الناس دي كانت وين.. ؟؟؟؟ الخطوط الجوية السودانية من جدة اتجهت بالرحلة الى دنقلا بدون اخطار الركاب عن الوجهة وشالت ناس من دنقلا ونزل من نزل في دنقلا ثم جات الخرطوم... والله ما عرفتها طيارة ولا دفار .. عليك الله في الحالة دي تقول شنو ولا تعمل شنو؟؟؟؟ غايتو سوادنير كتر خيرها اولادي شافو دنقلا وانا لليلة ما شفتها.. المهم بقت لي توبة وتاني لليوم ما سافرت الا على الخطوط الاخرى والسعودية خاصة ومقاطعة نهائية لسودانير .. وممكن أي زول يحكي ليك عن سودانير وسؤ مواعيدها وا لمشاكل الدخلتو فيها والقلق البيحصل ليك اذا كنت راكب او منتظر زول.. غايتو البسافر بالسودانية مافي داعي لأي قشره لانك ح تنوم في المطار وتقيل وتزهج وتطير ليك فرحتك بالعودة للسودان من راسك وتصل مبشتن هدومك مكرفسة وما نايم
Post: #21 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-06-2012, 05:56 AM Parent: #13
Quote: سودانير دي انا متخيل الناس خلوها ،،،،، وما يركبوها عشان تخسر وتروح في ستين داهية
سوركتي يا أخوي الخرابي ديه أصلها راحت في ستين داهية من يوم باعوها بي قرشين لمجموعة عارف لما كان عندها أسطول طيرات، ورجعوها بي جنيه وما عندها التكتح... بس البودينا ليها الشديد القوي،،، وصدقني لا في مكاتبهم ولا في المطار ما لقيت زول بيشكر فيهم أو أقلو ساكت ساي إلا تكون مصيبتو مجلدة وملجماه ،، أي يزول متزمر ويسب ويلعن ويدعي فيهم... طبعاً غير الطيارات السجمانة شوف معاملة الموظفين كان في المكتب ولا المطار وحدث ولا حرج أي واحد فيهم بيتعامل معاك كأنها حقت أبوه وأنت جاي تشحد من حنانو، صرة وش وزفارة لسان..... غايتو الجماعة ديل دعاء المظلومين عليهم سااااي يوديهم في جهنم مع ناس أبو جهل وفرعون وهامان......
كدي بالأول رسلي لي من قطركم دي جزلان الأشوفو وأعرف شكلو كيف يمكن لو عجبني أطلب الجنزير وأصورو وأعملو بروفايل كمان وبعدين القال ليك الخرابي دي بي سجما ورمادا رخيصة منو؟؟؟ عندنا ناس أرخص منها مية مرة ومواعيده زي الساعة، بس تقولي شنو لمواعيد الجامعات الما مفهومة وما معروف ليها أول من آخر وده موضوع تاني عاوز ليه دستة بوستات....
تقولي لي جزلان... بعد شوية تسميني أبو جنزير ظااااااااطو......
Post: #30 Title: Re: الخطوط الجوية السودانية تكذب وتتحرى الكذب Author: وضاحة Date: 04-06-2012, 11:22 PM Parent: #20
Quote: عندنا ناس أرخص منها مية مرة ومواعيده زي الساعة، بس تقولي شنو لمواعيد الجامعات الما مفهومة وما معروف ليها أول من آخر وده موضوع تاني عاوز ليه دستة بوستات....
السنجك
مواعيد شنو هو متين السودانيين بعرفوا المواعيد
معروفيين على مستواء العالم ماعندهم مواعيد
ما تزعل بث دى الحقيقة
اقول
الملاح الخدر عندك والقراصة
بث حلتك عينة
Post: #18 Title: Re: الخطوط الجوية السودانية تكذب وتتحرى الكذب Author: خالد حاكم Date: 04-06-2012, 00:27 AM Parent: #15
عزيزنا الشايقى سلامات
زمان كان فى رحلة لسودانير كل اربعاء من كل اسبوع على النحو التالى :
الخرطوم دنقلا دنقلا جدة جدة دنقلا دنقلا الخرطوم
لا اعرف اذا كانت هذه الرحلة ما زالت مستمرة حتى الان ام توقفت ؟
يعنى الرحلة دى بتبدا من الخرطوم الساعة السادسة صباحا وتنتهى فى الخرطوم الساعة السادسة مساء سافرت فى الرحلة دى من دنقلا الى الخرطوم عام 2000 يوم السفر ذهبنا الى المطار وبعد عمل كل اجراءات السفر الى الخرطوم وفى انتظار وصول الطائرة من جدة , اكتشف مدير محطة دنقلا بعد وصول الطائرة بان زميله مدير محطة جدة قام بتسفير 70 شخص من ركاب الخرطوم من جدة الى الخرطوم عبر دنقلا بدون اخطاره , وطبعا ده بقى على حساب 70 راكب من ركاب دنقلا الى الخرطوم ! عليك الله شوف الاستهتار ده قدر كيف بحقوق الناس ! هذه التصرف الغير مسئول كلفنى والكثيرين المكوث بدنقلا 3 ايام الى ان سافرنا يوم الجمعة فى طائرة صغيرة !
Post: #19 Title: Re: الخطوط الجوية السودانية تكذب وتتحرى الكذب Author: عبد اللطيف بكري أحمد Date: 04-06-2012, 02:21 AM Parent: #18
إنت ليه ياخ تحرمني من حقي الأدبي؟؟؟
Post: #23 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-06-2012, 06:07 AM Parent: #19
Quote: إنت ليه ياخ تحرمني من حقي الأدبي؟؟؟
حسي كان جبت سيرتك برضك ماشي تقول لي تجيب اسمي في بوست نجيهه لييييييييييييييييه...
كدي وب وكدي ووووووووب يحلنا الحل بله....
أهه عدلناها وجبنا سيرتك،،، الله ينجينا من سرة خلقو...
Post: #22 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-06-2012, 06:03 AM Parent: #18
Quote: اكتشف مدير محطة دنقلا بعد وصول الطائرة بان زميله مدير محطة جدة قام بتسفير 70 شخص من ركاب الخرطوم من جدة الى الخرطوم عبر دنقلا بدون اخطاره , وطبعا ده بقى على حساب 70 راكب من ركاب دنقلا الى الخرطوم !
وكت مافي زول نازل دنقلا ولا زول راكب منها؟ طيب الطيارة دي مشت دنقلا في شنو؟؟ إلا كان الطيار كان داير يشيلوا تركين؟؟
Post: #24 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-06-2012, 07:34 AM Parent: #22
Quote: الخطوط الجوية السودانية تكذب وتتحرى الكذب
وتتواصل المهزلة ركاب رحلة اليوم الجمعة 6 أبريل تم إحضارهم للمطار منذ الخامسة صباحاً والآن التاسعة والنصف ولا يزالوا قابعون في الصالة ولا أحد يعلم متى ستطير بهم ستهم على قول أبناء النيل في مطار القاهرة....
والله يستر من السقف البيقع فوق روسين الركاب ويجي المضيف يلصقه بالشريط اللآصق، ولا غاز الفريون حق التكييف البيتسرب جوة الكبينة....
Post: #25 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-06-2012, 04:42 PM Parent: #24
Quote: نأمل أن تقلع وتصل بالسلامة
نبارك لسودانطير وصول ستهم متأخرة ساعة ونصف فقط عن الموعد المحدد، كما لم يسقط السقف المستعار ولم يتسرب غاز الفريون في هذه الرحلة، وهذا يعتبر إنجازاً عظيماً نشكرهم عليه....
Post: #28 Title: Re: الخطوط الجوية السودانية تكذب وتتحرى الكذب Author: خالد المحرب Date: 04-06-2012, 10:27 PM Parent: #27
السنجك ياخوى اتحمل تبعات الاختيار
Post: #31 Title: Re: الخطوط الجوية السودانية تكذب وتتحرى الكذب Author: خالد حاكم Date: 04-06-2012, 11:24 PM Parent: #28
Quote: وكت مافي زول نازل دنقلا ولا زول راكب منها؟ طيب الطيارة دي مشت دنقلا في شنو؟؟ إلا كان الطيار كان داير يشيلوا تركين؟؟
الشايقى سلامات انت لو كان ركزت على خط سير الرحلة كما وضحت ليك فى بداية مداخلتى ما كان سالت السؤال الفوق ده!
الرحلة من جدة خاصة بدنقلا , وبعد ركاب دنقلا الطيارة كانت فيها عدد 70 مقعد فاضى , لكن الرحلة من دنقلا الى الخرطوم بنفس الطيارة مافى ولا مقعد فاضى , كل المقاعد محجوزة من دنقلا الى الخرطوم ولا مجال لاى راكب من جدة الى الخرطوم عبر دنقلا فى نفس الرحلة .
وحمدا لله على سلامة وصول اولادك.
Post: #33 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-07-2012, 04:54 AM Parent: #28
Post: #29 Title: Re: الخطوط الجوية السودانية تكذب وتتحرى الكذب Author: Hani Arabi Mohamed Date: 04-06-2012, 11:08 PM Parent: #25
Quote: نبارك لسودانطير وصول ستهم متأخرة ساعة ونصف فقط عن الموعد المحدد، كما لم يسقط السقف المستعار ولم يتسرب غاز الفريون في هذه الرحلة، وهذا يعتبر إنجازاً عظيماً نشكرهم عليه....
Post: #32 Title: Re: الخطوط الجوية السودانية تكذب وتتحرى الكذب Author: صديق الموج Date: 04-06-2012, 11:56 PM Parent: #29
انت البوديك لى ابو ريالين شنو؟؟؟؟؟؟؟؟؟؟ وحاتك صاحبنا باحدى طيارات الاثنين دى وشحن عفشه بما فيها بدل العرس وعرسه الاربعاء .. حضر الحنه بالتلفون كانت الاربعاء وحضر حفلة يوم الدخله بالتلفون من النادى يوم الخميس وهو هنا احد الخبيثين قال ليه طيب اتصل على مديرهم خلى يمشى الفندق يوم الجمعه وحاتك صاحبنا سافر صباح السبت.. تقول لى اولادى يا الشايقى،،،
Post: #34 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-07-2012, 05:01 AM Parent: #32
Quote: انت البوديك لى ابو ريالين شنو؟؟؟؟؟؟؟؟؟؟
وحاتك أغلى من طيران ناس، لكن الظروف جباره، ولولوة ناس الجامعات في المواعيد تخلي الزول يتجهجه وما يكون قدامه غير تذاكر مفتوحه....
Quote: حضر الحنه بالتلفون كانت الاربعاء وحضر حفلة يوم الدخله بالتلفون من النادى يوم الخميس وهو هنا
طيب يا صديق دي والله فكره حقو تديها لي مفتي يمكن يطلعو لينا زواج التلفون؟؟؟؟؟ وبالطريقة دي يمكن نخلف موبايلات.....
غيتو أنا تبت تاني من حاجة اسمها سودانطير،، كان أدوني ليها مجان ما بركبها ولا بركب أولادي فيها... الخلا ولا الرفيق الفسل
Post: #35 Title: Re: الخطوط الجوية السودانية تكذب وتتحرى الكذب Author: اسعد الريفى Date: 04-07-2012, 06:12 AM Parent: #34
الشايقى سلامات و حمدا لله على السلامة و الله سودانير دى ما يركبها الا فولترون
Post: #36 Title: Re: الخطوط الجوية السودانية تكذب وتتحرى الكذب Author: نادر النور آدم Date: 04-07-2012, 07:51 AM Parent: #35
اخونا/ عمنا الشايقي تحية الصباح انا المحيرني هو بعد الحاصل دا كلو لسة في ناس بتسافر على السودانية ولسة في زحمة وعدم توفر حجوزات .. ياخ دا كلام غريب جدا
كســــرة:
Quote: الواجعني أنها كانت شنطة مرتي لما جات عروس وكان فيها العدة....
والله دي تشرط كرررررررر .. مش توجع وبس
Post: #37 Title: Re: الخطوط الجوية السودانية تكذب وتتحرى الكذب Author: Hisham Ibrahim Date: 04-07-2012, 11:59 AM Parent: #36
سجم الرماد دي ما باقي فيها غير الشعار ...!
كان ناس عارف ديل باعو تاني مافيها حاجه ..!
وهو الشعار يركبوا في شنو ..؟ طيارات ما في ..
الا كان يرّكبوا في دلاقينهم دي ..
كل خساره وجع، الا خسارة سودانير ( اوجاع أمه بحالها ) ...
Post: #38 Title: Re: الخطوط الجوية السودانية تكذب وتتحرى الكذب Author: Hani Arabi Mohamed Date: 04-07-2012, 01:05 PM Parent: #37
انظر كيف نجحت كينيا وأثيوبيا ومصر في تشغيل شركات طيران نافست الشركات العالمية.
الطيران المصري والطيران الإثيوبي اليوم أعضاء في تحالف النجوم الذي يضم نخبة من أفضل شركات الطيران.
والخطوط الجوية الكينية تتمتع بإدارة ممتازة من الخطوط الجوية الهولندية (المملوكة بدورها وبنسبة كبيرة للخطوط الجوية الفرنسية)
وشركتنا ما زالت تترنح.
الناقل الجوي الوطني ليس مجرد شركة، وليس مجرد ناقل، لكنه يعني الكثير لأي مواطن - خصوصاً من يسافرون للخارج ويعيشون بين الأمم -
Post: #39 Title: Re: الخطوط الجوية السودانية تكذب وتتحرى الكذب Author: maman Date: 04-07-2012, 04:09 PM Parent: #38
يا شيخنا الشايقي: السايقي واصلي
Post: #40 Title: Re: الخطوط الجوية السودانية تكذب وتتحرى الكذب Author: ولياب Date: 04-07-2012, 06:01 PM Parent: #39
يا الشايقي
سلام والله يعينا على ناقلنا الوطني
معاناة رقم (1) أخوكم يحجز على السودانية من الرياض للخرطوم في العام (2001) وبعد تعديل المواعيد لأكثر من مرة نصل الخرطوم وأتفاجأ بعدم وصول أي قطعة (عفش) وفي إنتظار العفش يضيع (5) أيام من إجازتي حيث أنني مسافر للاقاليم ، إضافة لعدم وجود ملابس للغيار لنا جميعاً .
معاناة رقم (2) التكرار للمعاناة (كوبي بيست) في إجازة العام (2002) وقد كتبت من الخرطوم عن رحلة الرياض رقم 219 في موقعنا هنا .
معاناة رقم (3) التكرار للمعاناة (كوبي بيست) في إجازة العام (2005) .
معاناة رقم (4) لم أتعظ بتلك التجارب المريرة وفي العام(2007) نويت السفر بمفردي ونظراً لضيق إجازتي ولعدم وجود حجوزات في اي ناقل توجهت للسودانية على أساس السفر يوم سبت وبعد تأكيد الحجز إتصلوا بي قبل الرحلة بساعتين ، قائلين لا تمشي المطار حتى نخطرك ، فرحت جداً لهذا التقدم والاهتمام بالساده العملاء ، وقد تخيلت أنهم سيتصلون على خلال ثلاثة إلى ستة ساعات ولكنهم لم يفعلوا ، وبدأ اليأس يدب في دواخلي مضى السبت وراح يوم من إجازتي ، وأتى الأحد والقلق يساورني وبعد عدة محاولات مريرة أجد من يجاوبني على الهاتف ، أنتظر حتى نخطرك وانا في الانتظار تسربت ايام إجازتي بين يدي ولم استطع السفر إلا بعد ضياع اليوم الخامس أي ( الأربعاء) .
وها نحن على أبواب الاجازة الصيفية ولسنا ندري ما يخبئه الناقل الوطني للساده المسافرين هل سيربطون الأحزمة إستعداداً للإقلاع ، أم ستظل الأحزمة مفكوكة لحين إشعار آخر ، مع أجمل شعار يحمله أسطولنا الجوي ( الشمس المشرقة) .
Post: #44 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-07-2012, 10:23 PM Parent: #40
Quote: يا الشايقي
سلام والله يعينا على ناقلنا الوطني
معاناة رقم (1) أخوكم يحجز على السودانية من الرياض للخرطوم في العام (2001) وبعد تعديل المواعيد لأكثر من مرة نصل الخرطوم وأتفاجأ بعدم وصول أي قطعة (عفش) وفي إنتظار العفش يضيع (5) أيام من إجازتي حيث أنني مسافر للاقاليم ، إضافة لعدم وجود ملابس للغيار لنا جميعاً .
معاناة رقم (2) التكرار للمعاناة (كوبي بيست) في إجازة العام (2002) وقد كتبت من الخرطوم عن رحلة الرياض رقم 219 في موقعنا هنا .
معاناة رقم (3) التكرار للمعاناة (كوبي بيست) في إجازة العام (2005) .
معاناة رقم (4) لم أتعظ بتلك التجارب المريرة وفي العام(2007) نويت السفر بمفردي ونظراً لضيق إجازتي ولعدم وجود حجوزات في اي ناقل توجهت للسودانية على أساس السفر يوم سبت وبعد تأكيد الحجز إتصلوا بي قبل الرحلة بساعتين ، قائلين لا تمشي المطار حتى نخطرك ، فرحت جداً لهذا التقدم والاهتمام بالساده العملاء ، وقد تخيلت أنهم سيتصلون على خلال ثلاثة إلى ستة ساعات ولكنهم لم يفعلوا ، وبدأ اليأس يدب في دواخلي مضى السبت وراح يوم من إجازتي ، وأتى الأحد والقلق يساورني وبعد عدة محاولات مريرة أجد من يجاوبني على الهاتف ، أنتظر حتى نخطرك وانا في الانتظار تسربت ايام إجازتي بين يدي ولم استطع السفر إلا بعد ضياع اليوم الخامس أي ( الأربعاء) .
وها نحن على أبواب الاجازة الصيفية ولسنا ندري ما يخبئه الناقل الوطني للساده المسافرين هل سيربطون الأحزمة إستعداداً للإقلاع ، أم ستظل الأحزمة مفكوكة لحين إشعار آخر ، مع أجمل شعار يحمله أسطولنا الجوي ( الشمس المشرقة) .
الحبيب ولياب
نصيحة سيبك من ستهم وعليك بست الناس (طيران ناس) رخيصه وناسا مؤدبين وحلوين....
Post: #42 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-07-2012, 06:47 PM Parent: #39
Quote: السايقي واصلي
حبيبنا مامان شبيه الند ده لامن تسوق،،، لكن المشكلة لامن يدوك بطاقة صعوت أقصد (صعود) الطائرة وتدخل في بطنها ينزلوك ويقولا ليك مافي سفر ومر علينا بعد يومين تلاته؟؟؟
تخيل واحد راجع في آخر يوم لتأشيرة العودة؟ طوالي يلحقوه أمات طه....
Post: #43 Title: Re: الخطوط الجوية السودانية تكذب وتتحرى الكذب Author: Hani Arabi Mohamed Date: 04-07-2012, 06:54 PM Parent: #41
الغربة خارج الوطن تزيد الشعور الوطني وتزيد الإحساس بالوطن وبكل ما يرتبط به.
والناقل الجوي لكل وطن هو جزء مما ينعكس عليه هذا الإحساس
لكن هل يستوي الظل والعود أعوج ؟
Post: #45 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-08-2012, 05:39 PM Parent: #43
رسالة أخرى عبر البريد الإلكتروني في ذات السياق من قارئ للمنبر
Quote: الاخ المحترم / حسن
السلام عليكم ورحمة الله وبركاته
بالنسبة لموضوع سودانير فان المداد الذي اريق على صفحات الجرايد والمنتديات بشان بيان سوءات وفضائح هذه الشركة يكفي ان يجري بحارا ، ولكن لا زال الطيبون من اهلنا يهدرون اموالهم واعصابهم واوقاتهم بالسفر على هذه الشركة الكسيحة .
عن نفسي لم ولن اسافر عبر هذه الطائرة ابدا باذن الله ويكفي ما اسمعه واشاهده في صالات المطارات من صراخ الاطفال واهات الكبار وعذابات المرضى .
ودعنا نعمل مقارنة بسيطة بين الخطوط السودانية والخطوط والقطرية فالاولى كانت تسير رحلة كل يوم الى الدوحة وكان هذا في عام 1995 وهو تاريخ انشاء شركة الخطوط القطرية وكانت القطرية الى ما قبل فترة قليلة تسير رحلة واحدة اسبوعيا الى الخرطوم ، فتعالوا لننظر الى الحال بعد هذه السنوات حيث اصبحت السودانية اليوم تسير رحلة واحدة في الاسبوع الى الدوحة وابو ظبي مجتمعتين ، وبالمقابل فان القطرية اصبحت تسير رحلتين مباشرة الى الخرطوم كل ما طلعت الشمس وكل الصينيين والخواجات والاسيويين يسافرون عبرها الى السودان .
وعبر هذا المنبر فاني ادعوا كل اهلنا بمقاطعة هذه الشركة ودعوا عنكم دعاوي الدجالين والمخدوعين من ان هذا ناقل وطني وو وليذهبوا الى الشركات المحترمة التي تقدر الراكب وتحترمه وهذا كل عن تجارب فانا عندما استقبل مسافرا على السودانية فاسكون في وقت مفتوح الى ما شاء الله ، اما عندما استقبل مسافرا على القطرية فانني اتصل على رقم البدالة وادخل رقم الرحلة عبر التلفون واعرف عبر الرد الآلي مواعيد وصول الرحلة بالدقيقة والثانية واذهب في وقت محدد بدون هدر للوقت والمال والاعصاب .
Post: #46 Title: Re: الخطوط الجوية السودانية تكذب وتتحرى الكذب Author: Al-Shaygi Date: 04-09-2012, 05:47 AM Parent: #45
طائرة سودانير الكوميت 4 سي لما كان أسمها سفريات الشمس المشرقة في مطار هيثرو.... زمن كان تضبط ساعتك على قيامها وهبوطها،،، ولو أختلف الزمن تبقى ساعتك مش مظبوطة... زمن كانت تجوب المطارات القاهرة روما فرانكفورت لندن .... .... الخ...
Post: #50 Title: Re: الخطوط الجوية السودانية تكذب وتتحرى الكذب Author: Al-Shaygi Date: 06-02-2012, 09:50 PM Parent: #49
Quote: الخطوط الجوية السودانية تكذب وتتحرى الكذب
ترا الموسم دخل والمنافسه حتى الأريترية بت أمبارح دخلت عن طريق أسمرا،وبسعر زهيد ومغري لأي شخص،، غير الخطوط العريقة الداخلة من زمان يا ربي سوداطير ماشية تقدم شنو لموسم السفر الصيفي من الرياض وجدة والدمام للخرطوم؟؟؟
هل أتممتم العدة ووضعتم خطة متكاملة شاملة التأجير (الطيارات العندكم 11 والشغالة 5 والخمسة ما كلها مؤهلة للطيران في الخطوط الدولية).... لمواكبة تحديات الموسم؟ وليس الموسم فحسبب ،،، بل الدخل القومي بالعملات العسيرة الصعبة التي يفتقدها إقتصادنا؟
نأمل أن يبيض الناقل الوطني الذي يمثل الوطن وليس المؤتمر الماعارف شنو داك.. وشعاره السودان وليس الحزب
ليتكم تلبون إحتياجاتنا ولا تلجأونا للطيران الأجنبي الذي هو أرحم وأحن منكم وأمن منكم
