يا بيدقاَ عنا ذهب ..

صخب صخب
قال الرئيس المنتخب
جاء الرئيس المنتخب
كلا.......ذهب
مات الرئيس المنتخب
صخب صخب
*****
فرس تسابق وحده
حتما غلب!!
كل المقابر صوتت
بل كل ذو عقل ذهب
و الجن ادلوا دلوهم
فالجن من هذا الشعب!!
*****
يا بيدقا عنا ذهب
فينا الذي القاك فى قصر الحجارة و الخشب
فينا الذي قاد {البكب}
فينا الذي كتب البيان و ما ارتعب
فينا الذي اهداك مفتاح القيادة و الرتب
فينا الذين تجشموا......
صيف العبور
وعزة السودان
و الميل الصعب
فينا نواة الثورة الكبرى بدت
شعبان بل اكتوبر الكبرى
و ابريل -رجب
يا بيدقا عنا ذهب:
ما ادراك ما الشورى
وما الدستور
ما هذا التعب؟
بالله حدثني عن الدستور
في الكلية الحربية الصغري
او الكبرى.....
متى منها اقترب؟؟
ان انت الا
مثل حكام العرب
الان تقتات الهزيمة و الوصاية
و التهافت و الصخب....
الان ياتي من طغى من كل صوب او حدب
كل له طلب طلب...
و المطلب الاسمى لهم
ان تسكن الدين (الترب)
يا بيدقا عنا ذهب
لا تحسبن الحكم رقصا او طرب
صخب صخب
لا ريب في الجور العطب
لا ريب في الكبت اللهب
سل جعفرا كيف الهرب
يوما اذا الشعب انتصب
ماج اضطرب
سيل له صخب صخب
ما كافح الجند الشغب
لكنه فيه ارتغب!
*****
انا نذيق طغاتنا
شتى افانين التعب
صخب صخب

ــــــــ
سؤال لمنسوبي المؤتمر الشعبي .. من كاتب هذه القصيدة ؟ علمت انه احد منسوبيكم قد كتبها في عمر البشير بعد المفاصلة .

المنبر يا كافي البلاء ما فيهو عضوية مؤتمر شعبي ؟ :)

طيب عضوية لمؤتمر الوطني " و لو فيها احراج يعني " ممكن تورونا شاعر القصيدة دي منو ؟
و البيدق المقصود ده منو ؟ :)

طيب اسهلها ليكم

البيدق اي الجندي
المقصود به عمر البشير شخصيا بعد ان انقلب علي شيخو الترابي
هجاهو الشاعر في القصيدة العصماء اعلاه


الشاعر منو طيب ؟

(المعنى الاكثر تداولا)
البيدق الرجل الامعة فى موقع المسؤولية يحركه الاخرون كما يحركون لعب
الشطرنج..ولا يملك لنفسه قرار..

يا كافى البلا لا شعبى لاوطنى يا طارق,
طيب شوف ليك أى مؤتمر تانى ياخ,
إنشاء الله مؤتمر دول المحدش ليه علاقة بالتانى...

لستُ مؤتمرا شعبيا ولا وطنيا ولا مستقليا
لكن كاتب القصيدة اظنه صديقي معاذ الفاتح واذا عايز تتأكد ارسل ليك تلفونو

Quote: يا كافى البلا لا شعبى لاوطنى يا طارق, طيب شوف ليك أى مؤتمر تانى ياخ, إنشاء الله مؤتمر دول المحدش ليه علاقة بالتانى...

ههههههههههههههههههههههههههههههههههههههههههههههه



انا بصراحة ما راضي الحقارة لي منسوبي الوطني في سودانيزاونلاين
يشتموا ليهم رئيسهم الكلس عمر البشير و هم ساكتين
عاوزين في البوست ده نسمع رآيهم في شتم رئيسهم علي الملآ





ـــــــــــ
وين كيكي التفكيكي يجي يفكك لينا الملحمة الشعرية دي :)

Quote: يا بيدقا عنا ذهب لا تحسبن الحكم رقصا او طرب

لعل هذا يا خدر من عيون الشعر الاركلوجي السلس
ولكن ياخدر القصيدة في مجملها ماشة ببحر (اذا اتشاكل 2 حرامية ظهر المسروق) ودقت الصفائح
فالشاعر في طليعة قصيدته العصماء يخلد سيرة السرقة الانقلابية الاولي التي كان البيدق بشبش هو بيدقا من ذهب..

نراه يغني لسيف العبور الذي فجر الغضب الكان واشواق الحور العين
وفجاة يتحول نفس هذا الشاعر السارق لديمقراطية الشعب الي محتمي بالشعب وداعي الي الزمجرة والغضب والكركبة الاتية من جوووف الشعب..

وسنعود

ياخدر جمعة مباركة
جئنا للمرور والتحية وحذيفة اداك النجيضة

وبعدين ياخدر ناس الشعبي ديل لو المشير إمعة
ذي مابقول الزول ده ركبوا الماسورة كيف

شكرا يا حذيفة علي المعلومة
معاذ الفاتح من كوادر المؤتمر الشعبي اذن عطفا علي القصيدة
لا حاجة لي بالاتصال به .. القصيدة ايقونة في ادب الهجاء و يجوز تناولها بالتحليل و النقد او الاحتفاء
شكرا تاني علي المعلومة يا حذيفة

يا مسلمي شكرا علي المرور
و ان كان وجودك مهم في البوست باعتبارك من المدافعين عن المؤتمر الوطني
و الاسئلة دي محتاجة اجتهادك معانا و تاكيدها او نفيها

Quote: يا بيدقا عنا ذهب فينا الذي القاك فى قصر الحجارة و الخشب فينا الذي قاد {البكب} فينا الذي كتب البيان و ما ارتعب فينا الذي اهداك مفتاح القيادة و الرتب فينا الذين تجشموا...... صيف العبور وعزة السودان و الميل الصعب

منو من قادة المؤتمر الشعبي القي عمر البشير في قصر الحجارة و الخشب ؟ :)
منو الساق البكب ؟
منو الكتب البيان الاول للانقاذ و لم يخف او يرتعب ؟
منو الاتنازل للبشير عن القيادة و بالتالي عن الرتبة العسكرية ؟

الاتجشموا صيف العبور و عزة السودان و الميل الصعب دي طبعا اولاد الشعب السوداني الخدعتوهم بالجنة و الحور العين



منو الساق البكب و وين و ليه ؟ :)

يا خدر تحياتي
يبدو اني اخطأت فيما ذكرته لك فبعد التأكد اتضح ان الشاعر اسمه خالد ابوسليمان وليست لصديقي معاذ الفاتح