حادثة نظام التشغيل الامريكي مؤشر خطير لمستقبل التكنلوجيا في السودان

اذا واصلت الشركات الامريكية المنتجة والمتخصصة في انظمة تشغيل الكبيوترات في برنامج المقاطعة
سيجد من يعيش في السودان صعوبة كبيرة واحتمال استحالة في تحديث انظمة التشغيل الامريكية الصنع
او المنشأ، نحن لا نتحدث هنا عن شخص عنده لابتوب او pc في منزله، كل البنوك السودانية الآن تعمل
الكترونيا، ودوائر الحكومة الآن شبه الكترونية.

تلك المؤسسات الكبيرة لا تستطيع ان تتحايل على القوانين الامريكية للمقاطعة، ليس كالافراد، بعشرة
ريال من اي رصيف من بنغالي في جده يمكنه ان يوفر لك آخر اصدارة من اي برنامج تشغيل، ام المؤسسات
الكبيرة فلا تملك ان تلجأ لهذا الخيار.

بمعنى آخر، قد نجد انفسنا في السودان متأخرين جدا في انجاز معاملاتنا التي لجهاز الكمبيوتر
دخل بها، استخراج شهادة بحث، عمل تأشيرة خروج، سحب نقدي من الـ ATM ، شراء تذكرة سفر ..الخ

وليت الامر اقتصر على ذلك، بل ان الشلل قد يصيب حتى الاجهزة الطبية المطورة الكترونيا، ويحضرني
هنا ما سمعته من قبل في لقاء اجرته البي بي سي في سلسلة حلقات ايام احتفال كوبا بعيد الثورة الخمسين
ومن ضمن هذه اللقاءات، ما ذكره طبيب انهم كوزارة صحة اشتروا جهاز من دولة اوروبية لعلاج السرطان
بالاشعاع، وعندما تعطلت به قطعة صغيرة طلبوا بديلا لها، ولكن الشركة اعتذرت لان هذه القطعة امريكية الصنع
وهم ملزمون بقوانين المقاطعة الامريكية، فالطبيب الآن ينظر متحسرا على ذلك الجهاز الذي كلفهم 2 مليون دولار.

انها حرب التكنلوجيا، التي قد تشل نظامك الحكومي والمالي حتى في مجال الاتصالات، نعم، قد يودع السودانيون
الموبايل عما قريب ويعودوا للسلك الارضي، لا مس كول لا يحزنون.

لا اداري كيف سيتسنى لكتيبة الجهاد الالكتروني ان تحارب امريكا وتأديبها بذات ادوات امريكا الالكترونية؟؟

وثالثة الاسافي، لو امريكا قالت كده وقفلت "البلف" بتاع الانترنت!!!!!!!!!

(مافى اى مشكله) نحن محكومين بعصابه ظلت ولزمان طويل تشترى اسبيرات البوينق على نفس طريقة الشراء من البنقالى..موضوع المقاطعات بقسم مع ناس تانين ماجماعتنا ديل ..!!!!

د. محمد بابكر
تحياتي

نعليش للتاخر في الرد

Quote: (مافى اى مشكله) نحن محكومين بعصابه ظلت ولزمان طويل تشترى اسبيرات البوينق على نفس طريقة الشراء من البنقالى..موضوع المقاطعات بقسم مع ناس تانين ماجماعتنا ديل ..!!!!

الموضوع دا من سنة 2007 او 2005 ما عارف، دا بنغالي شنو دا البفتشو عليه سبع سنة دا؟؟

no way

زي ما قلت ليك، دي برامج مافي طريقة للمباصرة، انا موضوعي هسه ما المصنع

انا في مستقبل التكنلوجيا الالكترونية في السودان؟؟

واثرها في مستقبل السودان كدولة محتاجة للنمو والتطور عشان تواكب العالم المتقدم دا

الحل ببساطة في ذهاب هؤلاء الذين جاءوا لنا بكل هذا الخراب.

ومجيء من يعيد الأمور مع العالم كلّه إلى نصابها.

مقاطعة امريكية اكبر جريمة
من الافضل ان يعترف الحكومة بجرائمها النكراء حتى لا يعاني الشعب السوداني

يا دفعة والله ناس اسكول زمان الواحد من هو في ثالثة
وقبل التخرج بكون بقبض في العدادات ياخ
وقبل ما يتخرجوا بكونوا حجزوهم ناس الشركات والحكومة
وبعدين أي سيستم ممكن تأمنه تاني الجن الاحمر
ما يقدر يفكـ شفرته ودا ما عيب بالعكس حفاظ على الحقوق
يعني أكيد الشركة الامريكية دي بتكون مأمنه السيستم بتاعها كويس
وناسنا ديل شغالين استهبال وعاملين فيها عباقرة
ما مشوا للشركة مباشرة وكانوا منتظرين الشركة الهندية ولا شنو دي
تجيب ليهم السيستم وتشغل المصنع
ولكن الشركة مجرد ما عرفت السيستم ح يشتغل في السودان
قالت ليهم الحسوا كوعكم .............

تحياتي

Quote: الحل ببساطة في ذهاب هؤلاء الذين جاءوا لنا بكل هذا الخراب. ومجيء من يعيد الأمور مع العالم كلّه إلى نصابها

سلام هاني

دا حل صعيب خلاص، لكن نعمل شنو، جاري التنفيذ run

ذو اليد
كده اشرح لينا الكلام دا تاني

Quote: مقاطعة امريكية اكبر جريمة من الافضل ان يعترف الحكومة بجرائمها النكراء حتى لا يعاني الشعب السوداني

سلام يا امينو

Quote: ولكن الشركة مجرد ما عرفت السيستم ح يشتغل في السودان قالت ليهم الحسوا كوعكم .............

انا في لحس الكوع دا زاتو يا ايمن

هل ح يتواصل ام تأثيرة محدود؟؟

اها الليلة عرفنا انو مصنع السكر ما ح يشتغل، هل بكره ممكن نصحى من النوم ونلقى مثلا
مصفاة الجيلي برضو ما شغالة لانو نظام التشغيل امريكي وانتهت مدة صلاحيتة والامريكان رفضوا يجددوا الرخصة؟؟

او تمشي تسحب قروش من البنك ويوقولو ليك السيستم داون؟؟

ح يقولو ليهم الحسو شنو تاني ايمن، وانت عارف الامريكان ديل لسانهم فالت
kiss my شنو كده ما عارف

حاضر يا احمد بن عوف
الموضوع كل الاتي
ناس الحس كوعك
والامريكان ليكم تدرنا دا ما ينفع الان
الحكومة الامريكية لن تدعم السودان بثقال ذرة من الصناعات الامريكية
وهذا ما يحدث الان
لن نستمتع بالتكنولوجيا في السودان
يعني من الافضل نسى شعارات الكيزان البيقولو يا الامريكان ليكم تدربنا
ويصلحوا العلاقات
ويتنازلوا من اجل الشعب يعيش برفاهية التكنلوجيا

Quote: ويتنازلوا من اجل الشعب يعيش برفاهية التكنلوجيا

ويموتوا في جنوب كردفان بذات التكنولجيا التي تتيح لهم تشغيل طائرات بدون طيار؟؟

وما علاقة 4.5 مليون دارفوري في معسكرات النزوح بالتكنلوجيا اصلا

المقاطعة الامريكية لم تأتي من فراغ

من المعلوم ان المقاطعة الامريكية لديها عدة مستويات، اقساها ما هو ممارس مع كوبا
وطهران الآن في الخط، بمعنى ان المقاطعة الامريكية في السودان اليوم هو عصر الحكومة السودانية
اقتصاديا، النظام فقط هو هدفها، وليس الشعب، لكن بالضرورة سيتأثر الشعب بدرجات متفاوته

علم يا احمد
والله كلامك صحيح
ندعم جهود الحكومة الامريكية في المقاطعة
حتى لايضرر الشعب من قتل وتشريد عبر الاسلحة الحديثة

Quote: ندعم جهود الحكومة الامريكية في المقاطعة حتى لايضرر الشعب من قتل وتشريد عبر الاسلحة الحديثة