الموقف العسكري على الأرض...

ممكن واحد مطلّع - ذو مصداقية - يورّينا بالضبط الحاصل شنو؟
هجليلج حاليّا تحت سيطرة منو
و تلودي كذلك
والقوات التي على بعد ستة كيلو من الأبيض

بيانات الصوارمي و كذلك الجبهة الثورية واضح انها ضاربة و مموسرة و تفتقد للدقة
و المعلومات الواردة فيها عبارة عن امنيات و هتافية أكثر منها بلاغات عسكرية دقيقة

غريب انو في عصر المعلوماتية و الأقمار الصناعية ووسائل الإتصال يكون لسة التعامل مع المعلومة و الموقف العسكري على طريقة احمد سعيد من صوت العرب على ايام سبعة وستين

Quote: ذو مصداقية

صعبتها شديد يا عمك
يجيبوهو ليك من وين دا ؟؟

سلام يا محمد


أنا غايتو نجيضتي

في إتفاق ضمني بين أطراف النزاع إنو الوضع يكون مغبش كدا

وباقي الجمهور يكون عايش في هلع وخوف من الآخر ويكون المنعطف الخطير الذي تمر به البلد دا مستمر على طول

زي ما قال ليك عمك عاطف ... صعبتها شديد.

طبعاً في الحروب في وحدة من وحدات الجيش (أظنها التوجيه المعنوي)، مهمتها رفع الروح المعنوية للجنود. فقالوا في أيام سئ الذكر جعفر نميري، الجماعة جابوا تقرير لعمر محمد الطيب عن العمليات في الجنوب، كلها كلام من نوع: دحرنا وضربنا وكسحنا. .... (الراجل) مسك قلمو وكتب تعليق من كلمتين [كضب السواد].

والله لكن غواصات اخر زمن
اول مره اشوف لى غواصه يستعين بى صديق عشان يعرف الحاصل شنو
حليل ايام الغواصات الكانوا بيهزوا ويرزوا ,,

أأأأأأه زمن ...

قرقرقرقرقرقرقرقر

بالجمبه كدا
مشتاغون ياخ ..

Quote: بيانات الصوارمي و كذلك الجبهة الثورية واضح انها ضاربة و مموسرة و تفتقد للدقة و المعلومات الواردة فيها عبارة عن امنيات و هتافية أكثر منها بلاغات عسكرية دقيقة غريب انو في عصر المعلوماتية و الأقمار الصناعية ووسائل الإتصال يكون لسة التعامل مع المعلومة و الموقف العسكري على طريقة احمد سعيد من صوت العرب على ايام سبعة وستين

بل هي كبيانات الصحاف .. وتحليلات د. يوسف شاكير (ليبيا القذافي)

خجلت لتصريحات الصوارمي امس في الجزيرة!
لا لها عقة باللغة و البلاغة، و لا المهنية و العلمية!!

ودالبشرى سلام ...

لا املك معلومات عن الوضع العسكري على الارض اكثر من ما نسمعه في بيانات الناطق الرسمي للقوات المسلحة او للاطراف الاخري ، لكن المؤكد عندي ان الجيش السوداني والشرطة السودانية وقوات الأمن ظلت في حالة حرب ودفاع مستمر منذ العام 1955م (باستثناء سلام اديس ابابا 1973م والفترة التى اعقبت سلام نيفاشا 2005م) وطوال هذه السنوات لم تنجح اى جماعات عسكرية في الحاق هزيمة واضحة المعالم بالجيش السوداني وحتى المدن الطرفية التى كانت تسقط في ايدي الحركة الشعبية أو الجماعات المسلحة لايلبث ان يستردها الجيش وفي الغالب كانت الاطراف الاخري تنسحب قبل ذلك فليس بامانكهم احداث سيطرة مستمرة على تلك المدن.
خذ مثال لذلك طوال حرب الجنوب لم يصل تهديد الحركة الشعبية الى مدينة مثل ملكال وحدثت لمرة او اثنين اختراقات من قبلهم لدفاعات مدينة جوبا لكن المدينة لم تسقط في ايديهم أو خذ مثال اخري دخول قوات العدل والمساواة لمدينة الفاشر قبل عدة سنوات اكتفوا بتخريب واحراق عدد من الطائرات لكن لم يفكروا مجرد تفكير في السيطرة والاستيلاء على مدينة الفاشر أو دخولهم امدرمان الذي كان قاصمة ظهر لقدراتهم العسكرية !!!
واضح من خلال بعض الاحداث التى اعقبت سلام نيفاشا ان الحركة الشعبية سعت الى تطوير قدراتها العسكرية (لو تذكر على سبيل المثال قضية السفن المحتجزة في كينيا والتى كانت تحمل دبابات) كما سعت ايضاً الى رفع قدرات منسوبيها وتنظيمهم في شكل جيش نظامي حديث ، بالطبع هذا امر يأخذ وقتاً طويلاً جداً والى ذلك الحين يظل الجيش السوداني والقوات النظامية الاخري هم الاكثر تنظيماً وإستعداداً من حيث التدريب والخبرة والامكانات البشرية وحتى الفنية واللوجستية.
اذن جل ما سيحدث هو مناوشات من الاطراف الاخري وخطط قائمة على مبدأ (اضرب واهرب) وهي بأي حال من الاحوال مزعجة للجيش السوداني ومنهكة وتستنزف الكثير من الاموال والارواح لكن لن تصل بأي حال من الاحوال الى حد تشكيل خطر حقيقي على الدولة السودانية أو قواتها المسلحة.

...

..

Quote: وتستنزف الكثير من الاموال والارواح لكن لن تصل بأي حال من الاحوال الى حد تشكيل خطر حقيقي على الدولة السودانية أو قواتها المسلحة.

..
...عمر عثمان يا صديق...
..
..تفتكر شنو ممكن يشكل خطر حقيقي ...اكثر من استنزاف الاموال و الارواح ؟؟؟؟
...بل و تشظي البلد الي بلدان ...فرغم انو الجيش الشعبي لم يحتل و لا مدينه واحده ...
...لكن في منتصف المطاف البلد اتقسمت ...
..و هي المحصله وليست الاخيره فلازال المسلسل (بور مان ...ريتش مان) .....يستمر
...
...المشكله و السؤال الحقيقي الممحنا ...انو (فور هاو لونغ) المحنه دي حتستمر ؟؟؟....
...و هل ستتوقف بانفلاق القبل الاربعه عن بعضها ؟؟؟ و هل ستنفلق ...ام ستتوالد اتجاهاتها مجددا كما الانشطارات النوويه.....فيكون هناك جنوب جديد ...كما الان ... وشرق جديد و غرب جديد ...و شمال جديد ...و نلحقها بالتحول الي انفلاقات.. المدن ...(شمال طوكر ...جنوب طوكر!!)...و من ثم الي القري والبيوت و الغرف؟؟؟؟؟!!!...و تبقي علينا حكاية جحا !!!!
.
.بلد ...ليهو 56 سنه من عمر استقلالو .... ما يتلقي فيهو رجال ونساء ...يحلو ليهو مشكله واحده؟؟؟
.
.غايتو نحاول نشوف لينا طريقه ....نلغي الاتجاهات دي ...و ندمجا في اتجاه واحد ...
...ككتله وحيدة الاتجاه من كل الجوانب (قطر اتجاه واحد ...مثلا!!)
.
.ايدكم معانا يا ود البشري
.
.
.ورد و ود مقيم ...و لصاحب البوست و ضيوفو
..
..الله فراجين

..

Quote: لا املك معلومات عن الوضع العسكري على الارض اكثر من ما نسمعه في بيانات الناطق الرسمي للقوات المسلحة او للاطراف الاخري ، لكن المؤكد عندي ان الجيش السوداني والشرطة السودانية وقوات الأمن ظلت في حالة حرب ودفاع مستمر منذ العام 1955م (باستثناء سلام اديس ابابا 1973م والفترة التى اعقبت سلام نيفاشا 2005م) وطوال هذه السنوات لم تنجح اى جماعات عسكرية في الحاق هزيمة واضحة المعالم بالجيش السوداني وحتى المدن الطرفية التى كانت تسقط في ايدي الحركة الشعبية أو الجماعات المسلحة لايلبث ان يستردها الجيش وفي الغالب كانت الاطراف الاخري تنسحب قبل ذلك فليس بامانكهم احداث سيطرة مستمرة على تلك المدن. خذ مثال لذلك طوال حرب الجنوب لم يصل تهديد الحركة الشعبية الى مدينة مثل ملكال وحدثت لمرة او اثنين اختراقات من قبلهم لدفاعات مدينة جوبا لكن المدينة لم تسقط في ايديهم أو خذ مثال اخري دخول قوات العدل والمساواة لمدينة الفاشر قبل عدة سنوات اكتفوا بتخريب واحراق عدد من الطائرات لكن لم يفكروا مجرد تفكير في السيطرة والاستيلاء على مدينة الفاشر أو دخولهم امدرمان الذي كان قاصمة ظهر لقدراتهم العسكرية !!! واضح من خلال بعض الاحداث التى اعقبت سلام نيفاشا ان الحركة الشعبية سعت الى تطوير قدراتها العسكرية (لو تذكر على سبيل المثال قضية السفن المحتجزة في كينيا والتى كانت تحمل دبابات) كما سعت ايضاً الى رفع قدرات منسوبيها وتنظيمهم في شكل جيش نظامي حديث ، بالطبع هذا امر يأخذ وقتاً طويلاً جداً والى ذلك الحين يظل الجيش السوداني والقوات النظامية الاخري هم الاكثر تنظيماً وإستعداداً من حيث التدريب والخبرة والامكانات البشرية وحتى الفنية واللوجستية. اذن جل ما سيحدث هو مناوشات من الاطراف الاخري وخطط قائمة على مبدأ (اضرب واهرب) وهي بأي حال من الاحوال مزعجة للجيش السوداني ومنهكة وتستنزف الكثير من الاموال والارواح لكن لن تصل بأي حال من الاحوال الى حد تشكيل خطر حقيقي على الدولة السودانية أو قواتها المسلحة

الاخ عمر
لافض فوك
اجمل تحليل اقراه عن مالات الوضع العسكرى فى ميدان القتال
وذى ماقلت القصد استنزاف لموارد ومقدرات الجيش السودانى التاريخوا بطولى فى الحرب

شكرا للشباب
كان الصوارمي ولاّ الجبهة الثورية ولاّ بوستات سودانيز كلو قنعنا من مصداقية فيهو
السؤال الاعلام العالمي ما شغال بالموضوع كتير ليه؟
تطورات الوضع في ليبيا اول بي اول كنا بنعرفها و لحظة حدوثها
و قبلها العراق و غيرها من بؤر الصراع , تلقى لقنوات زي السي ان ان و الجزيرة ووكالات مثل رويترز مراسلين على الأرض ينقلوا الصورة الحقيقية
لكن حربنا دي شكلها حرب فقراء لا تهم العالم في شيئ
ينتظروا إلى ان ينجلي الموقف و يحصوا جثث القتلى و يكتفوا ينقل تصريحات لمسؤولين هم نفسهن مقتنعين انها خرطي ولا علاقة لها بالواقع على الارض
و إلى ذلك الحين كل طرف يملأ التلفزيون و الجرايد و الأسافير خزعبلات و امنيات

الأخ ودالبشري سلامات ..

أنا غايتو وصلت لقناعة إنو كلما يشتعل المنبر ببوستات المعارضة التي تتحدث عن إنتصاراتهم و الواي واي أعرف إنو الزعط الشديد حارقهم حريق حار ..


قال ليك الجماعة شبكونا ليك الحركة علي أعتاب كادقلي، وبعد شوية سمعنا بالحلو متشعبط في الجبال .. جاكات جاء يجعجع قال عقار خاشي الدمازين - تاني يوم الراجل فك البيرق من الكرمك زاتها .. ناس العدل والمساواة فلقونا بالخرطوم جوة الخرطوم جوة لغاية ما جابوا خبر قائدهم خليل ابراهيم شخصياَ .. ياخوي ديل أكبر وهمة في تاريخ السودان .. تخيل إنو قوة العدل والمساواة كلها تمت إبادتها في أقل من ساعتين في أمدرمان ..

الواضح إنو الحرب دي يستفيد منها بعض القيادات التي تجد فيها إمتيازات إستثنائية من الدول الغربية لتسبيب القلق المستمر للسودان - أضف إليهم بعض الأكاديميين والمثقفين الهاربين في حضن الدول الغربية الذين يملأون فراغهم بتمثيل دور النضال من الخارج وهم ليسوا إلاّ منتفعين يعيشون في الباردة ويزجون بالبؤساء للحرب نيابة عنهم ..

Quote: الواضح إنو الحرب دي يستفيد منها بعض القيادات التي تجد فيها إمتيازات إستثنائية من الدول الغربية لتسبيب القلق المستمر للسودان - أضف إليهم بعض الأكاديميين والمثقفين الهاربين في حضن الدول الغربية الذين يملأون فراغهم بتمثيل دور النضال من الخارج وهم ليسوا إلاّ منتفعين يعيشون في الباردة ويزجون بالبؤساء للحرب نيابة عنهم ..

تسلم منير اخوي كلام في الصميم ...

شكرا منير و ابو احميد

لا زال الحصول على المعلومة الحقيقية الموثوقة اشق من لبن العصفور
كل يغني على ليلى امانيه و رغائبه
حسب المناضلين الجيش الشعبي و الثورية على تخوم الأبيض و كان لي ناس كادقلي و تلودي ديل خلاس على الهبشة قولة هوف ساي كدي تسقط
و الخرطوم موضوعها منتهي صفوف بنزين و تذمر و قتال و انقسام داخل صفوف الأمن و الجيش, و ناس الدفاع الشعبي كملوا جت عدموا نفّاخ النار
و ناس الحكومة واقفين صفوف في المطار في ميزان طيارة ماليزيا

وكان لي المجاهدين
عبد الرحيم ماسك الإبريق للبشير يتوضا عشان يحصّل العشاء في بانتيو ولاية الوحدة - هجليج طبعا صلوّا فيها العصر و المغرب قصر

ايّها الناس ...
واضح انو الوحيد ذو المصداقية هنا هو سلفاكير
قال احتلينا هجليلج اول مرة طلع كلامو صاح
و اسي قال ما طالعين وشكلو برضو كلامو صاح
خجلت ليك يا صوارمي و الله

والله يا محمد ما عايز اتلتلك

كنت عايز أفتح بوست لكن إتذكرت البوست دا


طيب يا جماعة واحد يجي يلخص لينا الوضع صراحة كدا راسنا لفة عديل والله بشرط يكون زول نجيضة حسب مقدمة البوست


هجليج لحدي هسة الحاصل فيها شنو بالتفصيل وبأمانة

أم دافوق وما جاورها في المسار الجنوبي الغربي

بس

ود البشرى سلامات

يأخى الموضوع فى تقديرى يتعلق بالبترول

المعارك تبدأ عادة بالمدفعية والطيران ثم الزحف البرِّى

الجماعة متمترسين بمنشآت البترول Infrastructure

المعادلة: كيف الدبارة مع تحييد المدفعية والطيران؟

أعتقد أن فى إعلان النائب العام بالأمس تجهيزه للدعاوى ما يُشير إلى إتخاذ قرار بالهجوم حتى لو أدّى لتدمير البنيات التحتية ...

قطعاً سيحتاج الأمر لوقت لإعادتها سيرتها الأولى ....

المُضحك : أن طيراننا لن يستطع مهاجمة منشآتهم البترولية: السبب (الصين) .. فهذا ما تحلم به أمريكا وتبتغيه...

الناس ما مشحودة على وطنيتها ولا مجبورة .... ولكن هل يرتقِ أهل الإنقاذ لتوسيع المواعين .....

طبعاً الجماعة بدءوا الدعاية المضادة ...وحتى لو لم يصبها الطيران فهى لن تسلم....

المصيبة: ناس إدريس حسن جاهزين للتوقيع .

ود البشرى :

Quote: لكن حربنا دي شكلها حرب فقراء لا تهم العالم في شيئ

العالم ، وتقرأ امريكا ، فعلت ما ترغبه في السودان
وأصبح ميدان حرب مفتوح في كل الجبهات
حرب الأغبياء هذه لن يهتم بها أحد
حتى تحقق كل مراميها واغراضها
والأغراض شتى

آخر الأنباء التي سمعتها عن قناة السودان قبل قليل بأن القوات المسلحة قد قد أحرزت تقدمآ كبيرآ نحو هجليج..! تحياتي

Quote: المُضحك : أن طيراننا لن يستطع مهاجمة منشآتهم البترولية: السبب (الصين) .. فهذا ما تحلم به أمريكا وتبتغيه...

بل لايهاجمونها لانها احدى اهدافهم ... دايرنها كما هي.

يا ود البشرى
ممكن نحلل على عجل كده ، انا ماشي أجهز للعقد والتحضير لأسئلة المأذون الإستفزازية

شوف ، هذا وكما تعلم ، عصر الصورة
والصورة صارت تحملها وتوزعها مئات القنوات
فلو في أي جهة إنتصرت ، وخاصة طرف السلطة
لكانت الصور ملت التلفزيونات حد الملل

عدم الصورة ، يعني ، ان الوضع لم يحدث فيه تغيير

مبروك للسودان رجوع هجليج سواء قتال و عنوة حسب بيان القوات المسلحة أو صفقة و أوامر انسحاب حسب سلفاكير

مرة تانية نقع ورطة غياب المعلومة الموثوقة من مصدر محايد وسط تناقض بيانات الطرفين

عموما اتمنى ان اقرأ تحليلا عسكريا محترفا لما جرى - كالذي قرأناه عن معارك غزو العراق و اكتوبر و سبعة وستين
اهو نتمنى هو التمني بقروش!!

Quote: عموما اتمنى ان اقرأ تحليلا عسكريا محترفا لما جرى

عسى ولعّل ...

حتى اللحظة وبعد مرور ستة أيام على عودة هجليج لسيطرة الجيش
هناك من يصّر في الجانب الآخر على أن الجيش الجنوبي انسحب و استجاب للضغوط و المطالب الدولية و ليس بسبب قتال الجيش السوداني و انتصاره
حتى بيان الإتحاد الإفريقي شكر حكومة الجنوب على الإستجابة !!!
في حين يدفن حاليا الهلال و الصليب الأحمر حوالي الألف و مائتين جثة من قتلى الجنوب - حسب اعلام الحكومة
من المهم كشف حقيقة ما جرى بالضبط
طالما مصداقية الرئيسين و اعلامهن أخير منها مصداقية هريّات و الـ اس إم سي, فا الوصول للحقيقة ح يكون عسير في ظل العالم البكذّب في وجه بعض بلا خجلة دي