Post: #1
Title: بكرة كيف !!؟#
Author: زهير عثمان حمد
Date: 04-04-2012, 11:12 PM
Parent: #0
بكرة كيف
لو ضمنت بكرة بيشبهك
ماخد من روحك وكاسيهو سحنتك
ضيء ما بنوم لين شعاعو يهل
ويسرقني من ملل الانتظار
بكرة كيف بتعرفيهو
قولي
مرعب أنا منو وبالجد شايل همو
ولو لقيت أشوفو في منامي جميل بنفسج
أو دنيا خضرة بالمطر تلعب غرقان وأنت أحب معالما
يا رايت ألقي وداعيه أو ضارب رمل أكريهم
أمكن يحددوا كيف يكون بكرة
ما تسأليني أنت رسامو في أحلامك شنو
ما أنت بكرة وأحلي بكرة وسألت ربي تكون أنت بكرة وبس
ويقيف عمري عندك وكمان أمتع نفسي وأغني معك لبكرة
ونرفع بالطرب أصواتنا ونقول (بكرة كيف )
بكرة بتوسد ضفايرك وبشم كل مسامك وتكوني لي
بعد ما بكرة كانت مستحيله وفي الحلم مفقودة دايمه
أنت يا بكرة كان بعيدة بس بالاحلام صبرييني
وخليني صابر علي أمل بكرة كيف
وأنشالله أكون علي موعد طوالي مع بكرة الضنينه
وبكرة يا أنتي كيف
ح تكوني معطونه في عطرك عروس
وأنا متلهف أكون عريس العروس
ما فات العمر ولا ماتت مشاعري
وكل لحظة قلبي بناديك يابكرة بكرة كيف
وبالجد مناي أنت بكرة وبكرة كيف!!؟#
زهير
|
Post: #2
Title: Re: بكرة كيف !!؟#
Author: قيقراوي
Date: 04-05-2012, 09:00 AM
Parent: #1
نييييييييييف
--------
خميسك لو تبيع قميصك!
|
Post: #3
Title: Re: بكرة كيف !!؟#
Author: زهير عثمان حمد
Date: 04-05-2012, 10:54 PM
Parent: #2
ياقيقا الزعيم دا النص بعد تصحيح البت هبه المصصه
بكرة كيف
لو ضمنت بكرة بيشبهك
ماخد من روحك وكاسيهو سحنتك
ضي ما بنوم لين شعاعو يهل
ويسرقني من ملل الانتظار
بكرة كيف بتعرفيهو
قولي
مرعوب أنا منو وبالجد شايل همو
ولو لقيت أشوفو في منامي جميل بنفسج أو دنيا خضرة بالمطر تلعب غرقان وإنت أحب معالما
يا ريت ألقى وداعية أو ضارب رمل أكريهم
إمكن يحددوا كيف يكون بكرة
ما تسأليني إنت راسمو في أحلامك شنو
ما إنت بكرة وأحلى بكرة وسألت ربي تكون إنت بكرة وبس
ويقيف عمري عندك وكمان أمتع نفسي وأغني معاك لبكرة
ونرفع بالطرب أصواتنا ونقول (بكرة كيف )
بكرة بتوسد ضفايرك وبشم كل مسامك وتكوني لي
بعد ما بكرة كانت مستحيلة وفي الحلم مفقودة دايما
إنت يا بكرة كان بعيدة بس بالاحلام صبريني
وخليني صابر على أمل بكرة كيف
وإن شاء لله أكون على موعد طوالي مع بكرة الضنينة
وبكرة يا إنتي كيف
ح تكوني معطونة في عطرك عروس
وأنا متلهف أكون عريس العروس
ما فات العمر ولا ماتت مشاعري
وكل لحظة قلبي بناديك يابكرة بكرة كيف
وبالجد مناي إنت بكرة وبكرة كيف !!؟#
زهير
|
|