ايميل رائع جدا....من زول فايق ورايق

اكاذيب ﻻ تخلو منها جلسات النساء
-1 اوﻻدي ما بياكلو
-2 انا عندي وسواس اسمو نظافة
-3 انا زمان كنت ستايل بس الحمل والوﻻدة بوظوا جسمي
-4 مافي زول بيصبر صبري ده كلو
-5 كل ما اروح فرح أو مناسبة بيخطبوني
-6 اوﻻدي كلهم شطاااار

حال الأم السودانية إذا رجعت من السوق :
اسكتو اصبرو خلوني اقعد
ادوني كباية موية
ما تفكو اللصقات يمكن الهدوم صغيره نرجعها
ما ترمو الأكياس دايراها
تعال اقيسك اشوفها قدرك ولا لا
شغلو المكيف ... الحر
دي ارفعوها ابوكم ما يشوفها يقول بتطيرو القروش في الفارغات
يا ولد تلفوني سامعاهو بيضرب
مشيت جنس مشي الليله رجليني ورمن
يا بت جيبي لي بندول

شنط البنات حسب الجنسيات
الفرنسيه :
بلسم شفايف + كريم يدين + لبانه + واقي شمس......
اليانانيه :
علبه مكياج صاروخ + موبايل آخر موديل + مفتاح عربيه......
الأمريكيه :
بطاقات إئتمان + صاعق كهربائي + بروفان ماركه عالميه
السودانيه :
اوراق مستشفى + روج بدون غطايه + بطاقه طالب منتهيه + موبايل صيني وسماعه ماسوره + كريمات قدر ظروفك + صور شباب حلوين خصوصآ مهند وتامر حسني + قلم كحل صغير مبري من الجهتين + بقايا شيبس في آخر الشنطه + مرايه مكسورة و 2 منديل ورق + فكه حديد

كيف تعرف الشخص السوانى من بين سكان العالم ؟؟؟
1-بيفهم في الطب وبيشخص المرض وبيوصفلك الدوا
وبيفهم في الكهربا وتصليح السيارات والطبخ والسياسة والقانون والواجب و الدين و الحسابات والكرة.

2-بيخت الريموت كونترول في كيس نايلون عشان مايتمسح ولا يت###### *_*.
... بس يقعد يتفرج على التلفزيون يفضل يحول من محطة لمحطة كل دقيقة طرق طرق طرق .

3-بيوقف يتونس ويعلك على الباب نص ساعة بعد إنتهاء الزيارة والسلام.
في المطبخ عندو عشرين مرطبان مربى فاضي عشان اذا احتاج يستخدمها ومازال مُصِر على جمع المزيد.

4-لازم يجيك بعد الموعد بساعة.
بتكلم بصوت عااااالي في المكالمة الدولية عشان المغترب يسمعه.

5-بفتكر نفسو أفضل واحد في الشراء والحنك مع البياعين ثم يكتشف إنو نفس الشي في المحل الجنبو أرخص من غير حنك *_*.

6-بيحتفظ بأكياس محلات اللبس والأحذية وورق الهدايا تحت المرتبة
بيطفي سجارتو فى فنجان القهوة مع انو في طفاية على الطربيزة.

وأخيراً وأهم شي طبعاً...أول ما بيشوفك يسألك * انت لسة حي...!!
تخيل كيف يكون الحال لو ماكنت سودانى؟

بعض العبارات السودانية التي حيرت العالم
ووقفتو على كراع واحد

- نفس المقاس لكن اصغر شوية

- انا ما عايز احلف ، بس اقسم بإلله العظيم

- بتسأل زول انت نعسان ؟؟ يقول ليك لا بس عايز انوم لي ساعة

- شايف الزول الوراك ده ، بس ما تعاين ليه

هاهاهاهاها اتحدى اي سوداني يكون ما قال واحده في ديل

إذا دخل الأب على اولاده
الأمريكي :

"how are you my heart ... I love you all "

الإسباني :

"انتو هنا والله كأنكم زهور ان شاء الله ما انحرم منكم"
السوداني :

"ما شاء الله زي الحيوانات متبطحين من سرير لي سرير بس اكل ونوم ،، لا صلاة لا قراية يعني انا كان مربي لي خرفان احسن منكم"

الاخ علي ليك الف سلام وتحية بالجد مباااااااااااااالغة والله ضحكت لي ضحك لي زمن ما ضحكت زيو

القال الكلام ده كانو عايش جوة كل البيوت السودانية يا هو نفس الكلام البتقال وفي نفس المواقف

غايتو بتاعة السودانية لما ترجع من السوق دي بالغ فيها بوليغ عجيب كانو شافني انا راجعة من السوق

وصلني هذا الايميل
وقد أحببت أن اشرك به القراء
فهو لا يخلو من حقائق وطرف

Quote: الاخ علي ليك الف سلام وتحية بالجد مباااااااااااااالغة والله ضحكت لي ضحك لي زمن ما ضحكت زيو القال الكلام ده كانو عايش جوة كل البيوت السودانية يا هو نفس الكلام البتقال وفي نفس المواقف غايتو بتاعة السودانية لما ترجع من السوق دي بالغ فيها بوليغ عجيب كانو شافني انا راجعة من السوق

الاخت ساميه
شكرا لمرورك وتعليقك
كل الناس متفقين مع الزول اتلفايق ورايق
الظاهر نحن السودانيين شغالين بي استايل واحد