. .. الاستاذ محمد المرتضى حامد الاستاذ الطيب شيقوق
ويقصر ظل اتكاءتي في ضحى هذا الفضاء وليس أحب إلي من شوفة العين قبل بذل العفو والعافية قف. القانون طاير.. القصة دي من شنو يا ربي..؟!
عشانك يا بلد يا نيل يا ليل عشانك يا حزن جميل **** بيني وبينك سكّة السفر الطويل من الربيع الي الخريف تعلو قصور الوهم أنت ومرقدي في الليل أتربة الرصيف هم ألبسوك دثار خزّ ناعم الأسلاك منغوم الحفيف ودعوك تاج العزّ فخر العزّ مجد العزّ شمس العزّ عزّ العزّ صبّوا في دماك عصارة الكذب المخيف وأنا الذي حرق الحشاشة في هواك ممزّق الأضلاع مطلول النزيف بيني وبينك قصّة الشعراء صدر غمامة يلهو على الأفق الشفيف هذا أنا بحر بغير سواحل بحر هلامي عنيف لا بدء لي لا قاع لي لا عمر لي لكنني في الجوف ينبض قلبي النزق اللهيف
يشهد الله أني ما فاهمة ولاااا كلمة ولاااا معنى من التالي بس برضو متوكلة على الله وبهديه للطيب شيقوق والشكر موصول لخيمة الحاردلو..
----
الخُمرية في غاية الكدر هي وسيدا بدُّور أب عَلال الباهتا ما بزيدا الشاقا المارقدا قوزّن المرميدا زي البرعي ما بريد الحرم بتريدا *** مشكورين فيك ولا شلاعة حافظين شأنك وكان قام سحاب لي أب صوفة ما بنحانك بى قدرة الله يتملن تبوب قــيزانـــك يجي وارد معاك ربل التمد في جرانك *** الخُمرية من طول الحفاير شاكيا ديمة عليها فوق ايدا العسير متاكيا قيزان همد العشماني ليهن باكيا داير الجنة تشرب فيها مويتن زاكيا
أخوهم وأخونا أحمد القرشي.. سلامات في ضيافة أم عبدالله كيف يعني .. قول مشروق بسكرها..! أنا برضو قلت كده بس عشمانه نكسبهم الاتنين .. مالو يعني لو ..! المشكلة يكون الغياب كله شيل فواتح وأم عبدالله ذاتها ما تتهنى بشوفته
أما مرتضى .. والله عارفاه بكون مشغول بجرجر فيه لــ break ما ح يضره ولا يضر الشغل.. تحياتي لك ولهم
الطيب شيقوق والله ليك وحشة.. أما أخوك محمد المرتضى الحردان فربنا إن شاء الله يشفيه من حردته ويجمعكم تامين لامين.. أهديكم أغنية من زمنكم القديم داااااااك إن شاء الله تذكركم كل الشواكيش الأخدتوها زمان.. وندخل معاكم في الاهداء إبنكم الكان في روضة القيقر لما انتوا كنتوا بتمتحنوا في المعادلة.. الأخ قيقراوي (إبنكم انتوا براكم ..أنا أخوي)
و الزول دا ورطني قبل فترة لكن الحمد لله قبل ما إغيب أخدت حقي
و زي ماقال لي رميتني في التندة ......
أها لو كان غاب قبل ما آخد حقي كان فتشتو معاك
تحياتي و إحترامي
Post: #13 Title: Re: للعواجيز ومن لحق زمنهم ... Author: ABUHUSSEIN Date: 04-23-2012, 05:39 AM Parent: #12
الأغنية دي كل ما أسمعها بتذكر زولكم دا أها قلت أشارك بيها معاكم علشان ما تقولو جيت يديني فاضيات
Post: #14 Title: Re: للعواجيز ومن لحق زمنهم ... Author: الطيب شيقوق Date: 04-23-2012, 06:38 AM Parent: #13
رمااانة
كيفكم والله جيناكم من ضهاري الصعيد والشوق ليكم مطر
عشرون يوما لم افكر خلالها الولوج لعوالم الاسافير ما عارف السبب شنو -
سودانيز يا استاذة رمانة صارت لا لون ولا طعم لها
كان مات زول ترحل جميع البوستات للمقابر وتفرش 40 يوم بالتمام والكمال ولو تم غزو هجليج او استردادها تشم في البوستات رائحة عكاكيز القنا المضببة
كلما احاول الدخول لسودانيز القى ليك زخم بوستات فارغة وطوالي اقول انسى ياخ واقبل لام عبد الله لتناول اقرب عنكوليبة منقيها اقوم اقرمشها وانوم طوالي .
والله كمان ود القرشي يحنن عديل كدا حايم في سودانيز زي اليتيم لا شوفتا في مرتضى تبشل الشوق ولا كمان ....
Post: #15 Title: Re: للعواجيز ومن لحق زمنهم ... Author: وليد الطيب قسم السيد Date: 04-23-2012, 07:55 AM Parent: #14
رمانه وضيوفها
صباحكم صباح الفال وراحة البال وهجعة زول بعد ترحال
Post: #16 Title: Re: للعواجيز ومن لحق زمنهم ... Author: rummana Date: 04-23-2012, 11:43 AM Parent: #15
أزهرت وأنورت .. وحصلت كل الحاجات الكويسة..! أبو الطيب ..والله أسعدتني ليك الاتكاءة الهنية وقرمشة العنكوليب في حضرة أم عبدالله الهدية ورضية إن شاء الله تكون لقيتهم كلهم طيبين.. لكن بعدكم الفريق أصبح خلا.. شي بكيات وشي حروبات .. لكن كله ما بحصِل ظاهرة الاشاعات والاشاعات المضادة.. حالة أحسن منها قراية فضايح المشاهير في صحف التابلويد بكري والله شكله سعيد بهذا العبث.. بس ربنا يدي العافية نجدد احساسنا بالسعادة لظهوركم في البورد تحياتي لك ولأخوك أحمد القرشي في جهاده الدؤوب للمحافظة على توازن حي البترول في ديار سودانيز
أبو حسين سلامات شكرا على الهدية السمحة وبتشبه مرتضى.. تعرف عاصم البنا ده لو دفعة مرتضى معناه الانسان ده والله لسه شباب.. ابوته لقيقراوي دي افترا منى ساكت.. بعدين هو حردان فعلا صدقني.. يعني هسه وسط الحاصل ده ح يجي يكتب شنو؟ القصة ما غرقان في الشغل ...الدنيا دي ما كلها عندها شغل ومشغولة.. لكن المشغولين ديل في دقائق كده بشربوا فيها كباية شاي أو قهوة أو بدخنوا فيها سيجارة.. وبدخلوا سودانيزاونلاين (نحن نشجع على عدم التدخين) بس فاتت عليه حاجة مهمة.. انه أسهم سماحته بتقل لما يستصرخه حد من قحط المنتديات وينادي واااامرتضاه وما يجيره.. ده كلام..!!! .. . وإن شاء هديتي تعجبك..
وليد الطيب قسم السيد أسعد الله نهارك ومساك .. اشكرك على المرور والتحايا..
Post: #19 Title: Re: للشباب أغنية عواجيز بصوت الشباب ... Author: rummana Date: 04-26-2012, 02:37 PM Parent: #18
أظنه أفضل تسجيل لهذه الأغنية... الأخ سعد الدين ... أسعد الله أيامك أينما كنت...
Post: #20 Title: Re: للشباب أغنية عواجيز بصوت الشباب ... Author: الطيب شيقوق Date: 04-26-2012, 07:26 PM Parent: #19
Quote: أهديكم أغنية من زمنكم القديم داااااااك إن شاء الله تذكركم كل الشواكيش الأخدتوها زمان.. وندخل معاكم في الاهداء إبنكم الكان في روضة القيقر لما انتوا كنتوا بتمتحنوا في المعادلة.. الأخ قيقراوي (إبنكم انتوا براكم ..أنا أخوي)
الله يجازيك انت فاكرنا بنتشوكش ؟
خلى سؤالك كدا ( كم انت شوكشت في مسيرة حياتكم الاكاديمية والمهنية ؟)
اغنية السنى خطيرة يا روما وزولي عندو الاغية دي في سيدي كلما اركب معاهو العربية بيروح مشغلها وطربان معاها
عليك الله اوجدى العذر لمرتضى - بالجد نحن هنا معاهو والله ما قادرين نلم فيهو
Post: #21 Title: Re: للشباب أغنية عواجيز بصوت الشباب ... Author: rummana Date: 04-26-2012, 11:33 PM Parent: #20
أستاذ الطيب ماشي : كم انت شوكشت في مسيرة حياتكم الاكاديمية والمهنية ؟ منتظرين الاجابة.. !
بالنسبة لاستاذ مرتضى، طبعا مصدقة إنه مشغول، ومصدقة إنكم ما قادرين تلموا فيه، ومصدقة برضو إنه شاف البوست ده.. إنتوا مالكم ما مصدقين إني مصدقة؟؟ بس إيه رأيك في منوعات البوست بالله؟ --- يقول موسوعتي في تذوق الموسيقى "نحُول الصغير" أن ما يفسد الأغاني السودانية هو كثرة استخدامهم "للـ كي بورد" فهو مجرد "تقليد" لأصوات الآلات الاصلية وهو لا يحبه ولا يقدره ولذلك يشطب الموسيقى السودانية "ايجازيا" من قائمة الموسيقى الجيدة لالتصاقها بعدم الأصالة...!! أنا رغم "عدم إحترامي" لوجهة نظره في وجهه، لكن من جواي فرحانة بيه وبوجهات نظره شديد في الغنا والموسيقى .. وطبعا نحول الصغير صاح الـ كي بورد مهم ورئيسي في الأغاني السودانية..
بيني وبينك سكّة السفر الطويل من الربيع الي الخريف تعلو قصور الوهم أنت ومرقدي في الليل أتربة الرصيف هم ألبسوك دثار خزّ ناعم الأسلاك منغوم الحفيف ودعوك تاج العزّ فخر العزّ مجد العزّ شمس العزّ عزّ العزّ صبّوا في دماك عصارة الكذب المخيف وأنا الذي حرق الحشاشة في هواك ممزّق الأضلاع مطلول النزيف بيني وبينك قصّة الشعراء صدر غمامة يلهو على الأفق الشفيف هذا أنا بحر بغير سواحل بحر هلامي عنيف لا بدء لي لا قاع لي لا عمر لي لكنني في الجوف ينبض قلبي النزق اللهيف
شكرا يا rummana ولملامح الوجه القديم وسند والليل والحوائط الشاهقات والألف باب..
ما كنت لأغيب عن هنا لولا كساد دواخلي وما حولي..
سأعود ( وإن تهامس الرفاق "أني" أنام نومة اللحود.. أسُفُ من ترابي وأشرب "الضجر")
الله.......!!! مرتضى في ديار بكري..؟! يا هلا وغلا وزادت حلا .. وأبلجت وأزهرت وزغردت وحاجات تانية .. كتيرة شديد.. ليه كده طولت الغياب..؟ يا أخي الكريم مش بس إنت الغايب.. في ناس كده أساسا ما بظهروا إلا مع ظهورك وما بنوروا إلا مع نورك... منو الكواكب ومنو القمر فيكم مش معروف... أنا قلت ليك إنه وجودك يدحر الكساد وينعش دواخل الآخرين..؟؟! والله سعيدة جدا بيك وبجيتك... وزي ما قالت سامية حامد عليك الله ما تغيب تاني..
الطيب شيقوق.. شايفة اسمك بظهر في البورد لما الكلام يكون عن وجاهة الرجال.. أو العربات ...أو الاثنين معا... غايتو اسم عربية كده ما عندنا ليك .. لكن بنشوفك -وحكيك- وجيه بعربية أو بدون ... تعال أحكي لينا قصصك ذات التفاصيل .. والله افتقدناها
mustafa mudathir يا هلا والف مرحبا شكرا ليك على الكلام الطيب وسعيدة بانه عبارتي أوحت ليك بفكرة... لو كتبت القصة غايتو شوف اي طريقة تدخل كلمة "مسنوح" في السياق.. :)
