Post: #1 Title: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 05:25 AM Parent: #0
لن يستكمل مشروعنا الحضاري الا بالقضاء التام على كافة
بؤر واماكن تصنيع الخمور البلدية ( وهي على قلتها ) ومحاربة المستورد
التي يتسلل عبر حدودنا من بعض دول الجوار
Post: #2 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 05:28 AM Parent: #1
ملحقاتها كما تعلمون
هي
العسلية
الكجومورو
والقامزوت
Post: #3 Title: Re: معا من اجل عاصمة خالية تماما من ( المريسة ) وملحقاتها ... Author: محمد سنى دفع الله Date: 04-04-2012, 05:31 AM Parent: #2
الأولى ان تحاربها في البلد الانت قاعد فيهو لانو مليان مريسة وتوابعها مودتي ومحبتي يا المابتشرب المريسة من وين عرفته الباقيات والتوابع ما تقولي استعنت بي صديق الله يطرا ايام الجاهلية
Post: #22 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 06:44 AM Parent: #3
Quote: الأولى ان تحاربها في البلد الانت قاعد فيهو لانو مليان مريسة وتوابعها مودتي ومحبتي يا المابتشرب المريسة من وين عرفته الباقيات والتوابع ما تقولي استعنت بي صديق الله يطرا ايام الجاهلية
حبيبنا السني
حدثني ابراهيم سعدية وهو خبير
في المشروبات الروحية البلدية
ان القامزوت يعادل ( الزفت ) وهو اخر درجات تكرير النفط
كما تعلم
Post: #4 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 05:31 AM Parent: #2
خصصت المرسية لانها تهدر طاقات من يتعاطونها
وذلك بالجلوس في اماكنها
من بعد الافطار تقريباالى غروب الشمس
هدر وقت ثمين في محرمات شرعية
Post: #5 Title: Re: معا من اجل عاصمة خالية تماما من ( المريسة ) وملحقاتها ... Author: محمد أبوالعزائم أبوالريش Date: 04-04-2012, 05:38 AM Parent: #4
يا ود الباوقة ....
الخمور كانت موجودة في مكة حتى في عهد الرسالة.
لو أصلاً ممكن القضاء عليها .. مش كان الفترة ديك .. والمكان داك .. أولى؟
نحن مشكلتنا ما المريسة ... المريسة مسئولية من يتعاطاها. إن كان فيها وزر فوزرها عليه .. وإن كان فيها ضرر، فعائد له.
إحنا مشكلتنا، كيف نجعل العاصمة خالية من الفساد .... من المحسوبية .... من السرقة ...
باختصار ..... من الكيزان.
Post: #6 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 05:43 AM Parent: #5
Quote: وإن كان فيها ضرر، فعائد له.
البعض يتعاطاها بجاهلة ظنا منهم انها تساعد في تسليك
المسالك البولية
............................
ضررها انها محرمة اخي ابو الريش
لو تكرمت خلينا في لب الموضوع ولا ارى داعيا لتسييسه
وشكرا
Post: #7 Title: Re: معا من اجل عاصمة خالية تماما من ( المريسة ) وملحقاتها ... Author: حامد بدوي بشير Date: 04-04-2012, 05:47 AM Parent: #6
Quote: ملحقاتها كما تعلمون
هي
العسلية
الكجومورو
والقامزوت
ود الباوقة،
معانا هنا ناس صغار في السن وليس القدر والفهم.
الجماعو ديل ما حضروا ايام الجاهلية ومفرداتك أعلاه chinese بالنسبة لهم.
لهذا أرجو أن تشرح:
قول لنا ولهم، ما هي هذه الاشياء وما لونها وطعمها وتأثيرها؟
Post: #8 Title: Re: معا من اجل عاصمة خالية تماما من ( المريسة ) وملحقاتها ... Author: محمد أبوالعزائم أبوالريش Date: 04-04-2012, 05:49 AM Parent: #6
Quote: لو تكرمت خلينا في لب الموضوع ولا ارى داعيا لتسييسه
أوكي يا ود الباوقة .. ما تزعل ... أنا معاك.
المريسة حرام ... وهي تضر متعاطيها.
السرقة والفساد .... حلال والا حرام؟ علماً بأنو ضررهم يكون على نطاق واسع.
Post: #9 Title: Re: معا من اجل عاصمة خالية تماما من ( المريسة ) وملحقاتها ... Author: عبدالكريم الامين احمد Date: 04-04-2012, 05:58 AM Parent: #8
هلا يا باوقة وحبابك يا مريسة
تعرف يا ود الباوقة لو في فائدة واحدة للانقاذ علي الراس السكير في السودان هو انها رفعت الجودة المريسية والعرقية والخبراء في الكراكير والجخانين لاحظو بان جودة العرقي والمريسة والذي منه وامبيرها اصبح في العلالي ... وكاس واحدة من عرقي فترة الانقاذ يسااااوي قزازتين ونص من عرقي ما قبل الانقاذ..
حكومة راكمت الاحباط والعطالة والرمتلة والزهج والقرف
--------------------
Post: #34 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 09:26 AM Parent: #9
كيكي
بالله دايرنك تدينا نبذة شوية عن القامزوت
مع التقدير
Post: #10 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 05:58 AM Parent: #8
Quote: السرقة والفساد .... حلال والا حرام؟ علماً بأنو ضررهم يكون على نطاق واسع.
ابو الريش
السرقة برضو حرام طبعا...
Post: #11 Title: Re: معا من اجل عاصمة خالية تماما من ( المريسة ) وملحقاتها ... Author: Wasil Ali Date: 04-04-2012, 05:59 AM Parent: #8
Post: #12 Title: Re: معا من اجل عاصمة خالية تماما من ( المريسة ) وملحقاتها ... Author: ولياب Date: 04-04-2012, 06:05 AM Parent: #11
يا واصل
ودالباوقة قال مريسة ولم يقل عصير ليمون
وبعدين تعال يا ود الباوقة ليه عاصمة خالية بس ، قل كل مدن وقرى وكنابي السودان .
Post: #13 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 06:08 AM Parent: #12
Quote: وبعدين تعال يا ود الباوقة ليه عاصمة خالية بس ، قل كل مدن وقرى وكنابي السودان .
نعم اخي ولياب
نبدا من وجهه السودان ومن تم ننتقل الى اطرافه الاخرى
اشكرك
Post: #18 Title: Re: معا من اجل عاصمة خالية تماما من ( المريسة ) وملحقاتها ... Author: محمد النيل Date: 04-04-2012, 06:18 AM Parent: #13
Quote: Re: معا من اجل عاصمة خالية تماما من ( المريسة ) وملحقاتها .
عاصمة خالية من فساد الحكم والمحسوبية و إستبداد الدكتورية أولا...
....... مدينة يباع فيها المريسة علنا فيها نظام حكم عادل خير من مدينة يمنع فيها بيع المريسة فيها حكم مستبد ظالم فاسد
Post: #42 Title: Re: معا من اجل عاصمة خالية تماما من ( المريسة ) وملحقاتها ... Author: نزار يوسف محمد Date: 04-04-2012, 10:02 AM Parent: #13
يا ود الباوقة الكلام ده بجيب ليك الهوا فالمريسة الحلوة رخيصة لا غبار عليها فى ظل المشروع الحضارى و"النهب المصلح " واليك افرازات المشروع الحضارى و " تطقطقة الظهر "
يا لغبائي أنا كاتب هذه السطور... ويا لـ (طرارتي!!) وأنا أسخر من محاولة الإنقاذيين تذاكيهم علينا بحسباننا نُسخاً من (عوير) بلدتنا (علي طريرة).. ويا لطول (قمبوري) المتمائل فوق رأسي ونحن الذين كنا نسائل قادة الإنقاذ مستنكرين : (انتو فاكرين نحنا عندنا قنابير؟!).. ويا لكثرة (ريالتي) السائلة من جانبيِّ فمي ونحن الذين كنا نكثر من عبارة : (نحن مفتحون ولسنا سذجاً بريالة).. فقد (طلعنا) أولئك كلهم ليجتمع في شخصنا (العوير) و (الطيب) و ( أبو ريالة) و (علي طريرة).. سنوات عدة ونحن نريق من مدادنا ما نحاسب به الإنقاذيين على مفارقة من جانبهم لشعارات الإسلام التي يرفعونها لنكتشف الآن أننا كنا (نهدف خارج المرمى!!).. فقد كنا نظن أننا نحسن صنعاً حين نحاكم الإنقاذيين هؤلاء بأحكام الشريعة نفسها التي هددوا بأن تُراق دونها (كل الدماء!!).. ولم نستمع - بسبب الظن هذا - لنصائح الناصحين؛ كفاحاً، وأثيرياً، وإلكترونياً، وعبر مواقع الشبكة العنكبوتية.. وأكثر الناصحين هؤلاء صراخاً - عبر موقع "الراكوبة" هو مدحت عروة الذي قال في آخر مداخلة له : (إنت يا ود عووضه ما عاوز تفهم يعني إنو الحاصل دا ما ليه علاقة بالإسلام أصلاً؟!).. * ولكني أقول لهؤلاء جميعاً اليوم : (الآن فهمتكم!!!).. * فهمتكم بعد أن اكتشفت أن بعاصمة دولتنا (الإسلامية!!) محالاً (يُمارس!!) فيها (المساج!!) بأيادي (مُدلِّكات!!) أجنبيات.. * فهمتكم بعد أن علمت أن (الممارسة!!) هذه أنواع ؛ كل واحد منه بـ (ثمنه!!).. * فهمتكم بعد أن عرفت أن المحال هذه تباشر عملها علناً و (على عينك يا حكومة يا إسلامية!!).. * فهمتكم بعد أن سمعت من (ثُقاة) حقيقة ما يحدث داخل الغرف الصغيرة عندما يُغلق بابها على (المدلكات!!) و (وطالبي التدليك!!).. * وفهمتكم أكثر حين تذكرت أن هذا (الضرب!!) من (الممارسة!!) لم يكن معروفاً في مجتمعنا السوداني خلال الحقب السياسية كافة منذ الاستقلال.. * الحقب هذه التي ينظر اليها الإنقاذيون على أنها كانت بعيدة عن (رسالة الإسلام!!).. وفهمت - تبعاً لذلك - لِمَ يكثر (اللقطاء!!) في زمان الإنقاذ هذا.. ولِمَ يُعثر كل يوم على طفل مجهول الأبوين.. وِلمَ صارت (دار المايقوما!!) ضيفة دائمة على صفحات الصحف.. ولِمَ كثرت شقق (اللذة الحرام!!) المفروشة.. * ولِمَ يُضبط - بين حين وآخر - (مسؤول!!) وبمعيته فتاة...... أو (فتاتان!!!).. * ولِمَ تصير خريجة كلية (شريعة!!) - في زماننا هذا - (########ة!!) وهي القيِّمة على داخلية بنات.. * ولِمَ استشرى الفساد الى حد (السفه!!!).. * ولِمَ بلغت نسبة (الحصانات!!) - خلال العهد (الرسالي!!) هذا -(25%) بين العاملين في الدولة.. * ولِمَ صار إطلاق الرصاص الحي تجاه المواطنين في (سهولة!!) إطلاق شعارات (هي لله!!!).. * فهل هذا هو المجتمع (القرآني!!) الذي تبشرنا به الإنقاذ؟!!.. الآن (فهمتكم) أيها الناصحون (المفتِّحون!!).. * فهمتكم تماماً..!!!!!
·
Post: #14 Title: Re: معا من اجل عاصمة خالية تماما من ( المريسة ) وملحقاتها ... Author: محمد عمر الفكي Date: 04-04-2012, 06:10 AM Parent: #11
Quote: الكجومورو
والقامزوت
يشهد الله اول مرة اسمع بالاسم الاخير ويشهد الله لو ما كلامك دا اول مرة اعرف ان الكجومورو مسكر مع انه بسمع عنه سمع. يا شيخنا وين احتياجات المواطن؟ توفير الامن والامان ولقمة الغذاء والعمل الكريم والتنمية ووقف الحروب وتطبيق العدالة الاجتماعية خلاص بقينا على المريسة بس؟ حسبي الله ونعم الوكيل من هكذا استخفاف بالناس بعدين انا في بوست سابق يا عمر نصحتك تشوف لك دكتور نجيض وبالعدم ساعاتي عشان يضبط لك الساعة البيولوجية حقتك المفوتة دي؟ مشروع حضاري؟ حاجة في ذمتك اخر مرة سمعت الكلمة من مسئول او اعلام حكومي متين؟
Post: #15 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 06:10 AM Parent: #11
واصل
شيخنا على عثمان منذ ان عرفناه رجل تقوى وورع
اسحب الصورة
واسحب معها صورة المدعو اوكامبو التي تزين بها بروفايلك فرحا ...
Post: #16 Title: Re: معا من اجل عاصمة خالية تماما من ( المريسة ) وملحقاتها ... Author: محمد أبوالعزائم أبوالريش Date: 04-04-2012, 06:11 AM Parent: #11
السرقة براها والاّ الفساد معاها؟
طيب محاربة السرقة الحرام دي .... وهي ضارة بالمجتمع وفيها ظلم مباشر.
مش أولى من محاربة المريسة التي لا تضر إلاّ متعاطيها؟
Post: #17 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 06:14 AM Parent: #16
Quote: مش أولى من محاربة المريسة التي لا تضر إلاّ متعاطيها؟
بالعكس ضررها على المجتمع كله
هدر للوقت
مع الاخلال التام بصحة البيئة
Post: #51 Title: Re: معا من اجل عاصمة خالية تماما من ( المريسة ) وملحقاتها ... Author: حافظ انقابو Date: 04-04-2012, 09:07 PM Parent: #17
بقة يا بقة خبرة وخيت قت الملحقات دي معناها شنو؟؟ أدينا شرح كافي ووافي
Post: #19 Title: Re: معا من اجل عاصمة خالية تماما من ( المريسة ) وملحقاتها ... Author: شمس الدين ساتى Date: 04-04-2012, 06:19 AM Parent: #16
نعم يجب محاربة المريسة والعرقى بوقف زراعة الذرة بأنواعها فى جميع أنحاء السودان وقطع كل أشجار النخيل
ووقف صناعة السكر وزراعة الموز والجوافة . ياخ نبطل زراعة مما جميعه وكفى
Post: #20 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 06:35 AM Parent: #19
Quote: نعم يجب محاربة المريسة والعرقى بوقف زراعة الذرة بأنواعها فى جميع أنحاء السودان وقطع كل أشجار النخيل
ووقف صناعة السكر وزراعة الموز والجوافة . ياخ نبطل زراعة مما جميعه وكفى
منطق عجيب جدا ...
Post: #23 Title: Re: معا من اجل عاصمة خالية تماما من ( المريسة ) وملحقاتها ... Author: شمس الدين ساتى Date: 04-04-2012, 06:45 AM Parent: #20
Quote: منطق عجيب جدا ...
طيب نعمل شنو
لا تستطيع اى حكومة من إيقاف ما تطلبه لأن هذه المريسة فى بعض مناطق السودان ثقافة غذائية
ياخ انت ماسمعت بنكتة الرجل الذى شرب ابنه عبار مريسة كارب وذهب الى المدرسة وهو يترنح
فلما طرده المعلم قال والده يعنى ما يفطر
Post: #21 Title: Re: معا من اجل عاصمة خالية تماما من ( المريسة ) وملحقاتها ... Author: اْسامة اْباّرو Date: 04-04-2012, 06:39 AM Parent: #11
Quote: [لن يستكمل مشروعنا الحضاري الا بالقضاء التام على كافة
بؤر واماكن تصنيع الخمور البلدية ( وهي على قلتها ) ومحاربة المستورد
التي يتسلل عبر حدودنا من بعض دول الجوار
سلام ياباوقة ياخوى مالو مشرعك الحضارى بقى حدودوا العاصمة بس يعنى من عبر بترى فهو آمن؟ الخوف المليون ميل تركز على العاصمة طبعاً حاشاك ماكاracial عشان كده بى حسن نيّه ح ناخد تصنيف التوابع كماهى بمعناهاالقريب ونضيف معاها الكشّه عدّه
ونحو بلد سماح وانت طيب
Post: #24 Title: Re: معا من اجل عاصمة خالية تماما من ( المريسة ) وملحقاتها ... Author: Saifelyazal Elmaki Date: 04-04-2012, 06:57 AM Parent: #21
ود الباوقة سلام البلد ذاتا من المريسه قلت منها الحكاية جرت واطي ياخي زمان كان عملوا نفير ساي الانواع تكتر البقينة - التمبارة والحلة كلها شبعانه هسه على النعمة شمومة ما تلقاها مشتهي لي بقنية سااااااااااااااااااااااااااااي ترد لي روحي دي
Post: #25 Title: Re: معا من اجل عاصمة خالية تماما من ( المريسة ) وملحقاتها ... Author: معتصم مصطفي الجبلابي Date: 04-04-2012, 07:15 AM Parent: #24
بعد (23) سنة خدمة فى دولة الشريعة
والمشروع الحضارى ..العاصمة لسة ماخلت!!!!!!!!!
من (المريسة) يازول ..قول كلام غير ده
إنت أظنك ما جايب خبر ..
دولتنا الراشدة خلت الناس الشربوت ذاتو يوقفوه..
الناس زمان كانت بتسكر عشان تصل مرحلتنا الهسة
نحن فيها دى ...
Post: #36 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 09:50 AM Parent: #24
Quote: مشتهي لي بقنية سااااااااااااااااااااااااااااي ترد لي روحي دي
سيف اليزل بطل بطبطة
لو داير رد الروح تعال اعمل ليك ( عمرة )
وزور قبر المصطفى
بقنية شنو كمان البترد الروح
Post: #35 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 09:32 AM Parent: #21
Quote: الخوف المليون ميل تركز على العاصمة
تفاءل خيرا اخي اسامة
Post: #26 Title: Re: معا من اجل عاصمة خالية تماما من ( المريسة ) وملحقاتها ... Author: Zomrawi Alweli Date: 04-04-2012, 07:16 AM Parent: #11
واخذ الشيخ رشفة كبرى وصاح في صحة ماو تسي تونق زاتو
ود الباوقة والله لقيتك بتاع كاسات والحاجات القلتها بنحاول ندخل في قاموسنا لاننا قرويون وبعدين الواحد كان بجي العاصمة عشان المريسة الما متوفرة عندنا في المحس
Post: #27 Title: Re: معا من اجل عاصمة خالية تماما من ( المريسة ) وملحقاتها ... Author: نور الدين عثمان Date: 04-04-2012, 07:53 AM Parent: #26
سلام يا باوقة وخلينا نقول معا من اجل سودان خالى من الكيزان وتوابعهم وانته عارف التوابع: 1- الارزقية 2- المتملقين 3 - النفعيين ووو وبقية انته عارف وانا عارف وربك كمان عارف .
Post: #28 Title: Re: معا من اجل عاصمة خالية تماما من ( المريسة ) وملحقاتها ... Author: عادل نجيلة Date: 04-04-2012, 08:22 AM Parent: #27
يا واصل شمبانية مولانا على عثمان دي من غير كحول .. بطل(بتشديد الطاء) مشاكل .. يا جماعة أخونا ودالباوقة عامل (المريسة) كإستعارة .. واضح من البوست ماذا يقصد ..! خلي ينكر تعليقي ده ...
ود الباوقة عساك بخير.
Post: #29 Title: Re: معا من اجل عاصمة خالية تماما من ( المريسة ) وملحقاتها ... Author: فدوى الشريف Date: 04-04-2012, 08:26 AM Parent: #28
Post: #30 Title: Re: معا من اجل عاصمة خالية تماما من ( المريسة ) وملحقاتها ... Author: الامين موسى البشاري Date: 04-04-2012, 08:40 AM Parent: #29
ود الباوقة
أنت ما تقولها عديييييييييل كدا وتريح الأمة دي بدل اللف والدوران دا... نحو عاصمة خالية من الجنوبيين والنوبة والغرابة (تحالف كاودا) ولا دا ماقصدك يا ود الباوقة? ومصداقاً لكلامي دا أهو فدوى جابت ليك الكراكاتير دا يعني هسي كلكم ما عرفتوا قصد ود الباوقة دا؟ .. ..
__ يا كيكي والله العظيم شدة ما أصلي السفارة الامريكية قاعدة تتمون من الفتيحاب بالعرقي ..
Post: #31 Title: Re: معا من اجل عاصمة خالية تماما من ( المريسة ) وملحقاتها ... Author: معتصم ود الجمام Date: 04-04-2012, 08:52 AM Parent: #30
معا من اجل عاصمة لا يموت فيها طلاب دارفور فيها كده ساكت سمبهار ... المريسة غذاء رئيسي لعدد من قبائل السودان ...
Post: #32 Title: Re: معا من اجل عاصمة خالية تماما من ( المريسة ) وملحقاتها ... Author: خالد المحرب Date: 04-04-2012, 08:54 AM Parent: #30
والله يا ود الباوقه البلد بلدكم وانتم اسيادا نحن ماعندنا اى كلام معا كم اديناكم ياها بى خرطوما انا ما عارف الناس دى بتقوم نفسا معاك فى شنو دا واقع فى راى
Post: #33 Title: Re: معا من اجل عاصمة خالية تماما من ( المريسة ) وملحقاتها ... Author: ماضي ابو العزائم Date: 04-04-2012, 09:03 AM Parent: #30
Quote: لن يستكمل مشروعنا الحضاري الا بالقضاء التام على كافة
بؤر واماكن تصنيع الخمور البلدية ( وهي على قلتها ) ومحاربة المستورد
التي يتسلل عبر حدودنا من بعض دول الجوار
الخبر شنو يا ود الباوقة
إنت عاوز تنزل صنف جديد ولا شنو ؟؟؟
Post: #37 Title: Re: معا من اجل عاصمة خالية تماما من ( المريسة ) وملحقاتها ... Author: قلقو Date: 04-04-2012, 09:54 AM Parent: #33
ودالباوقة حقيقة كنت استمتع بمواضيعك ومداخلاتك بالرغم مما تسببه لنا من فقع مرارة , ولكن وبعد لعبتك الضفارى معاى ديك لو تتذكرا كدت ان اقاطع بوستاتك , ولكن وبما ان المسامح كريم فأنا أطالبك بالأعتذار عن ردك الدمو تقيل داك حتى تعود المياه الى مجاريها ويادار مادخلك شر.
Post: #39 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 09:59 AM Parent: #37
Quote: المسامح كريم فأنا أطالبك بالأعتذار عن ردك الدمو تقيل داك حتى تعود المياه الى مجاريها ويادار مادخلك شر.
اخي قلو
ان كان ذلك كذلك
ارجو منك الصفح والسماح
مع تقديري لك ....
Post: #38 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 09:55 AM Parent: #33
الغريبة صديقي دينق اصلو ما جا مهوب ناحية البوست دا
كنا دايرنو يدينا ( تنوير ) شوية عن الكجومورو
Post: #41 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 10:01 AM Parent: #38
برضو نطمح في دخول اخي بنق بونق
لاعطائنا مقادير ( العسلية ) ومكوناتها
وشكرا
Post: #76 Title: Re: معا من اجل عاصمة خالية تماما من ( المريسة ) وملحقاتها ... Author: Amin Salim Date: 04-05-2012, 07:37 PM Parent: #41
Quote: برضو نطمح في دخول اخي بنق بونق
لاعطائنا مقادير ( العسلية ) ومكوناتها
وشكرا
والله يا ود الباوقه انت الذ زول
Post: #40 Title: Re: معا من اجل عاصمة خالية تماما من ( المريسة ) وملحقاتها ... Author: Abureesh Date: 04-04-2012, 10:01 AM Parent: #33
كيف تقول ما تسيس الموضوع، وانت بديت بمشروعكم الحضارى. ثم تقول
Quote: نبدا من وجهه السودان ومن تم ننتقل الى اطرافه الاخرى
لا يا سيدى ما تتعبش، الأطراف جاية عليكم
اركز
وقبل المريس، موش اولى الويسكى والنبيذ الذى فى الفنادق الكبيرة.. عارف دليل إنحدار الدول هو ترك الكبير ومعاقبة الصغير
Post: #43 Title: Re: معا من اجل عاصمة خالية تماما من ( المريسة ) وملحقاتها ... Author: قلقو Date: 04-04-2012, 12:12 PM Parent: #40
Quote: ان كان ذلك كذلك
ارجو منك الصفح والسماح
وهو كذلك ياباوقة. بعد كده نتجدع فيك بى مزاج . مع تحياتى
Post: #44 Title: Re: معا من اجل عاصمة خالية تماما من ( المريسة ) وملحقاتها ... Author: الصادق الزين Date: 04-04-2012, 01:19 PM Parent: #43
ود الباوقة سلام،
المريسة العايز تتطاول عليها دى واحدة من ثقافتنا، نحن قوم مريسة، و المريسة متجزرة فينا وفى تكوينا و العضمو ما مشّيد بالمريسة عضمو "نّى" أو فخ، بف ساكت لا يقوى على فعل شيئ حتى مع الشفع الزيو ما يقدر يصارع و لذلك من بدرى يتدرب الطفل على شراب المريسة لمن يروى و لو ما رِوى، ما يقعد أبداً، و المريسة الأعنيها هنا هى مريسة الدخن الأصفر مش مريسة الفيتريته الشايفها فى القرعة الفوق دى؟ و بعدين كما ذكر واحد من المتداخلين إنو المريسة غذاء لينا، هى كذلك و أزيدك أكثر، هى إسمها العيش و يقول ليك يا زول إشرب العيش خليك تتفرتق و تتفرتق دى مش تتطرشق، لا تتفرتق دى معناها تنتتفض من جربنتك و جسمك يمتلئ شحم و لحم، و أذكر عندما كنا نأتى من الداخليات أيام المدارس داخلية يا حليل زمان كنا ناتى ضعاف من عدم شراب المريسة و أول نصيحة من أهلنا البجو يحمدو علينا السلامة يوصونا بشراب المريسة، علشان نعوض الفاقد، وفى مناسباتنا لازم تكون فى مريسة و توزع صناعتها على البيوت يعنى أى ست بيت لازم تساعد أم العريس أو العروس بصناعة برمة مريسة مدنكلة، و لما المرايس تكتر فى مكان العرس يخصص لها براميل فاضية لتخزن لليومين القادمات أو لكل الأسبوع و لما المريسة تبيت بتتكرب وتكون مظبطة وتعشعش فى الراس تمام و بكرة الصبح الرتب يرقد و الجلد ما يديك درب أما بنات العم طبعاً إظهاراً للفروسية و الشجاعة، و البشرب مريسة لا ياكل ثانى لأن المريسة فى حد ذاتها عيش أو أكل و لذلك يقولو ليك أرح إتغدا ودوماً عزومة غداء المريسة تكون فى نصف النهار وقت القايلة خصوصاً للناس العندهم مزارع و عندما تذهب إلى زراعتك لازم المدام تلحقك ببرمة أو سِعن المريسة علشان عند الظهيرة تملى جلدك بالمريسة و تواصل عملك، وحتى عندنا فى عمل النفاير و نحن مشهوريين بأدب النفير للمساعدة فى الزراعة أو الحصاد أو بناية البيوت، فلو ما عملت مريسة للناس الحيجو يساعدوك ما فى زول بجيك يعنى العاملين فيها فقرة زيك كدة ديل زراعتهم بايرة زول بعتب عليهم مافى و تحت تحت الفُقرة ذاتهم عندما يكون عندهم نفير يطلبوا من حريمهم عمل المريسة رغم عدم شرابهم لها و دا عشان يكونوا جزء من الناس و ثقافتهم و لا ينقطعوا عنهم. فتراث غنى زى دا عايزنا فت بطقطقة كيبورد نقيف عنه؟ يا خوى أرجو أن لا تتجنى على ثقافتنا و لو ما مثقف حقوا تتثقف عن السودان و تراثه و تعال بعد داك أفتح بوستاتك حتى لا تتحدث عن المحظورات و الخرطوم هيلتك دى بنوها ناس المريسة فخليهم يشربوا مريستهم و يبرطعوا فى برطعتهم دى و كمان إنتو بغادى كمان برطعوا فى برطعتكم الما سئلناكم منها دى و لا شنو رايك مش إحترام الثقافات و تعدد الديانات هو شعارنا؟؟
Post: #45 Title: Re: معا من اجل عاصمة خالية تماما من ( المريسة ) وملحقاتها ... Author: haroon diyab Date: 04-04-2012, 02:14 PM Parent: #44
Quote: وهو كذلك ياباوقة.
بعد كده نتجدع فيك بى مزاج .
رشو ياقلقو.....
قال عاوز ينضف البلد من المريسة
طيب الناس دي ماتفطر ولا شنو.......؟
Post: #46 Title: Re: معا من اجل عاصمة خالية تماما من ( المريسة ) وملحقاتها ... Author: moaz elsir Date: 04-04-2012, 02:37 PM Parent: #45
طالب اللواء أحمد عوض الجمل مدير معهد الأدلة الجنائية ومركز السموم بجامعة الرباط الوطني، بضرورة تكوين سفراء لمكافحة المخدرات في المجتمع وأوساط الشباب والطلاب في الجامعات، بجانب العمل على التوعية بمخاطرها وآثارها السالبة التي تهدد أمن وحياة المجتمع، عازياً انتشار المخدرات إلى عدم وجود التوظيف الأمثل للوقت، وقطع الجمل خلال حديثه في ندوة «خطر تفشي المخدرات وسط طلاب الجامعات» بمسرح جامعة النيلين أمس، بأن أغلب الجرائم الواقعة ناتجة عن عملية التأثير بالمخدرات، مشيراً إلى الجرائم الجنسية والاغتصاب بجانب القتل، لافتاً النظر إلى أنهم أجروا دراستهم وسط سائقي بعض المركبات «العامة - الخاصة»، والتي خرجت بأن أكثر الحوادث المرورية بسبب تعاطيهم للمواد المنشطة والمهلوسة، وقال الجمل إن عالم المخدرات يوجد فيه مافيا وتجارة تعمل على إدخال شرائح المجتمع في دائرة التعاطي، فضلاً عن تأثير الأصدقاء على بعضهم، مؤكداً أن ضحايا المخدرات في السودان الذين سجلوا بسبب تعاطيهم لجرعات زائدة من المخدر أو الانتحار، أفضل وأقل بكثير من العالم الخارجي، مشيراً إلى أن عملية الإبداع غير مرتبطة بالمخدرات.
Post: #84 Title: Re: معا من اجل عاصمة خالية تماما من ( المريسة ) وملحقاتها ... Author: Zomrawi Alweli Date: 04-06-2012, 01:52 PM Parent: #44
Quote: المريسة العايز تتطاول عليها دى واحدة من ثقافتنا، نحن قوم مريسة، و المريسة متجزرة فينا وفى تكوينا و العضمو ما مشّيد بالمريسة عضمو "نّى" أو فخ، بف ساكت لا يقوى على فعل شيئ حتى مع الشفع الزيو ما يقدر يصارع و لذلك من بدرى يتدرب الطفل على شراب المريسة لمن يروى و لو ما رِوى، ما يقعد أبداً، و المريسة الأعنيها هنا هى مريسة الدخن الأصفر مش مريسة الفيتريته الشايفها فى القرعة الفوق دى؟ و بعدين كما ذكر واحد من المتداخلين إنو المريسة غذاء لينا، هى كذلك و أزيدك أكثر، هى إسمها العيش و يقول ليك يا زول إشرب العيش خليك تتفرتق و تتفرتق دى مش تتطرشق، لا تتفرتق دى معناها تنتتفض من جربنتك و جسمك يمتلئ شحم و لحم، و أذكر عندما كنا نأتى من الداخليات أيام المدارس داخلية يا حليل زمان كنا ناتى ضعاف من عدم شراب المريسة و أول نصيحة من أهلنا البجو يحمدو علينا السلامة يوصونا بشراب المريسة، علشان نعوض الفاقد، وفى مناسباتنا لازم تكون فى مريسة و توزع صناعتها على البيوت يعنى أى ست بيت لازم تساعد أم العريس أو العروس بصناعة برمة مريسة مدنكلة، و لما المرايس تكتر فى مكان العرس يخصص لها براميل فاضية لتخزن لليومين القادمات أو لكل الأسبوع و لما المريسة تبيت بتتكرب وتكون مظبطة وتعشعش فى الراس تمام و بكرة الصبح الرتب يرقد و الجلد ما يديك درب أما بنات العم طبعاً إظهاراً للفروسية و الشجاعة، و البشرب مريسة لا ياكل ثانى لأن المريسة فى حد ذاتها عيش أو أكل و لذلك يقولو ليك أرح إتغدا ودوماً عزومة غداء المريسة تكون فى نصف النهار وقت القايلة خصوصاً للناس العندهم مزارع و عندما تذهب إلى زراعتك لازم المدام تلحقك ببرمة أو سِعن المريسة علشان عند الظهيرة تملى جلدك بالمريسة و تواصل عملك، وحتى عندنا فى عمل النفاير و نحن مشهوريين بأدب النفير للمساعدة فى الزراعة أو الحصاد أو بناية البيوت، فلو ما عملت مريسة للناس الحيجو يساعدوك ما فى زول بجيك يعنى العاملين فيها فقرة زيك كدة ديل زراعتهم بايرة زول بعتب عليهم مافى و تحت تحت الفُقرة ذاتهم عندما يكون عندهم نفير يطلبوا من حريمهم عمل المريسة رغم عدم شرابهم لها و دا عشان يكونوا جزء من الناس و ثقافتهم و لا ينقطعوا عنهم. فتراث غنى زى دا عايزنا فت بطقطقة كيبورد نقيف عنه؟ يا خوى أرجو أن لا تتجنى على ثقافتنا و لو ما مثقف حقوا تتثقف عن السودان و تراثه و تعال بعد داك أفتح بوستاتك حتى لا تتحدث عن المحظورات و الخرطوم هيلتك دى بنوها ناس المريسة فخليهم يشربوا مريستهم و يبرطعوا فى برطعتهم دى و كمان إنتو بغادى كمان برطعوا فى برطعتكم الما سئلناكم منها دى و لا شنو رايك مش إحترام الثقافات و تعدد الديانات هو شعارنا؟؟
يا سلام عليك يا الصادق الزين قمة في الوصف
والحاجات دي كووووووووووووووولها عندنا في الشمالية المحس ولكن استعض اسم المريسة بالدكاي Dakkay وهو البلح المنقوع
Post: #47 Title: Re: معا من اجل عاصمة خالية تماما من ( المريسة ) وملحقاتها ... Author: ذواليد سليمان مصطفى Date: 04-04-2012, 04:08 PM Parent: #28
يا ود الباوقة احترم نفسك واحترمنا واحترم مردينك من القراء انت عارف بوستك دا بزعل ناس كبار في سدنة الحكم السوداني والقابضين على امور الدولة داخل المؤتمر الوطني ولا نريد ان نفتح ملفات هؤلاء خليها مستورة ومبروكة ونعرفهم بالحيل وبالعدد وكميات من وزراء وابنائهم يشربون الويسكي والعرقي والمريسة بالتاريخ استر نفسك الله يسترك الفضيحة والسترة متباريات صدر تحت توقيع ذواليد سليمان مصطفى
Post: #48 Title: Re: معا من اجل عاصمة خالية تماما من ( المريسة ) وملحقاتها ... Author: hamid brgo Date: 04-04-2012, 08:02 PM Parent: #5
Quote: وملحقاتها ..
الملحقات ديل مش ناس الانقاذ ؟؟ و الملحقات على وزن اخوات - و اخوات المريسة هي باقي الكبائر مثل : - السحر (فكي في هلتون) - القتل - قول الزور و كلها صفات انقاذية بإمتياز
اذا كيف للاخ ود الباوقة ان يطالب بخلو الخرطوم من اهل الانقاذ؟؟ غايتو دي دعوة نحنا العملاء ما فكرنا فيها
Post: #49 Title: Re: معا من اجل عاصمة خالية تماما من ( المريسة ) وملحقاتها ... Author: مها عبد الله Date: 04-04-2012, 08:18 PM Parent: #48
بوست إنصرافي وما ح يجيب مريسة ( تام زين ) !
Post: #50 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-04-2012, 08:48 PM Parent: #49
اسف ايضا تاخرت عليكم بالردود حيث كان هذا اليوم مخصصا
لتوزيع الدفعة الاخيرة من اراضي ولاية نهر النيل
ارجو المعذرة
Post: #52 Title: Re: معا من اجل عاصمة خالية تماما من ( المريسة ) وملحقاتها ... Author: منتصر عبد الباسط Date: 04-04-2012, 09:44 PM Parent: #50
Quote: السرقة برضو حرام طبعا...
ما برضو بس! بل هي حرام قبل أن تكون الخمور حرام هناك من كا ن من كبار الصحابة وشرب الخمر بعد اسلامه وقبل تحريمها وشربها بعد تحريمها من شهد له النبي صلى الله عليه وسلم وهو يقيم عليه الحد بأنه يحب الله ورسوله قد يشرب الخمر من هو شريف وذو خلق ولكن يستحيل أن يسرق ويخون الأمانة رجل شريف وذو خلق فالفساد وسرقة المال العام هو الأولى بالمحاربة قبل غيره... ذلك لو كانوا صادقين
Post: #53 Title: Re: معا من اجل عاصمة خالية تماما من ( المريسة ) وملحقاتها ... Author: اسعد الريفى Date: 04-05-2012, 00:01 AM Parent: #5
ود الباوقة سلام و بعد
Quote: نحن مشكلتنا ما المريسة ... المريسة مسئولية من يتعاطاها. إن كان فيها وزر فوزرها عليه .. وإن كان فيها ضرر، فعائد له.
Post: #54 Title: Re: معا من اجل عاصمة خالية تماما من ( المريسة ) وملحقاتها ... Author: اسعد الريفى Date: 04-05-2012, 00:06 AM Parent: #53
ود الباوقة يا صديقى
Quote: والله يا ود الباوقه البلد بلدكم وانتم اسيادا نحن ماعندنا اى كلام معا كم اديناكم ياها بى خرطوما
و الله بعد كلام شيخ العرب ود المحرب ما فى كلام و لا شن قولك
Post: #55 Title: Re: معا من اجل عاصمة خالية تماما من ( المريسة ) وملحقاتها ... Author: ناصر فراج Date: 04-05-2012, 00:37 AM Parent: #54
ود الباوقة سلام دى اول مداخلة لى فى بوستاتك اها والمشك نجيبوء من وين انا باقى عندنا غنم مابتسبع الا بى المشك. الله يعلم اللبن بكفى البت والجيران اهة كان نفذو كلامك دى نتيتم يعنى نحنا والجيران
Post: #56 Title: Re: معا من اجل عاصمة خالية تماما من ( المريسة ) وملحقاتها ... Author: Deng Date: 04-05-2012, 00:38 AM Parent: #54
Quote: ملحقاتها كما تعلمون
هي
العسلية
الكجومورو
والقامزوت
الإنقاذي الدجال عمر ود الباوقة.
شايفك زاكر خمرة أبناء الهامش فقط. وكلامك ده ليس مجرد صدفة.
طيب أين هي خمور جماعتك الأتية:
العرقي
البقنية
والشربوت
أوعك تجي تقول لي ده بسكر وداك ما بسكر.
Post: #57 Title: Re: معا من اجل عاصمة خالية تماما من ( المريسة ) وملحقاتها ... Author: Deng Date: 04-05-2012, 00:39 AM Parent: #56
بالمناسبة يا "شيخ" عمر.
أنت خليت الشربة ولا لسه بتشتري من عربية الأيسكريم في الرياض؟
Post: #60 Title: Re: معا من اجل عاصمة خالية تماما من ( المريسة ) وملحقاتها ... Author: صديق الموج Date: 04-05-2012, 01:15 AM Parent: #56
الشيخ ود الباوقة قدس الله سره.............السلام على من اتبع الهدى وخشى الرحمن بالغيب وجاءك متداخلاً اما بعد...والعرب تسمى اما بعد بفصل الخطاب هل تعلم يا اخى الكريم ان كلمة الخمر وردت فى القران الكريم وهو يتكون من ( 6336 ) اية ( 3 ) مرات فقط وفى واحدة فيها لم يكن ورودها للتنديد فقط وهى هذه الاية الاولى ولابد ان تلاحظ الحكمة انها متبوعة بالعفو والله يعفو عن الذنوب جميعا الا ان تشرك به..
ولكن لعلم سعادتكم فقد وردت كلمة المنافقون فى القران الكريم ( 37 ) مرة ولا اريد ان اتحدث عن الظالمون والمفسدون والمتكبرون والطغاة فتلك عددها كثير فيا اصلحك الله من باب اولى محاربة هولاء واولئك ايها المتزمزغ الكبير.. ود الباوقة ابعد من القران الكريم و شرع الله بعيد زى جماعتك الحكام الفى الخرطوم ديل وخليه شعارات ساكت الهفوا وانهبوا به و اجعلوا الشعب يشقى بالمسغبة ويتمرغ فى المتربة التى وما فتئت تدميه حتى فجر الخلاص وهو لناظره قريب ان شاء الله.. فالايلاج فيه يتم برفق وهو ما لاتستطيعه لا انت و لا البشير و لا نافع و لا على عثمان و لا بقية الاوغاد الذين اذلوا الناس واهانوهم بهذا الاتجار والافتئات باسم وعلى الدين ، فشرع الله يبرأ من اللصوص.. دحين امش على اراضيك ديك كان تلقى ليك لهطة ، لهطك الفى دقنسوك ده ما خاتى عليك المناضل معاوية الصائم،،، التعديل اقتضته الايات القرانية
Post: #64 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-05-2012, 07:36 AM Parent: #56
Quote: شايفك زاكر خمرة أبناء الهامش فقط. وكلامك ده ليس مجرد صدفة.
طيب أين هي خمور جماعتك الأتية:
العرقي
البقنية
والشربوت
أوعك تجي تقول لي ده بسكر وداك ما بسكر
دينق
ناخذ من وقت شوية لو تكرمت
دايرين تنوير بسيط عن مكونات الكجومورو
واشكرك
Post: #58 Title: Re: معا من اجل عاصمة خالية تماما من ( المريسة ) وملحقاتها ... Author: حبيب نورة Date: 04-05-2012, 00:41 AM Parent: #54
عليك الله إنت يا باوقيشن لو بتشرب مريسة كان ده حالك ؟ والله من يومك شقي حال ساهي . هو كان في مريسة كان في زول جاع واللا عطش واللا ضربتو ملاريا ؟ إنت قايل سوء التغذية الحاصل علي الخلِق ده جاهم لولا إنعدام فتامين سي المتوفر بكميات كبيرة في المريسة الإنت راكب ليك طارة وعامل عليها حملة . وبعدين الزول ما يتكلم في حاجة ما جرّبها ياخ . المريسة ما بتكتل زول بس كعب عدمها . ندفع عمرنا كلو ويرجع للسودان بني آدم الإندايات بي لطافتو وظرافتو والسكرة ما مشكلة لكن كفاية طيبة أخلاقو . هسه في زمنكم ده السكران يشاكل الحلة كلها عشان ما بسكر بالكحول؛ لكن بسكر من غلبو . بسكر عشان ما ضامن عشاهو ولا فطور أولادو ولا مصاريف مدارسهم . بسكر عشان ما عندو حلة بتجقجق فوق النار وقدامو صحن أم فتفت وصحن كبدة إبل . ياخ وينها المرارة النية والشية أول حاجة ؟؟ عليك الله ما تتكلم لينا عن المريسة قبل ما تحل لينا مشكلة الحلة وبالله عليك ما تنسي ( العَدَل ) بتعرف العدَل ؟؟ . ده الشيرنغ يا أخوي . ما تجي تشوف لينا طريقة للشرتيت عشان الزول لو كان عندو مزاج في مريسة يقدر يدفع حقو كاش داون وما يتديّن ولا يسرق ولا ينهب . المريسة ما كعبة يا باوقة لكن كعب شحدة حق العبّار . أنا يتخيل لي مفروض أقدم ليك ورقة عن دور إنعدام الحلّة في إنحطاط مستوي السكرجي السوداني !!
ود الباوقة
الوســخ بجيب المرض والجوع بسوّي الصرعة وعدم المريسة بعمل فقر دم والكلام بالمناسبات !!
ياخ نجضتنا :)
Post: #59 Title: Re: معا من اجل عاصمة خالية تماما من ( المريسة ) وملحقاتها ... Author: Deng Date: 04-05-2012, 01:15 AM
Post: #61 Title: Re: معا من اجل عاصمة خالية تماما من ( المريسة ) وملحقاتها ... Author: Mohamed Adam Date: 04-05-2012, 02:10 AM Parent: #59
معظم الهامش كان بيشرب المريسه علي أنها غداء وهي وجبه متكامله علي نطاق الأسره والمجتمع
جدير بالذكر لاتجد شخص محترم يقدم علي شرب المريسه إلا ويسمي الله عندما يبدأ في الشرب ويقول: بسم الله الرحمن الرحيم اللهم أحسن وبارك ثم يقرطع الكأس
طبعا سكران مريسة العيش تشاهد علي وجهه علامات الصلاح وجهه بيكون ناعم وصافي كأنه داخل معبد مُـكندَش.
الكلام دا صعب بلعه لجيل المشروع الحضاري لكنه حقيقه عشناها وعاشها الآباء والأجداد.
.
Post: #77 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-05-2012, 11:57 PM Parent: #61
Quote: طبعا سكران مريسة العيش تشاهد علي وجهه علامات الصلاح
وجهه بيكون ناعم وصافي كأنه داخل معبد مُـكندَش.
نسال الله السلامة
Post: #62 Title: Re: معا من اجل عاصمة خالية تماما من ( المريسة ) وملحقاتها ... Author: خالد حاكم Date: 04-05-2012, 02:42 AM Parent: #59
Quote: و المريسة الأعنيها هنا هى مريسة الدخن الأصفر مش مريسة الفيتريته الشايفها فى القرعة الفوق دى؟
المريسة ثقافة غذائية سودانية خالصة وهى شراب مشبع ومغذى قبل ان يكون مسكر وتطبيق حقيقى لشعار الكيزان الذى يقول ناكل او نشرب مما نزرع ونلبس مما نصنع! وكما تعلم الذرة تعتبر غذاء غالبية اهل السودان ومن اكثر الحبوب الغذائية التى تزرع فى مساحات واسعة فى مشاريع الزراعة المطرية الاليه والتقليدية والمروية !
اسم ( المريسة ) اصله نوبى وهو اسم يتكون من كلمتين نوبيتين وهما :
1- ( مرى ) ومعناه ( الذرة ) 2- ( اسى ) ومعناه ( الماء ) والنطق الصحيح للاسم ( مرين اسى ) ومعناه بالترجمة الصحيحة ( موية الذرة ) وترجمته الحرفية ( موية حقت الذرة ) وحرف النون الذى يتبع كلمة ( مرى ) فى اخرها فى الاسم النوبى الصحيح قبل ان يطلق عليه اختصارا ( مريسة ) يعنى النسب وفى هذه الحالة يسمى هذا النون بنون النسب وهذه قاعدة من قواعد اللغة النوبية .
اما بخصوص الحلال والحرام يا ودالباوقة لا تفتكر اذا وجدت الكيزان واشكالهم لا يتعاطون الكحول بانهم لا يتعاطونه عن كونه حرام او حلال والا لما وجدناهم فى المحرمات الاخرى وبكثرة ( زنا , اطفال , سرقة , ظلم , قتل , اهانة , كذب .... والخ )
Post: #63 Title: Re: معا من اجل عاصمة خالية تماما من ( المريسة ) وملحقاتها ... Author: الصادق الزين Date: 04-05-2012, 03:32 AM Parent: #62
ود الباوقة و ين مشيت يا زول تعال إشرب كاسك الصفيتو دا!
للجماعة البقولوا المريسة حرام أديكم النكتة دى:
قالوا فى مناطقنا، يعنى مناطق الهامش محل المريسة الماخمج، قالو ا
زار الحلة خواجة أيام الجفاف و التصحر، طبعاً الخواجات جوا نجدونا
بمعونة ريقان، والله نحن هناك الناس الكبار قلبنا أساميهم ريقان خليك من الصغار
آها، الخواجة الدقش الحِلة فى النهار جاء وقت غداء الجماعة ولقاهم لامين
فى مقيلتهم، وجماعتك ما قصروا تب جابوا ليهو قرعة مدنكلة و قدموها ليهو نظام كرم و كدة
صحبك الخواجة ما كضب مسك القرعة بيدينو الإثنيين و قام ليك بالقرعة جت لامن شنبوا
إتقلب أبيض من رغوة المريسة و ختى القرعة قداموا فاضية، آها جماعتك قاعدين بغادى بتفرجوا فى الكافر
دا كيفن بشرب المريسة زى شرابهم، فصاح واحد من الجماعة متندراً: "يا خّى تارِى الدهِى مُسلِم"!!
____________________________________________ يا زول حرمة شنو إنت لو ما مسلم ذاتك ما بتشرب مريسة، المريسة حقت المسلمين ما شايف الزول دا لما الخواجه شرب معاه المريسة بطريفته العجيبه دى إفتكروا مسلم! والله يا ود الباوقة توقف للزول دا المريسة يبقيك إنت الكافر.
Post: #65 Title: Re: معا من اجل عاصمة خالية تماما من ( المريسة ) وملحقاتها ... Author: علي الكرار هاشم Date: 04-05-2012, 11:07 AM Parent: #63
Quote:
حدثني ابراهيم سعدية وهو خبير
في المشروبات الروحية البلدية
ان القامزوت يعادل ( الزفت ) وهو اخر درجات تكرير النفط
كما تعلم
يا اخي دي معلومات خطيره جدا والغريب انو موثقة من مصادرها
Post: #66 Title: Re: معا من اجل عاصمة خالية تماما من ( المريسة ) وملحقاتها ... Author: محمد أبوالعزائم أبوالريش Date: 04-05-2012, 11:44 AM Parent: #65
إضافة للفوائد المذكورة أعلاه ... خاصةً الفائدة (الغنمية) التي ذكرها أحد الأخوة من حيث إدرار الحليب، فإن هواة صيد الأسماك يستخدمون (المُشُك) بإلقائه في النيل لدعوة الأسماك لوليمة (مُشكية)، فيرمي صنارته ليصيب ما يقسمه له الحظ من بلطي وبياض وقراقير وقراميط.
Post: #67 Title: Re: معا من اجل عاصمة خالية تماما من ( المريسة ) وملحقاتها ... Author: وضاحة Date: 04-05-2012, 12:26 PM Parent: #66
بقً بقً
انت بلدى خالص
الناس تتكلم عن الواين والفوتاك والكورفوازير والجن وانت تتكلم لى عن المريسة
هاك المريسة دى
Post: #68 Title: Re: معا من اجل عاصمة خالية تماما من ( المريسة ) وملحقاتها ... Author: osman righeem Date: 04-05-2012, 12:52 PM Parent: #67
سلام يا عمر
ياخ انت ما قريت فقه السيطرة
الناس دي لو خلت المريسة حتلقاهم في ابو جنزير
مفروض لحدي هسي يكون جاك لفت نظر عن مبادرتك هذه
Post: #69 Title: Re: معا من اجل عاصمة خالية تماما من ( المريسة ) وملحقاتها ... Author: Zakaria Joseph Date: 04-05-2012, 05:06 PM Parent: #68
يلا يا عمر, دى فكرة ادعمها بكل قوة. لان البارات فى مدن الجنوب الكبرى جل زبائنها تاتى من شمال يا اخوى و خاصة الحناكيش من ابناء الجماعة اياها. هذا لا تشهير باحد و لكن لو زرت ملكال او واو او جوبا ايام الخميس و الجمعة فسوف ترى العجب. الطائرات بتجى من هناك عديل مليان لناس جايين تبرد طايوقها ببيرة ساقطة"تعبير لدينق" من ماركة مبيورديت "white bull." الاخوة من شرق افريقيا ما بحبو ينفق قروشهم فى الجعة الفارهة اصلا. دى فرصة طيبة لاصحاب البارات فى الجنوب.
Post: #71 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-05-2012, 05:12 PM Parent: #69
Quote: يلا يا عمر, دى فكرة ادعمها بكل قوة.
جوزيف
بالله ممكن تدينا فكرة عن العسلية
بايجاز لو تكرمت
Post: #70 Title: Re: معا من اجل عاصمة خالية تماما من ( المريسة ) وملحقاتها ... Author: Zakaria Joseph Date: 04-05-2012, 05:08 PM Parent: #68
يلا يا عمر, دى فكرة ادعمها بكل قوة. لان البارات فى مدن الجنوب الكبرى جل زبائنها تاتى من شمال يا اخوى و خاصة الحناكيش من ابناء الجماعة اياها. هذا لا تشهير باحد و لكن لو زرت ملكال او واو او جوبا ايام الخميس و الجمعة فسوف ترى العجب. الطائرات بتجى من هناك عديل مليان لناس جايين تبرد طايوقها ببيرة ساقطة"تعبير لدينق" من ماركة مبيورديت "white bull." الاخوة من شرق افريقيا ما بحبو ينفق قروشهم فى الجعة الفارهة اصلا. دى فرصة طيبة لاصحاب البارات فى الجنوب.
Post: #72 Title: Re: معا من اجل عاصمة خالية تماما من ( المريسة ) وملحقاتها ... Author: Deng Date: 04-05-2012, 06:18 PM Parent: #70
يا جماعة.
أخونا ود الباوقة لمن كان بعثي صدامي كان بيشرب العرق(العرقي) المصنوع بأفخر انواع التمور العراقية.
ولكن عندما أنقلب لونه السياسي الحربائي فأن الرجل صار ينعل الخمرة.
النسى قديمو تاه يا "شيخ" عمر.
Post: #73 Title: Re: معا من اجل عاصمة خالية تماما من ( المريسة ) وملحقاتها ... Author: Zakaria Joseph Date: 04-05-2012, 06:38 PM Parent: #72
Quote: جوزيف
بالله ممكن تدينا فكرة عن العسلية
بايجاز لو تكرمت
ما حصل شربت عسلية و لا مريسة. علشان راسك ما يطير بعيد, انا غلابة ساكت و لم يكن بمقدورى شراء الخمور بدل اكل. بس اخوك بيكره البيرة هسى و لكن روم هابانا كلوب خمسطاعشر سنة مرطب بتلج و كوكاكولا و قطعة ليمون كويس معاى. احيانا تاكيلا باليمون و ملح فى الشتاء.
Post: #74 Title: Re: معا من اجل عاصمة خالية تماما من ( المريسة ) وملحقاتها ... Author: خالد علي محجوب المنسي Date: 04-05-2012, 06:50 PM Parent: #73
يا ودالباوقة حارب المستورد والعرقي لكن المريسة مالا ؟؟ زرع إدياتنا وطحن إخياتنا
الشايقي نايم شبعان مريسي في الجو ( الجو هو بيت الخمور البلدية ) القمرة خنقت .. والناس بقت تدق في الصفائح ( عادة سودانية لما القمرة تخنق (( الخسوف )) ) الشايقي صحى سأل ست البيت : في شنو الناس دي بتدقدق ؟؟ قالت لي : القمرة خنقّت قال ليها : دا من عمايلكن .ز الله غضبان عليكن .. بتغشن وتوسن المريسي رقيقة
مالك عليها المريسة يا ودالباوقة
تحياتي ومودتي
Post: #75 Title: Re: معا من اجل عاصمة خالية تماما من ( المريسة ) وملحقاتها ... Author: عماد الشبلي Date: 04-05-2012, 07:12 PM Parent: #74
بعد السنين دي كلها
المريسة لسع حايمة في العاصمة !!!!
مش نميري دفقا في النيل ؟؟؟
Post: #78 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-06-2012, 00:11 AM Parent: #75
تصبحون على خير
Post: #79 Title: Re: معا من اجل عاصمة خالية تماما من ( المريسة ) وملحقاتها ... Author: جمال خضر Date: 04-06-2012, 00:12 AM Parent: #75
هنالك من يتعاطون المال العام خلسة
وفى العلن هؤلاء هم الأخطر لأن ضررهم بائن
بينونة كبرى فهم الأولى بمناقشة آثار
ما يرتكبون من جرم تقشعر أمام فظاعته
معيشة شارب المريسة المغلوب على أمره.
ود الباوقة تشوف فى الفيل وتطعن فى ضلو
مع التحية
Post: #80 Title: Re: معا من اجل عاصمة خالية تماما من ( المريسة ) وملحقاتها ... Author: محمد داؤد محمد Date: 04-06-2012, 02:13 AM Parent: #79
المريسة وما ادراك ما المريسة !!!
المريسة شراب مسكر وطعام مغذى ومفيد لصحة الانسان
والمريسة تستخدم احيانا كدواء وشراب مقوى
اصل المريسة من اين اتت وما معنى كلمة مريسة
غرف السودان المريسة بل وتم اكتشافها وتصنيعها لاول مرة فى السودان فى عهود ضاربة فى القدم فى بلاد النوبة ..
وكلمة مريسة كلمة مركبة من كلمتين الاولى مرى وتعنى الذرة والثانية اسى وتعنى الماء فى اللغة النوبية بلهجتها الدنقلاوبة اذن كلمة مريسة تعنى موية العيش ....
فى بلاد النوبة الشمالية وايضا فى مناطق اخرى كانت تقدم انواع من المريسة للضيوف القادمين وقت الهجيرة وكانت تصنع المريسة استعدادا لحفلات الزواج والطهور وحتى وقت قريب كانت ام العريس تعد العدة لتصنيع المريسة استعدادا لزواج ابنها فكلما كانت كمية المريسة واصنافها كبيرة ومتعددة كان ذلك دلالة معزة الام لابنها العريس واحتراما لضيوفه ومعازيمه فكانت تصنع المريسة وانواعها المختلفة بالاضافة للدكاى الذى يقدم ايضا للضيوف وخاصة الباب منهم من المعازيم .اما الحسوة فتقدم مع المريسة وقت القيلولة طلبا للراحة والنوم ...
لقد شهد السودان محاولات لمنع المريسة وقطع دابرها ولكن كل تلك المحاولات راحت ادراج الرياح وكان مصيرها الفشل واول تلك المحاولات الامر الذى اصدره الخليفة عبد الله التعيشة بمنع صناعة وشراب المريسة الذى قاومه الناس بطرق عديدة يحكى منها ان اهلنا الشوايقة والذين كانو يقيمون فى امدرمان كانو يحملون المريسة فى الركوة ( الابريق ) ويخرج بها الى الخلاء دلالة على انه ذاهب للخلاء لقضاء الحاجة وهناك يشرب المريسة التى بالركوة وقد قالوا شعرا وهجاء فى ذلك الامر القاضى بمنع المريسة اذا كان الخليفة قد زيله بنصيحة مفادها ان شارب المريسة لن يدخل الجنة فقال الشاعر يهجو الخليفة بلهجته الدالة على منطقته خشيم الحاجة ده اليابى المريسى تعرف الجنة شقيش يا .. ف ط ي سى اما فى عهد النميرى فقد تطور ت وسائل اخفاء وتأمين المريسة والعرقى فكان البعض يحمل الشراب فى علبة لبن الفورموست وكأنه يحمل لبنا جافا اما اخوتنا الطيانة ( البنائين ) فكانو يحملون المريسة بعد ان يقوموا بتعبئتها فى خرطوم المياه المصنوع من البلاستيك الملون ويسير بها فى الطريق الى منزله حيث يشربها ..اما اخواننا بائعى اللبن ( سيد اللبن ) ذو الحمار والقدرتين المحمولتين على ظهر الحمار فكان بعد ان يبيع حمولة قدوره من اللبن يعمد الى بيت المريسة السرى ويقوم بحمل المريسة فى قدور اللبن ويعود بها الى قريته ليشربها فى منزله
محمد
Post: #81 Title: Re: معا من اجل عاصمة خالية تماما من ( المريسة ) وملحقاتها ... Author: Alshafea Ibrahim Date: 04-06-2012, 08:10 AM Parent: #80
ود الباوقة المريسة وملحقاتها مصدر رئيس من مصادر المال الحلال لخزينة مال حكومة الكيزان ، في الخرطوم وبشكل يومي يوجد بند ثابت في الميزانية وهو العائد المالي للمحليات والولاية والشرطة والقضائية من الكشات (المريسة) ... ولا تنسى سنين اللا وطني الأولى - كانت الكشات ومصادرة (عدة) المرايس أهم مصدر للمال ، ومدثر الرشيد منفردا أدخل للخزينة الولاية من محاكمات النظام العام في (خمس سنوات) ما لم تدخله (شركة الأقطان في عشرين سنة) ... أسحب البوست وأستغفر وتوب لو كنت راح تستمر مع بنو كوز ، هم قوم لا يعرفون الحرام ولو كان ثابت ثبوت الشمس في رابعة النهار وبموجب الكتاب والسنة عليهم لعنات القوي المقتدر الشفيع
Post: #82 Title: Re: معا من اجل عاصمة خالية تماما من ( المريسة ) وملحقاتها ... Author: معتصم دفع الله Date: 04-06-2012, 09:58 AM Parent: #81
يا ود الباوقة ..
شيلوا الخرطوم كلها .. وخلوا لينا باقي البلد بي مريسته .. إنتوا عندكم البلد غير الخرطوم ؟..
غايتو خد ليك شقة كده بالليل في أحياء المتنفذين .. عشان تعرف حاجة .. قال مريسة قال ..
Post: #83 Title: Re: معا من اجل عاصمة خالية تماما من ( المريسة ) وملحقاتها ... Author: منتصر عبد الباسط Date: 04-06-2012, 12:57 PM Parent: #80
Quote: وكلمة مريسة كلمة مركبة من كلمتين الاولى مرى وتعنى الذرة والثانية اسى وتعنى الماء فى اللغة النوبية بلهجتها الدنقلاوبة اذن كلمة مريسة تعنى موية العيش .... فى بلاد النوبة الشمالية
جاء في لسان العرب ويقال للتريد: المَرِيسُ لأَن الخبزَ يُماتُ. ومَرَسْتُ التَّمر وغيرَه في الماء إِذا أَنْقَعْتَه ومرثْتَه بيدك. قال أَبو حنيفة: ومَرِيسٌ أَدنى بلاد النُّوبِة التي تلي أَرض أُسْوانَ؛ هكذا حكاه مصروفاً.اهـ
Post: #85 Title: Re: معا من اجل عاصمة خالية تماما من ( المريسة ) وملحقاتها ... Author: محمد أبوالعزائم أبوالريش Date: 04-06-2012, 02:32 PM Parent: #83
جاء في سفر الطيب محمد الطيب رحمه الله (الإنداية)، أن الشايقي، سمع إحداهن تغني وتقول:
حليل موسى يا حليل موسى حليل موسى للرجال خوسى لا بياكل المُلاح أخدر ولا بيشرب الخمُر يسكر.
فتعجّب الشيقي قائلاً:
لا بياكل الويكي ... لا بيشرب مريسي؟
نان حليلو في شنو؟
Post: #86 Title: Re: معا من اجل عاصمة خالية تماما من ( المريسة ) وملحقاتها ... Author: وضاحة Date: 04-06-2012, 03:02 PM Parent: #85
Quote: فتعجّب الشيقي قائلاً:
لا بياكل الويكي ... لا بيشرب مريسي؟
نان حليلو في شنو؟
يعنى الرجالة بالسكر ؟؟
الشايقى دا ماعندوا راس ولا ايه
والله اى راجل بسكر ما راجل
الراجل شجاعة مواجه
وعقل حاضر وقرار صائب
زى موسي
Post: #87 Title: Re: معا من اجل عاصمة خالية تماما من ( المريسة ) وملحقاتها ... Author: منتصر عبد الباسط Date: 04-06-2012, 03:18 PM Parent: #86
الذي يظهر أن المريسة مشروب عربي مثله مثل النبيذ الذي نسميه النبيت أو الشربوت كان خالي من الكحول ثم تطور أو صار يخمّر اذ الكلمة الظاهر أنها عربية ...والمشروب عربي .. يقول أحد الأعضاء في موقع سعودي هو أبو لمى الغامدي
Quote: المريسه وما أدراك ما المريسه أحبتي أحببت أن أشارككم وسوف اطرح بين ايديكم طريقة عمل المريسه ركزو على الاسم مريسه وليست مرسه................... .............. لكل منا يعرف ما للتمر من فوائد والبعض يتفنن في عمل المريسه بعدة طرق ولكن ثق بأنك لن تبحث عن الماء ولا الاكل بعد أن تشرب المريسه
Post: #89 Title: Re: معا من اجل عاصمة خالية تماما من ( المريسة ) وملحقاتها ... Author: صابر عابدين Date: 04-06-2012, 06:42 PM Parent: #87
يااستاذ منتصر الكلمة ذى ماذكر محمد داؤد اصلها نوبية وبالنوبى الدنقلاوى وهى مرسه Merisse وثم تم تعريبها لتصبح مريسة ,وثم لتنتقل الى بلاد العرب الاخرى تماما كما تنتقل الشعوب والحضارة من مكان لاخر ,فى سلطنة عمان وفى قطر تجد قبيلة النوبى واسعة الانتشار هناك
وتحياتى
صابر عابدين
Post: #88 Title: Re: معا من اجل عاصمة خالية تماما من ( المريسة ) وملحقاتها ... Author: صابر عابدين Date: 04-06-2012, 06:24 PM Parent: #86
ياوضاحة صحصحى شوية معانا فى زمنهم كانت المريسة نوع من الرجالة ودليل على بلوغ الفتى سن الرجالة وتحمل التكاليف ,وماتربطى بين شراب المريسة الطقسى دا وبين البهدلة والسكر والترنح وخياطة الشارع البيعملوه الشباب الايام دية , البيعانوا من عقدة المنع والكبت والجلد ,وانت باين عليك من جيل مواليد بعد تحريم الخمور الاشاعته حبهة الميتاق والجماعات المتشددة ,فى ايام الحضارة الشراب كان بمسؤؤلية ذى ماكان العمل بمسؤؤلية
مع تخياتى
صابر عابدين
Post: #90 Title: Re: معا من اجل عاصمة خالية تماما من ( المريسة ) وملحقاتها ... Author: Elbagir Osman Date: 04-06-2012, 06:54 PM Parent: #88
هل المريسة أسوأ ما في العاصمة؟
الباقر موسى
Post: #91 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-06-2012, 07:03 PM Parent: #90
والله ياجماعة الخير لو ما انتهينا من توزيع
اراضي نهر النيل دي
الله اعلم افضى ليكم
مع ذلك في انتظار صديقي بنق بونق
Post: #92 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-06-2012, 07:10 PM Parent: #91
Quote: والله اى راجل بسكر ما راجل
الراجل شجاعة مواجه
وعقل حاضر وقرار صائب
اردمي.....
Post: #93 Title: Re: معا من اجل عاصمة خالية تماما من ( المريسة ) وملحقاتها ... Author: عماد الشبلي Date: 04-06-2012, 07:25 PM Parent: #92
Quote: Quote: والله اى راجل بسكر ما راجل
الراجل شجاعة مواجه
وعقل حاضر وقرار صائب
اردمي.....
وبهذا فقد قطعت جهينة ( وضاحة ) قول كل خطيب
وانتهي البوست بالضربة القاضية
والعاقبة عندكم في المسرات ( او في المريسات )
مع تحيات ود الباوقة ....
Post: #94 Title: Re: معا من اجل عاصمة خالية تماما من ( المريسة ) وملحقاتها ... Author: Elbagir Osman Date: 04-06-2012, 09:47 PM Parent: #88
Post: #95 Title: Re: معا من اجل عاصمة خالية تماما من ( المريسة ) وملحقاتها ... Author: Mohamed Adam Date: 04-06-2012, 10:17 PM Parent: #94
السودان زمن كان متسامح مع المريسه إلي 1982: الخير كان عامي البلد الدولار كان بـ42 قرش طلب الفول بـ ريال... السمكه التقول عليها سمكه بـ طراده الناس بتصلي في اقرب مسجد ماكانت بتسال عن إمامه إنشاءالله يكون وهابي!
اليوم دا لو رجع السودان لعهد المريسه سوف تنعدل حاله. تنهمر السماء بالمطر وتجود الأرض بالزرع والضرع.
Post: #96 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-07-2012, 05:39 AM Parent: #95
Quote: اليوم دا لو رجع السودان لعهد المريسه سوف تنعدل حاله. تنهمر السماء بالمطر وتجود الأرض بالزرع والضرع.
اتق الله ....
Post: #97 Title: Re: معا من اجل عاصمة خالية تماما من ( المريسة ) وملحقاتها ... Author: Amin Salim Date: 04-07-2012, 05:45 AM Parent: #96
ود الباوقه قوول كه
Post: #98 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-07-2012, 05:50 AM Parent: #97
Quote: ود الباوقه قوول كه
امين
يا اخوي كه شنو
المريسة دي تشم ريحتا على بعد فرسخين ونص
قال كه
اركز
Post: #99 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-07-2012, 09:40 AM Parent: #79
Quote: مالك عليها المريسة يا ودالباوقة
اخي المنسي
صدقني اسباب البلاوي كلها من المريسة دي
مرورك اثلج صدري
اشكرا
Post: #100 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-07-2012, 09:48 AM Parent: #99
Quote: عدل بواسطة Elbagir Osman on 06-04-2012, 11:00 PM)
الباقر
مالك بتبطبط
اركز
Post: #101 Title: Re: معا من اجل عاصمة خالية تماما من ( المريسة ) وملحقاتها ... Author: ود الباوقة Date: 04-07-2012, 10:22 AM Parent: #100
يا جماعة اخونا
بنق بونق
مالقى خبر ( المرايس ) دي
اين انت يا بنق بونق ؟؟؟
Post: #102 Title: معا من اجل اسقاط عصابة المؤتمر الوطني Author: abdelrahim abayazid Date: 04-10-2012, 09:18 AM Parent: #79
ما اظن ان ود الباوقة بهذا الذكاء ويكون عامل تورية لاخلاء العاصمة من اخوانا الجنوبيين تمشيا مع انتهاء المهلة في 8 ابريل
