غايتو دعاية سيئة في حق المدرسة والمدرسين وكمان التعليم في السودان...والشافع المسيكين طار طيرة اب ريش من الدريش تاتى السودان ده كان كتبوا ليهو في محاية دواء ما بشربوا......الله العنكم يا كيزان حتى شفعنا كرهتوهم في البلد!
Post: #4 Title: Re: شافع سوداني امريكي يفضح ( القبس دبلوماتيك برايفيت سكووول)! Author: سيف النصر محي الدين Date: 04-03-2012, 03:02 PM Parent: #3
يا عمدة غايتو شفع امريكا ديل الله يدينا خيرهم ساكت. مجاملة اصلو ما عندهم. ___________________________ Smart kid,I like his videos
ديل شفع تفاتيح صاحين وما بعرفوا الكضب اهو علي طول قالوا الدايرنو بلا لف ولا دوران وفضحوا الكيزان .... الله احفظهم واخليهم للمستقبل انفعوا شعبهم السوداني والامريكاني!
الطفل دا ربنا يحفظه بيقدم خدمة ممتازة لأطفال المتجنسين أو المقيمين اللى أهلهم حيودوهم السودان... الغالبية من اللآباء والآمهات ما واقعيين فى تقديرهم لتبعات تجربة أطفال وشباب أمريكا والدول الغربية للحياة أو الدراسة بالسودان.. و لا يستندون فى قرارهم بحق أبنائهم سوى على أرتباط عاطفى ضخمته خيبات الغربة ومعاناتها... وعايزين الأبرياء ديل يشوفوا السودان بالمنظار دا... ولو الطفل حاول يشوف حسب معلوماته بسبب نشأته فى أمريكا أو ماتوفر له من تجارب أطفال تانين، الجرسة بتحصل وجلد الذات ونحن أولادنا ضاعووا و..واى.. و..واى... ولم أسمع حتى الآن عن أى خاتمة سعيدة ودايمة لطفل ساقوه السودان وعنده طريقة يرجع وما رجع.... عشان كدة مفروض الناس الكبار يعالجوا الآثار النفسية لتجربة هجرتهم بعيدا عن أى أسقاط له تأثير مستقبلى على حياة الأبرياء من الأطفال والشباب...
و بالنسبة لأولاد الأمريكان ديل القبس دى ما براها...ياخى ديل أول مشكلة بتواجههم هو عدم مقدرتهم على التعامل السلوكى مع الأطفال اللى فى سنهم ..من قريص وضرب وألفاظ. ودى عايزة مدة عشان الطفل يتعود ويكتسب مهارات زى دى تمكنه من المواكبة... وبس أتخيل الولد دا ودوه للمدارس اللى لسه فيها الأطفال الكبار ممكن يرفعوه للجلد بواسطة الأستاذ؟؟؟؟؟؟ تحياتى
ملاحظاتك الثرة في محلها لصالح الاسرة السودانية المهاجرة والممزقة ما بين هواجس العودة المستحيلة لوطن صار جحيما والاستقرار المشوب بفوبيا الضياع في المنافي الرحيمة والتي لا زالت بكل هواجسها ملاذا امنا لهذه الاسر الطيبة وقد حماها من شرور وطن تكالبت عليه الضباع والهوام. وبالتأكيد مثل هذا الطفل الذكي وهو بهذا المجهود الخرافي في استغلال هذه التكنولوجيا التي ترعرع في ديارها سيكون مفيدا برسالته الصريحة والخالية من اي غرض لصالح تنوير هذه الأسر المهجسة بالضياع كي تكون واقعية في تقديراتها فيما يخص الراهن والمستقبل وهم لا زالوا مواطنين وليس مغتربين في هذه المهاجر.
اوعي يوم احكم مزاجك الشين دااااك والقاك توووش سقت شافعك الشطوري السودان عشان تعلموا لغة أجدادو العرب اي لغة الضاااااااد كما ينطقها جده بلال بن رباح الدنقلاوي! المهمين.......
التحية للابن الذكي محمد النجومي وهو يرسل هذه الرسالة الثمينة والمفيدة لكل السودانيين المهاجرين في الغرب كي يكونوا واقعيين في تقديراتهم الاسرية وبلا مجاملات عاطفية علي حساب استقرار اسرهم فكلنا نحب الوطن والعودة اليه وكلنا يدرك اننا منتوج أزمة وطنية هي التي اضطررتنا لهذا التواجد القسري في المهاجر وانه لا زالت تلكم الأسباب التي اضطررتنا للهجرة قائمة في الوطن ولذلك لن تتحقق العودة للوطن الا حينما تنتفي تلكم الظروف الظالمة وحينها يمكن ان نعود ومعنا حصاد غربتنا اي مثل هذا الصبي الذكي والذي في اعتقادي سيكون له مستقبل مبهر في هذه الديار او في الوطن الام اذا تبدلت الظروف.
اعتقد ان ابننا الفطن الشجاع النجومي قد مس فينا وترا حساسا وهو يضع يده علي الجرح مباشرة ليلفتنا الي غيبوبتنا ونحن لم نحسب حساباتنا كارباب اسر الي تطلعات وآمال عيال نحن الذين جلبناهم لهذا الواقع الجديد وعلينا ان نتحمل تبعات هذا الخيار من غير ضرر بمصالحهم وايضا بغير ضرر لمصالحنا كاسر و كمواطنين سودانيين مهاجرين معتزين بهويتهم الأولي وايضا الثانية التي اكرمنا بها هذا الوطن الجديد.
انها مأساة الوطن ان حل به هذا السرطان ولا تخلص منه الا بالاستئصال لانهم افات تمددت في أدق تفاصيل حياتنا من خلال تغلغلهم الاجتماعي كمواطنين تربطنا بهم أواصر وصلات يستغلونها أشنع استغلال الي درجة الابتذال حيث لم يقدروا في حساباتهم ادني تقدير لمصلحة القادمين من اجيال بل يعملون ليل نهار لمصادرة حتي مستقبلهم من خلال هذا التعليم المهزوز المنحط والذي لن ينتج الا أجيالا وهينة دجينة لا تصلح لقيادة عربة كارووهنا الماساة حيث يمكن عبر التغيير ان نستعيد كل مادي ونعيد ترميمه من جديد ولكن من المستحيل ان نعيد انتاج انسان محطم الا عبر مشروع ثورة كبري صارمة الحلول وحاسمة القرارات ولا ترحم الخونة والمفرطين ومن يقفون في وجه التغيير. مودتي
واقترح بسبب إعجابي بهذا الابن الموهوب محمد النجومي ان تهتم تجمعات المهاجرين بالمتفوقين من بناتهم وابنائهم في كل المجالات وان يحتفوا بنجاحاتهم في اماكن عامة امام اقرانهم لتحفيزهم أيضاً للتفوق والمثابرة وهو امر مفيد جدا لهؤلاء المهاجرين سيرفع مستقبلا من مستويات حياتهم ومن سمعتهم كسودانيين يسهمون في رفد مواطنهم الجديدة بالمبدعين والمتفوقين وهو ايضا امر مفيد لسمعة موطنهم الاصلي اي السودان.
العمدة هباني و ضيوفه الكرام..ربنا يحفظ اولادنا حميعاً..وشكراً جزيلاً لدعمكم و تشجيعكم لموهبة ابنكم محمد و تخصيص هذه المساحة الاسفيريه لمجهوداته في التعبير
مليون مراحب بالنجومي الاب عضوا بالمنبر العام وهو شرف لنا ان تكون بيننا وان يكون الابن الشبل محمد النجومي سببا في التعرف على شخصكم الكريم لانه يمثل شهادة على حسن التربية وهو حصاد الغربة المرة وفخر لكل سودانيي المهاجر ان يكون افلاد اكبادنا دوما من المتفوقين مع سلامي للابن النجومي وللام الكريمة التى انجبت هدا الابن النجيب حفظه الله ورعاه.
Mohamed is very honored and happy for your subscription to his channel. In fact ever since this post, he checks his YouTube channel daily for comments, subscriptions, and views. He noticed an increase in views. He is most excited about the recognition and great feedback he has received. Thanks to you and his uncle Husham, and the others who have commented and supported his efforts.
Quote: اين توجد مدرسة القبس المعنية ومن هو مالكها وكم رسوم الدراسة فيها؟
العزيز هباني تحياتي
وكغالبية الآباء في المهجر قلت أرسل أولادى سنتين تلاتة يتعلموا فيها ثقافة وتقاليد أهلهم ويتعلموا اللغة والدين ثم يعودوا لبلاد الفرنجة ... فكانت مدارس القبس هي المدارس التي إخترتها لأبنائي بإعتبار أنها الأقرب لمنزلنا والدراسة باللغة الإنجليزية ومعاها لغة عربية وتربية إسلامية
صديق قديم درس معي في مصر في الثمانينات علم بأن أبنائي بمدرسة القبس فما كان منه إلا أن سعي للحصول علي رقم تليفوني فإذا بها أتفاجأ بإتصال منه وقبل ما أعرف من هو المتصل قال لي: كمان يا عاطف مكاوى بقيت تدعم أجهزة الأمن القمعية؟ ... لأعلم منه بعد أن تعرفت عليه بأن هذه المدارس تتبع لجهاز الأمن ..... هذا للإجابة علي سؤالك عن المالك .... والمعلومة علي لسان ذاك الصديق ولست متأكداً منها.
أما إجابة أين ؟ فهي في بحرى والخرطوم وفي تلك الفترة علمت أنهم بصدد إفتتاح فرع في أم درمان ...
درسوا فيها لمدة عامين متفرقين تقريباً ٢٠٠٥ و ٢٠٠٧
وهنا لدى ملاحظة : إبنتي أدخلتها KG2 في روضة بالقرب من البيت وبالإنجليزى أيضاً ودين وعربي فإذا بها تعود ذات يوم لتقول بأنها ما عايزة المدرسة ... ليه يا بنت؟ .. قالت الأستاذة بتنهرها كثيراً أمام زميلاتها لأنها ما حافظة السور كويس .... لأكتشف بأنها تدرس (سور كبيرة) تلك التي لم ندرسها إلا في الثانوى ذهبت للمديرة قلت ليها يا جماعة ما تكرهوا أولادنا في بلادهم ونحن نسعي لتحبيبهم يعني ما ممكن تدوهم سور إنتو ما عارفنها وأنا القدامك ده ما حافظ السور التي تطالبون فيها إبنتي ذات الأربعة سنوات بحفظها
Quote: صديق قديم درس معي في مصر في الثمانينات علم بأن أبنائي بمدرسة القبس فما كان منه إلا أن سعي للحصول علي رقم تليفوني فإذا بها أتفاجأ بإتصال منه وقبل ما أعرف من هو المتصل قال لي: كمان يا عاطف مكاوى بقيت تدعم أجهزة الأمن القمعية؟ ... لأعلم منه بعد أن تعرفت عليه بأن هذه المدارس تتبع لجهاز الأمن ..... هذا للإجابة علي سؤالك عن المالك .... والمعلومة علي لسان ذاك الصديق ولست متأكداً منها.
العزيز ابومكاوي
تحياتي
بالفعل اصدق رواية صديقك حول مالك هده المؤسسة ( التاديبية)من طبيعة هده العقوبة واتساقها مع طبيعة نظام الجلاد الحاكم للبلاد التي تتواجد فيها المدرسة التي تزعم انها تخرج قيادات المستقبل وهم مسكونون بالخوف والرعب من معلميهم الدين يبدو بشكل ممنهج يؤدون هدا الامر في سياق توجهات الدولة الناشدة اعادة صياغة الانسان السوداني الي كائن خاضع وداجن ودليل قابل بالظلم والهوان لاجل ديمومة حكم ( الكيزان) ورفعة السودان !
هاهاها عارف ياهشام انا كنت في السودان السنتين الماضيتين وكنت شغال في مجال التدريس وشوفت حاجات مرت بي لمن تستغرب زاتو وحا ارجع لك بقصص كتيرة عنها الخلاصه انه السودان مافيه تعليم خالص منتهي شديد والبركة طبعا في السلم التعليمي والمنهج . اما المدارس الخاصة فهي بالضبط زي ماقال اخونا عاطف فهي دكاكين عبارة عن بيزنس وكل همهم يربحوا وتاتي العلمية التعليميه في اخر اهتماماتهم بالرغم من الرسوم الدراسيه الكبيرة البفرضوها على الناس والنتيجة صفر كبير ماتسمعوا اسماء المدارس الرنانه فهي كلها زي بعض طلبه الصف الثالث ثانوي حتى اليوم لا يعرفوا واحد زايد واحد بيساوي كم ولا حتى جداول الضرب ما كلهم طبعا ولكن الغالبية هناك امتحان تجريبي تقوم بعمله الولاية لطلبة الصف الثالث قبل امتحانات الشهادة طبعا معمول عشان الرسوم وبه الكثير من الاخطاء والافظع من كده انه كان مكشوف ويباع للطلبه بمبلغ عشرة الف جنيه وانا كنت شاهد على هذا الكلام ورايته بام عيني يعني ياهشام ماممكن طالب يجيب لك اسبوتنج بتاع مادة رياضيات عشان تحله معاه وتجي ننفاجأ تاني يوم تلقى الاسبوتنج كله في الامتحان غايتو الله في يكون العون
واحده علي السريع : في امتحان الجغرافيا للصف الثالث كان السؤال الاتي أذكر اثنين من المنتوجات التي يدخل في صناعتها القطن ؟ الاجابة كانت : حلاوة قطن هههههههههههههههههههههههههههههههه لاقبس لا عالمية ما نافعه كله تجارة ياعم
He is sooo cute.. but don't tell him, (dad), "cause guys don't like to be called "cute"..! مدرسة (الغبس) مدرسة خاصة قديمة نسبيا لاني أذكر قريبنا وصديقة لي بعد عودتهم من الخليج قبل عدة سنوات أدخلوا بناتهم فيها وهي مدارس "عربية" وفيما اذكر قالت صديقتي انها مدرسة أردنية ولعلها بشراكة سعودية أو شيء من هذا القبيل. بعد سنتين تلاتة غيروا المدرسة وهو شيء للمعلومية موضة منتشرة في السودان وسط من يبعثون أطفالهم للمدارس الخاصة. يعني كل سنة ممكن الطفل يكون انتقل إلى مدرسة خاصة جديدة ولا أعرف إن كان السبب مجرد قلق (ورغبة في التغيير والاكتشاف) أم لأسباب أخرى لكن فعلا هو ظاهرة.
مشكلة بعض المدارس الخاصة الجادة والقائمة على منهج أجنبي هو وجود الكادر التعليمي المؤهل خاصة من الناطقين باللغة الانجليزية أو المجيدين لها بدون "لكنة" وهؤلاء إما غير متاحين أو يطلبون مبالغ خرافية كمرتبات لذلك تجد رسوم الدراسة عالية بصورة تدهش أمثالنا من المغتربين السذج. بخصوص الضرب في المدارس، أظن أن الوزارة تمنع ضرب الطلبة ولو كان لي أبن أو ابنة في مدرسة وضربه استاذه لاشتكيت المرة الأولى لادارة المدرسة والمرة الثانية لوزارة التربية والتعليم بدون اي تردد.
بالله طمنونا على محمد النجومي بعد ملعقة القرفة..إن شاء الله يكون بخير .. :) التحيات لهشام وزوار البوست
Post: #31 Title: Re: شافع سوداني امريكي يفضح ( القبس دبلوماتيك برايفيت سكووول)! Author: د. ياسر عبد القادر Date: 04-06-2012, 10:33 PM Parent: #30
سلامات هباني و ضيوفه الكرام..وتحية للاخ النجومي وإبنه
حقيقة الكلام دا وقع لينا في جرح , فنحن من نعاني من هذه المشكلة..والمعادلة صعبة جدا...الله المستعان
ياريتو كان كان قال للعسكري ما تقبضو الضبان ما تقبضو الباعوض اشمعنا نحن وليش نحن الحراميه ولا البدسو العيش بس الكويس انو ما قال كدا لأنو ما كان بقى دكتور
Post: #36 Title: Re: شافع سوداني امريكي يفضح ( القبس دبلوماتيك برايفيت سكووول)! Author: محمد الكامل عبد الحليم Date: 04-07-2012, 06:21 AM Parent: #34
تحية....
الموضوع جدير بالتناول عن كيفية ايجاد التوازن المطلوب بين الثقافتين...ورغبة الاباء تزود الابناء بلغة الاباء ...
انتقال الابناء لتعلم اللغة والثقافة قد يتعارض مع الظرف النفسي والاجتماعي والوسط والبئيةوالظرف الاقتصادي وما يتوفر للطفل حال عودته...يقابل ذلك البئية المدرسية والثقافة والمحيط المدرسي وسلوك الاقران...علي خلفية ما اكتسبه الطفل في موقع الاغتراب(مجازا)..ومحمول الثقافة السائدة ....
علي ضوء ذلك فان السن تلعب دورا في قابلية او عدم قابلية المواكبة مع الظرف الجديد واري ان ايفاد الطفل صغيرا قد يكون اجدي مما لو جاء في سن قبل المراهقة بقليل...وهنا تكمن المعضلة واتخاذ القرارات الصعبة..ولا سبيل في تقديري سوي محاولات تلقين العربية في الصغر في اطار المنزل وتلمس الدروس الخصوصية والانتظام في ذلك دون الاخلال باوقات التحصيل الاخري... هواجس ما يترتب عن التغريب تعالج في نطاق الاسرة بجدية وببرنامج ثابت ...الحوار يجب ان يكون سيد الموقف والتحفيز ... تبادل التجارب والتواصل مفاتيح نحو التوازن المامول ...
