فارس جبال تقلي

إت قايل براك يوم تبقا فيها حرابه
سانداك الرجال الولعو التقابه

سانداك دار جعل ناس الدواس والكره
وسانداك دار حمر ناس كردفان الغره
وفي الفاشر هناك سندك عليهم غره

سموك يالأصم وصفوك بي مولانا
ماخليتو أوكامبو اللئيم زلانا
ولا حر السموم في يوم صعب علانا
في قيادتك نشوف النصر ثم علانا

باقان اللئيم جاك ماخبرها فراستك
ولا حجوهو بي سر فطنتك وكياستك
فالح يالأسد من يوم لعب ودراستك
ساقيهو الجـبان مر العذاب من كاستك

مرابع كردفان أهدتنا فيك هديه
ديل أهل الكتال والشبكه والزندية
ساموهو العمر عزوها للحمرية
جابو النصر حققو للوطن حريه

ود هارون أسد قائد الأسود الحره
جحافل سلفا جرعم الكؤوس المره
زغردو يوم مجيك تب ناس فطين والسره
شن جابو للقاك كان ماغشيماً عــره

ود هارون ضليع خابر سياسة الدولة
وكت القول فصيح ما بخلي فاصل وشوله
وكتين الفعل سدد خطاهو المولى
ضربك في الكوماج الجاتو قال لاحولا

ود هارون سند لي شعبو ماهو الخائن
متاريس هيبتك حامياها فيها مدائن
حاشاك مابتهم من كائناً من كائن
فلول سلفا الشتات شبعتو موت وكمائن