محطات النجوم ... الكابتن عصمت الامتداد

في لحظة عندما نسرح في كرة القدم ونربط بينها وبين جميع الفنون الكونية
لايمكننا تجاوز الكابتن عصمت الامتداد لاعب الموردة او كما يحلو لجمهورة عصمت الفنان
وعن شخصي اعتبرة من عجينة الكابتن كمال عبد الوهاب لاعب المريخ السابق الفنان ايضا
اذا كان كرة القدم تعتمد على الخيال الواسع فخيالة ممكن يكون مثل مثل الكاتب الطيب صالح واعظم الكتاب
يستطيع بامكانياته الفنية ان يعمل لوحه من الاداء الكروي
كانت له بصمة واضحة في مسيرة فريق الموردة تغنت له جماهير المورده
ويا الله ويا برهان الهلال مالو زعلان .. والما داير الغلب يبقى عاشق هلب
اغاني كثيرة تردت له الجمهور يغني وهو كان يعزف ويرقص ويرقص الخصوم
يحترم كرة القدم ويقدسها كما تقدس المحبوبة ويغازلها كما تغازل


الدكتور على قاقرين وعصمت الامتداد
هذا اللقاء سوف يكون خفيف ومن حققكم الاسئلة لكي يرد عليها وهو في ضيافتنا الان الكابتن عصمت الامتداد
وسوف نتطرق الى جميع مراحلة الكروية وحتى الطرائف الكروية سوف نعكسها هنا ويعتبر هو من فاكهة الملاعب ايضا
بتعليقاتة الساخرة لبعض الزملاء وسوف نرفق لكم ايضا صور نادرة مع هذا اللقاء الخفيف الجميل

وكان هذا السؤال من الكابتن الانيق على دبلوك لاعب حي العرب
الكابتن عصمت اذا عاد بك الزمن الي الوراء وخييروك بين الانديه السودانيه في اي نادي تلعب ولماذا ؟
وقال الكابتن عصمت

Quote: فاجاني الاخ وليد بهذا البوست ولكن لن نتعزر وندي الجماعة فرصة الجماعة البقوقلو لعيبة الكورة ما متعلمين وفكرهم ضحل ومابفهمو حتي اللقاءت بتجيهم جاهزة . وشكرا كتير نجم الارتكاز دبلكة . بس ياوليد نرد هنا ولا ننتظر تفعيل الرابط عموما نحن جاهزين اخي دبلكة انا والله كنت من اشد المعجبين بالهلال وكان فريقي المفضل انذاك لكن حصلت بعض الامور كرهتني في الهلال فازكر مرة انو في اداري من الهلال اسمو عقيد ومعاه شخص اخر اسمو التاج اتصلو بي للعب باشبال الهلال وفعلا بعد المدرسة مباشرة جاء الاخو...ين وذهبنا الي نادي الهلا ل وساعتها كان الفريق بتمرن داخل الاستاد دفعة معني وعثمان الفاضل وواحد اسمو جكسا وعبد السلام وبدر الدين حسان المهم كان مدرب الاشبال الاخ عبد الله موسي ونسبة لاننا مجموعة جيئنا للاختبار فضل العم شبشة انو ما نلبس لبس الفريق وبقي كل بلباسه واذكر كنت البس فنيلة خضراء وشورت ابيض وشراب اخضر . ونحن داخلين علي الملعب بمعية الادرين افاجا بعبدالله موسي وبتريقة شديدة يقول لي دا شنو دا جبتوه من وين دا امشي امشي غير لبسك دا وبعدين تعال . فاجابه التاج انو مافي لبس قال ليه خلاص يمشي المهم بعد اقناع سالني بتلعب شنو ؟ اجبت لاعب وسط ضحك بترييقة وقال السودان كلو لعيبة وسط . المهم تمرنا وكنت من احسن المتمرنين بل واحرزت هدف ووجدت الاشادة من الكل واولهم الكوتش نفسه وقال لي بكرة لازم تجيب شهادة الميلاد فرددت له قايلا انا ما جاي بكرة وماعايز العب في الهلال . وساعتها قررت عدم اللعب للهلال ولو وزنوني بمال قارون وبعد 6 شهور لعبت السنتر ليق وبعدها وقعت للموردة عن قناعة لكن لوجاني المريخ اكيد كنت سجلت حنقا علي موسي في ذاك الوقت . لذلك كانت افضل مبارياتي ضد الهلال واحرزت ضدهم 6 اهداف .

الكورة

في اولا والعوني قام ازدرا


عصمت شمال حولا

ويا يور اقيف جاك بلا


عصمت لعاب ياخ

شكرا وليد

الهلب نكهه كروية سودانية بمذاق مختلف ! ,
والموردة ورائها مشجعون بكل الاخلاص و التفاني

حزين على حال الموردة اليوم ونتمنى لهم النهوض من كبوتهم ..
التحية للنجم عصمت الامتداد ولك
وسر للامام ثابت الخطى ,,

______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

الف تحية للمهذب اللعاب عصمت الامتداد ..

اعتقد ان عصمت كان الدفعة القدامنا بمدرسة الخرطوم الجديدة

تحياتي ياوليد .......

التحية لكابتن عصمت الإمتداد ... ولك أخي وليد عبد اللطيف ... وياريت لو تشوف لينا أخبار العوني كمان ...

التحية لك ياوليد علي الاشارة الي هذا القامة فهو الفنان في كل ضروب الفن الاخ عصمت الامتداد ........الطريف أنا علاقتي بشجيع الكرة ضعيفة جداً وليس لي اي نصيب في معرفة نجومها ، ولكن التقيت الاخ عصمت بالسعودية ، فهو انسان مهذب وراقي حد الجدعنة ......وياخي الرجل حبوب ، ولا اعرف هل لكرة القدم ضلع في هذا التهذيب؟ فتحياتي له والف سلام عليه وعليك ياوليد......

Quote: الكورة في اولا والعوني قام ازدرا عصمت شمال حولا ويا يور اقيف جاك بلا عصمت لعاب ياخ

الحبيب خليل حتى لا افسد للناس قصة هذه المباراة وقالو حلو الكلام في خشم سيدو
وهذه الاغنية خصيصا كانت وليدة لحظة هز فيهاعصمت الفنان شباك الهلال
نظمت في لحظة دخول الهدف وتغنت بالمساطب
خليل زمان عندما تكون لنا مواجهات مع الموردة
وانا داخل الملعب وخصم للموردة كان يطربني جمهورها
بالاهازيج من الاغاني وبالاخص اغاني البنات

تسجيل م ت اب ع ة

شكرا وليد

عصمت قامة شامخة ندرت ملاعبنا الان من امثال

عصمت الفنان فالتحية له وكل اساطير الموردة

عصام عباس وبريش والجقر ودوكة ومغربي والمرحوم

ضربة والنور وحسن حامد. ياله من شموخ وموردة حضارة

ياوليد ماتجر لينا اخونا معتصم الجمري بجاي .

ولك كل الود اخي وليد وانت دائما تتحفنا بالجميل

ابو اللول لودخلت علي صلاح شكوكو بتلقي ذكريات وطرائف مبالغة في الموردة والترسانة القاهري والامارات والشعبية

وليد
سلام




تحياتنا لي عصمت الفنان

وقولي اعمل ليك تلفون يا خ كل يوم بي رقم

عشان ستاره بيسال منك

ياسلااااااااااااااام حبيبنا ولي علي البوست الجميل

بالله قول لعصمت كيتن علي الهادي طعميه (استديو شهرزاد) اب لسانا طويل

عملوا لينا كبري تاني وحنعدي بهيو مطمئنين لامدرمان ....اكيد نسي الموضوع ديه...

كدي لمن نجيك برواقة سلم لي عليهو وعلي كل الاخوان

تشكر يا ولي علي هذا النفاج البودينا لتلك الايام الجميلة والزمن الجميل

تسلم ولي عوده

كدة يا ولي جيتني في اللحم الحي
عصمت فردتي وود دفعتي وود حينا كمان
عندي ليه كمية صور ونحن في المدرسة
عيييييييييك

ازيك يا وليد
لا حولة نكته عصمت ده من وين ؟
ونحنا منتظرين الزول ده - عندنا ليهو كم سؤال .. !



عموما عصمت زول طيب وبسيط واخو


ـــــــــــــــــ
يا جماعه ......
(( شوف لينا بكري ابوبكر يدي الزول ده اي باص ان شالله باص الحلة الجديدة .))

تحياتنا لمن حمل اسم حيينا الجميل الامتداد
يا وليد --- قول لي عصمت عييييييييييك

لهذ الحي سحر خاص وأحد خصوصيات الحي الخاص عصمت الامتداد

------------------------------------------------------

يا طارق جبريل ويا عبد الله كع ...تعالو نوثق لهذا الحي الجميل...توثيق تاريخي في كل المجالات
مندريس .الساحر . عقرب . ود مالك . محمود صالح . عصمت الامتداد
الخواجه . ( علي قدرة . مدني عبد الجليل . محمد جكسا)

يا ريت يا ازهري والله القصة عايزة وقفة