هارون شريط قناة الجزيرة مفبرك وسوف اقاضيها

ورد في ألوان عدد اليوم

وذكر انه كان يردد شعار قوات الاحتياطي
امسح اكسح جيبوه حي فتم التلاعب في
جيبوه

طبعا هناك من استخدموا اللفظ لغرض مريض
ووجهوه حسب مزاجهم
تف يادنيا تف

قال احمد هارون انه تم التلاعب في الشريط ، بمعنى عمل - مكس - للصوت وإدخال ( ما ) واصبحت ( ما تجيبو حى )

والصحيح ( جيبو حى )

لكن السؤال البطرح نفسو يا المسلمي { ما مصلحة قناة الجزيرة في هذه الفبركة } التي زعمها احمد هارون

جيد أن يطلبوا المشورة القانونية ويعملوا بها ..
وقطعا سيحتاجون اليها يوما ما ..

الكلام ليس في (ما تجيبوهو حي)
الكلام في (ما دايرين عبء اداري )

يا المسلمي ممكن تجيب لينا رابط الخبر من جريدة ألوان؟!
لأني بحثتُ عن هذا الموضوع في عدد اليوم ولم أجده

وبصراحة أحمد هارون لو قال كدا بثبت بأنه مجرم وغبي وكذاب كمان
وفتح على نفسو أبواب الجحيم وقناة الجزيرة لن تسكت على ذلك

يا النذير موجود في عدد اليوم الصفحة الرئيسية

وما دايرين عبء اداري ؟
يعني قال دايرين عبء اداري وادخلو (ما) ايضاً فيها

تحياتي يا المسلمي

Quote: لكن السؤال البطرح نفسو يا المسلمي { ما مصلحة قناة الجزيرة في هذه الفبركة } التي زعمها احمد هارون

هكذا ادان الرجل نفسه

Quote: يا المسلمي ممكن تجيب لينا رابط الخبر من جريدة ألوان؟! لأني بحثتُ عن هذا الموضوع في عدد اليوم ولم أجده وبصراحة أحمد هارون لو قال كدا بثبت بأنه مجرم وغبي وكذاب كمان وفتح على نفسو أبواب الجحيم وقناة الجزيرة لن تسكت على ذلك

الخبر فعلا ورد - مانشيت - في صحيفة ألوان ( عدد اليوم الثلاثاء ) 4817

قراءت في هذا المنبر ان قناة الجزيرة تحصلت على هذا الشريط من الحركة الشعبية ...فاذا صح هذا الخبر فالجزيرة يمكن ان تعاني من مشكلة ...

يادوبه وقع وما سمي يا ود المسلمي، والله احسن له يختى الجزيرة دي
انصحه بمحاولة معرفة من اذن للجزيرة بنشر الشريط ومعرفة السبب في ذلك والسر في التوقيت
يقول مثلنا
مضارفة المؤمن على رقبته حسنة

Quote: الكلام في (ما دايرين عبء اداري )

دائما اي جريمة ضروري يكون فيها دخنة
وانكار احمد هارون هو جريمة في حد زاااتها) والدخنة هي اعلاه..
وفي ظل رجفته ورغبته النكران نسي بانه قال هذه الجملة اعلاه التي تبثت وبالدليل القاطع امره هذا الفيديو
1- احمد هارون اثبت بان الحدث الذي تم تصويره وتسريبه قد حدث
2- احمد هارون اثبت وباعترافه اعلاه بانه تفوه بالكلمات التي وردت في الشريط
3- احمد هارون وقع وما سمااااااشششششش
4-احمد هارون انسان ج بان جبن خراااااافي

ولاهاي والسفر


وسنتوق

الرجاء الاستماع الى الدقيقه 1:05 . واضح جدا كلمة ماتجيبو حى , وفى الخلفيه صوت بعيد لاحد الحضور بقول جيبو حى

برد عليهو القاتل المطلوب هارون : ماتجيبو حى

على حسب خبرتى مافى اى مونتاج تم للحته دى لامونتاج صوره ولا صوت

وحتى من الحديث الضمنى للمطلوب دوليا هارون يتضح بانه ضالع فى التصفيه العرقيه

وهناك تسجيل اخر لرئيس النظام يصب فى نفس الاتجاه , وهو قتل الاسرى

وهناك الدليل الاكبر عندما تمت اتفاقية وقف الحرب بين الجنوب والشمال

لم يسلم نظام الخرطوم اى اسير للحركه الشعبيه , حيث كان النظام يقوم بقتلهم

مستخدمين الفأس بدلاء عن الرصاص , وبقولوا انو العـــبد مابسوى طلقه

من خلال ماسبق يتضح جليا بان المطلوب هارون فضح نفسه اكثر من ان يسترها

ولا حق له على قناة الجزيره من ناحيه قانونيه , حيث ان القانون فى هذه الحاله

يعتمد على رأى خبير فى مجال المونتاج , وعلى ضوء افادته يتم الحكم

اذن قوموا الى قتالكم ايها الكيزان الجرذاااان .

هسي ح يجو يقولوا ليك المهم انو احمد هارون مطلوب

وما محتاج أدلة زيادة !!

وناس محمد سليمان قالو ح يسلمو الفيديو لأوكامبو

وكده يكون اوكامبو زاتو ركب ماسورة

وعشان ما تقولو فرحنا بخبر النفي ، لا زلت متمسكا برأيي

الذي يدعو للمسح والكسح وما يجيبو حي ..

ما بعرف لكن قبل كدا السيد المستشار مصطفى عثمان اسماعيل انكر كلام الشحدة بتاع الرياض الاوردته الشرق الاوسط، تاني يوم لقى الجريدة منزلاه ليهو بتسجيل صوتي موقعها الرسمي .

الذي توقعت منه الادعاء بالفبركة كان هو السيد ربيع عبد العاطي, وهو لم يدعي في مقابلة قناة الجزيرة أبداً أن الشريط مفبرك بل سعى في تفسيره الخاص لعبارات أحمد هارون بأنها عبارات تعبويـة للقوات في جو قتالي .... ربيع عبد العاطي يتجمد بصرامته أمام القنوات وهذا يحرمه من ميزة التفكير والرد المناسب ...

لكني اعتبرها إيجابية أن ينكر أحمد هارون مثل هذا الكلام فهي بادرة توحي بأن الرجل يعرف (قوانين الحرب واتفاقيات جنيف وحقوق الإنسان )


أحمد الشايقي

الروب !

قالو التور إن وقع كترة البتابت عيــــــب
دحيــــن اركز على قول اخوك ود الباوقة وابقى راجل قدر بجاحتك دي

مااااااافي ايتها فبركة والكلام وااااضح زي الشمس
لكن عيبة الرجال النكران والزوغة والرجفيبة
والجاي ورا تقيل
قت ليك اركز واسمع كلام ود الباوقة


سلام ود المسلمي

Quote: (ما تجيبوهو حي)

ما فيها حاجة!

ال ( ما) لا معنى لها لأنها زائدة فقط وهي جزء من كلام بعض سكان غرب السودان،

مثلا عندالقول لضيف ( مرحبا يا أبو فلان، ما تتفضل)، فمعناها ( تفضل أو تعال بجاي).

Quote: (ما دايرين عبء اداري )

، برضو ما فيها حاجة، أي ما عايزين مفردة

(أعبــاء)، وهو كلام عادي، بس عايز فهم لبعض إستخدامات الألفاظ حسب كل منطقة، ولعلكم

تذكرون معني لفظة( شكـشوكة) في السودان، مقارنة مع إستخدام نفس اللفظة بالسعودية،

وعليه أتصور أي إتهام بسبب تلك الألفاظ، إنما هو تجني لا غير.

قرقر


جيبو حي عرفناها


اكلو ني ... دي معناها شنو


اقطع رأسو .. دي يبلعوها كيف

احمد هارون في الشريط : ما تجيبوهو حي
احمد هارون في الشريط : ما دايرين عبء اداري
متسق تماما - لان الميت ما عبء اداري

احمد هارون لالوان : جيبوه حي
احمد هارون في الشريط : ما دايرين عبء اداري (لم بنفى هذا)
هنا التناقض
لان الحي عبء اداري
احمد هارون ما داير عبء ادراي وفي ذات القوت دايرو حي !!!

very simple
احمد هارون يجيب ليهم النسخة العنده الغير مدبلجة

هذا الشريط واظهاره يعنى تماما ضربة البداية تقسيم ما بقى من السودان
جنى

كدي يا حماد ورينا معنى كلمة (عبء اداري ) في فهم الجيش السوداني ؟
او على الاقل في فهمك انت واحمد هارون ؟
زمان الحكومة ومناصريها قالو ( الخواجات بتاعين المنظمات ما فهمو معنى كلمة اغتصاب في ثقافة اهل دارفور وترجموها Rape ولكن كان المقصود انهم اجبرو على على الخروج من ديارهم )
ولفت الدنيا وجات الحكومة اعترفت انو فعلا الحصل هو ما الاغتصاب بمعناهو الجنسي
اسي انت يا حماد بتكرر نفس الخطأ الاول ولم تتعلم من تجارب دارفور
لما تقول لاي عسكري ما دايرين عبء اداري دي عندها معنى واحد في ثقافة العساكر عموما وليس السودانيين فقط
العبء الاداري يعني تجهيز معتقلات للاسرى يعني تفريغ عساكر لمتابعة امورهم يعني شغل بتاع تزويد المعسكرات دي بالامدادات التموينية من اكل وشراب وعلاج يعني التعاقد مع موردين للمواد دي يعني ميزانية اضافية على ميزانية الامدادت العسكرية يعني تعيين حراس للمعسكرات عشان الاسرى ما يهربو يعني تنظيم زيارات للصليب الاحمر زي ما بتقول الاتفاقيات الموقع عليها السودان وهي تنطبق ايضا على النزاعات الداخلية .
يعني العسكري بدل يشغل الكلاشنكوف بتاعو يشغل قلمو ويقعد يحسب التموين والادوية والتحويل للمستشفى والتحويل للمقابر واصدار شهادات الوفاة واخطار اهل المرحوم وده طبعا عساكرنا ديل بعتبروهو عبء وحمولة زايدة ويقول بدل الغاغة دي كلها اديهو رصاصة في راسو وريح نفسك من الشغلانية دي عشان كدة ناس الجيش بيقولو عليها عبء اداري .
طيلة حروب السودان مع جنوبه والتي استمرت لعقود لم نرى او نسمع عن معسكر للاسرى لدى الحكومة فبماذا تفسر هذا ؟
يا سيدي الفاضل جنود الجيش السوداني ليسوا ملائكة الموت المرسلة من الله وليس بايديهم ان يحددو فلان ده وفلان ده يعيش هم يخوضون حربهم ويطلقون رصاصهم وتنجلي المعركة فتجد البعض من الفريق الاخر ميتا والبعض جريحا والبعض يفضل ان يسلم نفسه وهذا ما يحصل في اي معركة في العالم منذ بداية تاريخ الحروب
الحكومة السودانية موقعة على مواثيق تنظم الحروب والزمت نفسها على التقيد بها وقبل هذا وذاك لدينا ديننا وعاداتنا
اذا انت لم تلتزم بمواثيقك ودينك فكيف بربك تريد من اي اخر ان يحترمها لك ؟
الحكومة السودانية وللاسف الشديد لا تتعلم شيئا فنفس اخطاء دارفور تكرر فيها والنهاية معروفة
متى يتعلم الجيش السوداني ان الحرب ايضا لها اخلاق وان لعدوك لك عليك حقا في ان تعالجه اذا امسكت به جريحا وان تطعمه وتاويه ثم بعد ذلك اما تمن عليه باطلاق سراحه او تمسكه في السجن حتى تضع الحرب اوزارها

طيب كلمة اكلو ني

هل تمت أيضاً فبركة حركات شفاه أحمد هارون ؟ و ( ما تعملوا لينا عبء إداري ) ؟

و هل تمت فبركة كلام و حركات ضابط الجيش برتبة الفريق و الذي قال ( ما تجيبوا لينا ....... تجيبوا لينا جوا كلو كلو ) في الدقيقة 1:11 ؟

الفيديو تصوير لحالة إتحاد فريدة بين الإجرام ، الرعونة ، و الإستهتار

و أحمد هارون أنكر بطريقة بليدة


أتمنى أن يأتي اليوم الذي يحاكم فيه جميع مجرمي الحرب و داخل السودان ... و إن طال الزمن
فقد فقدت الثقة في المحكمة الجنائية الدولية التي أصبح مدعيها بهلواناً سياسياً أكثر منه مهنياً منضبطاً

نقطة نظام يا كيزان.

لنفترض جدلا ان كلام المجرم أحمد هارون تم فبركته.

فلماذا كان بقية الضباط يتحدثون عن ما دايرين العبء الإداري ؟
هل يعقل أن يكون حديث الضباط مخالفا لحديث القيادي الإنقاذ أحمد هارون وفي نفس الوقت والمكان؟

يا كيزان نحن في عهد التكنلوجيا ومن حق أحمد هارون أن يدعي أن هذا الشريط مفبرك ومن حق المحكمة الجنائية الدولية أن تثبت ذلك عن طريق الخبراء في مثل هذا المجال. و سوف يخسر المجرم أحمد هارون بلا شك.

يا جماعة دي سياسة دولة وليس حديث أحمد هارون فقط.

لقد قالهاالرئيس عمر البشير نفسه من قبل. قال وهو يخاطب جنوده. "ما عاوزين أي أسير ولا جريح"

اعدت الشريط ومولانا ما عنده طريقة. كلمة "ما" قالها بعضمة لسانه. المختصين سيعيدوا الشريط فريم فريم، بكسل بكسل، فونيم فونيم. وفى تكنولوجيا الصوت فإن حركة الفونيمات فى عبارة  "تجيبوه حى" توضح 
إن كانت مسبوقة بـ "ما"  أم قيلت لوحدها..  وفى هذه الحالة فهى نازلة من اعلى الى اسفل مما يدل ان   "ما" فعلا صحيح وغير مدبلج
x

تجربة لغير المختصين فى اجزاء الكلام 
سجل العبارة ما تجيبوه لينا حى لوحدها ودون باقى حديثه، ثم احذف منها ما، ستجد عبارة تجيبوه لينا حى  تقال بطريقة غير طبيعية بل ومضحكة لأنها اساسا كان جزء من سلسلة صوتية 
بدأت بـ ما، ثم عزلت عنها بدون ان تقال من جديد فى السياق الجديد

يامولانا احمد هارون

ادرش درش شديد

دي حرب وفيها موت وموت


يلا بلا لما

خلوا المحكمة دي تجي تشيلو

اكسح امسح ورش واكلو ني.

Quote: احمد هارون يجيب ليهم النسخة العنده الغير مدبلجة

دا الكلام ...يشيل الشريط الماستر ويمشي المحكمة راسو عديل ,,

الاخوة المتداخلون اشكركم علي ابداء رائكم



ـــــــــــ
من اجري اللقاء زميل البورد صهيب حامد
نرجوا حضوره ويورينااللقاء كان وين
مع العلم ان الزميل صهيب حامد جناح المنشية

Quote: مع العلم ان الزميل صهيب حامد جناح المنشية

قلت لي
جزاك الله خير
هارون ركب التوج
قبض متلبس