فضيحة ومهزلة وكذب النظام في صور معركة هجليج ( صور )

هل هم يضحكون علي انفسهم ام علي الناس

اها يا الصوارمي واعلام النظام البلع كيف ؟؟؟
يا علاء الدين تبلعوا ناشف ولا نجيب ليك موية

ما تغلط زي ود سليمان
لي هسه شرقان و يغرغر


الحكومة كووولها الان في هجليج

الشفيع

Quote: ما تغلط زي ود سليمان لي هسه شرقان و يغرغر الحكومة كووولها الان في هجليج

لو غلطنا من مصلحتكم وده الانتو بتفتشو عليهو
محمد سليمان مصداقيتو في المنبر لا غبار عليها والدليل انكم بتعملوا المستحيل لافقاده المصداقية
واعتقد ان غواصاتكم رسلت ليهو الصور لضرب مصداقيته
فاذا كان ليس له مصداقية كما تقولون لما عبرتوهو ولا تهافتم وتقاطرتم علي بوستاته للشماتة والتبخيس
بتسمي الوالي الحكومة كلها
يا اخ الحكومة اجبن من ان تذهب الي هجليج في هذا الوقت
وبعدين نحن متعودين نبلعكم وليس العكس

اعلام النظام بما فيهو موقع علاء نت
قال هذه الصورة من خسائر الجيش الشعبي في هجليج
الجيش الشعبي دخل هجليج عشان ينقب عن البترول ولا عشان يحارب ؟؟؟
كدي واحد شاطر يقول لينا الآلة دي شنو دبابة ولا راجمة ولا ايمكن تكون مدفع ؟
هسع يا الشفيع دي من خسائر الجيش الشعبي ولا من خسائر النظام ؟
والجاي احلا

الدبابة دي ضربوها بشنو ؟
معقولة كل الطابق الفوق انشال كما تشيل السكينة البطيخة
ولا يبقي الا الجنازير ولا اي حاجة او كتابة او ... تدل علي انها تابعة للجيش الشعبي ؟
طريقة طلوع الجنود علي الجنازير وخاصة الذي في المؤخرة حامل العصا بتدل علي انها من خسائرهم
http://www.sudaneseonline.com/uploadpic11/oct/5223.jpg

دي الدبابة المقصودة في المداخلة الفوق

[qoute]

قوات جنوب السودان تنسحب من منطقة نفطية سودانية بعد اشتباكات



المصدر



[/qoute]

يلا ابلع

اعتقد انو ده المدفع بتاع الدبابة
ده هسع يا الشفيع شكل مدفع اضرب ولا فككو ؟
لقد فكو الدبابة قطعة قطعة لانقاذ ما بداخلها
انظروا الي الشفع الواقفين قدام المدفع كانما بتفرجوا علي التفكيك
والقادم احلي

محمد الامين
شكلك كده دايش يا نعسان
علاقة خبرك ومصدرك بالبوست شنو ؟
ونبلع شنو ؟

Quote: يلا ابلع

تعال شيل حبوبك دي ابلعا فانت في حوجة شديدة لها

كدي واحد يحلل لينا الصور دي

الغريب شنو في صورة الدبابة المضروبة يا جادات ؟!
عادي ممكن برج الدبابة يطير نتيجة انفجار الذخيرة داخلها
أما حكاية انو الطالع في مؤخرة الدبابة طريقة طلوعو تدل على انها من خسائرهن بالغت فيها !!

الصور الأخيرة لاندكروزرين تاتشرات وادة فيها راجمة صواريخ غالبا ما يكونن تابعات للعدل و المساواة
في عملية امدرمان عرباتن كانت كبائنها مقطوعة بنفس الطريقة

والله أعلم

Quote: انظروا الي الشفع الواقفين قدام المدفع كانما بتفرجوا علي التفكيك

نعم يا جادات أتفق مع تحليلك الرائع دا. و لاحظ للشجرة العلى الشمال مش الشمال خالص نمرة اتنين من الشمال شكلها كانت راكة عليها طيرة... هل يعقل أن ترك طيرة في شجرة في مناطق عمليات؟ واضح جدا إنه دي مجرد تدريبات ولا كمان الطيرة دي تكون جنت!

Quote: كمان الطيرة دي تكون جنت

يجازي محنك يا العوض ..

الأخ صلاح جادات
لك التحية و الإحترام

الصورة دي لونش أو حفارة آبار .... The outriggers are already out and set.

ليست دبابة او آلة او مركبة عسكرية:

Quote: الدبابة دي ضربوها بشنو ؟ معقولة كل الطابق الفوق انشال كما تشيل السكينة البطيخة

Quote: طريقة طلوع الجنود علي الجنازير وخاصة الذي في المؤخرة حامل العصا بتدل علي انها من خسائرهم

Quote: انظروا الي الشفع الواقفين قدام المدفع كانما بتفرجوا علي التفكيك

أضحك الله سنك ياجادات..

إنت جادي ولا بتهظر؟!

الصورة لرافعة كرين 25 طن وهي من المعدات المساندة لوحدة الحفر
وفي نشرة العاشرة ليلة أمس في تلفزيون السودان، ذكر دكتور الجاز
تعرّض وحدة حفر للتخريب من الحركة الشعبية.

الماركه الظاهره خلف المركبه دي ماركة مشهوره




تقريباً هي المركبة أعلاه

محمد البشري الغواصة عند الطلب
طيب ليه ما صوروا البرج الطائر ؟ ولو حتي اجزاء منه لاثبات ان الدبابة تابعة للجيش الشعبي
كدي جاوب انت ليه هم طالعين فوق الجنازير ؟ ممكن يطلعوا للاحتفال بالنصر فهل في الصورة مايدل علي ذلك ؟ ومعروف طريقة الكيزان او غيرهم في الاحتفال بالنصر لا ابتسامات ولا وحتي رافعين ايدهم ساي
ما لاحظت انو العربتين فيهم برميل وفي واحدة البرميل ملصق مع الباب فسر لينا ده حصل كيف يا المفسراتي
والغريب انك ما علقت علي الصورة الاولي ولا جبت سيرتها وجيت تقدح في الباقي ما عندك تفسير للصورة الاولي
عالم عجب

Quote: الغريب شنو في صورة الدبابة المضروبة يا جادات ؟! عادي ممكن برج الدبابة يطير نتيجة انفجار الذخيرة داخلها أما حكاية انو الطالع في مؤخرة الدبابة طريقة طلوعو تدل على انها من خسائرهن بالغت فيها !! الصور الأخيرة لاندكروزرين تاتشرات وادة فيها راجمة صواريخ غالبا ما يكونن تابعات للعدل و المساواة في عملية امدرمان عرباتن كانت كبائنها مقطوعة بنفس الطريقة والله أعلم

العوض
ده تحليل اكبر من عقلك
ليه ما علقت علي الصورة الاولي وهي الجوهر ؟؟ وطبعا انت من ناس ( الحق يقال ) ها ها ها

Quote: نعم يا جادات أتفق مع تحليلك الرائع دا. و لاحظ للشجرة العلى الشمال مش الشمال خالص نمرة اتنين من الشمال شكلها كانت راكة عليها طيرة... هل يعقل أن ترك طيرة في شجرة في مناطق عمليات؟ واضح جدا إنه دي مجرد تدريبات ولا كمان الطيرة دي تكون جنت!

عصام دهب
ليك زمن من بوستاتي
افتكرت انو دي ثغرة وجيت تعرض
ومحن الكيزان الفي الصورة الاولي رايك فيها شنو ؟
تعرف كنت عاوز افتح بوست باكاذيب الصوارمي للتوثيق لقيت حاياخذ من كثير جدا من الوقت ( فهمت )

الاخ محمد سليمان سلام
ولك التحية والتقدير
الآلة واضحة جدا جدا انها ليست آلة عسكرية ومع هذا لا يستحي الكيزان
يعني ناس الجيش الشعبي جاين ينفبوا عن البترول ولا يحاربوا اذا كان جابوا معاهم هذه الآلة
اهو محمد فرح جاب حقيقتها ومع هذا لا يستحون ولا يعتذرون ويطالبون غيرهم بذلك
كل شيء عندهم حلال .. وحرام علي غيرهم فلاعجب انهم الكيزان


حاتم محمد
لا بهظر
ده تحليل اكبر من ان تستوعبوا
ومالك ما اقتبست شيء من تحليل الصورة الاولي


ايمو
ومع ما ذكرته الكيزان قالوا من خسائر الجيش الشعبي


محمد فرح
ما قصرت تب
اها البخلي ناسك ما يقصروا في البلع والاعتذار شنو بعد ما جبت النجيضة بنفسك
وكشكش لينا الشفيع بجاي

يا جادات ياخي انت مفروض اعقل من كدا, هل كل من اختلف مع رأيك جزئيا او كليا تطلعوا غواصة!!
طيب في حالتي دي انا غواصة لمنو ؟ ومنو الجهة الطلبت مني اغوص ليها ووين محل الغوص؟

الصورة الأولى انا ما علقت عليها لأنو واضح انو دا كرين وما آلة عسكرية ولو فعلا

Quote: اعلام النظام بما فيهو موقع علاء نت قال هذه الصورة من خسائر الجيش الشعبي في هجليج

قالوا كدا معناها غلطانين لو كتب التعليق عن جهل او كذابين لو عن قصد
السؤال انت جبت الصورة من وين؟ كدي اديني الرابط الوردت فيه الصورة والقال اعلام النظام بما فيهو موقع "علاء نت" انو دي احدى خسائرالجيش الشعبي
اما برج الدبابة فهدي صورتو انت جبتها - المدفع جزؤ منو بالمناسبة
اما الطالعين في الدبابة ليه ما فرحانين فا اقول ليك شنو بس؟

انت يا جادات شكلك زعلت من مداخلتي في بوست بتاع استقبال امير الرياض للبشير, عموما حقك علينا
تاني كان قلت مدني حتغرق ما ني قايل شي

Quote: حاتم محمد لا بهظر ده تحليل اكبر من ان تستوعبوا ومالك ما اقتبست شيء من تحليل الصورة الاولي

هههههههههه بالله إنت مسمي ده تحليل ياجادات! يارااااااجل!

أنا في البداية كنت قايل الموضوع كلو سخرية منك وقلت ياربي جادات ده قلب ولاشنو؟

طيب لو إفترضنا إنك جادي ممكن توضح لينا الحته دي أكتر

Quote: طريقة طلوع الجنود علي الجنازير وخاصة الذي في المؤخرة حامل العصا بتدل علي انها من خسائرهم

ممكن تورينا طريقة طلوع الجنود في الدبابة لمن تكون من خسائرهم وطريقة طلوعهم لمن تكون من خسائر العدو!

وبعدها تورينا ملاحظاتك علي الصورة وبالذات بالنسبة لحامل العصا وكيف وصلت لهذا النتيجة المذهلة!

أما دي

Quote: انظروا الي الشفع الواقفين قدام المدفع كانما بتفرجوا علي التفكيك

لو سلمنا بصحة كلامك الأكبر من مقدرتنا على الإستيعاب وإنو الشفع ديل فعلاً واقفين يتفرجوا علي التفكيك.

مش ممكن يكونو بيفككو في دبابة من غنائم الحركة الشعبية ولا لازم الدبابة تكون تبع الجيش السوداني عشان يفككوها!

كيس انجر دوت كوم ,,

تحاليل نهاية السياسة

Quote: العوض ده تحليل اكبر من عقلك ليه ما علقت علي الصورة الاولي وهي الجوهر ؟؟ وطبعا انت من ناس ( الحق يقال ) ها ها ها

سلام يا جادات
ما علقت على الصورة الأولى لأني ما شفت زول قال هي من خسائر حكومة الجنوب و هسع ما فات شي جيب لينا رابط و ليك علي أشهد بكذب من قال هذا. هسع في بوست جابه الأخ وائل فيه الكثير جدا من خسائرنا كسودانيين فمافي زول بقدر ينكر إنه في خسائر. و لكن في النهاية حقول النفط هذه حقولنا و لو كانت في يد النظام الآن فلا بد أن يأتي يوم يزول فيه هذا النظام و يرجع الحق لأصحابه. بعدين اعتراضك على إنه الواحد يكون من ناس الحق يقال شنو؟ إنت من ناس الباطل يقال ولا شنو؟

محمد البشري
وهل هذه اول مرة اطلق عليك كلمة غواصة ؟ اطلقتها عليك زمان
يعني حاتكون غواصة لمنو ؟ سؤال ساذج جدا
تبخيس عمل المعارضة ونقدها باستمرار تحت عبارة الحق يقال بسموهو شنو ؟
وليه مافي تبخيس لعمل الكيزان ونقدهم ؟
يا دوب بتسأل جبت الصورة دي من وين كان تسأل في اول مداخلة .. بتسأل الان بعد ما قالوا ليك الصورة مسحناها
بعد ساعتين من نزول البوست كل مواقع النظام بما فيها علاء نت سحبت الصورة ولعلمك لقد تحدث سابقا في هذا المنبر عن ان مواقع النظام ليس لها ارشيف عارف ليه ؟ كدي اسال علاء نت ليه ما عندو ارشيف امكن يجاوبك لانه لم يجاوبنا . ناس علاء دائما ما يتلاعبوا بالارشيف بما يخدم مصالهم ولقد كشفت في هذا المنبر سابقا عملية تلاعب بالصورة
برج الدبابة اتفرطق ما فضل فيهو غير المدفع ؟ واشمعنا المدفع ما جاتو حاجة اذا كان الانفجار فرطق البرج بحالو
ارجع الي الصور التي عرضها النظام لغنائم حروبه منذ حكمه والي الان وقارنها بهذه الصورة تعرف الفرق الكبير الذي لا يخفي الا علي مكابر
لقد وصفتك بالغواصة زمان قبل بوست امير قطر
واهو انت بتحقق عن الرابط وغيره والكيزان نفسهم ما طالبوا بذلك بل محمد فرح جاب نجيضة الصورة الاولي
الحاجات الزي دي الكيزان بدفروا الغواصات عشان يورو ان الحق اتي من ناس المعارضة نفسهم وهم بفتكروا انها لعبة زكية ولكنها غبية
علاء ما عندو عضوية في هذا المنبر عشان انت تقوم بدور المحقق نيابة عنه ( بتهمك مصداقية موقعوا اكثر منو ؟

Quote: يا جادات ياخي انت مفروض اعقل من كدا, هل كل من اختلف مع رأيك جزئيا او كليا تطلعوا غواصة!! طيب في حالتي دي انا غواصة لمنو ؟ ومنو الجهة الطلبت مني اغوص ليها ووين محل الغوص؟ الصورة الأولى انا ما علقت عليها لأنو واضح انو دا كرين وما آلة عسكرية ولو فعلا Quote: اعلام النظام بما فيهو موقع علاء نت قال هذه الصورة من خسائر الجيش الشعبي في هجليج قالوا كدا معناها غلطانين لو كتب التعليق عن جهل او كذابين لو عن قصد السؤال انت جبت الصورة من وين؟ كدي اديني الرابط الوردت فيه الصورة والقال اعلام النظام بما فيهو موقع "علاء نت" انو دي احدى خسائرالجيش الشعبي اما برج الدبابة فهدي صورتو انت جبتها - المدفع جزؤ منو بالمناسبة اما الطالعين في الدبابة ليه ما فرحانين فا اقول ليك شنو بس؟ انت يا جادات شكلك زعلت من مداخلتي في بوست بتاع استقبال امير الرياض للبشير, عموما حقك علينا تاني كان قلت مدني حتغرق ما ني قايل شي

حاتم محمد
مفهومك للتحليل شنو ؟ كدي ارجع لتحليل علاء لاحد الصور في بوست محمد سليمان
كلامك ده كلو الاجابة عليهو في جزئية الرد علي محمد البشري الخاصة بغنائم النظام سابقا
دائما لكل شيء وضع طبيعي فاذا اختل الوضع الطبيعي ظهر الخلل بالمقارنة مع الوضع الطبيعي
كيف وصلت لهذه النتيجة المذهلة ؟ هذه فلسفة ماعندك ليها عقل . كدي ارجع لصور غنائمهم السابقة وستعرف الفرق الواضح بل الشافع بعرف الفرق

Quote: هههههههههه بالله إنت مسمي ده تحليل ياجادات! يارااااااجل! أنا في البداية كنت قايل الموضوع كلو سخرية منك وقلت ياربي جادات ده قلب ولاشنو؟ طيب لو إفترضنا إنك جادي ممكن توضح لينا الحته دي أكتر Quote: طريقة طلوع الجنود علي الجنازير وخاصة الذي في المؤخرة حامل العصا بتدل علي انها من خسائرهم ممكن تورينا طريقة طلوع الجنود في الدبابة لمن تكون من خسائرهم وطريقة طلوعهم لمن تكون من خسائر العدو! وبعدها تورينا ملاحظاتك علي الصورة وبالذات بالنسبة لحامل العصا وكيف وصلت لهذا النتيجة المذهلة! أما دي Quote: انظروا الي الشفع الواقفين قدام المدفع كانما بتفرجوا علي التفكيك لو سلمنا بصحة كلامك الأكبر من مقدرتنا على الإستيعاب وإنو الشفع ديل فعلاً واقفين يتفرجوا علي التفكيك. مش ممكن يكونو بيفككو في دبابة من غنائم الحركة الشعبية ولا لازم الدبابة تكون تبع الجيش السوداني عشان يفككوها!

العوض سلام
المنطق بقول كما قدحت الصور الاخري من باب اولي ان تقدح في الاولي وتسأل بانو ما في زول قال انو دي من ى خسائر دولة الجنوب وجاي هسع بعد اهلك الكيزان مسحوها بتسأل ؟ ده منطق ده
محمد فرح جاب نجيضة الصورة ومانفي ان اعلام النظام لم ينزل هذه الصورة وعلاء قاعد لينا في المنبر بالمرصاد ومع هذا لم ينفي وجاي انت وصاحبك الغواصة التاني محمد البشري بتنفو بطريقة غير مباشرة ومفتكرنها زكية .. كان تسألوا وتنفو في مداخلاتكم الاولي .. والان جايين بقلب قوي ..
وكدي حللوا لينا وجود البراميل في العربات المضروبة ووجود احد البراميل علي الباب ( يكون الانفجار لصقوا علي الباب بالشكل ده ؟ )

Quote: سلام يا جادات ما علقت على الصورة الأولى لأني ما شفت زول قال هي من خسائر حكومة الجنوب و هسع ما فات شي جيب لينا رابط و ليك علي أشهد بكذب من قال هذا. هسع في بوست جابه الأخ وائل فيه الكثير جدا من خسائرنا كسودانيين فمافي زول بقدر ينكر إنه في خسائر. و لكن في النهاية حقول النفط هذه حقولنا و لو كانت في يد النظام الآن فلا بد أن يأتي يوم يزول فيه هذا النظام و يرجع الحق لأصحابه. بعدين اعتراضك على إنه الواحد يكون من ناس الحق يقال شنو؟ إنت من ناس الباطل يقال ولا شنو؟

هيا جادات ...

Quote: وهل هذه اول مرة اطلق عليك كلمة غواصة ؟ اطلقتها عليك زمان

يطرشني و الله!! كدي كلّمني بالله متين انعمت علينا باللقب السامي ؟ ياخي الكذب في الراجل شيييين و خصوصا لمجرد نصر اسافير زائف
كدي جيب لي الرابط الغوّصتني فيه زمان دا
و معليش اعفي لي كان السؤال طلع ساذج, اسوّي شنو عاد المثل قال من عاشر القوم ولسان حالي هنا من داخل القوم هههههههه
اها باقي السؤال إن شا الله ما تلقاه ساذج "وين محل الغوص" يعني في سودانيزاونلاين مثلا؟
تبخيس عمل المعارضة باستمرار تحت عبارة الحق يقال ما عندي فكرة بسموهو شنو, لكن غالبا يكون بسموه : تبخيس عمل المعارضة باستمرار تحت عبارة الحق يقال
قلت لي قالوا لي سحبنا الصورة , هههههههههههههه سنة يا الخيال
واشمعنا المدفع ما جاتو حاجة, حظو كدا ياخي ربنا قدّر ليه كدا جات في البرج و هو مرق منها سليم
بعدين بوست امير قطر دا ياتو ابوي؟ نعلّو دا البشير : وفي السعودية استقبله امير الرياض ( يعني المحافظ ) && ( صورة )
غايتو الأمير الهنا أمير منطقة الرياض - يعني المحافظ يا قولك ههههههههه
بعدين يابا انا يوم واحد حصل قلت انا معارضة عشان يدفروني الكيزان ويقولوا الحق جا من ناس المعارضة كان ما عارف ومعتبرني غواصة في شكل معارضة اخير تعرف من اسي
كان للغواصة اعتبرني غواصة فري لانسر سليقة ساي
المعارضة و النضال خليناهن ليك انت
و القصة ما دفاع عن مصداقية موقع علاء بقدر ما هي فضح لهشاشة مصداقيتك انت دا - حسب التكليف عشان اريّحك هههههه
واهو قاعدين ما ورانا حاجة, فا شنو .. ما تدقس وتلفح ليك لفحة نيّة زي صورة العربية الحصل ليها حادث حميد رحمة الله عليه
تلقاني بي بايرسكوباتي و طوربيداتي و سوناري قدامك

محمد البشري
ان شاء الله اذا وجدت وقت سوف اجيب ليك الرابط
يا اخ استحي ما هو علاء موجود بالمنبر ليه ما يدافع عن موقعه ويثبت ان الصورة لم تسحب
ويا اخ استحي محمد فرح دعم الصورة ولم ينكر ان الاعلام الكيزاني نشرها
وجاي انت تسخر .. وكمان بضحكة من غير خجلة

Quote: هيا جادات ... Quote: وهل هذه اول مرة اطلق عليك كلمة غواصة ؟ اطلقتها عليك زمان يطرشني و الله!! كدي كلّمني بالله متين انعمت علينا باللقب السامي ؟ ياخي الكذب في الراجل شيييين و خصوصا لمجرد نصر اسافير زائف كدي جيب لي الرابط الغوّصتني فيه زمان دا و معليش اعفي لي كان السؤال طلع ساذج, اسوّي شنو عاد المثل قال من عاشر القوم ولسان حالي هنا من داخل القوم هههههههه اها باقي السؤال إن شا الله ما تلقاه ساذج "وين محل الغوص" يعني في سودانيزاونلاين مثلا؟ تبخيس عمل المعارضة باستمرار تحت عبارة الحق يقال ما عندي فكرة بسموهو شنو, لكن غالبا يكون بسموه : تبخيس عمل المعارضة باستمرار تحت عبارة الحق يقال قلت لي قالوا لي سحبنا الصورة , هههههههههههههه سنة يا الخيال واشمعنا المدفع ما جاتو حاجة, حظو كدا ياخي ربنا قدّر ليه كدا جات في البرج و هو مرق منها سليم بعدين بوست امير قطر دا ياتو ابوي؟ نعلّو دا البشير : وفي السعودية استقبله امير الرياض ( يعني المحافظ ) && ( صورة ) غايتو الأمير الهنا أمير منطقة الرياض - يعني المحافظ يا قولك ههههههههه بعدين يابا انا يوم واحد حصل قلت انا معارضة عشان يدفروني الكيزان ويقولوا الحق جا من ناس المعارضة كان ما عارف ومعتبرني غواصة في شكل معارضة اخير تعرف من اسي كان للغواصة اعتبرني غواصة فري لانسر سليقة ساي المعارضة و النضال خليناهن ليك انت و القصة ما دفاع عن مصداقية موقع علاء بقدر ما هي فضح لهشاشة مصداقيتك انت دا - حسب التكليف عشان اريّحك هههههه واهو قاعدين ما ورانا حاجة, فا شنو .. ما تدقس وتلفح ليك لفحة نيّة زي صورة العربية الحصل ليها حادث حميد رحمة الله عليه تلقاني بي بايرسكوباتي و طوربيداتي و سوناري قدامك

جادات هسي من مداخلتي الطويلة و عريضة و اللي بي سببها مشيت عتلت ليك البوست من الربع الفات ما لقيت حاجة محتاجة تعليق غير الرابط و إذا لقيت زمن كمان
طيب وقت تلقى زمن ما تنسى عندك التزام هنا برضك Re: صورة الحادث والعربة التي فجعت الناس في حميد ( صورة )

ثم ياخي استحي من شنو؟ هل لقيتني يوم لافح لي معلومة و جاي قاشر انطط بيها بدون التأكد منها
ولما يستبين كذبها سردبت وابيت اعتذر
و السخرية دي من نظرية المؤامرة العايشها و من منطقك بتاع قالوا لي سحبنا صورة الكرين وطلبوا مني اسألك من رابطها
بامانة منطق يبعث على السخرية ولا يستحق غيرها
و أقين ح اعيد ليك - حسب الأساينمنت بتاعي- ما مهمتي الدفاع عن مصداقية علاء الدين او محمد فرح اوغيرهن
مهمتي بيان هشاشة مصداقيتك انت دا و اضافوا لي عليها من كم يوم بهدلة منطقك البتغالط بيه

وآدي كمان ضحكة تانية من غير خجلة : هههههههههههههههههههههههههههه

محمد البشري
الرابط حا يجيك اصبر
الرابط بتاع حميد من باب اولي كان تتداخل فيه واثبت انو هي ليس العربة .. بعدين التزام شنو ؟ انت دايش ولا شنو اهو البوست موجود وجبتو بنفسك واخر مداخلة فيهو لصلاح جادات
تستحي من دفاعك عن الكيزان وتبخيسك للمعارضة
نظرية المؤامرة دي فرمالة الغواصات .. سخريتك باينة ولا تحتاج الي نظرية المؤامرة
المسالة لا محتاجة لمنطق ولا غيرو ارجع الي موقع قناة الشروق وسوف تجد الصورة في وقت تاريخها وناس علاء اذا لم يمسحوها كان عملوا من البوست هلولة
هسع علي الله وينو المنطق الببعث علي السخرية ( الكيزان نفسهم لم ينفوا الصورة بل عززوها وجاي انت تهضرب وتقول يبعث علي السخرية يا اخ اخجل ) انت كوز اكوز من الكيزان
السطر قبل الاخير ببين من انت ( اصبحت انا بالنسبة لك مهمة يعني مسلط علي .. قلت لي مهمتك بيان هشاشة مصداقيتي ؟ شايف الايام دي الصادق اسماعيل اوكل ليك المهمة )
يا اخ طفل ممكن يفهم من مداخلاتك من انت ؟
ها ها ها ( المنافق دائما بجي شايل ادلة نفاقوا براهو )

Quote: جادات هسي من مداخلتي الطويلة و عريضة و اللي بي سببها مشيت عتلت ليك البوست من الربع الفات ما لقيت حاجة محتاجة تعليق غير الرابط و إذا لقيت زمن كمان طيب وقت تلقى زمن ما تنسى عندك التزام هنا برضك Re: صورة الحادث والعربة التي فجعت الناس في حميد ( صورة ) ثم ياخي استحي من شنو؟ هل لقيتني يوم لافح لي معلومة و جاي قاشر انطط بيها بدون التأكد منها ولما يستبين كذبها سردبت وابيت اعتذر و السخرية دي من نظرية المؤامرة العايشها و من منطقك بتاع قالوا لي سحبنا صورة الكرين وطلبوا مني اسألك من رابطها بامانة منطق يبعث على السخرية ولا يستحق غيرها و أقين ح اعيد ليك - حسب الأساينمنت بتاعي- ما مهمتي الدفاع عن مصداقية علاء الدين او محمد فرح اوغيرهن مهمتي بيان هشاشة مصداقيتك انت دا و اضافوا لي عليها من كم يوم بهدلة منطقك البتغالط بيه وآدي كمان ضحكة تانية من غير خجلة : هههههههههههههههههههههههههههه

جادات
اخد راحتك ما وراي شي
كيفن التزام شنو؟ انت يا جادات بقيت تنسى ولاّ كيف؟ مش بكيبوردك كتبت لما تتاكد من مصادرك ح تعتذر !! دا الإلتزام الانا بتكلم عنو ياخوي
اذا شايف استنكار اللفحي و الأكاذيب المبذولة سمبلا ساكت دفاع عن الكيزان و تبخيس للمعارضة فا بي جازك يا خوي انت وشوفك وتقديرك ما بقدر - ولا اهتم - اغيّر فيه

ثم ياخي علامات المنافق ثلاث اذا تحدث كذب وإذا وعد أخلف وإذا أؤتمن خان ممكن توريني وين انا كذبت أو اخلفت وعد أو خنت
بعدين ياخي حيّرت السذاجة في رقبتها معقول تكون جادي في كلامك دا

Quote: السطر قبل الاخير ببين من انت ( اصبحت انا بالنسبة لك مهمة يعني مسلط علي .. قلت لي مهمتك بيان هشاشة مصداقيتي ؟ شايف الايام دي الصادق اسماعيل اوكل ليك المهمة ) يا اخ طفل ممكن يفهم من مداخلاتك من انت ؟

محمد البشري
دي المداخلة وين انا قلت بعد اتاكد من مصادري ؟ ( كذب يدل علي النفاق قول واحد ) انت اللفحي زاتو ما بتعرف تلفح زي الناس في نفس البوست وبوست صغير من حيث المداخلات وبعد ده تكذب ::
قلنا التأكد من معلوماتك ( مين البتأكد من معلومات الشايقي ؟ انا ولا هو ؟ وفعلا الفهم قسم )
وحيرت السذاجة فوق شنو ؟ انت قلت ان كشف هشاشة مصداقيتك اصبح مهمتي انت دا ( عارف يعني شنو مهمتك ؟ ولا انت بترمي الكلام ساي ومعاها تاكيد .. انت دا )
ساحاول افضا ليك

Quote: الاخ الشايقي جريدة الدار هي من ذكر ان العربة هونداي اكسنت واخذت منها بعض المصادر ومازالت بعض المصادر تؤكد لنا ان العربة هايلوكس ومتي ما تم التأكد من معلوماتك سوف نعتذر ولدينا الجرأة علي ذلك ولن نسحب البوست حتي بعد التأكد من خطأ المعلومة ود الباوقة لو كانت كل اخباري مضروبة لعملتوا منها هلولة وما بالك باخبار الصوارمي وتوابعه في المنبر وانت منهم

ساذج فعلا

محمد البشري
اليس الكذب من صفات النفاق ؟
حرقتك الكذبة القبضناها عليك

Quote: جادات اخد راحتك ما وراي شي كيفن التزام شنو؟ انت يا جادات بقيت تنسى ولاّ كيف؟ مش بكيبوردك كتبت لما تتاكد من مصادرك ح تعتذر !! دا الإلتزام الانا بتكلم عنو ياخوي اذا شايف استنكار اللفحي و الأكاذيب المبذولة سمبلا ساكت دفاع عن الكيزان و تبخيس للمعارضة فا بي جازك يا خوي انت وشوفك وتقديرك ما بقدر - ولا اهتم - اغيّر فيه ثم ياخي علامات المنافق ثلاث اذا تحدث كذب وإذا وعد أخلف وإذا أؤتمن خان ممكن توريني وين انا كذبت أو اخلفت وعد أو خنت بعدين ياخي حيّرت السذاجة في رقبتها معقول تكون جادي في كلامك دا

ما قلت ما وراءك حاجة وانا مهمتك
هسع مداخلتك الفوق دي يفهموا منها شنو ؟ قمة السذاجة
عجزت عن الرد ؟ هاها ها
كذبة واضحة وهروب اوضح
ولسه حانجيب الرابط
عشان الزيك ده يرعي بقيدو

Quote: ساذج فعلا

جادات...
طيب رايك شنو لو قلت ليك كلامي دا عاملو شرك للداقسين الزيك ههههههههههههه
يا خي انت معقول ساذج للدرجة دي ؟! وعاجز عن التقاط الإستهزاء بيك و بطريقة تفكيرك و السخرية منها الفي كلامي ؟
يعني معقول اعمل ليك تاق مع كل جملة انو دي جد و دي سخرية و دي مسخرة ودي ضحك عليك
كم اوون يا عمك, مفروض انت اوعى من كدا
و نحن نقعد نستهزأ يعني و لا نشرح

محمد البشري
والكذبة التي اوردتها في هذا البوست برضو استهزاء ######رية وضحك علي ؟؟؟ هاهاها
ومصداقيتي ومهمتك والالتزام وهلمجرا ........ برضو سخرية وضحك ؟؟؟ هاهاها
ده انت تحفة

Quote: جادات... طيب رايك شنو لو قلت ليك كلامي دا عاملو شرك للداقسين الزيك ههههههههههههه يا خي انت معقول ساذج للدرجة دي ؟! وعاجز عن التقاط الإستهزاء بيك و بطريقة تفكيرك و السخرية منها الفي كلامي ؟ يعني معقول اعمل ليك تاق مع كل جملة انو دي جد و دي سخرية و دي مسخرة ودي ضحك عليك كم اوون يا عمك, مفروض انت اوعى من كدا و نحن نقعد نستهزأ يعني و لا نشرح