مبروك يا تراجي مصطفى(والي القضارف)يدعم خطك بتطبيع العلاقات مع اسرائيل

حيث كشف السيد كرم الله عباس الشيخ والي القضارف
خلال مخاطبته فاتحة اعمال المجلس التشريعي لولاية القضارف
عن وجود مجرسة داخل المؤتمر الوطني توافق على التطبيع مع اسرائيل
واعدا بتطبيع علاقات السودان مع اسرائيل حال تسلمه حقيبة الخارجية (يعني كان بقى وزير خارجية وكده)



ونحن نسأل هل فعلا هنالك مدرسة داخل المؤتمر الوطني
تقود خط التطبيع مع الكيان الصهيوني

وطالما توجه السيد والي القضارف الى هذا المنحي (اي يرغب في التطبيع مع اسرائيل)
فلماذا ينتظر حتى يصبح وزير خارجية السودان؟؟؟
ما ياها اسرائيل لديها تواجد في اريتريا واثيوبيا والان لديها توسع في الجنوب ... وهذه الثلاث دول قريبة جدا مع ولايته
كان ما لديها حدود مباشرة معها ( مثال اثيوبيا واريتريا)
فليمد السيد والي القضارف اتجاهه صوبهم
سيجد اسرائيل فاتحة له زراعيها
ولكن بعده لكل حادث حديث

ومن جهل السيد والي القضارف اعتباره ان قرار التطبيع مع اسرائيل قرار بيد وزير الخارجية (حتى يتمنى انه حيطبع مع اسرائيل لو اصبح وزير خارجية السودان)
الا يعلم ان الامر قرار قومي مرتبط بالامن القومي السوداني وبثوابتنا الوطنية

يعني شغلة كده اكبر من قرار يتخذ من وزير خارجية فقط

عموما كثرت في الفترة الاخيرة الخطابات الاعلامية (المشاترة) للسيد كرم الله عباس
حتى انه السيد رئيس الجمهورية في لقائه مع قيادات الخدمة المدنية مؤخرا في مجلس الوزراء
وجه للسيد كرم الله كلامه على الملأ بالقول (ولا شنو يا كرم الله الشيخ)

فمن يضبط الخطاب الاعلامي للولاة
وهل المركز هنا لديه رقابة وتحكم على الولاة فيما يصدر منهم من اقاول وتصريحات

Quote: عن وجود مجرسة داخل المؤتمر الوطني توافق على التطبيع مع اسرائيل

فعلا مجرسة من الجرسة!
الدق الشافوهو فى بورتسودان دا يخليهم يطبعوا مع الشيطان ذاتو!
زمان عاملين فىها مدرسة الليلة بقوا مجرسة!
جنى

Quote: فعلا مجرسة من الجرسة! الدق الشافوهو فى بورتسودان دا يخليهم يطبعوا مع الشيطان ذاتو! زمان عاملين فىها مدرسة الليلة بقوا مجرسة! جنى

لا يخفى على فطنة القارئ
انو خطأ مطبعي
نسبة لسرعة الطرطقة على الكيبورد
ياجني ماك شايف انو الدال والجيم جنب بعض في كيبورتيك
فلماذا الفهلوة!!!!!!!!!!!!!!

Quote: ا يخفى على فطنة القارئ انو خطأ مطبعي نسبة لسرعة الطرطقة على الكيبورد ياجني ماك شايف انو الدال والجيم جنب بعض في كيبورتيك فلماذا الفهلوة!!!!!!!!!!!!!!

يا استاذة انت اصبت حين اخطات وانا اهتبلت الفرصة للتاكيد على
اعرف تماما انها خطا طباعي
هسة يجوا يغنوا الشرامة
هيييى مجرسة مجرسة!
جنى

Quote: ياجني ماك شايف انو الدال والجيم جنب بعض في كيبورتيك فلماذا الفهلوة!!!!!!!!!!!!!!

يا ميادة اسع نقوم نجهجه البوست بتاعك دا؟

كيبورتيك يعني تقنية الكيبور

ميادة

ليش كرم الله

الطيب مصطفي ماياهو بعمل في مخطط اسرائيل بي حذافيرو فصل الجنوب تفتيت السودان

اكبر خدمة قدمتها الانقاذ لاسرائيل في خلال العشرين سنة الماضية

والله يا ميادة دا تطور لافت ياخ

ووالي القضارف دا أحسن وأعقل زول

تطبييييييييع عديل كده غايتو لو الأمور مشت بالطريقة دي

الواحد ممكن يحلم بإنو فطور العريس

ممكن يجي من تل أبيب مباشرة ...


مكســـــــــر في تســــبني ليفني!!

..
..

__
تحياتي

والي القضارف يطبع مع اليهـود

ووالي النيل الأبيض يرفع التمام ويشتم ويجاهد ضد مخططات اليهـود

على الأقل ضبط (الـ ريزم) يا رعاكم الله,

عشان المواطن المسكين دا يعرف وين اتجاهاتكـم

بعد بكره يطلع أبوهم (ماشي جـوبـا )

ونرجع تاني (ما تمشي سيدي الرئيس ما تمشي .... إلخ )


أحمد الشايقي

سلام يا ميادة ..

Quote: سيجد اسرائيل فاتحة له زراعيها

وهل الزين والذال جنب بعض في الكيبورد بتاعك ؟؟

إنتي مستعجلة في شنو ؟؟

ثم ثانياً ..

ياخ والي القضارف ده إمكن ما قدر يطبِّع مع الحيكومة المركزية في الخرتوم ..

وشاف إنه إسرائيل أقرب ليهو من الخرتوم .. وكده !! .. فيها شنو يعني ؟

خيرا تحدث السيد كرم الله
محاولة النظام السوداني للتطبيع مع الدولة العبرية سريا نظير ان تغض الولايات المتحدة الطرف عن جرائمه ضد الشعوب السودانية امر ليس بجديد
لكن للاسف لم يجد من يلتفت الي ذاك النوع من المساومة الرخيصة
السيد كرم الله كعادته رجل في غاية الوضوح لذا اراد كشف الحقيقة وهو من القلة الذين لا يهابون في قول رأيهم احدا بما فيه السيد الرئيس السوداني عمر البشير

كثير من انصار النظام الحاكم في الخرطوم من الشباب لا يعرف حقيقة دولة اسرائيل
الاسرائيليون اناس يتطلعون للعيش بسلام جنبا الي الجنب مع ابناء عمومتهم من العرب - لكن الاخوة العرب لا يرغبون في العيش مع الاسرائيليين

تعرض الشعب الاسرائيلي الي التشويه من قبل الاعلام العربي و مازال يتعرض

ارجو ان يتفهم الاخوة السودانيين حقيقة الشعب الاسرائيلي بعيدا عن التشويه

اليهود و الاسرائليين اخوتنا في الانسانية

sorry

والله كلما تعاملت مع فلسطيني ادركت ان اسرائيل اصلها ما غلطانة.
ما يطبع معاها فيها شنو؟ هدي حماس تبيع وتشتري وبتشاكل في اسرائيل عشان تحول القروش لحماس في غزة مش للسلطة في الضفة لانها شغالة غفير صاحي لحمايةاسرائيل من صواريخ المتفلتين.

زماااااان كلمتكم قلت ليكم والى القضارف
دا ح يجيبها ليكم ضقلها يكركب
( رغم انى والله ما عارفاها يعنى شنو !)




المهم





ــــــــــــ
رج رووج هسه بتكون نايمه لعن الله من ايقظها !
الرجاء مراعاة فروق الوقت ..







ــــــــــــــــــــ

Quote: فلماذا ينتظر حتى يصبح وزير خارجية السودان؟؟؟ ما ياها اسرائيل لديها تواجد في اريتريا واثيوبيا والان لديها توسع في الجنوب ... وهذه الثلاث دول قريبة جدا مع ولايته كان ما لديها حدود مباشرة معها ( مثال اثيوبيا واريتريا) فليمد السيد والي القضارف اتجاهه صوبهم سيجد اسرائيل فاتحة له زراعيها ولكن بعده لكل حادث حديث

الكلام دا يا ميادة بعدين بتابوووهو ...
ما شفتى سيف الاسلام اتجدع كيف بالكلامات !
قصتو انتهت بى انو قطعوو لى اصابعينو
الكان بهدد بيهن ديك !!
هدو اللعب ياخ
قلتو كدا لى ناس النيل الازرق ومشوا
قلتو كدا لى ناس جنوب كردفان ومششوا
قلتو كدا لى ناس دارفور ومشوا
ومن قبلها لناس الجنوب فمشوا دون رجعه

وانتو ما دايرين علاقات مع اسرائيل لييه ؟
عشان غلطانة على فلسطين ؟
ملكييين اكتر من الملك ؟
الفلسطينيين ذاااتهم طبعوا علاقاتهم مع اسرائيل
بتاجروا معاها وبتزوجوا منهم .. وبحبوهم
ما شفت شاعر الثورة والمقاومة لما حبا ريتا الاسرائيلية
وكتب فيها قصيدة عصماء جرت بها الازمان !!
بين ريتا وعيونى بندقية ..

هسه والى القضارف دا كان سالكم قال ليكم مالها اسرائيل ؟
اها خلاس حوشوا دولة فلسطين من عمل علاقات مع الدول
البتحارب فيكم تقدروا ؟؟؟










ـــــــــــ
غايتو مافى زول عرف ليكم ذى والى القضارف دا !
كل يوم يلم ناسوا يقول ليهم الدايرو
البشير يمشى لى هناك يرقص معاه ..

ميادة دا والى القضارف القال الشباب يعرسوا الحبشيات ولا واحد تانى

Quote: عشان غلطانة على فلسطين ؟ ملكييين اكتر من الملك ؟

دندونتي إزيييييييييك
أسع انا قلت عشان الفلسطينيين !!!!!!!!!!
أكتر شعبين ما بطيقهم وبكرهم عدييييييييل كده دا
الفلسطينييين والمصريين
(مع انو اخوالي مصريين شفتي كيف)

واحتمال لو خيروني بين الفلسطينيين واسرائيل
والله ما بعيد افضل اسرائيل
شوفتي كيف؟؟؟؟؟؟

والله يا ميادة من تعليقك الاخير دا شكلو دايرين تطبعو بس خايفين من منو ما عارف!! الا يكون من الشعب الكل يوم شابكنو اسرائيل معطلانا واسرائيل سبب مشاكلنا. انا ما عارف منو من القادة الاسرائيليين القال "العربي لو حصلت مشكلة في بيتو بيقول دي اسرائيل"
عموماً الكلام دا ما قديم واعتقد انه غازي صلاح الدين قبل كدة في الاردن هدد مصر بانه ممكن يعملو علاقات مع اسرائيل ومصطفى عثمان طلب من الامريكان حسب ويكيليكس ان يصلحو علاقاتهم مع اسرائيل
والي القضارف دا ما كفر.

ياخى والى القضارف ده اكتر زول تحفه .. وجه الشبه بينو وبين تراحى كان فى ( الرجه ) حسا شايف
كمان جابت ليها تطبيع ... يبقى بعد ده يشوف ليهو حساب فى منبر نيو سودان وكده يبقى التكامل تما



مياااااده ازيك ياخ

Quote: ما شفت شاعر الثورة والمقاومة لما حبا ريتا الاسرائيلية وكتب فيها قصيدة عصماء جرت بها الازمان !! بين ريتا وعيونى بندقية ..

ريتا ترتب ليل غرفتنا : قليل هذا النبيذ

وهذه الأزهار أكبر من سريري

فافتح لها الشباك كي يتعطر الليل الجميل

ضع ههنا قمراً على الكرسيّ

ضع فوق البحيرة

حول منديلي ليرتفع النخيل أعلى وأعلى

هل لبست سواي ؟ هل سكنتك إمرأةٌ

لتجهش كلما التفّت على جذعي فروعك ؟

حكّ لي قدمي وحكّ دمي لنعرف ما

تخلفه العواصف والسّيول

منّي ومنك ...

تنام ريتا في حديقة جسمها

توت السياج على أظافرها يضيء

الملح في جسدي . أ حبّك .

نام عصفوران تحت يديّ...

نامت موجة القمح النبيل على تنفسها البطيء

و وردة حمراء نامت في الممر

ونام ليل لا يطول


***

هى بالله ريتا دى اسرائلية....من القصائد
التى احبها جدا ...ووضعت اسم ريتا فى ال
waiting....لكن كويس نبهتينى ...اكتفى
باعجابى بالقصيدة وبشاعرية درويش ...
واسم ريتا (خلى يولى ) ....

Quote: مياااااده ازيك ياخ

اهلا بيك يا عوضاي
مشتاقين وكده

Quote: يبقى بعد ده يشوف ليهو حساب فى منبر نيو سودان وكده يبقى التكامل تما

يازول الصهاينة شغالين شغل تقيل في ارتريا واثيوبيا
فلو شمو خبر توجه والينا المكرم هذا
ما بعيد هم يودوا ليه المنبر لحدي عنده
لووووووووووول على قول دينا خالد

واحتمال لو خيروني بين الفلسطينيين واسرائيل
والله ما بعيد افضل اسرائيلii

زميلة بالمخابرات الاجنبية

دي ما سبقك فيها حامد برقو العميل السابق للموساد و الحالي لي RAW

يا سلام يا ميادة ياخ
اجابتك اثلجت صدرى لقيتك نااااقشه
طيب ممكن تقولى لى مشكلتنا مع اسرائيل شنو؟؟؟
لانو انا مرات بحس انو المشكلة كلها وجدانية
حاجة كدا اتزرعت فى وجداننا من وانحنا صغار
قمنا عليها .. وما قاعدين نناقشها باعتبارها
من المقدسات .... ولا شنو ؟؟











ـــــــــــــ
جاوبى قبل ما تراجى تصحى وتكسرا لينا فى راسنا !
لووووووب .. بالمناسبة دايما الكلام البتقولوا
تراجى الناس بتصل لى بعد مدة .. ما شليقة ..

Quote: ومن جهل السيد والي القضارف اعتباره ان قرار التطبيع مع اسرائيل قرار بيد وزير الخارجية (حتى يتمنى انه حيطبع مع اسرائيل لو اصبح وزير خارجية السودان)

مسكين هو من زمن الوزير يرسـم سياسـة وزارتو بحرية، ما عارف الوزراء بقو صـور.. وزراء الخارجية الحقيقيين كانوا ناس منصورخالد وقبله محمد احمد محجوب

صباح الخير يا دندونه؟!

Quote: جاوبى قبل ما تراجى تصحى وتكسرا لينا فى راسنا ! لووووووب .. بالمناسبة دايما الكلام البتقولوا تراجى الناس بتصل لى بعد مدة .. ما شليقة ..

(ههههههههههههههههههههههه)
طيب كلمي حبيبنا عرمان!

اها يا ميدو صباح الخير
بجيك بهدؤ قبلها خليني اونسك بس يا غاليه....
كدي اسالي عمك د.غازي صلاح الدين عتباني عن تجارة سمسم القضارف الابيض مع اسرائيل!!

لحدي ما ارجع لك لاحقا.

كرم الله دا مخرمجاتي
كل مرة طالع بي حاجة في الكفر


لكن عيب يقول للشباب يعرسو الحبشيات
نحن نشجع الصناعة الوطنية
والبضاعة الوطنية
والزوجة الوطنية
ونأكل مما نزرع
ونلبس مما نصنع
وننوم من في الكراسي من كتر ما بنتعب

هسة في داعي للكلام الاخير دا؟؟

بالله يا تراجي تاريكي شايلة النايحه ساكت والجماعة راقدين ليهم فوق راي يطلعه ليهم كرم الله شخشياً. بالله العظيم الكلام دا لو لحق قالوا زول عادي يومه داك مايلقى ليه محل يرقد فيه . لكن ياهو والي وكسر جره وقابل شره. الغزاااااااااالة

بحيراوي

Quote: هى بالله ريتا دى اسرائلية....من القصائد التى احبها جدا ...ووضعت اسم ريتا فى ال waiting....لكن كويس نبهتينى ...اكتفى باعجابى بالقصيدة وبشاعرية درويش ... واسم ريتا (خلى يولى ) ....

والعجب لو سمعت معتصم ازيرق بغنيها
جنى